بعدما تعشوا ...
عطت جوجو تكوي الكندوره وغترته عادل ...
ودخلت الغرفه .. لقت عادل مشغل التلفزيون بس ما كان يطالع لأنه عيونه على الاوراق
بندت تلفزيون .. رفع راسه: ليش صكيتي التلفزيون؟
علياء: والله يا حبيبي اللي اشوفه انك ما تشوف التلفزيون فبلا دلع لو سمحت
حطت راسها على الفراش .. قام وشغل االتلفزيون
علياء:عادل عاد ابى انام
عادل: بس انا ما اعرف اشتغل الا واشوف تلفزيون
علياء:يعني حتى في شغلك تشوف تلفزيون وتشتغل
عادل: لا اسمع مسجل واشتغل
علياء: من صدقك
عادل: لا طبعا .. رجع يطالع الملف
سحبت عنه الملف: انتبه لي
عادل: علياء عاد .. يبى ياخذ عنها الملف .. بس مب مخلتنه
علياء: اول شيء جاوب علي السكرتيره حلوه مثل ما يقول سعيد
ضحك عادل: اونج تغارين؟
علياء عطته الملف: ومنو قال اني اغار
قرب ويه ويضحك: اعترفي انج غيرانه
علياء : اقولك مب غيرانه
بدأ يغني: من قدي حرمتي تغار علي من قدي
وبنفس الوقتت علياء ادافع عن نفسها: لا لا مب غيرانه .. عادل عاد
حطت راسها وتلحفت
بعد اللحاف عنها: احبج وان شاءالله لو تكون ملكة الجمال ما تهمني .. لأنه انا من زمان
عندي ملكة الجمال
صدت صوبه: والله
عادل: هيه .. باسها على الخد ورجع يطالع ملفه:بس تصدقين تجذب الواحد هي ومره بغيت انجذب صوبها بس تذكرت اني متزوج
علياء : شو قلت
خذت موسدتها وتمت تضربه .. لين ما صار معركه بالموسدات
ع صبح
علياء: جوجو وين الريق بابا .. شو هذي شغلها كله متأخر
تفاجأت ببوسة صباح على خدها
عادل: صباح الخير
علياء تبتسم له: صباح النور حبيبي
يت جوجو وبيدها الريوق
عادل:شو عندج تتحرطمين من الصبح
علياء تاخذ الريوق من عند جوجو: آنسه جوجو كله تتاخر في شغلها
جوجو: سوري ماما
علياء: في ذمتك شو اسوي فيها ألحين
عادل:خخخخ خلاص سامحيها
علياء: نست العصير العروس
جوجو: ماما انا ألحين بجيب بس انتي لا تسفريني
عادل:خخخخخ ومنو ياب طاري السفر
علياء: شو عرفني فيها روحي ييبي عصير لبابا
جوجو: صاروخ
عادل: يالله أكليني
علياء:خخخخخ صج متفيج انت
عادل بدلع: يالله عاد أكليني ولا بتأخر عن شغلي
علياء: خخخخ زين زين افتح هالحلج وياء هالراس
في الشركه
سكرتيره: هلا والله
عادل تجاهلها ولا صد صوبها بعد
دخل لغرفته ودخلت معـاه
قعد عادل على كرسيه:في شيء مهم اليوم
سكرتيره:هيه
نروح لعلياء..
اتصلت لنوف .. وطلعت نوف في الكلاس ... فتعمدت تتصل فيها اكثر من مره عشان تزعجها ... وما سوت سالفه للمسجات اللي اطرشهم نوف لها
علياء:كككك لا تتصلين اونه
فرت تلفونها: بس ملل ..
وقفت فجأه:يس ليش ما امر عليهم في نهايه هذي شركة ابوي وريلي وعمي وريل اختي هههه باختصار شركتنا بروح اشوف مكتبة ريلي وكيف يشتغل هههه
تجهزت وتألقت .. خذت سويج سيارتها وقبل لا تظهر نادت على جوجو
جوجو: يس ماما
علياء:اقول انتي ما تعرفين ترمسين انجليزي بعد ترمسين
جوجو: ماما انا يعرف يقول يس ونو
علياء: هههه هيه هذا حتى ولد بو سنتين يعرف يقوله
جوجو: اللـه ماما انتي وايد هلو اليوم بروح مكان
علياء: والله حلوه طالعه
تهز راسها
علياء: هيه هيه انتي قصي علي .. شوفي انا بظهر مو تطلعين وتروحين منا ومناك ترى والله اذا عرفت طلعتي مكان من ورانا بسفرج سيدا
هجمت عليها جوجو ويلست تبوس يدها: ماما انا ما يطلع مكان ماما
سحبت يدها : شو تسوين .. خلاص روحي شوفي شغلج
تمسح على يدها وطلعت: خبله
بعدما وصلت الشركه ... الموظفين تموا يطالعونها ...
وفي بالهم: منو هذي .. وين رايحه ع كيفها شو
وقفها موظف: وين رايحه اختي
علياء: وانت شو يخصك
الموظف: بس هالمكان مخصص للموظفين
علياء: والله توني اعرف رغم اني قريت اللوحه بس ما سويت له طاف
لمحت على محمد فنادت عليه: محمد
انتبه عليها محمد: علياء
راح صوبها: شو تسوين هنا؟ ليش ما دخلتي
علياء: الله يخلي موظفكم منعني
محمد عصب عليها: ليش تمنعها هذي بنت العم سعيد
الموظف: اسمح لي عمي ما كنت اعرف
علياء: هيه صح ما ينلام اول مره ادخل الشركه
الموظف: شكرا اختي .. وأنـا آسف
علياء:عادي عادي
محمد: تعالي
دخلت مع محمد : اكيد يايه تشوفين ريلج
علياء:هههه قلت اشوفج كيف يشتغل مستر عادل
محمد: عيل غرفته من هنا
علياء: ثانكس بشوف ريلي بالأول بعدين بفكر اعبركم
محمد: خخخخ بتفكرين بعد
علياء: خخخخخ ... راحت عند عادل
كانت بتدخل ومن غير ما تسوي سالفه لسكرتيره
السكرتيره: لو سمحتي اختي وين رايحه
وقفت علياء وصدت صوبها: لحظه
وقفت السكرتيره والابتسامه شوي شوي كانت بتظهر: علياء
علياء: شجووون
راحت عندها علياء: شجون ام الكشه ما غيرها ههههه
اختفت ابتسامة شجون: ما تغيرتي
علياء: بس انتي تغيرتي وايد .. احلويتي
شجون: صج
علياء يلست:هيه
شجون: تسلمين
علياء:وييي آخر مره شفتج ايام التخرج الثنويه وبعدين كلش اختفيتي
شجون: تزوجت وتطلقت واشتغلت هنا ومثل ماتشوفيني اشغل عمري بشغل
علياء:ويييي كل هذا صار لج ونحن ما نعرف
شجون تنغزها: انتي وربعج متى اهمكم .. كنتوا كله تعلقون علي
علياء حست فيها: انسي عاد ايام المراهقه ولعبان بس الحين خلاص عقلت
شجون: صدقتي ننسى الماضي احسن انتي شو تسوين الحين
علياء: هههه انا؟! طردوني من الجامعه
شجون: والله هههه ليش؟
علياء: كنت راعية مشاكل اوني وانا حليلي ما كنت اسوي شي
شجون: انتي ما تسوين شي ما اصدق هههههه
علياء: ههههه زين وتزوجت وعايشه حياتي
شجون: اووو منو هالمسكين اللي تزوجج
علياء: ككك حرام عليج انا مب لها الدرجه شريره .. إنزين ما قلتي لي المدير موجود
شجون: هيه ليش؟
علياء: ابغي اشوفه
شجون: بس هو ما يستقبل الا اذا كان عندج موعد
علياء: اونه خقاق بعد
شجون: هيه ولا بسمعني كلام ماله اخر
علياء: بعد مخوف الموظفين منن قدك عدول
شجون مستغربه: شكلج تعرفينه
وقفت علياء: ههههه الللي قلتي عنه مسكين هو مدير
تغير ملامح ويها: عادل .. اقصد المدير ريلج
علياء: ما الومج تستغربين ههههه .. عند حد هو
شجون: لا لا تقدرين ادشين
علياء: اشوفج بعدين عيل
دقت على الباب وسمعت صوته يقول: ادخل
بعدما دخلت: احم احم
رفع راسه ويوم شاف علياء .. فر الملف: حيااااتي
دخلت : هلا والله بحبيبي بمدير
عادل: ههه مدير في شركه ما في البيت فانتي المديره
تقعد: احم احم لازم
عادل: ههههه عن تصدقين عمرج شو تسوين يايه هنا
علياء: ما شيء يايه اشوف حبيبي كيف يشتغل
عادل: شو عجبج غرفتي
علياء تتأمل في الغرفه: مب أحلى من غرفتنا
عادل: ههه صج عبيطه
علياء وقفت: خخخخ اعرف
عادل: وين رايحه؟
علياء: من صدقك كمل شغلك ابوي بعدين بتقول انا خربت عليك
وقبل لا تتحرك : شفت سكرتيرك
توتر عادل: زين
علياء: لا باس طلعت اغرفها
عادل: تعرفينها؟
علياء:هيه هذي شجون كانت في صفي بس ألحين وايد تغيرت
حس شوي براحه: زين زين كانت سكرتيره محمد بس بعدين حولها عندي
لأنها تعرف الشغل عدل هنا
علياء: يعني كانت من زمان تشتغل هنا
عادل: هيه
علياء: زين عيل انا بروح اسلم على ابوي وعمي
عادل: الله يحفظج
اول ما طلعت علياء ... عادل تنهد وحاول يرجع للشغل ما قدر تذكر كيف ألتقى بشجون
شافها اول مره في شركه يوم مر على اخوه .. وتعلق فيها بس عشان ينسى حب علياء
وتفاجا يوم عرف إنها تخلت عنه بس عشان تزوج واحد اكبر عنها .. باعته برخيص .. انتبه على صوت شجون: عادل
انتبه لها: نعم
شجون: علياء طلعت حرمتك ما لقيت غيرها
عصب عادل: حدج عاد لا تغلطين عليها واكثر من مره قلت لج اهتمي بشؤون الشغل بس
شجون:وش فيك صاير عصبي
عادل بنبره جاده: شجون
شجون: خلاص لا تعصب بظهر بس بغيت توقع على هالأوراق
علياء: يالله عيل برد البيت انا
بو سعيد: اهتمي في عمرج
بو محمد: الله يحفظج بنتي
ابتسمت لهم وطلعت من غرفتهم ... لكنها رجعت مره ثانيه
بو محمد: نسيـتـي شيء
علياء: هيه سويج سيارتي
طالعت صوب الطاوله وما لقته
بو يعيد:ما شيء هنا
علياء: يمكن نسيته عند عادل
طلعت من عندهم
وفي مكتب عادل
عادل يوقع على الاوراق وشجون تتطالعه بنظرات حب
شجون: تكسر خاطري انا مب عارفه كيف عايش معاها
رفع راسه: انتي غبيه ولا شو ما تفهمين
شجون :متأكده إنك مستانس معاها اصلا منو يستانس معاها
وقف عادل: كلمة وحده بس عنها انتي مطروده بتكونين
شجون مسكت يده:ليش تعذبني عادل حرام عليك شوف حتى القدر جمعنا في نفس المكان
عادل يبعد يده: انتي صج ما تستحين ما عرفتيني الا بعد ما اطلقتي
حضنته وتفاجأ من ردة فعلها: اعترف لك اني ندمانه .. واكبر غلطتي يوم تركتك
قبل لا يسوي شيء دخلت علياء وتمت واقفه .. وهو بين حضن شجون انتبه له علياء .. فبعدها بسرعه حتى بغت اطيح
عادل: علياء
علياء تمت ساكته وراحت صوب المكتبه ... خذت سويج سيارتها وطلعت
عادل قبل لا يطلع: كله منج يا الحقيره
لحق علياء وقبل لا تطلع من الغرفه مسكها:علياء سمعيني
علياء بصوت عالي: جب .. ما ابغي اسمع منك شيء
عادل: علياء شو جب
تحاول تطلع بس ما خلاها: قلت لك ماابغي اسمع شيء
عادل: اللي شفتي توه مجرد سوء تفاهم
اول ما قالها سؤء تفاهم تخبلت الحرمه وبدت تضربه: سوء تفاهم ؟! انت كنت بين احضانها يا الخاين
عادل : علياء .. حبيبتي
يوم شبعت من الضرب بدت ترمس بصوت عالي: تخوني معاها وتباني اسمعك ..ناوي تخرط علي يا الجذاب يا الخاين .. فهمت كل شيء هيه شجون اللي كنت تحبها
ليش كنت انته بعدك معااها .. لدرجه انها تشتغل معاك
رجعت تضربه ... بس هالمره مسك يدها: بس علياء اقولج انتي فاهمه السالفه غلط
دخلوا بو محمد وبو سعيد ومحمد
بو محمد: شو صاير صوتكم واصل لغرفتنا
علياء ابتعدت عنه وركضت عند ابوها .. تمت تصيح
بو سعيد يطالع عادل:شو صار عادل
بها اللحظه طلعت شجون من مكتب عادل
والكل يوم شافوها طالعه .. تغيرت نظراتهم للشك
عادل: والله انتوا فاهمين السالفه غلط
علياء بعد فيها شده تضاربه:شفتك في حضنها وتقولي فاهمين غلط .. يا سراقه الرياييل ما فلحتي في زواج يايه تخربين زواجي
راحت عشان تضربها ... بس بو سعيد مسكها .. حاولت حاولت تضربها بس ما قدرت
لين ما اغمى عليها
فتحت عينها : آي راسي
ام سعيد: حمدلله على سلامه بنتي
انتبهت على صوت امها: يمه ..
خوله: ما تشوفين شر حبيبتي لا اتعبين عمرج وايد
حاولت تقوم عشان تقعد
ام سعيد: لا يمه لا تقومين الدمتور قال لازم تستريحين
تجاهلت كلام امها وقعدت
خوله: بعدها عنيده
علياء ميوده راسها: خوله انا مب متفيجه لج
خوله كان بترد عليها بس انتبهت على صوت الباب
خوله:يمكن قوم محمد غطيه شعرها يمه
عطتها الشيله ام سعيد
محمد: السلام عليكم
اول ما رفعت راسها وشافت عادل من بينهم فتمت تصرخ: طلعوا برع طلعوا ما ابغي اشوف ويه هالخاين
عادل عصب وطلع برع
ام سعيد: علياء حبيبتي
حضنت امها وتمت تصيح
بو سعيد: علياء مب زين اللي سويتي .. كان عطيتي فرصه يتكلم
علياء في حضن امها: ما ابغي اشوف ويه
بوسعيد: عيب يمه هو خبرنا بكل شيء وعطي فرصه يقولج وبعدين احكمي
اشر على ام سعيد تتركها ..
بو محمد: محمد روح نادى على اخوك
طلعوا الكل ودخل عادل
قعد حذالها: حمدلله على سلامه حبيبتي
صدت صوب الثاني
عادل بصوت مكسور: ما الومج من حقج تزعلين انا لو كنت مكانج كان يمكن سويت اخس عنج
علياء صاده على صوب ثاني وكانت تصيح: يعني تعترف انك غلطان
عادل: هيه ولا .. اعترف اني يوم خبيت عنج عن هوية شجون غلطت في حقج
واعترف انه ما بينا شيء ابد .. هي اللي تهجمت علي وحضنتني
علياء بسخريه: تقص على منو انت
وقف وراح صوبها .. كانت بتصد عنه .. بس هو مسك ويها: علياء فديتج والله لا تسوين فيني جذي والله احبج والله العظيم شو اسوي عشان اثبت لح اني احبج واللي شفتي كان من خطة شجون انا بنفسي تفاجأت من فعلها كيف تجرأت ما اعرف بس اقسم اني احبج وما احب غيرج انتي
حضنها:والله احبج والله العظيم ارجوج علياء عشان خاطري لا تخليني إنزين عشان خاطر ولدنا
علياء في حضنه: ولدنا
عادل: هيه حبي انتي حامل ..
استانست علياء بس من الحزن ما بين
بعدها وكانت منزله راسها: علياء انا بخبرج بكل شيء واللي تبينه بصير
خبرها بكل شيء كيف تعرف عليها وشو الاسباب
عادل: والحين
علياء:لا تعليق
عادل: حياتي
علياء تصيح: عادل بس ما ابغي اسمع اكثر .. انت اصلا بعدك تحبها لا حبي ولا طوايفه بقدرون ينسونك
عادل بترجي: علياء حبيبتي لا تقولين جيه
علياء: طلقني عادل
عادل: شو
علياء: مثل ما سمعت
عادل: حرام عليج والله السالفه ما تسوى
علياء مصره: عندك ما تسوى عندي تسوى
عادل بدون ما يرد عليها .. طلع من الغرفه
ويوم طلع هو دخلوا الاهل .. وخبرتهم علياء انها تبى تتطلق ..
والكل حاوي يقنعها ويفهمها بس مب راضيه الحرمه .. حتى ابوها بغى يضربها لو ما ام سعيد وقفته ..
طلع من عندها معصب ومتضايق فتبعوا محمد وبو محمد عن بستوي فيه شيء
سعيد تم بس عشان يسمع علياء هالكلام: والله علياء بتندمين اذا اطلقتي صح إني اصغر افهم وعادل ما يحب غيرج يا الدغمه بتضيعين على عمرج ..
علياء تمسح دموعها: سعيد مب متفيجه لك
طلع من عندها معصب
فمحد تم غير خوله و ام سعيد
خوله: اختي حبيبتي كلام سعيد صحيح .. يمكن عادل كان يحبها وهو قالج ليش حبها
بس خلاص هذا ماضي وانتهى يعني ما يحتاج تسوين كل هذا
علياء معانده: ما ابيه وخلاص
ام سعيد مسكت يد بنتها: خلاص ما تبينه مب مشكله
خوله اطالع امها مستغربه
ام سعيد: بس فكري بالياهل تبينه يطلع من غير ام وابو
علياء: محد منا بموت
ام سعيد: بعد عمر الطويل حبيبتي بس ولدكم شو ذنبه باللي تسونا انتوا ..
علياء: يمه هذا كلام مال اول
ام سعيد: يا حياتي يا عيوني انتي تقولين مال اول بس الياهل يحتاج لوالديه يكون في قربه ولا بتعقد جيه .. إنزين تحبيني
علياء مب متفيجه: يمه لا تبدين عاد
ام سعيد: يالله عيوني عشاني انا عمري ما طلبت منج شيء عشان بس ردي لريلج وخل عنج فكره الطلاق سامحي وصدقيني ما بعيدها
تمت ســـــاكتـه علياء
ام سعيد:ها شو قلتي
عليـاء بعد سـاكته وما ترد عليه
خوله: يمه خلاص وايد ذليتي نفسج عليها خليها هذي من عرفتها وهي انانيه
علياء ودموع بعينها: خوله ..
حضنت امها .. وتمت تصيح
خوله حسن بالذنب وبنفس الوقت تبى تطلع من عندها
وشوي بتفتح الباب سمعت علياء تقول: خلاص يمه عشانج بس (وبنفس الوقت علياء كانت تصيح)
عادل اول ما سمع علياء بترد معاه استانس وحط في باله الحرمه خلاص رضت عليه
دخل عليها الغرفه مستانس اول ما فتح الباب: الحمد .. سكت
لأنه ما لقاها .. كان بطلع يسألها عنها... انتبه عليها طالعه من الحمام
اول ما رفعت راسها انتبهت على عادل اللي اول ما شافها طالعه من الحمام ربع صوبها وحضنها ..
عادل: احبج
بعدت وبكل بروده: لا تسوي لي فلم هندي
خلته في مكانه مستغرب وهي راحت تلبس عباتها
عادل فهم حط في باله اكيد تتغلى هذي علياؤ تحب تدلع وتتغلى
عادل: احم
راح عندها مبتسم: خلصتي
علياء: وين اهلنا
عادل: راحوا البيت
علياء بصوت واطي : ما صدقوا قلت برجع معاه
عادل: حياتي قلتي شيء
طالعته بنظرات .. وتحركت عنه
تبعها ..
يمشون مع بعض بس كان مسافه بسيطه تفصل بينهم .. وعادل حاول يزيل هالابعاد
فتقرب منها ومسك يدها .. بس علياء سحبت يدها
بعد استغرب لكن مسك نفسه لين ما ركبوا السياره
حتى في سباره تمو ساكتين .. وتعمد عادل يشغل اغنيه الله يبارك فيك
علياء اول ما سمعت الاغنيه عصبت: بند صدعت براسي
عادل: افا هذي اغنيتنا
عصبت اكثر وبندت الاغنيه
عادل:خلاص حبيبتي لا تعصبين
سكتوا مره ثانيه ورجع عادل يكلمها: حياتي تصدقين مب مصدق انه بكون عندنا عيال
متحمس الصراحه .. خخخخ اشكالنا ما تحوي بنكون والدين ههههه عجيب صح
مـــــاشـي علياء طــــــــــاف على الاخـــــــــــر ...
بدا عادل يعصب: اكلمج ليش ما تردين علي
علياء مـن مـا تصـد صـوبه:أنت متفيج تسـولف وانا مب متفيجه اسمعك
عادل: يعني شو انتي بعدج معصبه
ما ردت عليه
عادل: علياء
بعد ساكته وسكوتها صار يقهـره ..
عادل بـدا يتحرطم: يعني انا شو اسوي عشان ترضين فهمتج وما نفع معاج الكلام
عنيده صايره اذا انتي عنيده أنا بعد اعرف اعاند
بدا يسرع في سواقته .. وعلياء بارده على االآخر ولا كأنها موجوده في سياره اما عادل
فكان معصب ومضايق ... ويحاول يمسك نفسه ... والحمدلله انهم وصلوا البيت بسلامه
نزلت علياء وما سوت له سالفه ... نزل هو بعد .. بعدما بند السياره ..
جوجو: ماما حمدلله على السلامه
علياء وهي تمشي: الله يسلمج
ركبت الدري ...
اما عادل فتم يطالعها لين ما وصلت الغرفه وصكت الباب .. فتح ازرا كندورته وقعد على الكنبه
جوجو: بابا يبى شيء
عادل:ماي الله يخليج
جوجو: ان شاءالله بابا
بعدما راحت جوجو ..
تنهد عادل ... وقعد يفكر ..
جوجو: بابا ماي
انتبه عليها عادل وشل عنها الكوب: مشكوره
شرب الماي شوي وعطاها الكوب
جوجو: بابا ماما شو فيها ليش يروح مستشفى انا يشوف اليوم هي وايد زين
عادل بدون نفس: ماما حامل
جوجو استانست: الله بيبي بيجي في البيت .. مبروك بابا
ابتسم لها غصبن عليه: الله يباركج
وقف لأنه كان ناوي يروح الغرفه ويطمن عليها
جوجو: بابا شو يسوي عشا
عادل وهو يتحرك: أي شيء
عوره اول ما شاف علياء تمسح دموعها كانت تصيح
دخل بسرعه داخل وتقرب صوبها.. علياء كانت يالسه اول ما شافته تقرب صوبها وقفت وابتعدت عنه
عادل شوي وبصيح:علياء عاد
علياء ما شيء رد
عادل: والله حرام عليج
علياء فجأه ارتفع صوته:حرام اللي انت تسويه كنت تخوني وانا اكره الخونه يا خاين سمعتني اكره الخونه وانت خاين اكرهك اكرهك
تم واقـــــــــــــف اول ما سمع هالكلام .. كأنه حد صب عليه ماي بارد ولا شايف فلم رعب خخخخ متفيجه انا .. المهم
حاول يتكلم او يرد عليها ما قدر ...
حس في شيء بداخله بنفجر .. اذا تم في نفس الغرفه معاها عادي يسوي لها شيء
ففضل يطلع من الغرفه وصك الباب وراه بأقوى ما عنده
اما علياء فأول ما طلع ... يلست على الارض وتمت اصيح ... وبنفس الوقت تضرب الارض: ليش سويت جذي يا عادل اكرهك اكرهك
يمشي بسيارته ومب عارف وين يروح فيه ...
بس كان يتحرطم: غبيه غبيه اكرها انا بعد .. ما عندي سالفه معور قلبي عليها
ماتستاهل السخيفه فاقده الاحساس مب ويه حب هذي .. كيف افسر لها
انه اللي ما تستحي على ويها هي اللي هجمت علي .. انا ما كنت متوقع منها
اصلا غلط من علياء .. لو كانت تحبني كان وثقت في بس ام العقل الصغير والقلب القاسي
شو عرفها .. تفسر الكلام على هواه ...
تبي ترحل وتتركني تبي تسافر وتهجرني
انتبه على رنه موبايله ...
شاف المتصل وكان اخوه .. حاول يعدل من نبرة صوته
رد عليه:هلا محمد
محمد: اهلين عادل .. شخبارك
عادل: الحمدلله تمام
محمد: ها بشر ؟ عسى كل شيء تصلح بينكم
عادل بضيق: الحمدلله
محمد: زين زين تعال طردناها ام المشاكل شجون
عادل: زين سويت لو كنت اعرف بتوهقني جيه كان طردتها من زمان
محمد: انزين انت ليش ما خبرتني عنها كان ما خليتها تكون سكرتيرتك
عادل:سالفه وانتهت يا اخوي .. تامرني بشي
محمد: حط بالك في علياء وتحملها ألحين اكثر من قبل تراها حامل ودلعها بزيد
لا تشك في كلام الخبرين خخخخ
اضطر يضحك: ههه ان شاءالله
بعدما صكر من عنده وفر تلفونه رجع يكلم نفسه: الكل يوصي عليها وما يعرفون انا اللي محتاج توصيه ..
المهم ما رجع الا بعدما صلاه العشاء ...
بركن سيارته في البيت لكنه ما نزل .. تم يالس في سيارته ومغمض عينه
انتبه على حد يدق الباب وينادي عليه: بابا
فتح عينه: لا حول ابغي ارتاح انا
بند السياره ونزل : شو فيج
جوجو: بابا انت وين يروح ماما وايد في صيح
عادل خاف: صار فيها شيء
جوجو: ما يعرف انت اول ما يروح انا يسمع صوت من غرفة ماما
ويوم يشوف كله في كسر ..
ما عطاها فرصه تكمل وركض عند علياء ..
|