اول ما وصلوا ديزني بعدما ونت وحنت عليهم في الدرب وبنفس الحال مع
عادل رد على ونتهــا وحنتهــــا .. ويوسف ميود راسه من ونتهم وحنتهم .. كأني وايد استعملت هالكلمه ...
المهم يـوم وصـلـوا
عليـاء توسعــت عينهــــا: واااااااااااااااااااااااااااااااااو
شــو هــــا ... شـاااو شـــااوو ياللـه انـا رايـحـه عنكـم انتـوا مـا تخلـون الواحـد يـاخـذ راحتـه ويستكشـف كـل شيء
يوسف: نحن
عادل: يوم أقـولك مـا تسـتاهـل شـي
علياء: أووو مـب متفيجـه لكم .. شاااو
تحـركــت عنهــــــم ..
يـوسف: خخخخخ صـج يـاهـل
عـادل يطـالعهـا: بس حلـوه
يـوسف صد صوبه .. فأنتبه عـادل وحـاول يصـلح كلمته: اقصـد خبله يـاهل خبـلـه
يوسف ميود ابتسـامتـه: هيه صح قلت خبله
عادل يبى يشرد من الموضوع: خلنا نلحقها عـن تضيـع ولا تسـوينـا مشـاكـل
يوسف يـلحـقـه: هيــه صــــح
تخبلت اول ما شافت قرية استريكس وخاصه يوم شافت تماثيل رسـوم المتحـركـه .. طلعت كاميرتهـــا .. وعطــت يـوسـف يصـورهـــا
عليـاء اونهـا تبـوس ميكي ماوس ...
يوسف: يالله وقفي هناك
علياء: هنا
يوسف: هيه
علياء: تمام الحين
يوسف: ممم لا في شيء ناقص
علياء: شو
يوسف: ما ادري في شيء ناقس الصوره بتطلع مب شيء
علياء: شو شعري اخترب ولا ويهي فيه شيء
يوسف: لا لا
عادل: عيل شو ناقص
يوسف ابتسم : مب شيء تصورين جذي بروحج مساحه خاليه بتكون من جذي يا عادل روح وقف حذالها
عادل: انا لا لا
علياء: لا لا بتحترق الصوره
عادل: حتى انا اصلا ما ابغي
يوسف اونه زعلان: ترى صج والله بزعل عشان خاطري اذا ما عندكم خاطر لي على الاقل عشان خاطر الكامير يعني حرام الصوره بتطلع مب شيء
علياء: خلاص عيل مب لازم اتصور
يوسف: يعني كيف حشى مالي معزه عندكم
عادل: محشوم يا اخوي خلاص انا بصير طيب وبوافق على طلبك بس بعض الناس الطيبه ما شيء في قاموسهم
علياء ادافع عن نفسهـا: لا لا حتى انا طيبه بعد
يـوسـف: يـاللـه روح
عليـاء تعمدت تقول هالكلام .. يوم شافت عادل تقرب صوبها:عشان خاطره بس
عادل: حتى انا عشان خاطره بس
عادل وقف حذالها وحاط يده الثنتين في جيبه
وعلياء مربعه يدها و واقفه بعيد عنه شوي بس
يوسف: وين عايشين نحن .. تقربوا شوي
تقربوا الاثنين بس بعدهم بنفس الوضع ..
يوسف: عادل امسكها من ظهرها
علياء بصوت عالي: وايد متأثر بالأفلام انته يالله مناك
عادل: اصلا انا ما ابغي اخيس يدي
علياء: حدك عاد محد خايس هنا غيرك
عادل: ألبس نظاره وشوفي عدل محد خايس هنا غيرج
علياء: عادل انت اللـي بديت
يوسف اونه عصب وشوي بفر الكاميره: انتوا صج يهال .. والله انا .. انا
علياء: خلاص خلاص لا تعصب
ومتغصصه: انت ايه حط يدك الوسخ
عادل:تتمنينه انتي
علياء: واااع غسلت اليوم ؟
يوسف: علياء تراني تعبت
علياء: خلاص انزين
مـد يـده شـوي شـوي .. ومسكهـا مـن ظهـرهـا ..
يوسف: هيه حلو ابتسموا عاد
علياء:بحاول
حاولت تبتـسـم ويعني هـا قـدرت تبتســـم ونفـس الحـال مـع عـادل
علياء: يـاللـه يـوسـف
يـوسـف: ألحين ألحين بصور 1 2 3 اكشـن
اول ما حست إنه يـوسـف صـورهـا .. حـاولت تبتعـد من عـادل: بعد يدك الوسخه
بس عنـاد لهـا مسكهـا بقـوه وقـربهـــا صوبـه .. و ويهـا يـت على ويـه وهي تتطـالـعـه بـاستغـراب
يـوسف: هذا المنظر الحلو... وقعد يصورهــــــم
علياء تضربه: هدني
تركهـا عـادل وصد صوب يوسـف: ها لقيـ ــت لك على صوره حلوه
يوسف يضحك: وايد حلوه كانت
اما علياء فكانت معصبه من خاطر.. حتى يوم مشت دزت يوسف وراحت عنه
يوسف لحقها: علياء علياء
عادل: ههههه عصبت أونهــــا تستـــاهـل
رن تلفونه ..ويوم شـاف المتصـل شجون القـلب .. صكر على ويهـــا
ولحقهــــم
علياء كانت تمشي ومفوله على الآخر حتى خطواتهـا كـانت سريعه ودخاخين يطلع من اذنها وخشمها .. اوني عاد مب كأني بالغت بس اعطيكم تشبيه بليغ..
بس نست كل شيء يوم شافت الهدايا ... ركضت صوبهم .. واحتاارت ما عرفت شو تشتري ...
يوسف يكلم عادل: ألحين هذي توهـا كانت معصبه
عادل: يوم اقولك حالات هالبنت
يوسف: ههههههه
قضوا اليوم بكبره في الحواطه ... والمشترى لانه ما بقى غير يوم وبغادرون ... بعدما تعشوا رجعوا لفندق سيدا .. وكل واحد في غرفته ...
علياء ناااامــــت ...
اما عادل طاح على الشبريه وتم يذكر موقفه يوم مسكها في ديزني لاند ويوم طاحت منه ... تم يضحك
يوسف اول ما رجع اتصل لنــاااااس .. بعدين بتعرفون ...
قام عادل وكله نشاط انه بيرجع البلاد أخيرا ...
اما علياء فكانت تحاتي كيف بتكون حياتها هناك اكيد لازم تمثل جدامهم انهم مستانسين وااايد .. تمت تحمد ربها إنهم قرروا يعيشون بعيد عن عايلتهم يعني هم اول فرد من العائله يقررون يعيشون في بيت منفرد ..
تمت تفكر .. وتفكر ... خلوهـــا تفكـــر هذي ونـروح لعـادل..
اللي يـالس يلم اغراضه ويغني .. مستانس وايد اليوم ... يالله إن شاءالله دووم
لبست شيلتها وطلعت برع ... يلست في صالة الفندق .... وتمت تتطالع الناس .. منو طلع ومنو دخل متفيجه الاخت شو نسوي بعد
المهم يوسف تم يدق على باب غرفتها واستغرب يوم ما ردت عليه
فراح عند عادل ودق عليه دخل من غير ما يطلب منه عادل يدخل
عادل كان يجهز اغراضه فسأله يوسف: علياء عندك
عادل: لا ليش
يوسف: رحت غرفتها دقيت عليها و ماترد علي
عادل اونه مب مهتم: اكيد طلعت مكان لا تخاف هذي ساحره وبترجع متى ما بغت
يوسف: هذي حرمتك وعلى ذمتك .. اهتم فيها على الاقل
عادل حس إنه يوسف عصب ..
عادل: خلاص انزين خلنا نروح اندورها
طلعوا من الغرفه ويوم وصلوا الصاله شافوها يالسه ادق سوالف مع حريم
ومن اشكالهم يبين إنهم عرب ...
عادل: هذي ها هنا وانت مسوي لي سالفه عشانها
يوسف: خفت عليها يا ريال
عادل: يوم اقولك هذي ساحره لا تخاف عليها
يوسف: انت وايد تقول .. روح روح جهز اغراضك
في المطار
يوسف يودعهم ...
علياء: عاد يا الخـقـاق مـتـى بتمـر عليـنـا
يوسف يبتـسـم: قـريـب إن شـاءاللـه
عـادل: هيـه عـاد مـا مليـت مـن الغـربـه
يـوسف: هنـاك أهلي وفي الإمارات اهـلـي بس إن شـاءالله بمـر عليكــــم
سـلم عليـه عـادل بعـدمـا اعلنـوا مـوعـد انطـلاق طيـارتهــــم
عـادل: اهتـم في عمـرك
يـوسف: وانتـوا بعـد مـا وصيـك على اختـي
عليـاء: هههه اخـوي انـا مـب محتـاجـه تـوصيـه
مطهـا مـن خـدهـا:أنتـي مـا تحتـاجيـن تـوصيـه .. ينخـاف مـنـج انتـي
وقبـل لا يتحـركون حضنتـه: زورنــــا اوكـي
يـوسـف: اوكـي .. يـالله روحـوا
تـم واقـف ليـن مـا اختفـوا مـن انظـار عيــنـــــه ...
خلصـوا كل الاجـراءات ... وعاد شوفوا العجب .. يوم ركبوا الطياره ..
انتوا بس اقروا شو سوى عادل
علياء: حدك عاد هالمره انا بقعد هنا
عادل: مب مشكله قعدي
علياء مستغربه: والله بتخليني اقعد من غير أي جنجال مالك
عادل ضحك: هيه ...
قعدت علياء .. وقعد هو بعـد
حطت شنطتها على ريـولهــــا ...وصـدت على صوب الثـانـي
لكنهـا صـدت عـلى صـوب عـادل بعـدمـا نـادى عليهـــا
عـادل: لا تعيـديـن حـركتـج أوكـي
عـليـاء تمثـل إنهـا مـب فـاهمتنـه:عـن أي حـركـه
عـادل: اونـج تخليـن عمـرج مـا تعـرفيـن
عليـاء تفتخـر وبنفس الوقـت تـطـنـز: عـدول أنـا عنـدي وايـد حـركـات .. عـن أي حـركـه تتكـلـم؟
عـادل بجـديـه: أقـولج عـاد أنتـي فـاهمـه عـن شـو اتكـلـم أنـا
عليـاء بعـد صـارت جـاده بعـدمـا شـافتـه صـار جـاد: اصـلا انـا مـب متفيجـه لـكـ ..
عادل: يكـون أحسـن
عليـاء: هـع
عـادل: بـع
عليـاء سـوت بيـدهـا مـالت من غيـر صـوت
ومـا قصـر عـادل رد عليهـا بنفـس الحـركـه
تمـو سـاكتيـن ... لفتـره .. فعليـاء حست بملل وتنهـدت
عادل يقـرأ المجلـه: وش فيـج
عليـاء بملل: ملل متى بنـوصـل؟
عـادل: بـاقـي وايــــد؟ تحمـلي
عـلياء ضربت على يدهـا: هالمشكـله فينـي تـرى إنـي مـا أقدر اتحمـل وايد
عـادل طـالعهـا: مبـروك
علياء: على شـو
عادل: اعتـرفتـي إنـه عنـدج مشكـله
علياء بسخـريه: هـ ا هـا هـا مـزاحك مثل ويهـك
عـادل: يعنـي حـلو ومنـو قـال إنـي كنت امـزح
عليـاء: محـد يعطيـك ويـه اصـلا
عـادل رجع يقـرأ المجلـه: زيـن تسـوين منـو يبـا هـالويـه اصلا
عصبت خـذت المجله وفـرتـه على ويـه
عـادل معصـب: والله بس عشـان نحن في الطيـاره بسكـت عنـج
عليـاء تتحـداه: خـوفتنـي تصـدق؟
عـادل: علياء سكتـي عنـي مـب متفيج بـروحي متضـايق كيف بتحمـلـج هنـاك
عليـاء: اصـلا المصيبه طـاحت علي انا
وشـوي شـوي بـدأ صـوتهـم يعـلي وقـام يلفـت النظـر .. ليـن مـا يـت المضيفـه وطلبـت منهـم يوطـون صوتهـم
عـادل: سمعتيهـا
علياء:سمعتهـا بس مـا فهمتهـا
عـادل: تقـول خل هذي أم الحشره توطـي صـوتهـا
عليـاء: عـاد قلت مـا افهـم لهـم بس مـو تحسبنـي مقصـه محـد حشره غيرك انت
عـادل: اسكت عنـج احسن
علياء: انا اللي بسكـت عنـــــك
عـادل : احسـن
صـدت على صـوب الثـانـي ... تموا ساكتين لين ما حطوا لهم الأكل حتى بعد الاكل تموا ساكتين ومن ملل مـا حسـت متـى غفـلـــت
امـا هـو فشغـل نفسـه بالمجـلات بس لين متـى .. خلصن المجلات .. وهو مـا بقـى شـي يسـويه ...
انتبه على المضيفات والمضيفين يالسيـن يـوزعـون برانيص ..
صـد صـوب علياء عشـان يسألهـا .. بس يوم شـافهـا راقـده مـا حـب يوعيهـا ... خـذ عنهـم البـرانيـص ولحفهــــا ... وتلحـف هـو بعـد .. حـاول يـرقـد بس مـا قـدر ... غمض عينـــــــه ...
بـس ويـن فتـح عينـه مـره ثـانيـه يـوم شـاف راسهـا على كتفه ...
في لحظـه حس إنه بينهـم شـيء .. وحس بحنيـه .. وبلحظـه تـذكـر منـو تكون علياء .. ؟؟ واذا بـدأ يحبهـا شـو بتكـون النتيجـه في نهـأيـه بالنسبـه له الحـب عـذاب ومـاله وجـود في هالعـالم
عـاد شـوفـوا شـو سـوى
عـادل: عليـاء عليـاء
علياء فاتحه عينهـا بس: وصلنا؟
عـادل: لا بعـدنـا
علياء: متفيج انت وعاني يوم بنـوصـل
عـادل: إنـزين شـوفي وين راقـده انتـي
عليـاء انتبهـت .. ورفعـت راسهـا بسـرعـه: متـى؟ وكـيـف
عـادل مـب مهتـم: مـا اعرف
عليـاء تثـاوب:زين سـويت يوم وعيتنـي وانـا اقول كيف الحلم حلو تحول فجأه لكوابيس .. عثـره المكـان اللي حطيت فيه راسي لعـب دور
عـادل: نـامـي نـامـي وايـد ترمسيـن انتـي
رجـع راسـه لـورا .. وغمـض عينـه:لا تـكـررينهـا
عليـاء باشمئـزاز:أكيـد
أتكـات على الجـامـه و غطـت نفسهـا عـدل
تنـافـخ
بعد 5 دقـايق بعـد تنـافـخ
وبعـد 5 دقـايق تنـافخ
تضـايق منهـا عـادل مغمض عينه: وش فيـج انتي .. خليني انـام
علياء:نـام زين ولا تبـانـي اقرا لك قصه
عـادل: لا تقعدين تنـافخين كـأنج ثور
عليـاء: يا الثور يوم بنـافـخ على كيفـي
تقربت صوب إذنه ويلست تنـافـخ ..وكـا ردة فعـل طبيعـي حـاول يبعـدهـا بيده .. ولكـن اللي مب طبيعـي يوم صفعهـا بدون قصـد .. كـان يحـاول يبعدهـا بس .. لكن منو بفهـم علياء هالشيء حطـت يدهـا على خدهـا وصـدق هالمره كـانت تنـافخ مثل الثور .. معصبـه الاخت
عـادل يحـاول يبرر: والله مب كان قصدي انتي الغلطـانه عليـاء
سـوته له طـاف وصـدت على صـوب الثـاني .. وفـوقه تلحفت كـامل ..
عـادل تـم يطـالعهـا لثـواني .. ورجـع يغمض عينه .. يعرف مـاشي فـايده
عـادل: شكـلي مب نـايم اليوم .. فتح عينه لأنه سمع صوت طالع منها .. وشكلهـا كانت تصيـح
عـادل:علياء تصيحين
هنـا اختف الصـوت ..
عـادل يحـاول يبعـد عنهـا اللحـاف بس هي كـانت ماسكتنـه بقـوه
عـادل: عليـاء عـاد.. عليـاء أنـا .. (يبا يعتذر بس شكله ريال يعاني من صعوبه في هالشيء)
بس الريال حاول: علياء أنا .. صدقيني مب كان قصدي .. علياء انتي ..
علاوي .. يدلعها اونه: علاااااوي .. خلاص إنزين انا آسف بس عاد
هههههههههههههههههه ... اوكي تبدلت صوت الصياح لصوت الضحكه ..
بعدت اللحاف من على ويها
عادل مستغرب:تخلبتي؟
علياء:هههههه ههههه هههههه
عادل فهم شوي: كنتي تمثليـن؟
علياء تهز راسها: هيه . ههههه كان خاطري اسمعك تعـتـذر منـي
عـادل عصب:............؟؟؟؟؟ !!!! ما عنـده شـيء يقـوله
علياء تبتسم بخبـث: عيل تصفعني .. كان لازم اخليـك تعـتذر لأني من عرفتك وانا ما سمعتـك تعـتـذر
عـادل: تعرفين إنـج .........؟؟؟؟
علياء: ههههههه من حقك انا اول وحده تعتذر لها هههههه
وهـي تضحك .. غمضـت عينهـــا اونهــــا بتنــــــام
عـادل طـالعهـا بأحتقـار وفـي خـاطره: أنا الغبي الاحمق .. الاهبل . صج تافه ترى كلهم نفس المعنى .. المهم ما عندي سالفه مسوي لها سالفه .. يوم اقول هذي علياء مو ويه حد يحن عليها ولا يحبها بس مب مشكله علياء .. إن ما سويت لج طاف من خاطر ما اكون عادل
فتحـت عينهـا وكـان قرب الفيـر ..
شـافت عـدول يلبـس حـزام مـاله .. فســألتـه: وصلنـا؟
مــا شيء رد من صـوبه
عـدلت من قعـدتهـا .. : اسألك وصلنـا؟
بعـد مـاشي رد .. بعدمـا ربط حزامه .. تم سـاكت ويطـالع كله مكـان الا صـوبهـا
علياء: اونـك عـاد مـا تكلمـني مب مشكله بقلدك في كل شيء
ربطت حزامهـا وفجـاه خطـر فـي بـالهـا ويهـا عـادي عـادل يسـويهـا بطـلت شنطتهـا وطـلعـت منـظرتهـا اونهـــا عـاد تشـوف ويهـا اوكي ولا لا.. وفي الحقيقه تشوف إذا ويهـا مشخبط ولا لا..
المهـم يوم اطمنـت ويهـا سليـم .. رجعـت المنظـره ..
طـالعت الخـريطـه مـن الشـاشـه .. فعـرفت إنهـم قريب بنـزلون ..
علياء: اخيـرا بنـوصل صح؟
عـادل:.......؟؟؟
علياء: الحمدلله صح
عادل:......؟؟
علياء: تعال انت متى وعيت ولا ما رقدت؟
عـادل :....؟؟
شـوفـوا مكـرهـا انتـوا هي تعـرف هـو مـا بـرد عليهـا من جـذي تتعمـد تسأله لأنه عاجنهـا شكله وهـو مبـوز منهـــــا .. نرجـع لهـم ..
علياء: تصـدق انت اول شخص يزعـل منـي ما تصدقني صح؟
عـادل: .......؟؟
الطياره بدت تنزل .. وعلياء اسئلتهـا مب راضيه تخلص
عادل حاس نفسه بنفجر .. من اسئلتهـــا بس ميود نفسـه
علياء: تـصدق تعبـت من الاسئلـه وايد اسـأل انا صح ؟
عادل:......؟؟؟
عليـاء: إنزيـن اقـول ..ولا أقـول مـب قـايله
حتـى بعـدمـا نـزلـوا تـم سـاكـت ... وهي أبـدا مـب مهتمــــه
شـلوا اغـراضهـم وحطـوا في العـربتين هي عربه وهو عربـه .. مشـت بسرعه حـذاله ..
علياء: انت ايه .. عادل .. اقول عاد انا بروحي مب متفيجه لك بس ما يصير انتم جذي جدام الأهل
عـادل طـالعهـا بنظـرات .. : اعرف ما يحتاج تقـولينـي
تمـت واقفه تقـلـده .. ويوم شـافته مـا انتـظرهـا ..مشت بسرعه صوبـــه
علياء: ترياااانـي وياء هالـويـه
في صوب الثاني
سعيد: لاحول موعينا من الفير بس عشانهم
ام سعيد: بس عاد من ركبنا لين ما وصلنا وانته تتشكى
سعيد: يعني ما يصير اترياهم في البيت
خوله:شو خسران انت ؟ لا شغل ولا مشغله
سعيد: عندي شغل واحلى شغل بعد اسمه الرقاد
محمد يطالع ساعته: مب كأنهم تأخروا
بو سعيد: يمكن مب موعدهم ألحين
سعيد: هيه صح خلونا نرجع البيت ونرقد
بو محمد ضربه على راسه: اسكت انت
خوله تاأشر: مب كأنه هـــم هـذيلا
ام سعيد: وينهم وينهم
سعيد: أخيراااااا ... وهذي ما تغير فيها شيء
بو محمد و وبو سعيد فتحوا ذراعيهم
بو محمد: يا هلا والله نورتــو
بو سعيد: الحمدلله على سلامه .. نورتـو نـورتـو
علياء تضحك: لا يكون مستقبلين لمبه انتوا هههههه
ضربها : حسبي الله على ابليس ما تغير فيج شيء
راحت وحضنت امها اللي تمت تصيح: الحمدلله على سلامه بنتي
علياء: ههههه هههههههه
خوله : يمه علياء تضحك عليج
ام سعيد تمسح دموعها
علياء: ما تشوفينها على أي تصيح ههههه
بغت تضربها ردت ظهرها لورا
سلمت على اختهـــا .. وعلى عمها بو محمد ومحمد الا سعيد
سعيد: يا سلام وانا اللي مخرب رقادي عشانكم ما تسلمين علي
علياء : اووو انت هنا ما شفتك يا عمي سوري
سعيد زعل اونه: معلوم وين بتشوفينا الحين
مطت شعره: فديت هالويه بغيت العوز فيك بس
ضحك .. وسلم عليها ...
بو محمد: يالله خلونا نروح
عادل استغرب يوم شاف 3 سيايير
محمد: انت وحرمتك بسياره .. وانا مع ابوي وحرمتي بسياره ..
عادل عجبه السياره: بس هذي سيارة منو؟
بو محمد: سيارتك عجبك؟
عادل راح صوب سيارته: والله ؟؟ عجيبــــــه ..
علياء بصوت واطي:مب مصدق المسكين
خوله كانت حذالها: نعم قلتي شيء
علياء: ها لا سلامتج
باس راسه ابوه ...
بو سعيد: علياء خذي مفتاح بيتكم اليديد وان شاءالله يعجبكم اللي سوينا فيه
خوله: ترى كل شيء بذوقي وذوق محمد
علياء: عيل اكيد مال عصر الحجري
محمد: افا
علياء: هههه لا لا دام انت في القائمه اكيد بكون شوي حلو ولا اختي وين عندها ذوق
خوله بغت تضربها بس بو سعيد طلب منهم يركبون السياره
بو سعيد وام سعيد وسعيد في سياره
بو محمد ومحمد وخوله في سيارتهم
اما اللي توهم يايين من شهر العسل .. بعدما حطوا اغراضهم .. ركبوا سيارتهم متوجهين لبيتهم اليديد
ركبت السياره ويلست تفحص فيه كل شيء حتى الحال مع عادل
لين ما خربت عليه: يالله تحرك .. تحركوا عنا
عادل: هيه صح
تحرك عادل .. معاهم ..
اما علياء فليست اتجرب كل شيء من الخرائط لـ المسجل لـ المكيفات
عادل: ايه لا تلمسينه بتخربينه
علياء: مب مصدق شكلك
عادل: اكيد ... حبيبتي لكززس آي إيس 300
علياء: شو هالاسم الطويل قول لكززس وبس .. وتعال مب توك قلت لي حبيبتي .. انا مب حبيبتك تذكر
عادل: زلة لسان وألحين لازم اغسل لساني بديتول
علياء: مالت .. خله حبيبة قلبك اللي فارشه لك قلبها الحين تترياك تنفعك
عادل تغير ملامح ويه .. ويوم علياء حاولت تشغل المسجل ضربها بيدها بقـوه
علياء: آخ
عادل: قلت لج لا تلمسين شيء
علياء معصبه .. فتمت تلمس كل شيء ولا بعد تضرب مرات .. وعادل يصرخ عليها بس هي مب مهتمه ...
رن تلفونه طلب منها تسكت: انطبي هذا اخوي محمد
سكتت علياء ....
عادل: هلا محمد
محمد: تعرف البيت وين صح
عادل: مب بيتنا القديم
محمد: هيه .. تعرف مكانه
عادل: هيه .. خلاص نحن بروحنا بنسير انتوا روحوا تعبناكم معانا
محمد: تعبكم راحه .. خلاص عيل
ويوم على الدوار .. سيارة قوم بو سعيد وبومحمد راحوا على يمين .. اما قوم عادل فراحوا سيدا ...
علياء: انته وايد بطيء متى بنوصل
عادل: مب سارع حره على قلبج
علياء:اصلا انت وين والسرعه وين ما بينكم صله
عادل: انا اذا سرعت بتصيحين
علياء تسخر منه: وااااي والله
عادل: مب متفيج لج انا
علياء: قوم قوم خلني انا اسوق
عادل: هيه عشان تقتلينا ... وانا بعدني ما تهـنـيـت بسيارتي
علياء: مشكله بعـد اللـي يصـدقـون اعمـارهـم وايـد إذا عطـوهـم شـيء
طلعـت مـوبـايلهـا مـن شنطتهــا وركبـت بطـاقـاتهـــا
وأول مـا فتحـت ... مـسج ورا مســـج ...
علياء: ما شاءلله تبـارك الرحمـن زيد زيد بعد
عـادل رافع حاجبـه .. فيه فضـول
علياء كانت مشغوله .. تقرأ المسجـات .. وتضحـك ...
حتى بعـدمـا وصـلوا البيت .. وقف عـادل .. وهي تضحك
عـادل: وصلنا
رفعت راسها: أوه وصلنا
عادل: هيه لازم ما بتحسين مشغوله تضاحكين
نزلت من سياره: بل بتحـسـدني على ضحكتـي بعـد
نزل عـادل وراح صوب الدبـه.. نـزل الأغـراض .. امـا هي فـواقـفـه بقـربه تقـرا المسجـات وتضـحك..
شل اغراضه وراح صوب البـاب
علياء: واغراضي
عادل: ما اشتغل عندج انا
علياء: مب منك فايد
عدلت شيلتهـا .. وشلت اغراضهـــا .. مرتين رجعت برع عشان تشل شنطهــا ... وعـادل دخـل عنهـــــا ...
علياء: والله اخلي قرب الباب مب متفيجه ثجيل واااايد
شلت شنطتهـا اللي حجمهـم صغار ومب ثجيل وايد
وهي تمشي: شو ها اول مره اشوف ناس متزوجين وجذي حالتهم .. آ آ آ هذا اللي تاخذ واحد ما عنده اسلوب ... وين الغرف بعد
فرت اغراضها: تعرفون شيء .. يولون .. مب متفيجه لهم انا
بروح ادور لي على غرفه راقيه قبل لا ياخذ عني مستر عادل
صعدت الدري نزل عادل: الغرفه اللي على يمين غرفتي
علياء: وخر عني لاه
راحت الغرفه اللي اختاره عادل ..
علياء: واااااااااااااااو حلو من جذي قال غرفتي ..
صدت صوبي: يا الكاتبه عرفيهم على بيتنا وانا بروح ادور لي على غرفه
احلى ظبيانيه:علومكم ؟؟؟ خخخخ
المهم البيت يتكون من 3 غرف نوم .. غرفه اللي بنام فيها عادل هذي هيه غرفتهم الاساسيه .. واكبر غرفه في البيت .. وغرفتين الباقي مـفـروش بكل شيء .. بس ما يضاهون الغرفه اللي اختاره عادل
المطبخ تحت وبقرب المطبخ غرفه لبشكاره بس بعدها ما وصلت
البيت كان ملك لأهل عادل بس هم هجروا يوم حصلوا لهم على بيت ثاني
وعاد علياء الغرفه اللي بتختاره كانت غرفة عادل ...
نروح لمواجه اللي بتصير بينهم
علياء: يا سلام غرفتك وايد كبيره
عادل: انا لحقت قبلج
علياء: الغرفه مب غرفتك انت بس
عادل: اذا تبين تعالي نامي .. بس انا مب طالع من الغرفه
علياء: ها.؟ معاك وفي غرفه لا لا لا
عادل: قومي عيل انا تعبان وابا انام
دزهــــا وراح لغـرفتـــــه
حاست حلجهـا .. واقفه تضرب الارض بريولها
عليـاء عليـاء
عليـاء نعسـانه على الاخـر: ابى انــــــــام
عادل: عليــــــاء قومـي بســــرعه
عليــاء فتحـت عينهـــــا: وش فيـك ابى انـام
غمضت عينهـا مره ثانيه
عـادل: اقولج قومي
علياء: اهوووو
عـادل: بتقومين ولا اسحـب عنـج اللحـاف
قـامت وألحين استوعبـت عـدل مـنـو واقف فـوق راسهـا.. قعـدت بسرعـه
وغطـت نفسهـا أكثر .. لأنهـا كـانت لابسه جلابيه بدون أكمـــام
علياء: شو تبى . شو عندك داخـل مـا تعـرف تســتأذن شـو
عـادل: متفيجـه انتـي .. تـوهـم قـوم أبوي متصليـن اونهـم بتغـدون عنـدنـا
عليـاء:شـوفيهـا إنـزين
عـادل: يا دغمـه ... لازم ننقـل اغـراضنـا عشـان يحسبـون نحن انـام بنفي الغـرفـه
عليـاء: هيـه صـح .. بس انـا فينـي رقـــــاد
عـادل: اقـولج قـومي وشـلـي اغـراضـج
عليـاء: ايه انته لا تقعـد تتـآمـر ولا مصـدق نفسـك ريلي
عادل: اولا مـا يشرفني أكون ريلج ,,, وثانيا قومي بسرعه
علياء: زين زين بس اول شيء اطلع من غرفه
عادل وصل صوب الباب: قومي مو ترقدين
علياء: قلت لك زين
|