فكرت بدنيا على ناقص وزود
واحترت أنا مابين خافي علمها

نوب تجي بيض ونوب تجي سود
أيامي إللي صايبات سهمها

الحب في قلوب المحبين محمود
يبين في عيون الخلايق ألمها

كلن شكى من لهفته ياهوى النود
إنت وأنا والغير ضاع ابحلمها

خل الندم والحب يبقى لنا اشهود
رمز يعانق ليلنا في سلمها

يافرحة إحساسي ترى العمر محدود
أغنم زمانك واستفد من قدمها

صحيح أحبك وأعترف فيك مشدود
بالي وروحي وإنت قمة قممها

هذي الحقيقه بين حاسد ومحسود
الله يعدلها لنا في حكمها