بعدمـا طلع عادل .. قامت علياء بكسل ... وراحت صوب الحمام ...
علياء في الغرفه مع عادل
علياء: انا اقول مب لازم نبطل الشنط ألحين بس نخليهم بنفس المكان
عادل: اوكي ..
علياء: تعال وين الغدى انا ما عرف شيء في طبخ
عادل: اصلا محد يباج تطبخين تبينهم ينومون في المستشفى .. هم بنفسهم بـيـبون الأكل قـالوا
علياء: احسن .. قوم خلني اتكشخ لازم ابين لهم إني عروس
عادل بسخريه: هيه صح
ما اهتمت له .. وبطلت الفوطه من على شعرها .. وقعدت تنشف شعرها المبلل من تحت .. وعادل واقف ويطالعهـا ..
يوم ردت شعرها لورا ... كم من قطرات وصل على ويه ..
علياء تتطالع عادل من المنظره: ليش واقف روح دور لك على شغله تسويها
سكت وما رد عليها ... طلع من الغرفه ..
بعدما يلست:ممم خلنـا نشـوف مـن ويـن ابـدأ
عـادل قعـد يدور ويلف على المكـان ... طلع برع وشاف الـزرع حـس إنهم محتـاجيـن للسـقـايه .. راح يـدور على البيــب (الـفـوز)
بعـدمـا غـرق الـزرع بـالمـاي ... حـس إنه لازم يـروح يتكشـخ ويجهـز
ترك اللي بيده ودخل للصـالـه..
علياء: نوف والله انتي فتكه ومتى صار هالشيء .. احلفي
ترمس وبيدها علبة الاكسورات ... لين ما طاح منهـا
علياء: آخ .. لا مب حقج طاح عني علبة الاكسورات
نزلت عشان تلقطهم ...
علياء: إنزين وسهوي شو سوت
دخل عادل ... وما حست بوجوده ... ماخذه راحتها ترمس وتضاحك
شلت العلبـه وحطته فوق التسريحه
علياء: هيه سهوي من زمان خوافه
رفعت عينه وشافت عادل من المنظره واقف يطالعها
صدت وراه .. تجاه يعني
علياء: لحظه نوف
علياء: وش فيك عادل
عادل متسمر في مكانه علياء كانت تهبل اليوم ... لابسه بدله عنابيه .... وومخليه شعرها القصير مفتوح ..
خذت ربطه شعرهـا وراحت صوبه: عادل
عادل انتبه: ها
علياء : هههه وش فيك وين سرحت
عادل يحاول يركز: نسيت شو كنت ابغي؟
علياء بكل ثقه: ما ألومك الل يشوفني ينسي دنيا وما فيها هههههه ... (شوفوا جرأتها بس) .. عاد الريال ارتبك وما عرف شو يقول: منو منو قال انا كنت ياي اجهز هيه صح ياي اجهز
علياء تبتسم: هدأ هدأ ما قلت شيء انزين
طلعت من الغرفه تضحك وبنفس الوقت رجعت تكلم نوف
اما عادل فتم يضرب نفسه: صج غبي غبي وين تبا بس ما ادري شو صار فيني من شفتها تسمرت في مكاني .. مالت مالت عليها وعلى ويها بعد لا لا مب على ويها عليها بس .. صرخ: عاااااادل شو تقول انت
علياء حست إنها ملانه ... بعدما سكرت من عند نوف ... واهلها بعده ما شرفوا ...
وقفت .. ويلست تتمشى على البيت ... .. تستكشف على قولتها.. عجبها كل شيء خاصة المطبخ حلو مسوين له ديكور ...
راحت صوب الثلاجه ... فتحته ومالقت شي ..
علياء: يا سلام ثلاجه فاضيه
صكرت الثلاجه ... لفت صورتها اللي انعكست على باب الثلاجه .. وتمت تتمايل يمين ويسار ,,, وتسوي حركات .. بويهـا وبيدهـا ههههههه
بعدمـا شبعت ... خذت الربطه وربطت شعـرهـــــا...
طلعت من المطبـخ ... وهي تركب الدري ... سمعت حشره .. وقفت عشان تنتبه اكثر على الحشره عرفت إنه الأهل وصلوا ... ركضت بسرعه صوب غرفتهـا .. حتى فتحت الباب وما انتبهت منو ورا الباب .. والضحيه كان عادل .. تعور ...
عادل: اخ
علياء: اوووو عادل .. ما شفتك اكيد ما شفتك وانا شو عرفني انت ورا الباب
عادل يفرك جبهته ويطالعها بنظرات غضب ...
علياء ابتسمت: اوكي اوكي لا تعصب بس اهلي واهلك وصلوا .. وانا يايه .. تصد منا ومناك ... راحت صوب شيلتها : عشان هذا
بعدما لبست شيلتها ... قدرت ادقق في عادل عدل
راحت صوبه .. وتمت ادور حوليه
عادل: وش فيج ادورين كأنج ذبابه
علياء ضربت على كتفه: اول مره اشوفك لابسه كندوره حتى في ملجتنا لابس بدله هههه المهم المهم مب علينا ... كاشخ الاخ اليوم شو عنده
عادل عاد صدق عمره: والله
علياء: لا امزح معاك يالله خلنا نروح عندهم
طلعت من عنده .. وخلته واقـــــف
علياء تنزل من الدري: هلا والله هلا هلا وهلاوين
راحت تسلم عليهم وهم يضحكون عليها
محمد: ها شو رايكم في البيت
علياء:ما عليه كلام وانا قلت من زمان دام انت في سالفه اكيد بكون حلو
خوله: ها ها شو ها اللي اسمعه طايحه مدح في ريلي
علياء: وانتي شكو .. اقول حمود حرمتك وايد تغار ليش ؟
محمد: هههههه لا تسوينا مشاكل يا اختي
علياء: ما عليج منه الحين يقولي اختي هههههه
ام سعيد: عيب يا بنت
علياء راحت عندها: والله يمه ..
نزل عادل وسلم عليهم
محمد: هلا والله بالشيخ .. شوو هالكشه ما نقدر عليك
خوله: هيه والله عيني عليك بارده يا عادل
بو محمد: شكله الزواج سوى مفعوله
عادل يطالع علياء ويبتسم ... اما علياء حاطه يدها على بطنها: حدي يوعانه يا ناس شو يابين اكل
سعيد: بس شكله الزواج مب مأثر في الاخت
بو سعيد: لا تقول عن اختك جذي ..
علياء: سمعته وألحين انطب وخلونا ناكل
الكل: خخخخخخخخخخخخ
علياء كانت يالسه بجـانـب خـولـه ... ومشغوله تختـار شو تـاكل
وخـوله يوم انتبهـت عـادل كـان ياي صوب الطـاوله .. وقفت: عادل تعال اقعد هنا
علياء تمط خـوله وخـوله مسويه لهـا طـاف
عـادل: لا عادي خوله قعدي هنا
خوله: مب مشكله عادل اقعد هنا وانا بقعد حذال ولـدي .. ما يعرف ياكل لحـاله لازم أنا أكله ولا بخيس لنا الدنيا
عادل: خلاص على راحتـج
تبـادلوا الاماكن .. خوله قعدت بجانب ولدها اللي قاعد بجانب ابوه ..
وعادل قعد بجـانب علياء ... اللي تمت تسـب خوله بنظراتهــا وخوله تأشر عليها شو فيه يعني من الله ريلـج
قعـد عـادل ... وحتى هو مب مرتـاح ... وحاس إنه منحـرج .. ومتقفط مب عـارف الريـال ..
بوسعيد: يالله سموا بالرحمـن
الاثنين .. مدوا يـدهـم على طاسه الصالونه ...
والاثنين طالعوا بعض ... وما لاحظوا على نظرات اللي تتطالعهم
علياء تأشر على عادل بعيونهـا ... بس عادل في عالم ثاني
علياء معصبه بس تحاول ما تبين ... وتنادي عليه بصوت واطي: عادل
مـحد رجعـه في عالمه غير ضحكـاتهــــم ...
عادل يضحك معاهم: شو سالفه
علياء معصبه: السالفه إنك ماسك يدي ومب راضي تتركني
انتبه عادل وشاف يده وين.. فسحبه بسرعه من غير أي سابق انذار على قولتهم ...
الكل: هههههههه
سعيد: بالستر يا عادل مب قادر تستغنى عنها اخبرك شو فيها عشان ساحرتنك هالقد
عادل خاطره يخنق سعيد ...
وعلياء خذت الجزر وفرته عليه
بو محمد: خلهم بعدهم في شهر العسل .. ككككككككككككككككك
عاد الكل بدا يضحك عليهم وفي داخل علياء بركان .. وعادل ينزل راسه مره ومره يبتسم بالغصب تاه الريال
بعد الغدى .... ورتهم علياء شو اشترت من هناك ...
سعيد: شو ها كله لعبان .. ما لقيتي لي شيء يصلح لقدي؟
علياء تعطي الالعاب ودباديب لولد اختها: لا ما لقيت .. اصلا انت ما جيت في بالي
سعيد: معلوم حبيب القلب 24 ساعه جدامج وين بتذكريني
علياء: ها ها ها ما يضحك
سعيد: ومنو طلب منج تضحكين
خوله: بس انته وياها .. وانتي بسألج ريلج اصطلب بس انتي مثل ما انتي
علياء: يعني شو تبيني اسوي
خوله: ارمسي عدل
علياء:انا جذي ارمس شو اسوي .. (البنت بعدها معصبه من حركة عادل)
ام سعيد: بس عاد خوله لا تضعطين على حبيبتي
سعيد: اونه حبيبتي
ام سعيد: انت شو موقفنك هنا روح عند الرياييل
سعيد: انا قلت الحين يابه لين شيء من هناك بس مالت
علياء: عليك
بعدما راح سعيد ... راحت علياء ورقدت على ريول امها
علياء: احبج
ام سعيد: اعرف
علياء: اونه امي تستحي تقولي
ام سعيد : وليش استحي اقول انا احبكم كلكم
خوله:يوم اقولج هذي مب متغير فيها شيء
علياء:يمه شوفي خوله ما عندها شيء غير تلعوزني
خوله: الحين انا اللي العوز بنت تلعوز البلاد بكبره
علياء: خوله اسكتي عن احط عيني على ولدج
خوله حضنت ولدها:بسم الله عليه .. ابوي بسكت عن تسوين فيه شيء
علياء مفتخره بعمرها: هيه خلج جيه
ام سعيد:هههههههه
علياء: فديت هالضحكه
ام سعيد: عقبال ما نشوف عيالج
هنا اختفت الضحكه من حلجها وقامت من على ريول أمهـــــا
ام سعيد: وش فيج
علياء: ها ؟ ولا شيء
خوله: من طرت امي سالفة العيال تعفستي
علياء: اكيد بتعفس منو متفيج حق العيال
ام سعيد تضرب قلبها
علياء: هههه شوي شوي على قلبج هههه
ام سعيد: خلج من قلبي
علياء:افا يمه كله ولا قلبج
ام سعيد : لا تغيرين السالفه
علياء: شو اغير يمه قلبج وصحته اهم ما فيه
ام سعيد: علياء عن هزره الزايده
علياء: الحين ارمس عن قلبج تقولين عن هزره الزايده .. لا لا يمه
ام سعيد: علياء
علياء: يمه
ام سعيد فيها ضحكه: لا تستخفين
علياء: يمه انا مستخفه من زمان
ام سعيد: علياء سمعيني ... بنفس الوقت رن تلفونها:علياء دقايق بس
ردت على المتصل راحت عنهم بعيد
خوله: شفتيها كيف غيرت الموضوع
ام سعيد: اشوفها .. مب سهله هالبنت ما عطتني فرصه اكلمها حتى
عند الرياييل
محمد: ها اخوي كيف كان شهر العسل
عادل تم ساكت وتذكر كل المواقف اللي صارت لهم هناك
محمد: عادل؟! وش فيك وايد صرت تسرح
عادل بدون قصد: اللي يتزوج علياء وين ما بسرح
محمد: كيف يعني
عادل انتبه: .....؟؟
سعيد: ما ألومك عادل ... ابوي مب سالم منها وين انت عيل
محمد: سعيد؟
وصد صوب عادل: اخوي اسمعني انت الحين مرتبط وبمسؤوليه مب سهله ومحتاج تتحلى بالصبر وصدقني علياء بنت مرحه صح إنها بعض الاحيان ما تعرف شو تقول وشو تسوي بس صدقني علياء بنت ماشي مثلها وايام بتوريك بس انت اصبر عليها
عادل حرك راسه: إن شاءالله
خوله: قومي نرتب اغراضج
علياء: اغراضي ؟ ليش انا رتبتهم البارحه
خوله: ليش تكذبين انتي والترتيب ولا بعد اذا راجعه بوقت
ام سعيد: ليش تكذبين البنت يمكن تغيرت نسيتي متزوجه البنت ألحين
علياء: صدقها امي
خوله: مب علينا قبل شوي طالعه من غرفتكم والاغراض بعدهم في الشنط
علياء: اختاه يا حبج للتدخل
خوله : يالله قومي معـاي
قـامت خـوله وجبـرت عليـاء تقـوم بغصــــب
وهـم يـرتبـون الاغراض درا بينهـم هالسـوالف
خـوله: يـوسـف مـا قـالج متى بـنـزل البـلاد
علياء بس يـالسه تقلب في ملابسهـا: لا
خـوله: ما شاءالله كم تنانير شاريه انتي
علياء: ما اعرف
خوله:لازم يكون عندج بدل خوار وهالسوالف انتي الحين متزوجه
علياء زهقاااانه على الآخر وما حبت ترد عليها
خوله: بس بصراحه جلاليب اللي عندج وايد حلو
علياء: من ذوق مامي
خوله: تلسينهم
علياء: ما تشوفين لابستنه
خوله: اقصد مب في مناسبات في ايام عاديه
علياء: لا البس تنوره قميص ولا احياننا بدل بنطلون قميص
قاطعتهـا خوله: بس بس شو ها بعد بنطلون قميص اونه
علياء: قميص طويل انزين
خوله: طويل ولا قصير مب مشكله ريلج هذا بس غدي حرمه والبس بدل محترمه
علياء: خوله انا اقول لو تهتمين بترتيب احسن
خوله: ولا بعد مخلتني انا اشتغل والحبيبه ما تسوي شي
علياء: مو انتي اللي بغيتي
قبل لا يأذن صلاة العصر ... العائله غادرت بس طمنوا عادل وعلياء إنهم بتكفلون العشا لهـم
بعدما راحوا رن تلفون علياء مره ثانيه: هلا والله بحبيتي انا
طالعها عادل : اشتغلتي؟
علياء ما اهتمت له وفرت شيلتها على الكنبه ويلست
وعادل بعد فصخ كندورته وفر عليها
علياء: حمـا .. مسكت نفسها بس عشان ربيعتها ما تسمعه
عادل وهو صاعد الدري ويطالعها:ههه حاولي بس .. طرباااخ
طاح من الدري محــد قـاله يصعـد ويطـالعهـا .. انتبـه لجـدامك
علياء ألحين منو بمسكها من الضحك : ههههههههههاي كككككككك
ونـوف مـن صوب تسألها: وش فيهـا
بس البنـت مشغـوله تضـاحـك
وعـادل من صـوب يتـأوه مـن الألـم لأنه ريـوله ألتـوت
بس البنـت بعـد مشغـولـه في الضحـك
عليـاء: ككككككككككككك
نوف: وش فيج
عادل: آخ ريولي .. على شو تضكحين انتي بعد
علياء: نوفي كككككككاي بعدين بعدين بتصـل فيـج هههههه
نوف: بس .. ما عطتها علياء فرصه صكرت عنهـــا
وراحت صـوبـه ... قعدت بقربه: ها عيل وش فيك؟ يقولون طحت عيل
عادل ساكت عنهـا ومنشغـل بـريـوله
علياء اشرت بيـدهـا: هنـا يعورك
عـادل: آخ ايه
علياء بنبـرة مثل اليهـال:حـــلااااااام
عـادل يطالعها: عاجبنج انتي صح
علياء تيـود ضحكتهـا: لا
حـاول يقـوم متـكأ على الـدري ... بـس ما قـدر كل ما يحاول يمشي يتـألـم
وقفت عليـاء وبكل حنيـه: يعـورك وايد
جذبه طريقة كـلامـهـا
علياء: عـادل؟!
عادل: هـا
علياء: اقولك يعورك
عادل: هيه
علياء: ما تروم تمشي
عادل:هيه ... وشوي وشوي الإنجذاب يزداد
علياء:يعني كلش ما تقدر تمشي
عادل: .....؟؟؟
عليـاء تهزهـه: عــاااادل
عــادل: هـا هـا .. ضغط على ريـوله: آآآآخ
علياء: ها وش فيك
عادل: ريـولي
علياء: قوم خلنا نروح لمستشفى
عادل: لا مـب لازم .. نحـط المـرهـم وخـلاص
علياء: متـأكـد
عـادل: هيــــه .. حـاول يمشـي لكـن للأسف ما قدر
علياء: استغفـر الله
عادل: شو فيـج
علياء مب متفيـج له: اتـكأ علي لين مـا نـوصـل الغـرفـه
عادل استـانس : صدق
علياء طالعت مستغربه
فخبأه الوناسه وخله عمره يعوره
عادل: آآخ آآخ
علياء: يعورك اتكأ علي اقولك
عادل: اوكي ..
اتكأ عليهــــا ... وبـدا يمشــــــي ...ليـن مـا وصـلـوا لغـرفتهــــم ..
خلتـه يسـتـلقـي على الفـراش ...
عـادل آآآآي
علياء: المـرهـم مـن ويـن القـاه ألحيـن؟
عـادل: في شنطتـــــي بتلقيـن
علياء راحت قرب الشنط: أي واحد فيهم
عادل: الشنطه الصغيره
بعدما فتحت شنطته: تشله معاك كل مكان ؟ شكلك متعود على الطيحات
عـادل: احتيـاط واجب
علياء: هذا
عادل: هيه
خذت المرهم وعطتــــــه
حاول يستخـدمه بس مب قـادر ..
علياء: عن الدلع عاد
عادل:انتي اللي عليج سويتي روحي خلاص
علياء: بالستر قول شكرا على الاقل
عادل: ما تسوين شي الا بالمقابل
تجاهلـهـا وحاول .. ماشي فايده وبعد حـاول وعلياء واقفه تتطـالعـه
رفعـت حـواجبهـا لفـوق .. وبشكل سـريـع سحبت عنه .. وراحت قرب ريـولـه..
علياء: هنا
عادل هز راسه
علياء ترددت بالاول وبعدين تجاهلت هالمشاعر وبخاطرها: عشان خاطر الانسانيه يا علياء
بـدت تحـط المرهم على ريوله ... وفجأه تـذكر عـادل كلام محمد عن علياء
وتغيرت نظراته لهـا حاليـا..
كـم مـره حـطت له مرهـم بنفسهـا مـا تـذكـر... بس اتحـركـه عـلى ريـولـه
مكـان الألم ... وعـادل ساكت عنهـا ويطـالعهــــا .. مـره يبتـسـم عليهـا ومـره يتـأمـل فيهــــا .. ليش؟؟
لأنه يـدهـا تفـرك فيـه المـرهـم ويـد الثـاني تـرمس فيـه تلفـونـه ... وتضـاحـك
فتـرسـم تعـابيـر على ويهــــا .. تخـلـي الـواحـد يضحـك عليهـــا
طلعــت بعـد كميـه كـانت بتحـطـي بـس خصـلة شعـرهـا مخـرب عليهـا .. رفعـت يـدهـا عشـان تـرد خصلتهـا لـورا .. وبنفس الـوقت المـرهـم تـرك بصمـه على جبـهتـــــهــــا..
ورجعــت تفـرك ... وبنفس الـوقـت تـذكـروا عـاد تـرمـس على التفـلـون
عليـاء: اوكي نـوف اشـوفـج بعـديـن
صكرت من عنـدهـا وطـالعت يـدهـا: شو هـا خيسـت يـدي
صـدت صـوبه .. تفـاجـاه من صـدتهـا وخـله عمـره عـادي اونه
علياء: وانت ليش مـا نبهـت عـلـي
عـادل:ويـن بلقـى أحـد يخـدمنـي بالمجـان
عليـاء اونهـا عصبـت: مـب ويـه مسـاعـده انــت
عـادل: محـد طلـب منـج
عليـاء: اوكي أوكي .. مستـر عـادل تحـرك بـروحـك ألحيـن
انتبـه على جبهتهـــــ
عادل: انزين اصبري شوي
علياء : نعـم .. أنـا مب متفيجـه لـك
عـادل : انزين تقربي صوبي شوي
علياء متردده: اتقرب منك .. ليش شو عندك
عادل:ليش خايفه إنزين
علياء: ومنو قـ ـالـك إنـي خـايفـه .. عليـاء مـا تخـاف مـن شـيء
عـادل: والله .. عيل تقـربـي
عليـاء: إنـزيـن قـول شـو عنـدك من هنـا
عـادل:خلاصي روحي يا الخـوافـه
عليـاء: اقـولك مب خـوافـه ... راحت صوبه: ها شو تبى؟
سحبهـــا مـن يـدهـــــا وخلهــــا تنـزل لـه تحـــت .. عليـاء فـاجـه العيـن
امـا عـادل فعينـه أبـدا مـا ابتعـدت عن عينـــهـــــا .. وبنفـس الـوقـت رفع يـده عشـان يمسـح المـرهـم مـن جبهتهـــا
علياء اتـراقـب حـركـة يده بعيـونهـــــا
عـادل بعـدمـا مسـح المـرهـم من جبهتهـا: المـرهـم .. (أكتفـه يأشـر على جبهتهـا)
عليـاء: هـا
عـادل: المـرهـم
علياء ابتعـدت قبـل لا يكمـل: هيه هيه عرفت عرفت
تحـركـت صـوب البـاب فتحــته بسـرعـه وطلعـــت
ركضــت لغـرفـه اللي بجـانبهــــا .. بعـدمـا دخـلـت تلصقــت بـالبـاب
سـاكتـه بس دقـات قلبهـــــا كـان مسـوي حشـره
تحـط يـدهـا على قلبهــــا:شـوهـا خيبـه بـلاه قلبـــــي
مشـت بخـطـوات بطيئة لصـوب السـريـر ... ويوم وصلت فرت نفسهـــا
ونـروح لعـادل ... اللي حـاط كـف يـده تحـت راســــه... ويضحك
عـادل: هبـلـه خخخخخ
نرجـع لعليـاء .. ههه نلعـب نحــن
كـل مـا تتخيـل حـركـة عـادل تحس بقشعريـه ونغـزه في قلبهـا ..
وقفـت ويلـسـت على السـريـر وتحـرك يـدها الثنتـيـن اللـي يقـول عنهـا مجنـونه
لأنهـا تحـاول تبعـد الافكـار من راسهــــا
عليـاء: أهـوووووو ... شلــت بعمـرهـا لبـرع الغـرفـه ... انتبهــت على موبـايل يـرن
ولقتـه طــايح على الـدري ..
راحت صـوبه: مـال مستر عادل
خـذت الموبايل وشافت المتصل شجون القـلب
طالعت يمين ويسار .. وبخاطرهـا: ارد عليهـا .. لا لا مب حلوه
شجون القلب: حبيبي وينك ليش ما ترد علي
بالنهايه اختارت ترد عليها .. وهيك سمعت شجون ترمس قبل لا تقدر تقول علياء لها شيء .. تكلمت شجون
شجون: الو الو حبيبي .. بس عاد تعبتني وايد
كان خاطر تسبهـا .. بس مسكت نفسهـا وصكرت على ويهــــا
علياء: انا بوريه هالصايع
راحت عنده اول ما فتحت الباب فرت الموبايل
عادل يفرك صدره: آخ تخبلتي شو
علياء تمثل: والله تعورت .. حرام .. وبنبره جاده: خل شجون القلب تعالجك
طلعت من غرفته وصكت الباب بقوه
عادل: شجون القلب
شاف الاتصالات والمسجات وكله من شجون
فر موبايله متغصص: لا حول متى افتكـ منـج
رفع راسه مره ثانيه يوم دخلت علياء مره ثانيه وكانت هالمره هاديه بس منحرجه
علياء: عادل خذ راحتك غازل اللي بتغازل انا ما يهمني ولا تحط في باالك اني احبك ولا اغار عليك .. ما اعرف ليش تصرفت معاك جذي يمكن لأنك ماخذ حريتك واذا انا سويت شيء حاسبتني .. هيه اكيد عشان جيه .. بس مثل ما قلت لك لا تظن اني كنت اغار عليك اوكي .. ابتسمت له: والحين نام واسمح لي ازعجتك
طلعت من عنده
عـادل مستغرب: هـا
علياء تنزل وتكلم نفسها: زين سويت صح كان لازم ابين له انه ما يهمني ..
يلست على الدري ويودت راسهـا: اوووو علياء انتي غبيه ليش عصبتي وفريتي عليه الموبايل ألحين شو بحط في باله اني اغار ...
|