أنا بعيده قريبه ما أحب المعمعه
حولك ولانيب حولك خافقي ماسلا

صوتي معك لا تتجاهلني وتكفي أسمعه
اطلق عنانه تعرف إني معك في الملا

ترى المشاعر على بيوت الشعر مولعه
ترتاح فوق القصائد في مواري الفلا

أقولها والشعر يعرف ترى مرجعه
ياصايغ القاف قلبي قال مية هلا

جتني المشاعر وليلي زاد فيني موجعه
نقض اجروحي وخلاني جريحه ولا

هذا زمان غريب مايجمع معه
غير الهموم الكثيره مع حلوم البلا

حولي اظروف الليالي كلها منوعه
لا قلت راحت خذتني وقالت الفين لا

على عذابي ظروفي للأسف مبدعه
تقابل إحساسي بكلمه هلا ومسهلا

تحبني حب جارف والشقى مطمعه
تصدق إني أشوف المر فيها حلا

مليت صبري وصبري عافني مدمعه
من كثر ما اشكي أحس إني وحيدة خلا

ما غير أكابد زماني لا بكيت أدفعه
ذي قصتي يا شديد الباس بين الملا