ضاقت من كل شي تشوف انها صايره ممله وكئيبه ,, اوووووف عسى ماشر هيفاء وشفيك كذا ,,
دخلت تاخذ شاور وتحس انها فرريش شوي ,, جهزت مبخرة وبخرت شعرها ,, احلى شي في الدنيا عندها البخور والعطور ,,
لبست لها جلابيه شيفون حرير مبطن ,, وقصته واسعه وفيه حجر في الصدر بشكل راقي ,, ما حبت تحط مكياج كأنه اوفر حبت تكون طبيعيه ,,, رتبت شعرها وخذت لها شرشف لشعرها ونزلت ,,
لقت ام طلال وامها لطيفه يسولفون عن حرمه قد عاشت في الرياض وانتقلت لديرتهم وتفاجأت ام طلال انهم يعرفونها ,, وسولفت لها عنها شوي وهيفاء مستمعه لهم ,,, دخل فهد وهم منسجمين وطاحت عينه على هيفاء ,, جذبته بتألقها اللي ما يليق الا لها ,,,
كمل طريقه داخل وسلم على ام طلال ولطيفه وقعدت بينهم وهو يحاول ان يجرهم في سوالف تونسهم وتغير الجوو على جدته ,,,
وكل شوي يلتفت من غير شعور لهيفاء :,, شكلها وهي مستمعه لهم وبقعدتها وطريقتها في الجلسه كنها لوحه فنيه ,,, ,,,
ام طلال : وين القهوة يا هيفاء ,,,
اووووو وين راح من بالها هالشي مو عوايدها ,,,
هيفاء : شويه بس ,,, وقامت وعين فهد عليها لحد ما طلعت ,, وام طلال ولطيفه يدعون لها وفهد بالسعاده ,,,
جتهم مريم وريما وكملوا معهم سوالف لحد ما جات هيفاء ,,
حطت القهوة على الطاوله ومدت لفهد فنجال,, وبينهم نظرات تحمل كلام كثيير ,, ومحد تابعها الا ريما اللي انبسطت على الاخر ,,,
قام فهد بيطلع للخيمه عند الشباب ,, وهو رايح التفت لام طلال : تآمريني شي يمه ,,,
ام طلال : سلامتك يا عمري
طلع فهد بس ترك شي عند هيفاء ما عرفت وشو ,, هل هو حب او تقدير , او احترام ,, بالضبط ماعرفته بس نظرته فيها تعبير عميق ,,
استمرت السهره لوقت متأخر جدا على غير العاده ,,, بس سوالف ريما تجذبهم بشكل غير طبيعي ,,وخصوصا اذ جت تقلد حركاتهم وبالذات مشية هيفاء تضبطها حييييل والا ضحكة لمياء ,, يوووو شي ثاني ,,, وام طلال حست فعلا بنعمة انهم رجعوا لها ,,, وكيف انها فاقدتهم سنين طويله ,,,
قامت لطيفه تروح غرفتها ووصلتها لمياء ,, تحب انها تجهز فراشها وهيفاء تكمل مع جدتها لحد ما تخلص برنامجها االليلي وتدخل فراشها
طلعت هيفاء غرفتها حبت انها تبدل وتنام على الكنبة قبل يجي فهد ,, عقب غيرت رايها ,, وكملت قعدتها عند التلفزيون ,,, شافت لها كم قناة,, واستقرت على برنامج حوار باللغة الانجليزية تحب تتابعه ,,,
ماحست الا بجفونها ثقلت وحاولت تقاوم لكن مافيه امل ,,, نعست ونامت في مكانها ,,, ماحست بفهد اول مادخل الغرفه وشافها ,, جاء يمها كانت حاضنه مخدة الكنبة بين ايديها سحبها بشويش ,,, وشال هيفاء بين ايديه كنه يشيل ريشه خفيفه ,,, ونومها على السرير ولحفها بدون ما تحس بشي ,,,
دخل وخذ له شاور وبدل ملابسه ,, في هالاثناء ,, صحت هيفاء وفتحت عيونها شوي وعرفت انها في السرير ,, متى وكيف مادرت بشي ,, اكيد فهد هو اللي جابها هنا ,,,سمعته يفتح الباب بيدخل عندها ,, غمضت عينها بسسسسرعه وكملت انها نايمه ,,, فهد خذ جواله ووتركه على الطاولة ,, ودخل في الفراش ,, ودقايق الا هو مسترخي ونايم ,,, هيفاء اللي مرخيه سمعها بالكامل اول ما حست فيه انه ناااام قامت وغيرت ملابسها وخذت لحافها ورجعت للكنبه ونامت بعمق لأنها حست انه يوم طويل جدا ,,,,,
لمياء وفيصل ابتدأ ليلهم من رجعة فيصل من الخيمة ,,,
يحبون يستمتعون بكل دقيقه مع بعض ,, لمياء عنده برستيج لفيصل يحس بدخلته للغرفه انه يدخل عالم ثاني وجميل جدا ما وده يطلع منه ,,,
لها حركات حلوووه تحب تجهز قهوة وشاي وكابتشينو مع سويت مشكل على جنب ,, وتجهز جرايد الصباح ومجلات اسبوعيه على جهة
وتحب تشتري دوووم ورد وتزين به مكانها غير مفارشها اللي توحي لك انها شي مو طبيعي كل هذا مجهزته لمياء معاها ونقلته للمزرعه لأنها تحب فيصل يستمتع بوقته ولا يتغير عليه شي ,,,
كانت مجهزه كل شي قبل تطلع لريما وهيفاء بس بعد ما سمعت كلام هيفاء تنكدت وحست بهم هيفاء ,,, ما بغت تقول لفيصل اي شي
لكن مع السوالف وكل ما سولف فيصل في سالفه حس انها مو حبيبته اللي كل ليله تستمتع بحديثه
فيصل : لمووو يا قلبي يوجعك شي ,,
لمياء : لبيه .., لا يا عمري مافيني شي ,,
فيصل : على فيصل هالكلام ,, حطي عينك في عيني اشوف ,,,
لمياء رفعت عيونها له وهي مليانه دموووع ,,, خايفه على هيفاء ومستقبلها ,,,
هيفاء : انا مدري ان هيفاء عندها مشكله مع فهد ,, ارجوك يا فيصل كلم فهد ,, هيفاء حساسه على انها تبين لك قوتها ,,
ارجوووك يا عمري ما يصير ,,
فيصل : هدي هدي وش صاير علميني ,,,
كالعاده امتد ليلهم لين الفجر وصلوا ثم ناموا على وعد فيصل لها انه كلها سوالف تصير عاده بين المتزوجين ولا تاخذ في بالها وهو عون لها ولهيفاء ,,,,
قامت هيفاء من بدري وشافت فهد للحين نايم قامت لفت ملحفها ورتبت مكانها ودخلت تبدل ملابسها
قعدت في غرفة الملابس فتره وهي تجهز حالها ما بغت تزعج فهد ,,, لبست لها بنطلون جينز وفوقه توب ناعم معه شال لفته على الرقبه بشكل حلووو ورفعت شعرها لفوق ,,, ولبست صندل نعوووم يناسب اناقتها وطلعت ,,,
وقفت عند تسريحتها وخذت عطرها الصباحي وحطت منه على شعرها وملا بسها ,, وسمعت فهد يكلمها
فهد وهو متسند على المخده وشكله يراقبها من دخلت عند التسريحه وهي ما انتبهت ,,,
فهد : صباح الخير ,,
هيفاء وهي تلتفت له بهدوء : صباح النور ,, ازعجتك ,,
فهد : لا وين بتروحين ,,,
هيفاء : موب رايحه .,, بنزل تحت عند جدتي وامي ,,
فهد : بذا الشكل
هيفاء : هيفاء وهي تشوف شكلها ,,, وش فيه ,,
قامت هيفاء من بدري وشافت فهد للحين نايم قامت لفت ملحفها ورتبت مكانها ودخلت تبدل ملابسها
قعدت في غرفة الملابس فتره وهي تجهز حالها ما بغت تزعج فهد ,,, لبست لها بنطلون جينز وفوقه توب ناعم معه شال لفته على الرقبه بشكل حلووو ورفعت شعرها لفوق ,,, ولبست صندل نعوووم يناسب اناقتها وطلعت ,,,
وقفت عند تسريحتها وخذت عطرها الصباحي وحطت منه على شعرها وملا بسها ,, وسمعت فهد يكلمها
فهد وهو متسند على المخده وشكله يراقبها من دخلت عند التسريحه وهي ما انتبهت ,,,
فهد : صباح الخير ,,
هيفاء وهي تلتفت له بهدوء : صباح النور ,, ازعجتك ,,
فهد : لا وين بتروحين ,,,
هيفاء : موب رايحه .,, بنزل تحت عند جدتي وامي ,,
فهد : بذا الشكل
هيفاء : هيفاء وهي تشوف شكلها ,,, وش فيه ,,,
فهد : اذا صرتي في المزرعة ما ابي ذا اللبس بعدين فيصل موجود ,, افرضي طلع في وجهك ,,
هيفاء : فيصل ما يدخل الا لما تجي لمياء وهم ما يجون قبل العصر
وبعدين مو اول مره البس كذا في المزرعه,, ولا اطلع لاي احد مو محارم ,,,
فهد : انا قلت لا يعني هي كلمه واسمعيها ولو سمحتي ادخلي بدلي ,,
هيفاء وهي ترفع حاجبها : يعني تقول لي هذه غيره ,,,
فهد : وش ماودك تسمينها سميها ,,,
مرت هيفاء من عنده ودخلت غرفة الملابس ما بغت تتهاوش معااه من متى هو حريص على شكلها ولبسها ,, هي احرص على نفسها منه ,, بس هو شكله جاي المزرعه يبي يتأمرر ,,,
فتحت الدولاب ما لقت الا فستان بعد لو لبسته بيبن شكلها مغري اكثر ,, اكثر اغراضها في الغرفة الثانية حقت البنات ,,,
وهي تافف من وضعها ما انتبهت ان فهد واقف على طول وراها ,,
فهد هااا حصلتي شي ,,, صرخت خفيف ما انتبهت له
هيفاء بأسم الله وش جابك هنا
فهد وهو يضحك :: لا مريت ابي اغسل شفتك شوي وبتضربين دولابك ,, قلت اساعدك
هيفاء : الحين وش يضحك ,,
فهد وهويرفع يده لخدها ويمسح على حاجبها المرتفع ,,,: شكلك وانتي زعلانه يضحك ما يليق لك الزعل
هيفاء تحاول تمسك نفسها بقوووه لان فهد شكله غير خطته تجاها فيماهو يترك لها القرار ويعطيها حريتها ,,, الا هو يتقرب لها بطريق غير مباشر ,,,
هيفاء : مو زعلانه بس طريقتك واوامرك اني اغير لبسي ما شفت لها داعي وفيصل ما اطلع له ابد
فهد وبهدوء شديد : ما يحق لي اغير عليك ,, وخذها بين يديه وضمها بهدوء اشد ,, وكمل جملته : اخاف يحسدوني عليك ,,,,,
ما شافت هيفاء بنفسها الا وهي تقوله اسمح لي بروح اخذ ملابسي من غرفة عمتي مريم ,,, وطلعت وهي تسمع دف قلبها بقووووه وبيصم اذاانها ,,,,
دقت غرفة عمتها بيد ترتجف وفتحت لها رهف وقالت لها ان امها نامت في الغرفة الثانيه ,,, دخلت وهي مو مستوعبه وش تشوف وش تأخذ بالها عند فهد وحركته اللي سواااها ,,, مادرت حست ان الوقت مر وهي على الحال ذا ,, فقررت تطلع جلابيه حرير ثقيله شوي بس الوانها على البنفسجي وتدرجاته ,, البستها في غرفة البنات وغيرت شكلها وطريقة شعرها ,, ونزلت لجدتها
فهد رجع لسريره وحس براحه انه تكلم مع هيفاء شوي غمض عينه راح فكره بعيد ,,,,,
اول مانزلت هيفاء وحصلتهم على طاولة الطعام يفطرون جدتها وامها ,,, رحبوا فيها وقالوا لها تشاركهم ,,
وهم في سواليفهم ,, قالت لها ام طلال : عمتك هدى وبناتها بيجون اليوم وبينومن هنا االاجازة ,,, شوفي الشغالات يرتبون لهم غرفة ,,’
هيفاء وهي مغتمة من داخل : ان شالله يمه ,, كملت فطورها وقامت تشوف الشغالات تعطيهم خبر عن الترتيبات الجديده ,,, ولما شافت نفسها حره شوي وومافيه اي شي تسويه ,, خذت شرشف الصلاه والبسته وطلعت تبي تشوف الخيول ,,,
قعدت عندها فتره مو بسيطه تحاول تركز على اشكالها والوانها تبي تفرق بين كل واحد والثاني ,, سمعت فهد يقول لها : اللي يشوفك وانتي تشوفينها يقول انهم بيعطونك فيها اختبار ,,,
هيفاء ضحكت على تعليقه : مو قصدي كذا بس الخيول حلووه ومتشابهه في الالوان واكيد بينها فرق وهذا اللي اركز عليه ,,,
مسك يدها قال طيب تعالي ,,,وريني اي واحد اللي عطيتك اياه ,,,
ضحكت من دون قصد : لا لا توهقني اصير كني غبيه ,,
فهد ::: لا لا تعالي وشوفي يمكن تتذكرينه ,, انتي كنتي واقفه تشوفينه ذاك اليوم اكيد عجبك اكثر منهم كلهم ,,,
ما زال يمسك يدها وما حب يتركها ,,, وهيفاء تحاول تطلع الحصان من المجموعة الموجوده ,,,
هيفاء : اممم ,, لحظه ,, بشوف وهي تاشر بيدها على واحد ,, لا لا اي ,,, اي هذا هذا واشرت على واحد لونه جدا مميز افتح بشويه من الجميع وفيهلون ابيض في جبهته طريقتها غير شوي بالاضافه ان عينه كانت فاتحه وغريبه
فهد : صح :: ما شالله عليك ,, هو ..هذا اسمه (( جراح ))
هيفاء : هو لحد معين والا لك والا لعمي ,,
فهد : هذا اغلى واحد في المزرعة ومو مسموح لاي احد يركبه ,,
هيفاء وهي تفتح عيونها كعادتها اذا استغربت شوي : لمين ,,,
فهد : لي ,,
تأثرت هيفاء من طريقته معها : فهد ترى انا عادي وما اعرف لها انا ما ودي تعطيني اياه ,,,
فهد : بتعرفين وانا اللي بعلمك عليها ,, كل يوم بطلعك عليه وش رايك
انحرجت هيفاء وحست بالفعل انها محرجه منه حيييل : ودي اي وقت انت فاضي ما عندي مشكلة
رجعوا للفيلا عند جدتهم وظلوا معها طول الظهر فيصل ولمياء مالهم حس ,,, وريما نايمه ومريم مشغوله مع عيالها ,, وما بقى الا الحريم الكبار وفهد وهيفاء ,,,
فهد : وشرايك نطلع نسوق بالسياره وهو يكلم هيفاء ,,,
هيفاء : ما عندي مانع وشافت انها بدت ترد عليه براحه وما تحس نفسها مستحيه منه ,,,,
قام فهد ومسك يدها وقامت له وام طلال تشوف ومبسوطه على الاخر وتدعي لهم ان الله يسعدهم ,,,
طلع فهد وهيفاء بجنبه لحد ما وصلوا مكان يبعد عن مزرعتهم بكم كيلو ,, ومنظره رووووعه رمل وفيه زهور بريه واعشاب يفتح النفس ,, مكان يرد الروح ,,, ما قاومت هيفاء نفسها
هيفاء : فهد ممكن ننزل هنا شوي ,,,
فهد : من عيوني ,,, ووقف سيارته ونزل منها وجاء يم هيفاء اللي نزلت وخذت نفس عميق ,,,
حست ببرودة الهواء تدخل في اعماقها مع ريحة الزهور المميزة ,, ما راح تنسى اللحظه هاذي ابد
نزلت وقعدت على الرمل وفصخت صندلها تبي تحس ببرودته في قدمها وفهد يطالعها متأمل شكلها
جلس جنبها وشاف بعييد بعييد ,, وحس اللحظه ذي حلوه بكل مافيها جمال المنظر وروعة الزهور وكمله شكل هيفاء وهي بجنبه وشرشفها على كتفها وشعرها على خدها منظرها حلللو مثل برائتها الطبيعية ,,,
خذ فهد يدها في يده وجابها جنبه شوي ومسح على شعرها برفق شديد ..,,, مرر يده على حواجبها وعيونها وخشمها وشفايفها
فهد : سبحان اللي خلقك ,, ما شالله عيونك فيها لمحة حزن مستحيل تخفينها وتظهرين قوتك في تصرفاتك
ما حبت انهاتسمع كلامه لانه يكشفها بسهوله
هيفاء : حلووو المكان
فهد : شفت بنات ولفيت العالم بس ما شفت مثل برائتك ,,, لها طابع خاص احسه لك بس ,,,
هيفاء : فهد ممكن نرجع يمكن جدتي تبي شي
فهد : هيفاء ممكن تعطيني فرصة اعوضك عن اللي صار كله ,,,
هيفاء امتلت الدموع في عيونها ونزلت على خدها وفهد يمسحها بيده ثم خذ كمه وكمل به فما كان من هيفاء الا ضمته لها بقوووووه لانها ابلغ من اي كلام آخر
((الجزء الواحد والعشرين ))
وقت السعادة بسرعة يمضي وما نحس فيه وهذا حال هيفاء وفهد اللي ظلوا في مكانهم ساعتين كأنها دقيقتين من حلاتها ,,
هيفاء شعرت بصفاء قلبي رائع مع فهد ,,, وفهد برضاء هيفاء شاف انه ملك اروع قلب في حياته ,,,
فهد مغمض وتارك راسه يسترخي على رجل هيفاء ,, ويلعب بشعرها بأصبعه ويلفه هيفاء خجله منه بس ما تبي تكون جامده فمسحت عيونه بيدينها وهو مغمض ,,,
فهد : تدرين وش في بالي الحين ,,,
هيفاء : وشو يا عمري
فهد : ودي اخذك على جراح واطير بك مكان ما يقدرون البشر ياصلونه ,,, واشبع من كلامك وسوالفك ومن جمال وجهك الحلووو
هيفاء تضحك بهدوء لها حركة ضحكتها كنها ضحكة بزر صغيره ما ودك تشيل عينك منها : وجدتي لا لا فديتك وهي بالوضع ذا ما اقدر اتركها
فهد : انا قلت في بالي ,, ورغبتي ,, وامنيتي ,,
هيفاء وهي تحاول ترضيه : اذا طلعت جدتي من عدتها خذني اي مكاان بروح معك ,,,
قعد فهد ولف عليها : مدري اقدر اصبر لذاك اليوم والا لا بشوف ,,, ووقف ومد يده لها وقامت وباس جبهتها وساعدها تنفض الرمل من ملابسها وركبوا السياره ومو حاسين انهم تاركين المزرعة من فتره ,,,
بعد وصولهم وقف فهد السياره ,, ونزلت هيفاء : والتفتت له ماودي ان حنا رجعنا بس اكيد جدتي بالها انشغل علينا ,, لكن الحقيقه ما حسيت بالوقت رووووعه ,,,
فهد : ممكن طلب ,,
هيفاء : اكيد انت تآمر ,,,
فهد : ابي قهوة لي في غرفتي ,,,
هيفاء : بس كذا من عيوني وغمز لها بعينه ولف تجاه الخيمة بيشوف من فيها ,,,
دخلت هيفاء مستعجله للفيلا شافت ان الوقت راااح عليه كثيير كنها طالع اليوم كله مو كم ساعه ,,,,
اول ما دخلت شافت عمتها هدى جالسه ,, جنب ام طلال ومريم ,, ومالقت امها,,
سلمت عليهم هيفاء وسألتها مريم
مريم : من طول الغيبات جاب الغنايم ,,,
هيفاء وهي تبتسم بأتسامه حلوووه: مو عاااد غنايم شي بسيط شوية رمل على زهور بريه ,,,
ام طلال : اهم شي فهد انبسط معك وهي تتعمد ان هدى تسمعها ,,,
هيفاء : عمتي هدى شلونك ؟؟؟
هدى : نحمد الله ,, عايشين على ماقال,,
هيفاء : ونعم بالله ,, عن اذنكم بشوف امي ,,,
طلعت هيفاء وهي تدور لأمها ,, لقتها في غرفتها متمدده ,,
هيفاء : هلا يمه وش فيك قاعده لحالك,,
لطيفه : ولا شي يا بنتي ,, بس انا اذا شفت عمتكم ذي تضربني ضيقه ,, ما ارتحت لها ابد ,,
هيفاء وهي ما تبي امها تشك بشي :: كلها يومين وتروح ,, ماعليك منها وخذي راحتك ,,
لطيفه : وين رحتي مع فهد ,,
هيفاء : رحنا نسوق شوي وحصلنا مكان يهبل يمه كله عشب وزهور ,, يرد الروح وقعدنا فيه,,,يمه انا بروح اجهز لفهد قهوة تبين شي ,,
لطيفه : سلامتك ,,
طلعت هيفاء من امها ودقت على لمياء اللي قرب المغرب وهي ماجت :
لمياء : الووو
هيفاء : صح النوم : انتي تعرفين حق الصلاة والا لا قد صليتي الظهر والا العصر,,,
لمياء : الحين بصلي تبين شي ,,
هيفاء : هاذي مو طريقه يا لمياء انتي لازم تغيرين هالبرنامج وش دعوا انقلبت حياتكم فوق تحت ,,
لمياء : احاول والله بحاول ان شالله اصلي الفرض في وقته ,,
سكرت منها هيفاء وهي معصبه على اختها اللي حست انه من حبها لفيصل وتفانيها له تغيرت حياتها والمفروض يكون للاحسن مو للاسوأ
دخلت المطبخ التحضيري وسوت قهوة لا يعلى عليها من خاطرها ,, وقالت للشغاله تطلعها فوق ورتبتها في صينية حلوووه ,,,
طلعت لغرفتها ودخلت تأخذ شاور على المغرب ,, وخلصت ولبست لها فستان لبسته قبل كذا بس يعجبها من كثر ما تشوف نفسها فيه ,,,
رتبت حالها وشعرها المموج ولفت غرتها على جوه برولات ثم فكتها ورفعتها بشكل ملخبط لحد ما وصلت للشكل النهائي اللي تبيه ,, تعطرت بشكل حلو وكثيف ولبست سلسال جدتها اللي اهدته لها في زواجها ,,,ومع رائحة البخور اللي معطره الجو قعدت تنتظر فهد ,,,
ما تاخر كثيير شوي الا هو عندها ,,
اذهله منظرها ولاول مره من تزوجها مسكها وقعد يتمعن فيها دقق في كل شي لابسته ومسك شعرها ووقربه من خشمه وخذ نفس عميق
فهد : الله وش هالزين ,, انتي فتنه واخاف حد يشوفك ,, ما ابي اي احد يشوفك الا انا ,,
هيفاء مبتسمه ومستسلمه لكلمات الغزل اللي اطربت مسمعها ,,,
هيفاء : انا حلوه صح بس لاتكبر راسي ,,,
فهد : حلوووه قليله في حقك ,, انتي مذهله ,, انتي حاجه ما تتكرر انتي احلى ما خلق ربي
وهيفاء مستمتعه بفهد وحنانه ,, الا صوت جوالها ,,,
ريما يتصل بك ,,
هيفاء : هاذي ريما برد عليها وفهد عارف ان ريما بتنشب لهم ,,
خذ جوال هيفاء وفتح الخط
فهد : الووو
ريما : هلا فهد هيفاء عندك ,,
فهد : مشغوله شوي عندك شي ,,
ريما : البنات كلهم متجمعين ما ناقص الا هي ,,
فهد : ما تقدر تجيكم وصيتها على شغل لازم تجهزه لي ,, يالله فمان الله ,,,
وهيفاء تضحك ,, من جدك ,, لازم اطلع لهم الحين والا بعدين اصير حديثهم
فهد : وانا ابيك تصيرين حديثهم وطلعة مافي طلعة وهيفاء ضحكتها الحلوة ماليه المكان ,,,,,,
مشاعل قاهرها كلام ريما عن هيفاء وفهد وانها ما تقدر تجيهم ,,, اكيد مسويه له شي هذا ماكان يبيها وش صار غيره ,,, اكيد فيه ان ,,,
وعبير ترسلها طول الوقت مسجات ,,
شفتي فهد ,, الحية وشلون شكلها ,,, شكلهم مستانسين والا مطاقين ,, عطني شي يفرحني انه ما يبيها
ومشاعل اللي ماعندها اي اجابه صارت تالف قصص وترسلها لعبير عشان يتخيلون فيلمهم مع بعض وان فهد لازم يبعد عن هيفاء
فكانت ترسل لها (( تلوع الكبد نظرتها كلها غرور ... فهد من جينا وهو في الخيمة وعرفت من الخدم انه ينام في غرفه وهي في غرفه ,,,
وسعي صدرك ما راح يصير الا اللي نبي ,,,,
مر الوقت عليهم في سوالف وتقضية وقت بين تلفزيون وضحك وتغيير جو على جدتهم لحد ما جاء وقت العشاء ,,,
ما نزلت هيفاء والجميع يتسائل : غريبه مو عوايد هيفاء وش فيها ,,
ارسلت لها ريما مسج (( العشاء جاهز وينك ))
فردت عليها هيفاء (( لا تنتظروني ,,, مشغوله شوي ))
ريما فهمت رسالة هيفاء ولما سالتها ام طلال عن هيفاء : قالت مصدعه وتبي تريح شوي ,,, وحاولت انها تصرفهم ,,,
قامت هيفاء ,, تشوف وين فهد لقته يشوف التلفزيون واول ما سمع حركتها انها قامت وطى عليه ,,
هيفاء : كم الساعه ؟؟
فهد ثلاث يا عمري ,,
هيفاء : يوووو كثييير ,,,
فهد : تبين شي ,,
هيفاء : لا بس مادريت عن جدتي ولا امي ,,
فهد : لا تحاتينهم ريما وهيفاء موجودين ,,,
هيفاء وهي تحط يدها على شعرها : : اسوي لك شي تأكله ,,
فهد : انا مو جوعان بس اذا بغيتي شي بنزل معك ,,
هيفاء : انا مو جوعانه بعد ,,,
قعد يتأملها : انتي غذاء روحي ,, معك لا آبي اكل ولا اشرب ولا شي ,,,
هيفاء وهي تغطي وجهها بالحافها : لا تحرجني عاااد ,,,
مع بداية صباااح حلووو للجميع ,,
قام فهد وهيفاء بدري على الساعة 7 ونزلوا والناس كلهم نايمين جهزت هيفاء لهم كاس شاي ووتوست وفطروا على السريع وطلعوا بسرعه للخيول ,,,
خذ فهد جراح وحط عليه السرج وقال لهيفاء تلبس البوت حق الخيل وتلبس الخوذه ,, وجهزها بالشكل المناسب وساعدها تركب الحصان
وخذه يسير به لحد ما طلعه من الاصطبل ,, وابتدأ مع هيفاء اول درس كيف تسوي ومتى تضرب رجلها ومتى تمسك الرسن بقوة ومتى ترخيه ,,
وعلمها كيف تفاهم مع الحصان بلغتها هي عشان يتعود عليها ويحبها
هيفاء : اخاف ما يحبني وهي تضحك
فهد : ما يقدر دام راعيه ملكتي قلبه فلاتفكرين اكيد بتقدرين عليه
هيفاء سرحت في فهد كيف انه خلال يومين بس قدر يوصل لها مشاعر اختزنها في نفسه فتره وما قدر يعبر لها ,,كله منك يا هيفاء انتي بعد عليك راس يابس المفروض سمعتي كلام جدتك من اول وما تركتيه للحريم ,,,
لفوا في طرف المزرعة بالاخير عشان هيفاء تاخذ راحتها ,,, ولما رجعوا بعد كم ساعه ما شافوا اللي يراقبهم من بعيييد ,,
مشاعل اللي الغيره ماكله قلبها من هيفاء ,,,تمنت يوم شافتهم وهما جايين مع بعض انها هي تكون مكان هيفاء لاعبير ولا غيرها معه ,,
مشاعل حبت فهد فتره في عمرها بس عبير ما تركت لها فرصة وقدرت انها تقرب من فهد اكثر بأسلوبها ,,,
حست بالغيره تنهش قلبها وعزمت انها تملك فهد بأي طريقه لكن الحين لازم تساير عبير في خطتهم لحاجة في نفس يعقوب قضاها ,,,,
اول ما وصلوا للاصطبل مد فهد يده لهيفاء ينزلها واول ما نزلت مسكها من خصرها وقرب لها اكثر
هيفاء : فهد انت مو صاحي لا يشوفك احد يقولون استخبلوا
فهد وهو يضحك : خليهم يقولون ما عندي مانع ,, تحررت منه هيفاء لكن بعد فتره بسيطه وخذت اغراضها اللي تركتها ولبست صندلها
وجت بتطلع ,,
فهد مسك يدها وقرب لها وهمس في اذنها بكلام ضحكت له من اعماقها وطلعت بسرعه لانها عارفه فهد يمكن يتهور ,,,,
على طول طلعت لغرفتها تبي تأخذ شاور من ريحة الاصطبل والخيل ,,,
لبست كعادتها لبس متالق يزيدها فتنه وتعطرت ونزلت للحريم ,, كانه دهر مو يوم تاركتهم ,,,,
اول ما دخلت وعمتها هدى تتفحصها كنها تشوفها اول مره ,,
ام طلال : هلا يا قلبي تعالي يمي ومشت هيفاء لها ,,,
اول ما قعدت جنب جدتها تكلمت هدى : يمه انتي متى بترجعين ,,,
ام طلال : وش عندك ,,
هدى : افكر اروح عمره ويمكن اترك البنات عندكم واطلع مع العيال ,,,
ام طلال : اتركيهم هنا ,,,
هدى : ما يحبون المزرعه يبون كل شي قريب عليهم وفي القصر سعة اكثر ,, خلاص اذا رجعتي القصر بتركهم عندك ,,,,
ام طلال وحست بالالتزام لهدى : يصير خير ,,,
هيفاء تضايقت بقوه من عمتها بس مافي يدها شي تسويه ,,,
دخلت مشاعل بعد فتره وهي متجهزة على الاخر اول ما شافتها هيفاء ضاقت منها ومن طريقتها في اللبس ,, لا وفهد يقول لا تلبسين ولا تلبسين وتجي ست مشاعل وتستعرض قدامهم,,,
مشاعل وهي ناوية تغم هيفاء : كيفك يا هيفاء ,, ماشفناك امس مختفيه ,,,
هيفاء: موجوده بس ماشفتكم اول ماجيت من برى,,
مشاعل : ريما يا قلبي عبير تسال عنك تقول انها بتقعد عند خالتي سلطانه امها بتحضر زواج قرايبهم في جده وما تبي تروح ,,,
وبتقعد عندكم اليومين ذي ,,
ريما : ما قالت لي امي شي ,,, بعدين مدري اقدر اروح ولا لا المزرعة تفتح النفس ,,
مشاعل : ماعليك اذا بتقعدين هنا انا بروح بوسع صدرها وبعدين خالتي سلطانه مهي مقصره ,,,ومشاعل عينها على هيفاء تبي تشوف ردة فعلها ,,,
هيفاء كانت تغلي من جووووه ,, دام عبير ومشاعل في الوجود ما راح تستانس بحياتها ,, هذولا ما يجيهم شي يفكني منهم ,,, حست بنكد طول الوقت بس ماحبت انها تبين لهم وحاولت قدر الامكان انها تخفي هالشي عن عيونهم ,,,
لمياء تتابع كل شي في صمت مطبق ولا كانها هناااا ,,, هين يا مشاعل ما تركتي حركاتك انتي وعبير ,,, لازم اساعد هيفاء باي شي اقدر عليه ,,,,
قامت هيفاء من العشاء اللي ماذاقت منه شي حركت الملعقة في الصحن كذا تحصيل حاصل وراحت لغرفة جدتها ماهان عليها انها تحترق اعصابها اكثر من كذا ,,, دخلت وسكرت الباب ودقت جوال على فهد ,,
هيفاء : قلبي انت وينك الحين ,,
فهد : اتابع المباراه يا عمري تبيني اجيك الحين ,,,
هيفاء : لا لا ماودي تجي لين اقولك يا عمري الحريم كلهم هنا وبعدين انا كلمتك اسئلك انت عندك شغل والا بتقعد هنا في المزرعة
فهد حس فيها شي : اللي تبينه بسويه اروح اقعد ماعندك اي مشكله كم هيفاء عندي ,, طلباتك اوامر يادنيتي ,,,,
هيفاء تنهدت بقووووه وحس فهد بها : اسم الله على قلبك فيك شي ,,,
هيفاء : خايفه عليك منهم ,, ودموعها تنزل بصمت ,,,
فهد وكأنه فهم وش تقصد : لاتخافين ياقلبي انا عيوني لهيفاء وبس ,,,,
ارتاحت هيفاء من كلام فهد ,, اكيد اذا جاء بيسألها وش السالفه ,, بعدهي ما تبي تقوله كل شي بالصريح وانها خايفه من عبير ومشاعل وتبي تحسسه انها عندها ثقه فيه وفي نفسها ,, الله يقدرني اتعامل مع كل شي بالوجه الصحيح ,,,,
دخلت عليها ام طلال اللي صار لها كم يوم بعيده هنا شافت اليومين اللي قضتها مع فهد انها بعدتها عن جدتها وامها بس غصب عنها ,,,
ام طلال : تعالي ياحبيبتي ,,, ليه ما تعشيتي ,,,
هيفاء : مالي نفس يمه ,, بس مافيه شي لاتخافين ,,,
ام طلال : شوفي ياعمري انا بقولك كم كلمه بس حطيها في بالك زين ,,,
اذا صار الرجال ينشرى والناس حاطين عينهم عليه ,,, ترى كلن يبيه لو هو متزوج ,,, واذا صارت زوجته رضيه وحبيبه وجميله مثلك ترى ما يلتفت لهم يا عيوني ,,,
فهد يبيك انتي فلا تتكدرين من عبير ومشاعل هذول يمك يبون فهد من اول بس هو ما يبيهم ,,,,
ارتاحت من كلام جدتها ,,, كل مره جدتها تكلمها تحس انها تكلم روحها وتدخل في اعماقها ,, ياحبي لك يمه ,,,,
طالت السهره شوي وهدى متعمده انها تطولها وتكلم فهد تبيه يجي يسولف معاهم وبناتها قاعدين ,, هي عارفه ان العنود بتروح اذا جاء فهد لكن مشاعل ما راح تقوم من مكانها ,,
فهد قال لهم انه جاهم جارهم في المزرعة وبيتأخر شوي وهو ما يبي يجي لين تكلمه هيفاء,,,,
بعد منتصف الليل يأست هدى وبنتها وراحواغرفتهم وطلعت العنود مع ريما قبلهم وخلصت جلستهم والجميع توجهوا لغرفهم
دخلت هيفاء غرفتها وارسلت مسج لفهد ((تعال يا قلبي ))
مشاعل اللي عارفه ان فهد بيطلع فوق بعد ما تنقضي سهرتهم ,,, نزلت تحت تعلل بالمطبخ انها تبي عصير وهي تنتظر بس متى فهد يدخل عشان تشوفه ,,, قعدت تشوف شكلها في المرايه وتحاول ترتب شكلها اكثر وتوب اللي ماسك على جسمها ,,,
وهي جالسه تحوس في المطبخ سمعت صوت الباب فخذت كاس العصير وهي مجهزته في يدها ,, اول ما سمعت خطوات فهد داخل ,,,
طلعت في وجهه ,,
مشاعل :اووووو هلا فهد ,, وينك ما تنشاف ,,
فهد وهو يكمل طريقه ,, هلا بك مشاعل ,,, ابد موجود وهو يطلع للدرج وهي وراه ماحب انه يجر معها سالفة في آخر الليل
اول ما جاء اخر درجه قالت بصوت عالي فهد امسك العصير احس قطوه في المكان وتمسك فهد كاسها ,,,
وترفع صوتها فهد فهد وتحاول انها ترمي نفسها عليه وينكب العصير من يده على ملابسه
اول ما فتحت هيفاء الباب على الصوت شافتها مشاعل
مشاعل بدلع : حرام عليك يافهد ,, مو كذا عاد هنا ,,, وفهد مو مستوعب اللي تقوله ,,, وعينه على هيفاء اللي سكرت الباب بقووووه في وجهه,,,,,