يا مرحبا باللي على البال هلي
ترحيبة ريح الخزامى لشرواك
من صادق إحساسي تفوح وتهلي
بك يارفيق الحرف في صدق معناك
مرتني احروف القصيده وأنالي
كلي ألم واشواق في عز ذكراك
قريتها وعيت اعيوني تملي
هذي علوم السالفه لا عدمناك
سود الليالي والظروف أوقفلي
عيت تفارقني على دور الأفلاك
ظرف يقابلني وظرف يولي
تعبت أعاني بين هذا وهذاك
والله يعلم بالغلا مثل ظلي
لا غبت لحظه إلتفتلي وناداك
أقولها لك بالوفاء وإنت قلي
ترى عيوني بين الأحلام تلقاك
|