في بيت زوج ليالي ...
ليالي جالسه مع وضحه وفرح على طرف وامهاتها وخالتها أم خالد جالسات مع خالتها ام جاسم يسولفون
فرح : صدق
ليالي (مكتفه ايديها) : صدق وربي
وضحه : مهي صاحيه
ليالي : اجل واحد عمره 26 سنه تأكله بنفسها ولا كل شوي تمسح فمه اسكتي يالله بلعت الاكل
فرح : واهو وش قال
ليالي : لما صعدنا جناحنا قام يتعذر ما يقدر يقول لها شيء ومدري حجج هذا ثاني يوم كذا اجل لو سنه وش يصير
وضحه : طيب وبتسكتين
ليالي : لا طبعا بس بوضح أن غلط وكذا
فرح : شكل خالتك ما همها احد تسمع نفسها وبس
ليالي : لا كثر الدق على الحديد يفك اللحام جاسم رجال ولازم ما يتعامل كذا
وضحه : شكلك متقبله جاسم
ليالي (نزلت عيونها) : اكذب عليك لو قلت بكيفي غصب عني يعني لما اشوف ان هذا نصيبي اقول لازم اتقبل تصدقون وربي عور قلبي لما قال احبك بس قلبي مو ملك لي ولا اقدر اخون يمكن أراعي الله في تعاملي معه عشان ربي ما يغضب علي بس والله مو قادره اتقبله والله
فرح : يعني تجبرين نفسك تعيشين حياه زوجيه لو ضد رغبتك
ليالي : الله ورسوله صلى الله عليه وسلم امروا في طاعة الزوج انا ما اقدر اني اعارض بس احس هذي خيانه لسالم لحبي له اني اتقبل جاسم على حسابه
وضحه : هذا نصيبك وزوجك مو خيانه لا تطالعين لها كذا
ليالي : مدري كيف راح تكون حياتنا انا بقلبه بس اهو مو بقلبي
وضحه : يمكن بيوم يسكنه بطريقه تعامله بحبه بوجوده ينسيك سالم
ليالي : سالم مو نزوه ولا فتره مراهقه هذي سنوات من انولدت وعرفت الدنيا عرفته معقول انسى سنوات حب طفوله ومراهقه وشباب ما اظن
فرح : طيب جاسم لو عرف ان قلبك مو له وان فيه من يملكه وش تعتقدين بيكون موقفه
وضحه (تكتف ايديها) : اعتقد راح ينجرح ويتألم يعني يعرف ان زوجته مو ملك له
ليالي (تتنهد) : صدقوني ما ابي يعرف ولا يحس وبتعامل معه بكل حب واحترام وموده بس لا تطلبون املكه قلبي هذا لو لقيت قلبي في مكانه احس قلبي يوم زواجي تركته مع سالم عهده يوم شفته في الشارع
فرح : الله يسعدك ويهدي سركم
ليالي ووضحه : امين
ليالي : تمنيت سمر وعذاري ومي معنا
فرح : مي اتصلت عليها الظهر بس مغلق اللي اعرفه زوجها البارح وصل الظاهر ان سهرت البارح وسحبت على الدنيا
ليالي ووضحه : ههههههههههههههههههه
فرح : هههههههههههه وسمر عبدالرحمن عندها وسحبت علينا لعيون ابو سلطان وعذوره تقول مصدع راسها من العرس
ليالي : فديتهم يوم ووحشوني
وضحه : طيب وش صار على سفرتكم اللي كان مقرره
ليالي : ما تكلمنا في هذا الموضوع يعني مو حلوه امس متزوجه اليوم افتح معه مواضيع
فرح : مو تقولين حياوي
ليالي(ابتسمت) : اظن هذا قبل اسبوعين في شيء غريب متغير يعني بوجود امه شيء بس لما نكون لوحدنا لا احس بحياء انا منه وربي فيه شيء مختلف مو اللي شفته قبل اسبوعين في بيتنا اللي يجلس على الكنبه وعيونه للأرض لا هذا يجلس بثقه صح احيانا يفقدها بوجود امه بس لوحدنا لا في شيء متغير مختلف
وضحه : كيف
ليالي : مدري صار في ثقه في لمعه في عيونه شموخ في شيء متغير بس مدري شنو أو كيف صح ان ما حاول يتعدى الحدود معي بس يسولف معي اليوم الظهر صعدنا كان باقي تقريبا ساعه على الآذان لان خالتي ما رضت نروح بدري لازم نجلس معها وانا ما حبيت ينام استحيت كيف اصحيه للصلاه غير لبسه وانسدح جلست على طرف السرير وقلت له
ليالي : جاسم راح تنام
جاسم : ايه ما نمت إلا متاخر البارح
ليالي (استحت واهو يطالعها ونزلت عيونها) : طيب لا تنام باقي ساعه على الأذان
جاسم : اتملل
ليالي : خلنا نسولف يروح الوقت
جاسم(يتعدل ويتربع قدامها) : وش فيه
ليالي : امممم باللي تحب
جاسم : انا احب شيء واحد بس
ليالي : وش
جاسم(مسك يدها وابتسم) : لولو
ليالي : ................
جاسم : وش فيك احب لولو بآكل لولو يم يم
ليالي (فتحت عيونها) : تآكلني
جاسم : ههههههههههههه شنو ما في لولو غيرك ابي ايسكريم
ليالي : وش دخل ايسكريم بلولو
جاسم : شنو ما في ايسكريم اسمه لولو
ليالي : اعرف باسكن بس
جاسم : تحبينه
ليالي : ايه
جاسم : أي نوع
ليالي : شوكولاته مع فانيليا
جاسم : أنا احب شوكولاته بس فانيليا لا
ليالي(تقلد الاطفال) : في بعد بالمكسرات شيء ولا بالتوفي يم يم
جاسم(يطالع لها شلون تتكلم مثل الاطفال ومستمتع) : تعرفين اني آكل كل المكسرات بس الفسدق لا
ليالي : ليه
جاسم : عندي حساسيه منه
ليالي : سلامتك
جاسم : يسلمك لي وبس
ليالي : .......
جاسم : ما قلتي آمين
ليالي (ابتسمت) : ما تبي أيسكريم
جاسم(بصمت يطالع لها) : ..............
ليالي : وش فيك وجهي فيه شيء
جاسم(ابتسم) : وجهك حلو وانتي حلوه
ليالي (توقف) : احم طيب خاطري بعصير تبي اسوي لك حر كثير الجو صح
جاسم : هههههههههههههههههههههههههههههه
ليالي (ترمي عليه الغطاء وانحرجت) : .........................
اتجهت للمطبخ التحضيري صبت ماء وشربت ألتفت وشافته واقف بشورت وبلوزه ويبتسم لها
جاسم : فتحتي الثلاجه
ليالي (هزت راسها لا) : ..............
جاسم (ابتسم واتجه للثلاجه) : جيبي ملعقتين
ليالي (حطت الكوب وفتحت الدرج واخذت ملعقتين ) : ..............
جاسم (طلع ايسكريم كبير وجلس على الكرسي وحطه على الطاوله) : تعالي
ليالي (جلست وفرحت) : شوكولاااااااته
جاسم : ههههههههههههه ايه عرفت انك تحبينها
ليالي : كيف عرفت
جاسم (طالع لها) : صدقيني اعرف اشياء كثيره عنك حتى اصغر الأمور
ليالي (طالعت له مصدومه) : ................
جاسم : كلي بالعافيه
فرح : وش قصده
ليالي : مدري افكر وش يقصد حتى اصغر الامور
وضحه : يقصد سالم كأنه يوصل لك شيء
ليالي : حسيت بهذا بس قلت لا هذي تهيئ مني
فرح : جاسم متغير وتغيره وراه سر تصدقين قلت ان مستحيل يتغير او ممكن يتجرأ ويطالعك مو بس يسولف معاك
ليالي : تصدقين الله يغير ولا يتغير
وضحه : ما تفكرين تسألينه وش غيرك
ليالي : بصراحه فكرت بس قلت خل آخذ وقت اتعود عليه واتجرا اسأله في سر بتغيره مو طبيعي
فرح (تطالع ساعتها) : الله يسعدك هذا وقت فهد
وضحه(كشرت ) : لا تنطقين اسمه
فرح وليالي : ههههههههههههههههههههههههههه
وضحه : أضحكوا مو انتم اللي يجيب لكم المرض
ليالي : ارضي فيه
وضحه : جعلي الموت لو قبلت في فهيدان نجوم السماء اقرب له مني
فرح : الولد يبيك
وضحه : بس ما بيه وبأذن الله لما اخلص العده آخذ اللي يسواه (شافت وجه فرح اللي ما ترضى على اخوها) سامحيني بس اخوك ما خلي بقلبي له ذكر طيب كل شيء شين سواه
ليالي : الله يهدي
فرح(رن جوالها ورفعته) : ألو هلا فهد .. طيب (طالعت للوضحه وبهمس) فهد صعب تبي تسبب لي مشاكل ( تنرفزت وصرت على ضروسها) زييييييين.. مع السلامه
وضحه : وش يبي
فرح : هاه يقول اطلعوا اهو برى
وضحه : مالت
فرح : وضحه
وضحه : بسكت عشانك بس بس لا تجبريني اسكت عشانه ( وقفت ) بروح اساعد جدتي مع السلامه لولو
ليالي (توقف وتسلم عليها) : مع السلامه (شافت فرح تبي تتحرك مسكت يدها) وش فيه
فرح(تطالع وضحه اللي تساعد جدتها على الوقفه) : فهد مدري وش ناوي يقول لما تجلسين في الكرسي الثالث لأن سيارته جيب وجدتي قدام عنده وامي وخالتي ام وليد وخالتي حمده في الكرسي الثاني وانا وووضحه آخر كرسي يقول لا تنزلين بسرعه فاهمه انزل جدتي وأعطيها لخدامه تمسكها ولما اغمز لك انزلي يبي يأخر الوضحه عشان يقدر يمنعها من النزله
ليالي : وش فيه مهبول
فرح : ما عليك فهد هذا خطير واللي بيسويه متأكده ان جدتي عندها علم فيه ولا جدتي ما ترضى غير وضحه توصلها الخدامه ما تتقبلها (رن جوالها) يوووه هذا اهو يالله بايووو
ليالي (تسلم عليها) : باي قلبي
طلعت وضحه سانده جدتها اللي تستند على عكازها ولوت بوزها( فمها) وهي تشوفه متكشخ وناسف الشماغ ولابس نظاره فعلا هيبه اهو وهي تعرف ان مزيون بس عمر الزين ما كان مهم قد الأخلاق شافته يتقدم عشان جدته تركت الجده واتجهت للسياره بس ما فتتها ابتسامه انرسم على طرف شفايفه رغم انها ما تشوف عيونه بس حست ان في شيء يخطط له صعدت السياره بالكرسي الثالث وجلست فرح جنبها تسمع فرح تردد الأستغفار وهي تعرف فرح اذا كانت مرتكبه او خايفه من شيء تردد طالعت له يشغل السياره ويعدل المرايه عرفت انه يعدلها عليها لانها جالسه ناحيه السايق حبت تصير نذله وما تخليه يشوفها فجلست خلف العمه حمده عشان اذا تحركت تتحرك معاها ولا تترك له مجال تسمع جدتها تسولف عليه عاد هذا الغالي ما صدقت وصلوا وتبي تنزل بس فرح قامت تدور جوالها في الشنطه وحولها يعني توهم وضحه ان ما تدري وين
وضحه : فروحه خليني انزل وبعدين دوريه ما اقدر انط (اطمر) الكراسي عشان تنورتي فتحي الكرسي اللي جنب
فرح(كل شوي ترفع عيونها لجدتها اللي نزلها فهد) : طيب وضوح لازم افكه خلاص بدور جوالي بعدين
وضحه : يالله بنزل
فرح انتبهت لفهد يأشر لها فتحت الكرسي ونزلته لقدام عشان تطلع وضحه شافت فرح تنزل قربت من الباب بس الباب تسكر رفعت نظرها شافت فهد يبتسم هزت راسها لا وشافته يهز راسه نعم ألتفت لفرح وأشرت للباب اللي حاولت يفتح بس اكتشفت ان فهد قفله بقفل الأطفال هذا القفل في الجيب ما يقدر احد يفتحه من الداخل لازم ينفتح من الخارج < -- اخوي دايم يسويها فينا يحب ينقعنا ويذلنا لين يفتح بس كله ضحك فديته ههههههههههههههههههههه
فرح : فهد تكفه
فهد(يصر على ضروسه) : قلت روحي داخل
فرح : طيب خلني هنا البنت راح تسبب لها انهيار
فهد : فرح آخر مره اقول روحي داخل وقفتك مالها داعي
فرح(تشوف الوضحه تحاول تفتح الباب بعصبيه) : ووضحه
فهد : معاي
فرح : فهد لا تتهور
فهد : ما راح اتهور بعدين هي زوجتي
فرح : طليقتك
فهد : بتكون زوجتي اليوم أقصد بترجع زوجتي
فرح : فهد
فهد (يتجه للسياره) : ادعي لي
فرح(بصوت عالي) : فـــــــــــــــهـــــــــــــد
فهد (صعد السياره وألتفت لها رفع النظاره وابتسم) : هلا وغلا بحبيبتي
وضحه (خايفه بس تبي تبين له ولا همها وبعصبيه) : حبك برص يالحيوااااااان نزلني افتح الباب
فهد(يحط المفتاح في السياره) : بعد ما نتفاهم
وضحه(تضرب زجاج السياره بعصبيه) : مابينا تفاهم افتح الباااااااب
فهد(يشغل السياره) : لا
وضحه(تآخذ شنطتها) : هين والله لأخليك تنزلـ (ماحست إلا اللي يسحب الشنطه منها طالعت له بعصبيه) عطني شنطتي
فهد(فتحها وأخذ الجوال ورمى عليها شنطتها) : خذي بس هذا بيكون عندي
وضحه : وش تبي
فهد : ابيك
وضحه(بلعت ريقها) : بس انا ما ابيك
فهد : مو كيفك
وضحه : اللي تسويه خطأ
فهد : انا اشوف صح
وضحه : حرام يا فهد انا طليقتك مو محلله لك
فهد : اليوم بتكونين لي زوجتي من جديد وهذا حلال مو حرام
وضحه (جلست بالكرسي اللي خلف) : يعني مصمم
فهد(استغرب جلوسها خلفه بس ظن انها خضعت) : كل التصميم
وضحه(تتعبث في شنطتها ) : آخر تحذير
فهد(يحس انها تتعبث بس ما يعرف وش فيه) : خليك كذا هاديه وحبوبه ترى مهما يكون انا زوجك وصدقيني ما اظلمك وصدقيـ..
فهد ما حس بنفسه إلا راسه على مسند الكرسي وفي شيء على حول رقبته ويسحبه للخلف ويحس النفس ضاق كثير مد يده بصعوبه يتلمس اللي على رقبته خيط رفع النظر بصعوبه للمرايه الموجهه على وضحه وشافها تطالع له بتحدي وانتبه لدمعتها على طرف الرمش
فهد(يحس يختنق) : و و وضح ضه
وضحه : هذا خيط شنطتي حول رقبتك (شدت الخيط للخلف شوي) راح يخنقك مثل منت خانقني بحياتي حس باللي احسه من كتمت النفس
فهد : ب بمو ووت
وضحه : وأنا اموت ألف مره ومره والسبب انت
فهد : ...............
وضحه : افتح الباب يا فهد خلني اروح في حال سبيلي لا اخلي آخرتك اليوم بدل تكون معي تكون في القبر
فهد(دمعت عيونه يحس بألم من شدتها) : وضحه
وضحه : أفتح الباب
فهد : لاز لازم ينفتح من الخارج ه ه هذا قفل اط اطفال آآه رقبتي
وضحه : اتصل في فرح خلها تجي تفتحه أنا ما ابيك أأذيك مثل منت تحاول بكل الطرق تأذيني بس ابي احرر نفسي من قيود أنت تبي تفرضها علي انا ما ابي اكون زوجتك ولا تجبرني ابي اتحرر منك
فهد : بس س س اح اح احبك
وضحه : وانا ما احبك وما ينجبر قلب على قلب اتصل كل ما كان اتصالك اسرع كنت ترتاح وتريح
فهد (بعناد) : لا
وضحه(سندت رجلها على الكرسي الأمامي وسحبت الخيط وهي تبكي ودموعها على خدها) : موته وحده اموت على يدك ولا اعدام بس مااااااااااااااا ابيك اكررررررررررهك ما صررررررت اعرفك آآآآكل ولا اناااااااام حتى في احلامي تجي كوااااااابيس وتكون انت فيهااااااااااااااا حراااااااام حس فيني أنا بشرررررررر تعرف أنا ما ابي دراااااااسه ولا ابي حيااااااه برجع للقريه لأني احس باماااااااان بخلي الدراسه واروح لعالمي اللي احس فيه بالااااااااااااامان بس انت مووووووو فيه برتااااااااااااح أكرررررررهك من كل قلبي يا فهد أكررهك ولا يوم رااااااااااااااح ااااااااااااااحبك اتررررررررررركني حسبي الله عليك بتجنني بــــــــــــــــــــــس
فهد غمض عيونه رغم ألم الخيط على رقبته بس مو مثل الم كلماتها بقلبه مد يده واتصل على فرح اللي جت بسرعه ما تعرف وش فيهم بس قال تعالي بسرعه خافت صار للوضحه شيء بس انصدمت لما شافت الوضع ووضحه وش مسويه اشرت لها تفتح الباب فتحت الباب ووضحه ما صدقت تركت الخيط ومسكت عباتها تركض للبيت حتى شنطتها على الكرسي خلتها فرح ألتفت لفهد اللي فتح الباب ونزل طايح على الأرض ياخذ نفس قربت وجلست جنبه
فرح(بخوف) : فهد
فهد (يأخذ نفس ودموعه على خده) : بموت
فرح(مسحت بشويش على ظهره وبكت) : بسم الله عليك
أنتبهت لسياره تدخل وركضت لها كان محمد رجلها ضربت زجاج السياره ومحمد لما شافها وقف وفتح الباب
محمد(بخوف) : وش فيك
فرح(تبكي) : فهد ما يقدر يتنفس تعال
محمد (ركض لفهد اللي طايح على الأرض) : فهد بسم الله وشفيك
فهد(يحاول يآخذ نفس) : .........
محمد(يمسك يده ويحطها خلف رقبته ورفعه متجه فيه للسياره) : اهدى
فرح(وهي تبكي) : وين
محمد( يحط فهد على الكرسي) : ادخلي بآخذه للمستشفى ولا احد يعرف قولي طلع مع محمد فاهمه
فرح : حاضر طمني (هزت راسها بلا وفي نفسها وهي تشوف محمد يطلع من البيت ) ليه يا وضحه ليه القسوه بتذبحين اخوي
اتجهت للسياره واخذت الشنطه والجوال وهي ما انتبهت لخيط الشنطه سكرت السياره وعطت الخدامه الجوال والشنطه توصلهم لوضحه وقررت تصعد لغرفتها تعذرت براسها مصدع وتبي ترتاح شوي عشان محد يشوف دموعها اما وضحه اللي وصلت غرفتها وقفلت الباب وهي ترجف جلست على الباب وسندت ظهرها وضمت رجولها وهي تبكي من الخوف كانت راح تذبحه كانت راح تذبحه
وضحه (ضربت راسها بالباب من الخلف) : لييييييييييييييييييييييييييييييييييييه صرت أنسانه معدومه احسااااااااااااااااااس كنت بذبحه آآآآآآآآآآآآآآآآآآآآآآه ( سمعت صوت جدتها تضرب الباب عليها وبعصبيه ) خليني خلوووووووووووووووووووووووووووني ماااااااااااااا ابي احد ما ابيكم آآآآآآآآآآآآآآآه كنت بذبحه حراااااااااااااااااااام ما اااااااااااا لي قلب يحس أنااااااااااااا ما قصدت والله مااااااااااااا قصدت كان بيموووووووت بين ايدي ليييييييييييييييه يا جدتي ليييييييييييييييييييييه توصلين الأموووووووور لكذااااااااااااااا انتي وفهد السبب ايييييييييييييييه السبب
الجده : وضحه وش فيك افتحي الباب
وضحه : مااااااااااااااااااات ذبحته يا جدتي ذبحتااااااااااااااااااااااااه
الجده (بخوف ) : فهد
وضحه : اييييييييييييه فهد ماااااااااااات
الجده (بصدمه) : وش تقوووولين
وضحه (تبكي) : انتي السبب ليه خليتي له فرصه
الجده (تأخذ الجوال وتتصل على فهد) : يا قلبي فهد لا
محمد سمع جوال يرن واهو يسوق مد يده واخذ جوال فهد شاف الحنونه عرف انها جدته ظن ان فرح قالت شيء عن فهد وفهد يعرف ان الغالي عند الجده
محمد : ألو
الجده : فهد
محمد : لا انا محمد يا جده
الجده : وين فهد
محمد(يطالع لفهد اللي يحاول يتنفس) : فهد دخل الحمام وانتي بكرامه
الجده : صدق اهو بخير
محمد : ايه بخير ليه في شيء
الجده : وضحه تبكي تقول مات ذبحته
محمد(عقد حواجبه) : مات لا فهد بخير لما يطلع بقول له يتصل عليك
الجده : ايه يا ولدي يالله مع السلامه
محمد : مع السلامه
محمد ما قدر يركب الاحداث شنو دخل وضحه وفهد ومات وصل للمستشفى ودخلوا فهد الطوارئ يعطونه اكسجين ويفحصونه ومحمد انتظر في الخارج جلس على الكراسي ينتظر طلعت الدكتور حس بيد على كتفه رفع النظر وشاف بندر وقف وسلم عليه
بندر : وش عندك هنا
محمد : جبت فهد ولد عمي
بندر : وش فيه
محمد : مدري مو قادر يتنفس
بندر (بخوف) : كيف صار
محمد : والله وصلت للبيت شفت فرح تركض لي تقول فهد مو قادر يتنفس والله مو فاهم شيء وشنو صار انتظر الدكتور يطلع
بندر : الله يستر
محمد : وانت وش عندك هنا
بندر : سالفه طويله ياخوي
محمد (يمسك يده) : اجلس شكلك تعبان قول لي وش فيك
بندر : اليوم جبنا مي اختي للمستشفى
محمد : خير وش فيها
بندر : رجلها معتدي عليها بالضرب لدرجه رقدها السرير
محمد(بصدمه) : شنوووووو
بندر : ايه والله
محمد : وليه وكيف
بندر : مدري ليه لأن مي معطينها منوم نايمه بس ننتظر تصحى ونعرف وش صار ووصل الأمر لكذا لدرجه كسر في يدها وخلع في كتفها ورضوض كثيره
محمد (صر على ضروسه يكتم عصبيته) : الحقير هذا حيوان مو انسان
بندر : آآخ بس لو أمسكه
محمد : رح له البيت وبروح معك والله لاخليه ينام اهو بالقبر مو المستشفى
بندر : توني جاي من بيته
محمد : رحت له لقيته
بندر : لا رحت انا وإبراهيم لبيته قال لنا السايق ما رجع من الصبح طلع ولا رد وأن البيت ما فيه احد حتى زوجته الاولى راحت لقرايبها وطلعنا لبيت ابوه عل وعسى نلقاه الحيوان بس ابوه قال ما شفته وسمع ان مسافر متى رجع ما بلغه يعني ما كانوا يعرفون برجوعه
محمد : وبعدين هنا ما لقيته وهناك ما لقيناه كيف
بندر : مدري جدتي قال لا اتعرض له لين يطلق مي بعدها اعلمه قدر مي فوق الراس وتاج على راسه
محمد : بتاخذ حق مي بس مو لوحدك انا معاك مي اختي مثل ما هي اختك
بندر(حط يده على كتف محمد وابتسم رغم الألم) : الله لا يحرمني منك
محمد : طيب وش نسوي
بندر : لما ما لقيناه طلعنا لجراح
محمد : جراح من
بندر : ولد عم عبدالرحمن
محمد : ايه تذكرت من زمان عنه والله بس وش دخله بمي ورجلها
بندر : اهو محامي نبيه يرفع قضيه طلاق شكل سطام يتهرب منا
محمد : بكره الخميس ما في محكمه
بندر : عارف بس نبي نعطيه خبر عشان السبت يروح واعطيه وكاله انا ومي عشان يرفع قضيه طلاق وطبعا تقارير المستشفى تأكد حالتها
محمد : يالله سترك وش هالمصايب اللي مره وحده مي وفهد
بندر : الحمد لله على كل حال
انتبهوا للدكتور يطلع من الغرفه قربوا له
الدكتور : انتو تقربوا له
محمد : عيال عمه وش فيه فهد
الدكتور : حاله اختناق حطينا له اكسجين بس في شيء غريب
بندر : خير
الدكتور(اشر على رقبته) : في اثر في رقبته مثل خيط حبل شيء كذا
بندر : تقصد شنو
الدكتور : يعني كأن شيء حاول يخنقه اهو ضرب رقبته بشيء سبب هذا الأثر
بندر(طالع لمحمد) : مدري
محمد : بصراحه مدري انا لقيته طايح على الأرض
الدكتور : كان معه احد يعني أي انسان نعرف منه شنو صار
محمد : ما سألته
الدكتور : سألته لما حسيت ارتاح شوي بس قال ان ضرب رقبته بس احس انه مو صادق بكلامه كانه يضيع السالفه
بندر : محمد مو تقول زوجتك كانت معاه اتصل وأسألها خلنا نفهم الموضوع
الدكتور : على العموم لو عرفتوا قولوا لي وأنا ثبت رقبته عشان ما ابي يحركها لين تمر 24 ساعه اخاف في كسر ولا شرخ في العظم
محمد : يعني بتطلعه
الدكتور : افضل اخليه تحت الملاحظه 24 ساعه ابي اتأكد ان الرقبه ما فيها ضرر وياليت تعرفون لي من اللي وصله لكذا يمكن تكون محاوله قتل ولازم نبلغ
محمد : قتل
الدكتور : انا اقول يمكن اسمحوا لي
بندر : طيب مسموح
الدكتور : مع السلامه
محمد وبندر : مع السلامه
بندر : وش صاير له
محمد : مدري ما لحقت اسأل فرح (طلع جواله ) بتصل واسألها
بندر : انا بدخل اسلم على فهد وبحاول اعرف وش صار
محمد(هز راسه نعم) : ألو هلا حبيبتي
فرح : محمد كيف فهد
محمد : بخير الدكتور طمني عليه
فرح : والله هو بخير
محمد : والله بخير بس هو يرتاح داخل
فرح : الحمد لله
محمد : فرح
فرح : هلا
محمد : من خنق فهد
فرح : ...............
محمد : فرح تكلمي
فرح : فهد وش قال
محمد : ما قال شيء بس الدكتور يقول في اثار على رقبته وسألني احد خنقه ولا شنو
فرح : اسأله
محمد : شكل فهد ما راح يتكلم الدكتور سأله ولا جاوبه فرح ترى الدكتور يعتقد أن محاولة قتل ويمكن يبلغ الشرطه
فرح(بصدمه) : شرطه
محمد(حب يخوفها عشان تقول له) : شكل الشرطه راح تحقق والقتل جريمه
فرح (نست محمد وكلمت نفسها) : كذا راح ياخذون وضحه
محمد : وش
فرح (انتبهت) : هاه
محمد : قلت وش دخل الوضحه
فرح : بصراحه بقول لك اللي صار كله وشنو شفت
محمد : قولي لي
نترك فرح تقول لمحمد لك شيء ونروح لغرفه في المستشفى ولكن في قسم النساء ..
|