اسف وانا ادري بها ما تشفي العله
وادري بالاعذار ما تكفر خطياتـي
كلي ندم حزن هد القلـب و احتلـه
عذاب غربه ضياع دموع وآهاتـي
زليت لاني بشر و معـرض الزلـه
ماني بمعصوم انا ياكثـر غلطاتـي
أخطيت واشري رضاك بعالمي كله
ابشر لو ادري رضاك يكون بوفاتي
سيف الجفاء ياحبيب الروح لا تسله
لاتزيد ناري حطب لاتزيد عبراتـي
حبيبـي الله كريـم ويغفـر الزلـه
سامح ويكفي غنات القلب لوعاتـي
وإن كان قلبك نسى من حبه وملـه
رجاي تحضر بيوم الموت معزاتـي