فتح باب الغرفه .. ولقاها نايمه .. وجوجو لحقته فكانت واقفه وراه: بابا انت ما يسمع كلامي كامل بعدما في كسر كل شيء ماما نوم وانا يسوي
اشر عليها تسكت ..وطلب منها تروح
دخل الغرفه .. وقعد يطالع على الاغراض المبعثره لثواني ..
هز راسه: مشكله يوم تعصب بعد
راح صوبها .. تم يطالعها: والله اني احبج ليش مب راضيه تفهمين
لحفها عدل .. وصك الليت يوم طلع من الغرفه
نادى على جوجو: جوجو ماما ياكل شيء
جوجو: لا بابا .. انا يبى ينظف الغرفه بس ماما يشل مزهريه ويبى يضرب انا
ضحك على الخفيف وتذكر الموقف يوم كانوا في الفندق
عادل: خلاص حطي العشا انا بوعي ماما
دخل الغرفه مره وشغل على الليت .. استغرب يوم لقاها واعيه ويالسه
عادل: ساحره انتي ككككك توج راقده
صدت صوبه .. مع نظراتهـا الغاضبه فاختفت الابتسامه منه ..
تربط شعرها : يوعانه؟
عادل: انا كنت ياي اوعيج خبرتني جوجو انج مب متعشيه لأنج مشغوله تضاربين مع ..
سكت وتم يطالع الاغراض المبعثره ..
ما ردت عليه وقفت وطالعت ساعتها .. ودخلت الحمام تتوضأ
جوجو وهي تحط العشا .. طلب منها تنظف الغرفه
10 دقايق و علياء تحت ... يلست على الطاوله ..
وتمتت تاكل بكل هدوء .. اما عادل فترك الاكل وتم يطالعهـا
علياء عارفه إنه هو يطالعها بس البنت ولا مهتمه
عادل يبتسم: تحبين تعذبيني صح؟
علياء: هيه .. وتاكل
عادل: محد يعرفج قدي .. انتي تعشقين تشوفيني اتعذب لأنج تكرهيني
علياء شوي وبتطلع الدمعه من عينها: افهم اللي بتفهم
عادل: الله يسامحج علياء
ترك الاكل وراح عنها .. حتى لو حاولت تمنع الدمعه تنزل ما بتقدر لأنها نزلت
حاولت تاكل ما قدرت .. تمت يالسه وتصيح .. تمسح دمعه تظهر دمعه ثانيه
تمت يالسه لساعتين تقريبا .. واحتمال اتم على هالحال لو ما صوت جوجو .. خلها ترجع لواقعها: ماما
صدت صوبها : ها
جوجو شوي وبتصيح كانت يوم شافت ويه علياء ودمعه نازله من عينها
جوجو: ماما ليش تصيحين؟
مسحت دموعها: ما فيني شيء .. شلي هالعشا
قـامت وراحت تغسل يدهــــا
دخلت الغرفه وعادل كان يطالع تلفزيون وعيونه محمره كانت ..
نحن نعرف هو كان يصيح بس علياء ما تعرف لأنها اول ما دشت ما صدت صوبه .. سيدا حطت راسها على الموسده
علياء: قصر على الصوت ابى انام
عادل: بس انا ابى اسمع عدل
علياء: وانا ابى انام
عادل: روحي الغرفه الثانيه
علياء: وليش ما تروح انت تشوف تلفزيون تحت
عادل: هذي غرفتي
عصبت علياء وصدت صويه: وغرفتي انا بعد
صد صويها: انتي غرفتج هناك ولا نسيتي
انتبهت على عيونه : لا .. تمت ساكته اطالع عيونه .. وجأه انتبهت على نفسها وكلمت كلامها: لا تقص على عمرك وايد .. مثل ما هي غرفتك غرفتي واذا تبى تشوف روح برع
عادل: لا تظنين أي اللي تبينه يصير
علياء: يا ليت والله لو يصير اللي اباه كان بطلب الطلاق وافتك منك
نغزه هالكلمه ودليل تم ساكت وتغيرت ملامح ويه
علياء حست : كنت اقـ ...
قـاطعهـــا: تحلمين انتي ومثل ما قلت لج مو أي شيء تبينه يستوي
كانت بتعدل كلامها بس يوم سمعت شو قال لها رجعت تعصب عليه:وايد مصدق نفسك انت اقولك اطلع شوف برع ترى ولا بسوي فيه شيء
عادل: حاولي انتي بس
علياء: عادل لا تتحداني
عادل: اتحداج ونص بعد
علياء: لا تلومني بعدين
عادل: انتي اقربي من تلفزيون بس وشوفي شو بصير فيج
علياء: عيل ابى اشوف ..
قامت من فراشها وراحت صوب التسريحه خذت المقص وراحت عند تلفزيون ..سحبت واير التلفزيون وقطعته بالمقص
عادل قام وسحب عنها الواير: شو سويتي
علياء بتحدي:قلت لك لا تتحداني واللي اباه يصير فاهم
ألحين بتتحرك .. مسكها من ذراعها وبقوه: انتي شو من البشر
اعترف لكم علياء حست بالخوف بس كالعاده ما تبى تبين
علياء: هدني عادل
عادل يهزها: انت ياهل وعمرج ما بتكبرين لاتحسين بمشاعر الناس ... بتظلين علياء الانانيه اللي عرفتها من قبل مب متغير فيج شيء
مثل ما نغزته بكلامها .. قدر ينغزها .. حست بألم في قلبها يوم قال لها هالكلام
وفوق هذا تعاند
علياء: مبروك انزين ... يالله هد يدي
فر على الارض ... يوم شافها بارده على الآخر ولا هامنها شيء
علياء تحط يدها على بطنها: يا الاهبل نسيت انا حامل
هنا عادل المعصب .... تغير وفي لحظه صار حنان وحاول يقومها: انا آسف حبيبتي
ما اعرف شو صار فيني
علياء تبعد يده: اهبل إذا صار فيني شيء على الاقل لو مب مسوي لي حساب سوى لولدنا
عادل متندم: والله ما كان قصدي تنرفزت ... وشو هالكلام مب مسوي لج حساب ... كان بكمل قاطعته: بس بس لا تقول انك تحبني وما اعرف شو ..
عادل: يوم اقول انتي ما تحسين ..
تركها وراح يرقد ...
علياء تم واقفه واطالعه وهو يتلحف بالكامل ...
علياء: سحيف
صكت الليت وراحت تنام
مر 3 شهور وهم بعدهم بنفس الحال .. كله ضرابه بينهم ...
دخلت علياء وكانت تكلم نوف: هههه لا لا حياتي يمكن ما بقدر احضر ملجتج
حطت الاكياس على الطاوله ... وانتبهت على صوت عادل: من جذي ما تردين على اتصالي مشغوله اونج
رفعت راسها وكان عادل ينزل من الدري وشكله معصب
علياء:نوف حبيبتي بعدين اكلمج ... إن شاءالله عيوني بحاول ...خخخخخ اقولج بحاول
يالله مع سلامه
بعدما صكرت من عندها تكلم عادل: شوفي كم مكالمه لم يرد عليها
بدال ما تشوف خلت تلفونها على الطاوله
ونادت على جوجو: جوجو جوجو
وعادل خلاص وصل حده الريال يكلمها وهي ولا كانه موجود
يت جوجو: نعم مدام
علياء: شلي هالاغراض
جوجو: ان شاءالله ماما
انتبهت على عادل اللي كان يطالعها ومعصب
علياء: نعم شو عندك ؟
عادل: الحين تفيـجتـي لي
علياء: قول اللي عندك بسرعه
عادل: ليش طلعتي و ما قلتي لي
علياء بسخريه: ليش انا وين رايحه من الله اشتري
عادل: حتى لو .. كان لازم تخبريني
علياء:ليش عيوني خايف اخون فيك ولا اواعد حد من وراك
رفع يده: علياء
علياء متفاجاه: تبى تضربني
عادل نزل يده: تحملتج وايد علياء
طلع الدموع من عينها:حتى انا تحملتك وايد
عادل منكسر : اللي نسوي في نفسنا يضرنا ... كل يوم نفس الموال كله نضارب مع بعض
لين متى يا علياء
علياء تمسح دموعها:ما اعرف
عادل: لازم اندور على الحل
علياء : انت تعرف جوابي
عادل باصرار: لا الا الطلاق .. انا مستعد اعيش هالعيشه بس افترق عنج لا .. فهمتي
مر اسبوعين وهم ما يكلمون بعض .. حتى في الغدى والعشا ما يجتمعون
نادر ما يشوفون بعض ... ياء تكون راقده او هو يكون مب موجود .. يشغل نفسه بالشغل وأحياننا هي تشغل نفسهـا بطلعه .. الفواصل قام تزيد بينهم ...
بعد شهر ... قررت العايله ترفه عن نفسها ... ويروحون العين يباتون هناك ليومين
تحط اغراضها واغراضه في شطنه ..
وعادل فكان يطالع نفسه في المنظره ويعدل عصمته .. او بالاخص كان يطالعها
وهي تحاول تصك الزرار .. وبنفس الوقت شعرها كان يخرب عليها .. إنزين ربطي ... تاركتنه مفتوووح
ترك عصمته وراح عندها:خلي انا بصك وانتي ربطي شعرج
سمعت كلامه وراحت صوب التسريحه .. تسحي شعرها .. وهو بعدما صك الزرار
قعد على الشبريه وتم يطالعها .. علياء انتبهت عليه بس خلت عمرها مهتمه بشعرها
رفعت شعرها وربطت على السريع ...
عادل: خلصتي؟
علياء: هيه
يوم شافته وقف وياي صوبها .. ابتعدت عن التسريحه ...
رجع يعدل عصمته .. وبنفس الوقت يكلمها: بتتحملين الخط
علياء:مب اول مره اروح
عادل: هذاك قبل بس انتي الحين حامل
علياء: ما تغير شيء
عادل: صحيح ما تغير فيج شيء
فهمت إنه كان ينغزها ... فردت عليه:وليش اتغير ما في شيء يستاهل اتغير عشانه
ابتسمت بسمة انتصار يوم حست إنه الكلمه نغزته مثل ما نغزها
رن تلفونها وكانت خوله
ردت عليها: هلا خوله.. هيه مخلصين .. نتلاقا هناك عيل ... اوكي اوكي .... يالله
صكرت من عندها سألها عادل: شو تبى خوله
علياء:تبانا نتلاقا عند بيتكم
عادل: خلاص عيل انا جاهز انتي خلصتي
علياء:بس بقالي البس عباتي
عادل: يالله عيل
بعدما قفلوا كل شيء وتأكدوا من الكهرباء وهالسوالف .. انطلقوا
اول ما شغل الاغنيه كانت اغنيه الله يبارك وقبل لا تقول شيء علياء .. غيره وحط اف ام
جوجو: بابا حط هندي
عادل:انتي تفهمين نحن ما نفهم
جوجو: ماما
ما ردت عليها علياء ...
عادل: لا تكلمين ماما .. عن تكسر شيء على راسج
صدت صوبه وابتسمت بسخريه:هع سخيف
ابتسم عادل: اعرف
سمع المذيعه تقول اغنيه ودي اهداء لكم
فعلى على الصوت ..
علياء صح إنها كانت صاده على صوب الثاني بس كانت منتبه على الكلمات
ونفس شيء عادل تعمد يعلي على الصوت
ودي يمر اسبوع من غير زعل ودموع .. ونعيش مثل الناس اهدى شعور واحساس
احباب كنا اثنين قلب وانقسم نصين .. الله يا دنيا شوفوا وصلنا وين
تذكرت كل شيء اللي صار بينهم قبل لا تزعل منه .. وحست قلبها يعتصر
وعادل كان يراقبها ..
احسب معاي اش بقى وفي شيء ما عشنا
حيره وهم وشقى ودوخه وضيقه وآآه
حرام علينا نهدم بيدنا حب احنا عشنا معااااه ... هنا مسك بيدها
صدت صوبه
كافي عذاب كافي جروح اما نعيش في كل وضح ولا خلاص كلن في دربه يروح
سحبت يدها ما تحملت نظراته الترجي
علياء:عادل انتبه على الشارع
نظرات الترجي تحولت لنظرات الغضب وصد جدامه
وغير الاغنيه .. وحط هندي لجوجو اللي كانت مستغربه من الموقف اللي صار بين عادل وعلياء .. بس يوم حط لها الهندي بدت تهز راسها ونست كل شيء
وصلوا عند بيت بومحمد ..
نزلوا يسلمون عليهم ... وبعدها انطلقوا .. بين فتره وفتره كانوا يوقفون عند الشيشه كل ما يسألها تبين شيء ترد عليه بـلا وفوق هذا ييب لها شيء .. بس ما خذت منه شيء
سكوت فضيع بينهم وخاصة انه الدرب طويل كان .. عادي اللي يكون معاهم يموت من الملل .. حتى جوجو اغمى عليها اقصد نامت هههه
عادل لاحظ إنه علياء مب مرتاحه ..
عادل: رجعي السيت لورا .. وحاول تنامي
علياء: لا مب لازم
عادل: كل ما اقولج شيء تقولين لا
علياء:عادل ما يحتاج نضارب
عادل: حياتي انا بنفسي ما ابغي اضارب بس ابيج تسمعين كلامي لو مره
علياء: بس انا ما ابغي انام
عادل باستسلام: على راحتج
بعدما وصلوا الشقه .. عادل تمدد ظهره عوره: الحمدلله
علياء: هذي الشقه
عادل:هيه ابوج حجز
صدت وراها: جوجو جوجو قومي
جوجو كانت تحلم شكلها قامت مفزوعه: ها شو يصير
ضحك عليها علياء: ما صار شيء
عادل: والله برد قلبي
طالعته علياء مستغربه
عادل: شفت ضحكتج اللي انحرمت منه
ردت لطبيعتها .. البارده .. ونزلت من السياره بسرعه
عادل : جوجو كل يوم احلمي زين
جوجو:ها بابا؟
عادل: ولا شيء يالله انزلي
علياء سارت عند خوله وشلت علي
خوله:قريب وبتشلين ولدج
علياء: ان شاءالله
خوله:علياء شكلج ما يطمن فيج شيء
علياء ابتسمت عشان ما تخلي اختها تشك: علوي هذي امك ما ترتاح الا اذا صار فيني شيء لازم ادخل .. خبرها انا مرتاحه وعايشه حياتي شو فيج انتي
ضربتها خوله على راسها: وانا كم اخت عندي يعني
علياء:فديتج والله
سعيد: يا سلام قاعدين تتفدون انتوا ونحن شالين عنكم
علياء: والله انت مو ريال وريال لازم يشل يالله مناك
سمعوا صوت بو محمد: يالله خلونا ندخل
خوله: عطيني علي
بعدما عطتهـــا ... وقفت تعدل شيلتهــــا
انتبهت على صوت من وراها: خلصتي
علياء: هيه
تحركوا الاثنين ...
محمد: هذي غرفتكم
عادل: هذي
محمد: هيه .. يكلم البشاكير: وانتوا هناك
دخلوا الغرفه ..
علياء تحرك رقبتها: آخ
عادل: شكلج تعبانه
علياء:ما فيني شيء
عادل:بتنامين ولا بتطلعين تقعدين معاهم
علياء: بطلع اقعد معاهم
عادل:هممم ما يصر نقعد ونسولف شوي لحالنا
علياء متردده: عندك شيء مهم
عادل: لا سوالف عاديه
علياء: عيل خلنا نطلع احسن
سيـدا طلعت ...
عادل:يا حبج للعذاب
شافت علي في الصاله ... يلعب .. راحت عنده
علياء: علوي
ما كلف على عمره يرفع راسه .. مشغول في لعبته
علياء:بل طاف على الاخر ها .. علومك تسوي طاف بعد
سمعت صوت من وراها: يمكن طالع على خالته
ما صدت وراها تعرف منو يكون
كلمت علي: اذا ناس يستاهلون تسوي لهم طاف سوى زين
عادل: حتى لو هالناس كانوا يعزون راعية الطاف
سكتت شوي وبعدين تكلمت: لا تصدق هالكلام زين
عادل: واذا سوى شيء بحياته عشانها
علياء: ما عنده سالفه
ادخل محمد: منو ما عنده سالفه
عادل: ربيعي كنت اكلمها عن ربيعي
محمد راح وشل ولده: يالله نروح انام
عادل: بتنامون؟
محمد: هيه عشان العشى بنظهر ... ناموا انتوا بعد
عادل: مب مشكله
بعد ما راح محمد ...
عادل : محد بقى غيرنا
علياء وقفت: اعرف
تبى تروح لغرفه .. فمشت صوبه .. وتفاجأت بعادل يمسك يدها
علياء: شو تسوي
عادل:ماشي ماسك يدج
علياء: متفيج انت .. هدني
عادل: لا ما شيء روحه من هنا
علياء: عادل لا تسوي لي مشاكل هنا
عادل: انزين تبين تروحين روحي
تحركت ولقت يدها بعدها بين يده
علياء:إنزين هدني بالاول
عادل: لا .. قلت لج تبين تروحين روحي بس يدج على كيفي مب تاركنه
علياء: عادل
عادل: علياء
تموا واقفين لـ 15 دقيقه يمكن ... محد يتكلم ولا أحد يطالع ثاني
في نهايه علياء تنطقت: ما مليت
عادل: وحد يمل من حياته
طالعته ... وكان عادل يطالعها بنظرات حب
فنزلت عينها بسرعه ..
علياء: عادل احس بتعب وابى انام
عادل يبتسم: مب مشكله
فـاجأهـا يوم شلهــــا ...
علياء: شو تسوي
عادل:ههههههه
علياء:ايه عن حد يشوفونا
عادل:خلهم انتي حرمتي وانا اموت فيج
فيها ضحكه بس مسكت نفسها
عادل: فتحي الباب .. ساعديني على الاقل
فتحت الباب ..
بعدما حطها على الفراش .. اونه يمثل انه يده تعوره
عادل: صرتي دبه
علياء بزعل: محد طلب منك تشلني
عادل: اشلج واحطج فوق راس بعد انا كم علياء عندي
تمـت سـاكتـه ..
عادل: انا بنزل تحت عند البقاله ما تبين شي
علياء: لا
عادل: كله لا
علياء: ما ابغي شيء غصب يعني
عادل: هيه
اول ما طلع عادل .. علياء تمت تضحك ..
ويوم رجع لقاها نامت ... ترك اللي اشتراه ... وراح يرقـد .. بما إنها كانت راقده فسمحت له يحط يده ولا كان ما بتخليه
سمعت دق على الباب .. فتحت عينها ..
خوله: علياء .. علياء وعادل قوموا يالله
علياء: زين زين
وهي بتقوم حست بيد يضمها .. وصوت قريب من اذنها:لا تقومين
علياء: ها
عادل:اخاف تقومين وتردين علياء القاسيه
علياء: جذا وجذي لازم اقوم
شلت يده وحاولت تقوم
عادل يبتسم: احبج
ما كلفت على عمرها ترد عليه ..مشت صوب الحمام وبنفس الوقت تربط شعرها
حضن الموسده:والله احبها
اجتمعوا الكل في صاله الا عادل
ام سعيد: علياء ليش ما لبستي عباتج بنروح جبل الحفيت
علياء: شو ها شغلكم كله مال السرعه
خوله: والله انا صار لي ساعه ادق على باب غرفتكم
سعيد:عادي تشوفين علياء مكفخه عادل .. حتى المسكين للين ألحين ما طلع
علياء: انا اللي بكفخك ... وعادل في الحمام يسبح مب مثلك وصخ
محمد: شوفي اختج كيف ادافع عن ريلها تعلمي شيء منها
خوله: اونك عاد
علياء: خخخخخ
تفاجأت بيد على كتفها: شو سالفه ضحكوني معاكم
طالعته .. وهو تجاهل نظراتها
محمد: ماشيء سعيد علق عليك وعلياء دافعت عنك
غمز لها: محظوظ انا عيل
بو محمد: انتوا بعدكم يالله تحركوا
عادل: ليش وين رايحين
سعيد: جبل الحفيت
عادل: يالله عيل
مسك يد علياء وسحبها : عن يرحون عنا
الكل تم يضحك عليهم
اول ما دخلوا الغرفه اونه علياء تعاتب عادل: تخبلت انت؟
يطلع كندورته: ليش
علياء: ليش تسحبني جذي
عادل: حبيبتي انتي وكيفي
علياء: عبيط
شافته يالس يبعثر بالملابس .. راحت عنده: شو تسوي
عادل: ادور على غترتي
علياء: هذي ما تشوفها
عادل ابتسم: هيه الله شو بسوي انا من دونج
وقف عند الباب ونادى على جوجو وطلب منها تكوي له
طلعت بدلتها .. وما يحتاج كوي كان ..
فجاه حطت يدها على بطنها:آخ
عادل: علياء
علياء: ما فيني شيء مجرد عوار بسيط
عادل: متأكده؟
علياء: هيه
ساعه وتجهز الكل ..
في السياره علياء مزاجها كان زين .. تمت تسولف مع جوجو .. وجوجو ما صدقت قعدت
تسولف عن بلادها .. وعادل مكتفي يطالع علياء تضاحك
لين ما وصلوا ..
علياء نزلت .. غمضت عينها وتنفست اول ما حست بهواء خفيف يمر عليها
علياء: عجيب الجو
جوجو: صح ماما
بعدما حطوا ما فرشوا الصفره وحطوا الاغراض .. يلسوا شوي ...
فعادل تعمد يسألها جدامهم
عادل:علياء قومي نتمشى
علياء:ها
عادل: قومي نتمشى الجو فتكه
خوله: هيه صح علياء روحي تمشي زين حقج ترى
ام سعيد: صدقها اختج
علياء تنهدت: زين
قامت وهو مد يده اونها عشان تمسكه
غصبن عليها مدت يدها ومسكته
الجميع : أوووووووووووووو
اونها استحت : متفيجين انتوا
بعدما مشوا
بو سعيد: الحمدلله تصلح ما بينهم
اول ما حست انهم ابتعدوا عنهم سحبت يدها عنه
عادل:شو صار
علياء: ولا شيء .. تحركت وهو فهم قصدها
يمشون مع بعض:علايه ما قلتي شو تبين يكون اسم ولدنا
علياء: أي شيء
عادل: مب مستانسه بكون عندنا عيال
علياء: ليش استانس على شيء يخليني غصب اكون معاك واتحملك
عادل منصدم: علياء
حست إنه منصدم وزادت عليه صدمته يوم قالت: اذا خيروك بيني وبين الياهل اختار الياهل لأني ما اريد اكمل حياتي معاك
عادل بنبره حزينــــــــــه جــــــدا: مشكوره .. واكيد بختار ولدنا احسن بدال العيشه مع وحده قاسيه
تحـرك بعـدمـا قـال لهـا هالكلام
وشوي الا يسمع تنادي عليها: عـــــــادل
عـادل عـاطنهـا ظهره: خلاص انا زعلت
علياء: عــــــــادل .. عـــــــادل
عـادل يضحك : لا خلاص
علياء بألم: عــــــــــــــادل
خاف وصد وراهـا ... شـافهـا يـالسه على الارض وتعصر على بطنهــــــــا
ركض صوبهــــــــــا ...
عادل: علياء شوفيج
علياء تصيح: بطني بطني يعورني عادل .. احس بموت
عادل بخوف: بسم الله عليج ما فيج شيء الا خير ان شاءالله
اتصل في اخوه ...
الناس بدت تجمع .. وعلياء ميته من الصياح ...
خذوها للسيارة محمد ...
قعد عادل معاها ورا ... وحاول يهديها
عادل ماسك يدها: حياتي تحملي قريب بنوصل
وصلوا المستشفى ...
علياء تصيح: عادل اخاف صار بولدنا شيء
عادل: لا عيوني تفاءلي
خذوها لغرفه العمليات .. وآخر كلمه سمعته: اهم شيء صحه حرمتي
وهالشي اثر عليها وايد
خوله:يمه لا تصيحين
سعيد حاول يهدي الاوضاع:اختي شكلها حبت ريحة المستشفيات
بو سعيد: مب وقت غشمرتك
عادل يطالع ساعته: ليش ما طلعت الدكتوره
محمد: اصبر يا اخوي
عادل: اخاف صار لها شيء .. هي بعدها في شهرها الخامس
بو محمد : لا تقعد تقول هالكلام
طلعت دكتوره
عادل: ها دكتوره وينها حرمتي
دكتوره: بعد شوي بنطلعها
بو محمد: هي بخير؟.
دكتوره: الحمدلله
ام سعيد: الحمدلله
وخوله: والياهل؟
دكتوره: للأسف مات الجنين
ام سعيد تمت تصيح اول ما سمعت الخبر
بو سعيد: لا حول ولا قوه الا بالله
عادل رجع لورا واتكأ على الجدار ونزلت دمعه من عينه
محمد: عادل خلك قوي عشان علياء والله يعوضكم ان شاءالله
نسى كل شيء اول ما طلعوا علياء ... من غرفة العمليات
في يوم ثاني ... بو محمد وبو سعيد خبروها بالخبر...
فشلالات طلع من عينها ... واول ما شافت عادل دخل عليها الغرفه نادت عليه:عادل
عادل ما تحمل اكثر وراح يحضنها ... فتمت تصيح اكثر
وتشاركها ام سعيد
عادل: حبيبتي اهم شيء سلامتج والله يعوضنا ان شاءالله
بعدها شوي عشان يشوف ويها .. وكانت منزله راسها ... رفع راسها ومسح دموعها : لا تصيحين انتي قويه صح ومؤمنه بحكمة ربنا صح
تهز راسها: هيه
عادل: عيل ليش تعورين قلبي وتصيحين
علياء: بس هذا كان ولدنا
عادل: والله برزقنا بولد ثاني ان شاءالله لازم تسـتانسيـن
رفعت حواجبها مستغربه
عادل يبتسم لها: لأنه العيايز قبل يقولون الياهل يوم ينتقل عند رحمة ربه يضمن الجنه لأمه
ضحكت عليه وضربته على كتفه
حضنها مره ثانيه: وايد صحتي بس ألحين
سعيد: صدقه ريلج يبتي لينا تسونامي في العين .. حتى الناس مستغربين من وين ياهم
علياء: خوله ضربي بدالي
خوله: افا عليج
الخلافات بينهم صار تقل اكثر واكثر... وثقتها بعادل بدأ يرد وحبها له بدأ يزيد
بس هذا ما يمنعها تعذبه ... ههههههه
بعد مرور سنتين يابت علياء توأم وسمتهم فيصل وفهد
النهاية
|