منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

10-06-2011

حطت الجوال على الطاوله واتجهت لغرفة النوم وقفت عند الباب وشافته نايم ملامح وجهه رغم ان رجل بس ملامح طفل دبدوب شوي ابتسمت على هذا المسمى دبدوب وقربت وجلست على طرف السرير بحياء تستحي منه مهما كان رجال غريب للحين ما تعودت عليه

ليالي (بتردد) : جاسم .. جاسم
جاسم (يضم البطانيه له) : همممممم
ليالي (تسحب البطانيه بشويش) : قووم بسك نوم الظهر بيأذن
جاسم : يمه بس شوي
ليالي(ابتسمت) : شنو يمه انا ليالي
جاسم(فتح عين وسكر عين) : من
ليالي : زوجتك
جاسم(تعدل واخذ النظاره وطالع لها) : ...............
ليالي (استحت ) : وش فيك
جاسم : ك ك كنت اظ ظن احلم
ليالي : تحلم وليه تلعثمت
جاسم : اممممممم ولا شيء ( طالع لها يتأملها)

ودي اصـرخــ واقـول انـي احبـــكـ ...
واعترفــ قـلــبـي ماتــ في ودكـــ ...

لكن الخوف سيطر على احساسي ...
اخـافــ اتفـاجـىء بــرده القـاسـي ...

ليالي : قول وش فيك
جاسم : ولا شيء بروح اتروش
ليالي (تشوفه متجه للباب) : وين رايح
جاسم : بروح غرفتي

ليالي انتبهت للبجامه كانه طفل كبير ابتسمت وقفت وقربت منه واشرت على الباب

ليالي : هذا الحمام
جاسم : وغرفتي
ليالي : هذي غرفتك
جاسم : .............
ليالي : يالله ادخل وتروش بطلع لك لبس عشان الصلاه لا تتأخر
جاسم : لبس امي
ليالي (فهمت عليه قاطعته) : من اليوم ورايح انا مسؤوله عنك انت زوجي وامك خلاص
جاسم : بس هي
ليالي : بس انا وبس
جاسم : وإذا زعلت
ليالي : ما تزعل يالله عاد مو تبي ننزل نسلم عليها كذا نتأخر
جاسم : حاضر (ابتسم) لولو اقدر اقول لولو
ليالي (ابتسمت) : ايه تقدر
جاسم : ههههههههه حلو بروح قبل اتأخر
ليالي (تشوفه يدخل الحمام واتجهت تطلع له لبس) : آآه شيء غريب عقل طفل وجسم رجل كلامك غير وتصرفاتك غير وش الحل

طلعت ثوب وشماغ وجلست على طرف السرير تفكر باللي صار البارح لما قفلوا الباب عليهم وصاروا لوحدهم

جاسم قرب وحط يده على جبينها هي انتفضت من حركته ما ضنت يتجرأ ويقرب لها وطالعت له كان معه ورقه يقرأ ابتسمت لما سمعت يقرأ دعاء الزواج وبعدها نزل وباس جبينها وجلس بعيد عنها هي استحت اكثر منه

يا هلي لا تغصبونـي ** بالهوى لا تظلموني
افهموني وارحموني ** ما ابي ولد الكرام

قـالـوا غصـبن تاخذينه ** ما هو كيفك تقبلينه
كان قصـدج تكرهينــه ** تعشقينه عقب عام

قلت الهوى ما هو غصيبه * وان جبرتوني مصيبه
سببتوا جروحن عطيبه ** انوح والعالم نياام

اغصبوا نفسي جبروها ** ودموع عيني هملوها
قيمتي اااه ضيعووهــا ** عـقبها عفت المنام

قلــت يامـــا ويا لــيت ** هل دمــعي وتمـنـيـت
لي اخو ساكن البيت ** انخاه في عسـر الايــام

ابرضى بقسمتي وقدري **صبرت وبزيد صبري
لو بكيت طـول عمـري ** مانفع والله حرام

ليالي ( في قلبها) : هذا ورع امه يا ويلي هذا رجال كامل والكامل الله صدق بديت اخاف
جاسم (يفرك ايديه بتوتر) : مبروك
ليالي : يبارك فيك
جاسم : ليالي انا بصراحه فرحان كنت انتظر هذا اليوم من زمان
ليالي : تنتظر
جاسم (ابتسم) : ايه يمكن انتي ما تعرفين غلاتك عندي من كانت عمتي حمده تسولف لنا عنك كله تذكرك اتذكر لما كنا صغار كنت قويه بنت ما في مثلك
ليالي : كنت مثل الولد
جاسم : بس لك سحر وشيء يجذب
ليالي(مستغربه اسلوبه ) : ............
جاسم : وش فيك
ليالي (طالعت له ) : اسمح لي بس صاير غريب انت مو جاسم اللي شفته قبل اسبوعين في بيتنا يعني اقصد امممم
جاسم(قاطعها) : حياوي صح
ليالي : صح
جاسم : انا ما انكر هذا الشيء بس انا نفسي ما اعرف مرات اكون انسان غير ومرات اكون طفل
ليالي : ما فهمت
جاسم : بقول لك بحضور امي احس اني طفل ايه ما اعرف اسوي شيء معودتني من تشوفني تسوي لي كل شيء بنفسها لدرجه صرت اعتمد عليها وبس ما اقدر اسوي شيء بس لما ما تكون موجوده اكون جاسم رجل عمره 26 سنه (شافت نظرت الأستغراب اكثر) انا اعرف انك ما تثقين فيني واعرف انك تشوفيني طفل او بمعنى اصح ورع امه
ليالي(انصدمت) : وش عرفك
جاسم : قبل اسبوعين جيتكم صح
ليالي : صح
جاسم : طلعنا انا وأمي بس انا حسيت قلبي يعورني لما بكيتي قررت ارجع بالليل واتكلم معك دموعك غاليه علي ولما وصلت للمجلس سمعت ابوك واخوانك مجتمعين هم ما عرفوا اني موجود بس سمعتهم وعرفت وجهة نظرك فيني
ليالي (حست باحراج وتضايقت لانه عرف) : اسفه
جاسم : لا تتأسفين هذ حقيقه ما كنت اعتقد ان تصرفاتي طفوليه كنت اسميها دلال ودلع على امي بس فكرت اذا انتي تنظرين لي كذا وانتي زوجتي الناس شنو تقول
ليالي : صدق انا اسفه ما قصدت
جاسم : لا انا اللي اسف وصلت لك فكره خطأ عني بس تأكدي اني مو مثل منتي مفكره يمكن تضايقك بعض تصرفاتي بس انا تعودت من 26 سنه اكون مطيع لأمي
وانها دايم معاي وحولي
ليالي : اسمح لي باللي اقوله بس امك مو بس معودتك امك متحكمه في حياتك
جاسم : ما انكر صح بس لاني ما شفت حولي احد غير امي لما ابوي توفى صارت لي الأم والاب والاهل ما عندي خوات واخوان وحيدها انا ما اعترض على تربيه امي بس يمكن هي من حبها لي زادت في الدلال لي وطلباتي اوامر اللي ابي اطلبه منك ثقي فيني في زوجك يمكن مرات اكون طفل قدامك ولكن انا رجال قدامك اوعدك احميك واكون لك الامان جايز تستغربين كلامي في اول ليله لنا لازم يكون كلام كله حب بس انا حبيت احط في الصوره واشيل من بينا الحواجز
ليالي : جاسم انا مو معترضه عليك بس على طبعك
جاسم : طبعي بيتغير صدقيني بس يبي له صبر ابيك تكونين معي قولي لي اذا في خطأ خليك معي مو ضدي ترى صار لي اسبوعين احاول اكون جاسم الرجال عشانك بس ابيك تفتخرين فيني عند الناس واغير صورتي في عقلك من الورع للرجل
ليالي : انت صرت زوجي ودايم بكون سند لك يمكن حياتنا
جاسم (ابتسم) : كذا تطمنت
ليالي (ابتسمت لأبتسامته) : على شنو
جاسم : خفت انك ما تتقبليني و تضلين على تفكيرك اني ورع امه
ليالي : لا تكررها هالكلمه اسفه اني ضايقتك فيها
جاسم (وقف وقرب لها مسك يدها ووقفها) : الله لا يحرمني منك ويقدرني اسعدك
ليالي : امين ويقدرني اصونك واكون خير زوجه ارضي ربي وارضيك

صحت من سرحانها على قطرات ماء على وجها رفعت نظرها وشافته واقف بالروب وشعرها يحركه كله ماء

ليالي : خلصت
جاسم : ايه
ليالي (وقفت وعطته ثوبه) : البس ملابسك على السرير
جاسم : لبسيني
ليالي (استحت) : شنو
جاسم : امزح
ليالي (حطت ملابسه) : بنتظرك بالصاله لين تخلص
جاسم : هههههههههههه (يطالع لها واهي تطلع ويبتسم وبهمس) احبك والله

مابيك بالقوه ..ولابيك بالطيب
أبيك من كيفك تحس بحنيني
مابيك تقبل باخر العمر وتغيب
أبيك دايم بين رمشي وعيني
خذني وغربني عن الناس تغريب
مابي اشوف انسان غيرك بعيني

بعد ما خلص جاسم اخذ شماغه ونزل اهو وليالي تحت شاف امه جالسه بالصاله تشرب قهوه وقفت لما شافته وقربت سلمت عليه وسلمت على ليالي وباركت لهم شافت شعر ولدها ماء

ام جاسم : ماء ما جففته ليه
جاسم : جففته بس ماء شوي حتى اسألي ليالي
ليالي : خالتي جففه هذي رطوبه بس
أم جاسم(توقف) : لا اخاف تمرض سلينا سلينا
سلينا : ايوه يا مدام
أم جاسم : جيبي لي منشفه بسرعه
سلينا : حازر
ليالي (هزت راسها وهي تطالع لجاسم اللي استحى) : ..............
أم جاسم(تأخذ المنشفه وتجفف شعره مثل الطفل ) : لازم تنتبه
ليالي(حست بضيقه) : جاسم لا تتأخر على الصلاه
جاسم(حس فيها وقف وابتعد شوي يعدل شماغه) : ............
أم جاسم : انتبه لنفسك لا تسوق بسرعه
جاسم : حاضر يمه
أم جاسم : ولا تتأخر
جاسم : حاضر
أم جاسم : ما أكلت شيء تطلع كذا
جاسم : لما ارجع اتغدى يمه تأخرت (قرب وباس راسها) مع السلامه
أم جاسم : الله يحفظك يالغالي
ليالي (بقلبها) : امين يارب
ام جاسم(تجلس) : هاه كيفك يا ليالي
ليالي : بخير
ام جاسم : سلينا خذي المنشفه وسوي لنا قهوه
سلينا : حازر
ليالي : خالتي ترى اهلي بيزرونا اليوم
أم جاسم : الله يحييهم

أخذت القهوه من الخدامه وهي تطالع لخالتها ام جاسم اللي تتقهوى بصمت وحاسه تطالع لها بطرف عينها

ليالي (في نفسها) : اففففف يعني لازم حركات الام الخايفه تراه رجال زين ما صرخت فيك وقلت لك تراه طول بعرض بسك معامله لطفل
أم جاسم(في نفسها) : وش فيها كأني مو عاجبتها انا لازم اتصرف وتصير مثل ولدي تحت امري لازم كلمتي المسموعه

نترك ليالي وام جاسم كل وحده تخاطب الثانيه بصمت ونروح لمكان آخر

------------------

في بيت مي

مريم جالسه جنبها ودمعتها بطرف عينها تغير الكمادات على جبينها وتسمعها تأن مسحت دمعتها بس تألمت لمست خدها وتذكرت الكف اللي عطاها اليوم الصبح لما اتصل وخلاها تجي بسرعه ولما وصلت شافت البيت فوضوى وانتبهت لجسد مي على الأرض كله ضرب ودم

مريم (جلست جنب مي) : مي مي

ألتفت لسلطام اللي جالس وساند ايديه على ركبه ويطالع لهم وثوبه مبهدل وأزراره على الأرض مقطوعه انتبهت لمي ولبسها فستانها غمضت عيونها

مريم(بصراخ) : ليييييييييييه حراااااااام عليك وش سووووويت فيهااااا
سطام (قرب ومسك شعرها بقوه وبعصبيه) : جـــــــــــــــــــــــب
مريم(تدفه بقوه وبعصبيه) : ذبحتها أحنا لازم نوديها المستشفى
سطام : لا طلعيها غرفتها وانتبهي لها
مريم : البنت بتموت شوف حالها والدم انت وحش مو انسان لييييييييييييه حرام والله بيذبحونك لو عرفوا باللي سويته
سطام (مسكها من كتوفها ووقفها بعصبيه) : من بيعرف محد بيعرف
مريم : تظن ما راح يسألون عن بنتهم شنو
سطام : لا محد راح يسأل
مريم : كيف تفكر
سطام : مالك دخل خذيها لفوق وبعد شوي بتجي الدكتوره
مريم : لا ما راح اسكت البنت محتاجه تروح مستشفى
سطام( مسكها وعطاها كف قوي وبغضب) : لا تعترضين لا تلحقينها وتشوفين نفسك جنبها على الأرض فاهمه
مريم (بقهر وألم) : حسبي الله عليك
سطام : نادي الخداااااااامه وخذوها فوق ونظفوا المكان

مريم حطت عباتها وساعدتها الخدامه وطلعوا مي لفوق وهي تسمع اناتها ودموعها على خدها من الألم

مريم : مي سامحيني
مي(مو قادره تتكلم وهي تتالم) : بندر
مريم (تدخلها الغرفه وتحطها على السرير) : ما اقدر سامحيني
مي : بندر
مريم(تمسح دموعها) : راح اغير ملابس وش سوى فيك الحيوان الله لا يسامحه
مي (تبكي بألم) : ابي بندر تعبانه
مريم (حست بحركه خلفها شافته) : حسبي الله عليك يا سطام
سطام (بعصبيه) : شنووووو
مريم : شوف وش سويت فيها هذي زوجتك مو حجر بشر
سطام : هي اللي جابته لنفسها
مريم(تتجه للدولاب) : يعني قالت لك اضربها
سطام (بعصبيه) : مالك دخل
مريم : ربك بيحاسبك (انتبهت له يطلع اشرت للخدامه تطلع وساعدت مي تغير انتبهت لها تتألم) وش فيك
مي : يدي
مريم(شافت يدها مزرقه ومنفوخه) : اخاف مكسوره
مي (تبكي) : ابي اهلي
مريم : خليني لين اقدر اجيب لك جوالك اهدي

دخلت الدكتوره اللي فحصت مي وقالت ان بس كدمات وعطتها مسكن مريم تتحسبن عليهم تعرف انها كذابه واللي في مي مو بس كدمات واهي تغض البصر عن ألم مي وجروحها عشان الفلوس اللي عطاها سطام وطلب تكتم الشيء واجبرها تعطي مي منوم عشان يضمن سكوتها مريم رفضت تقرب لها بس سطام مسكها غصب عنها لين عطتها المنوم ودمعتها على خدها مو قادره تتحمل الالم ولا تتحمل الحاله اللي وصلت لها وهي تكرر

حسبي الله عليكم حسبي الله عليكم

مريم (تشاهق من البكي وتهمس) : مي تكفين اصحي
مي(مو قادره تفتح عيونها اللي مورمه وحده من الضرب) : مريم
مريم (تقرب ) : يا قلب مي
مي : يدي مو حاسه فيها
مريم (لمست يدها وهي زايد حجمها) : مي
مي (تتألم ) : آآآآآآآآآآآآآآه
مريم(تتصل على سطام) : ما يرد لازم نوديك للمستشفى
مي : مو قادره آآآآآآآآه
مريم (بعصبيه) : عنه ما رد انا بتصرف لو كان الامر وصل للطلاق انتي اغلى شيء عندي
مي (تبكي ) : تعبانه خالتي خوووووووله

مريم اخذت شريحه جوال مي وحطتها في جوالها لان جوال مي انكسر وفتحت الأرقام شافت اسم بندر بس استحت تتصل قررت تتصل بخوله اللي كانت في غرفتها تفكر في حلف ابوها تروح معه لشيخ وهي رافضه مبدأ انها مسحوره رن جوالها كان مي فضلت ما ترد تحس مالها مزاج تكلم احد وقررت تتصل عليها بعد ما تهدأ اعصابها بس رن من جديد لين سكت ومره ثالثه حست ان مي فيها شيء دام مصره تكلمها رفعت الجوال

خوله : ألو
مريم : الو السلام عليكم
خوله(استغربت الصوت) : وعليكم السلام هذا مو جوال مي منو معي
مريم : انا مريم
خوله : هلا مريم كيفك
مريم : بخير
خوله : وش فيك
مريم(تبكي) : خوله تعالي خذي مي هي تعبانه
خوله (توقف) : وش فيه
مريم : سطام ضرب مي وهي تعبانه معها حراره وكلها جروح مي تعبانه وانا ما اقدر اسوي شيء
خوله (بصدمه) : شنووووووووو
مريم : تكفين تعالي قبل سطام يرجع خذيها من هنا
خوله : انا جايه
مريم : لا تأخرين مي تعبانه
خوله : لا تخافين جايه لك (طلعت من الغرفه بسرعه ) ابراهيم
ابراهيم (اللي يصعد السلم) : هلا وغلا خوخه
خوله (تقرب منه) : إبراهيم ودني مي بسرعه
إبراهيم (مسكها) : وش فيك مي فيها شيء
خوله : مي تعبانه وسطام الحقير ضربها لين خلها طريحه الفراش
إبراهيم (بصدمه) : شنو من قال لك
خوله : ضرتها مريم توها اتصلت وتقول تعالوا قبل يرجع
إبراهيم : كيف نتصرف مانقدر ندخل بيت الرجال بدون علمه انا مو محرم لها
خوله : بندر
إبراهيم : كيف نجيبه بنت لو قلنا له يطلع ألحين للبيت وممكن يصير شيء
خوله : خلنا نمر ونأخذه وطلع تكفه يالله
إبراهيم : جيبي عباتك خلينا نروح

خوله ركضت لغرفتها جابت عباتها وشنطتها وطلعت من البيت ولا قالت لاحد ولا شافت احد كل واحد في غرفته ومشغول بس الخدامات شافوا تطلع بسرعه .. ركبت مع إبراهيم اللي حرك سيارته لبيت بندر طلع جواله واتصل

إبراهيم : الو السلام عليكم
بندر : هلا وغلا
إبراهيم (يخفي ارتباكه ) : وينك
بندر : توني واصل من المسجد بدخل البيت
إبراهيم (يسرع) : لا تدخل ابيك ضروري
بندر : طيب بدخل وانتظرك في المجلس
إبراهيم : لا انا دقيقتين واصل
بندر : خير فيك شيء
إبراهيم : لا موضوع عادي لا تدخل انتظري مع السلامه
بندر (طالع جواله اللي ما انتظر رد) : وش فيه

فعلا دقيقتين وصل إبراهيم شاف معه حرمه عرفها من هي بس استغرب نزلت وصعدت للخلف اشر إبراهيم لبندر اللي قرب لهم

إبراهيم : اركب
بندر : وش فيه
خوله : بسرعه اركب يا بندر
بندر(فتح الباب وصعد ) : وش صاير
خوله : حرك يا إبراهيم
بندر(يطالع لهم وبعصبيه) : وش فيكم
إبراهيم : اهدى
بندر : وش اهدى تتصل تقول ابيك ضروري وخوله معك وين رايحين
خوله : لبيت مي
بندر : مي (ألتفت لها ) مي فيها شيء
إبراهيم : خلاف مع زوجها وهي زعلانه اتصلت على خوله وقالت تبيك تجي
بندر(بعصبيه ) : زعلها والله لاخليه يندم
إبراهيم (يطالع خوله بالمرايه وفي نفسه) : هذا عرف عن زعل بس عصب اجل لو يعرف ان ضربها
خوله (تطالع بندر وفي نفسها) : الله يستر

وصلوا البيت وخوله طلبت ينتظرون لين تتصل عشان زوجة سطام مريم صعدت خوله وشافت مي على السرير ومريم تحط على راسها كمادات قربت وانصدمت على وجه مي

مريم (توقف وتمسح دموعها) : خوله مي تعبانه
خوله(بلعت ريقها ودمعت عيونها) : حيوااااااان (قربت لمي وجلست جنبها مسحت على جبينها نار ) مي
مي(فتحت عيونها وبكت) : خالتي ابي بندر
خوله (طلعت جوالها واتصلت على إبراهيم ) : خل بندر يصعد بسرعه ( سكرت الجوال ) مريم بندر بيصعد
مريم ( تآخذ جلال من جلال مي ) : انا بنزل وطمنيني عليها
خوله : حاضر
بندر(بعصبيه) : وين اصعد
إبراهيم : لبيت اختك
بندر : وش صااااااااير قول لي
إبراهيم (نزل عيونه ) : اصعد وبتعرف
بندر(ترك إبراهيم وصعد يركض على السلم دخل الجناح) : مـــــــــــــــــــــــــــي
خوله (وقفت واتجه لباب الغرفه ودموعها على خدها) : تعال هنا