منتديات قصايد ليل - عرض مشاركة واحدة

10-04-2011

عمران وقف وباعلى صوت من العصبيه:وليه انا اخر من يعلم ولا انا مو ابوه(عمران صار يشك بالكل عقب اخته)
عبيربحسره ودهشه:لا مو معقول انا مو مصدقه الي اشوفه بدال ماتفرح تتهمني بالخيانه
عمران وهو مستسلم:طيب ليش ماقلتي لي انا اسمع الخبر حالي حال فوزيه
عبير:انا امس قلت لك ان عندي مفاجئه وانت قلت مابيك انتي ولا مفجائتك واللحين سويتها بهالطريقه توقعتك بتفرح مو تقلب على
فوزيه:شفيكم هدوا شوي اعصابكم
عمران يناظرها بحقد:انتي مالك خص هذي خلافات بين زوجين ولا نسييييت ويلمس راسه انتي وش دراك لانك مو متزوجه ولا راح تتزوجين
فوزيه تاثرت من هالكلمه وطلعت بسرعه وراحت تبكي مهما كانت بنت وتتاثر بهالكلام
عبير:حرام عليك وش فيك عليها هذي مهما كانت اختك ولازم تحترمها
عمران معصب:مب انتي الي تعلميني الاحترام متى كشفتي ووين؟
عبير:كشفت اول ماجينا للرياض امي غصبتني بعد ماشافتني تعبانه
عمران يكتف يدينه وكانه محقق:طيب ليه ماخذتي موافقتي تروحين من غير استئذان اصحي انتي متزوجه ولازم تاخذين موافقتي
عبير:انت ماكنت فيه
عمران:والجوال وين راح
عبير:انا كنت شاكه اني حامل ولاأستخدمت الجوال خايفه على(وهي تلمس بطنها)الجنين
عمران:طيب ليه ماقلتيلي بعد ماجيتي
عبير:لاني ابي اخليها مفاجئه وقلت لك عندي مفاجئه قلت مابيك انتي ولا مفاجئاتك
زينب تترقب وتناظر وهي تهز راسها بأسف وتتكلم بصوت مسموع هادئ:الله يعينك عليه ياعبير بيعذبك ويعذب الي في بطنك
عمران اول ماسمع صار مثل الثعبان الي شايف له فريسه ويبي ينقض عليه بسرررررعه راح لها بسرعه يبي يطلع
حرة عبير فيها عبير بسرعه راحت له ووقفت قدامه وتناظره نظرة رجاء:الله يخليك لاتسوي لها شئ الي فيها كافيها
عمران ويحاول يبعد عبير طاحت عبير وتصارخ وهي تبكي:لاتلمسها الله يخليك لاتضربها
عمران استغرب من دفاع عبير لاخته القاسيه معها:علشانك بس هالمره
ويمسك يد عبير ويحاول يقومها تقوم عبير وتبتسم له وعيونها كلها دموع:مشكور حبيبي ويروحون لغرفتهم
زينب مستلقيه على الارض من التعب والضرب الي جاها من عمران وصارت تتكلم بتثاقل واثار الضرب زادت في كل مكان بجسدها

فوزيه تطق الباب
عمران:اكيد هالفوزيه المزعجه
عبير تحاول تسكته وبصوت خفيف:خلاص انا بروح اشوفها
فوزيه بصوت خفيف ونظرات رجاء:عبير ممكن تجين شوي
عبير راحت لها:هلا فوز بغيتي شئ
فوزيه تاخذها وتروح ورا البيت المجود في البر او صحراء :عبير عندي طلب الله يخليك سويه وساعديني فيه
عبير خافت تكون داهيه جديده او مصيببه:وشو وانشالله اساعدك فيه اذا كنت اقدر
فوزيه:خلي عمران يجيب اكل نواشف جبن وقشطه وفول ومن هالاغراض
عبير انفجرت بالضحك:ههههههههههههههههههههه والله انك داهيه يافوز جايبتني ورا البيت علشان تقولين لي اشياء العاديه
فوزيه جاده وبترجي:صدقيني زينب بتموت لها ثلاث ايام ماكلت
عبير:وشو ثلاث ايام حنا وين بافريقيا بجد والله كيف
فوزيه:البيت ناقصه اغراض واجد وماجابها ويوم قلت لعمران عاندني وحلف مايجيب
عبير:خلااااااااااص ولا يهمك اخليه يجيب اللحين بس اسمعي مو معناته انه يطيعني بسرعه تراه يالله ويالله يروح
فوزيه:مشكوووووووووووره حياتي انا مادري وين اروح عن جمايلك
عبير:يالله تعالي بنشيل زينب نوديها لغرفتها علشان اذا سالني اقوله نشيل زينب
فوزيه:عليك نور
راحوا لزينب لقوا ينزف انفها دم من جديد ارتاعوا انهبلو راحت عبير بسرررررررررعه للفريزر تجيب ثلج واخذت كلينيكس
وحطوه عليها
عبير تعرف بالاسعافات الاوليه احسن من فوزيه:ارفعي راسك يازوزو ارفعيه
زينب تحاول ترفع راسها بتثااااااااااقل وتساعدها فوزيه: وحطوا الثلج عليها الى خف النزيف وشالوها عبير تحاول تشيلها
بس ماتبي تأذي الي في بطنها
وفوزيه شالت بكل حماس وبكل قوه عندها وحطوها في السرير وكان عمران يترقب كل شئ من اول مانزفت زينب
صحيح تعاطف معها وتقطع قلبه على اخته لانها بجد تكسر الخاطر لكن عبير سوت الي هو يتمنى انه يسويه
طلع عمران ونزلت من عينه دمعه متمرده تهز رجولته ومسحها على طول علشان ماحد يشوفها لكن شافته وحده تحس في كل نبضه ينبضها وكل الآم جارح يحس فيه
عبير تمسك يده وهي مبتسمه: لاتمسح دموعك خلها شوي تلين قلبك حرام عليك رح لها راضها بكلمه وحده مسكينه الي شافت مو قليل
عمران:مو انا الي اراضي احد
عبير:مو الغلط انك تراضي!! الغلط هو انك ماتسامح الكل يخطي وربي يسامحه اذا تاب كيف انسان حنا بشر لنا احاسيس ولنا مشاعر روح سامحها حرام عليك خلها تحس
ان فيه احد يهتم فيها هي ماكلمت واحد الا لانها فاقده التعامل الزين معها اقولك( توقف عبير لانها تحس بغثيان وراحت على طول للمغسله
عمران لحقها:وش فيك سلامات تحسين في تعب
عبير:لا تعرف الوحام
عمران ابتسم وهو مكتف يدينه:يعني بتجيبن لي ولد بعد كم شهر
عبير:اها ويمكن تكون بنت
عمران:الله يعينك ياعبير على وعلى مصايبنا الي كلما تزيد ماتنقص
عبير:انا كلي فداء لك انت ومصايبك
عمران ابتسم وهو يناظر لها بحنان لكن عبير ماتحب هذي النظره لانها تشوف ان ذي النظره نظرة شفقه مو حب
عبير:جوعانه ياعمران
عمران:امري تدللي وش تبين
عبير:اممممممممممم ابي نواشف جبن وقشطه وفول وعسل وكل شئ احس اني مشتهيتها لو ماتجيبه خلال نص ساعه بتنسد نفسي
عمران:لهالدرجه وبذا الوقت اللحين الساعه 1 الصبح
عبير:ايه انا اول اكذب الي يتوحمون واقول انه وهم لكن اللحين ابي بسرعه جيب بليزززززززز
عمران يأشر على عيونه:من عيوني الثنتين لأم عقاب
عبير:مين!!!!!!!!!!
عمران:اقول ام عقاب
عبير:ههههههههههههههههههههههههههههههههههههههههههههه ه حشى قضت الاسماء
عمران:وانتي اي اسم تبين اذا ولد
عبير:اممممممممممممممممممم ابي عامر عمران
عمران:ليه وش معنى
عبير:ابيه يلعوزني مثل ابوه
عمران مو مصدق:انا بصير ابو وناااااااااسه(باس راسها وراح للبقاله علشان يجيب النواشف للعبير مايدري انها لزينب
عبير قاعده تفكر معقول سالم الي في الاستراحه هو سالم الي تعرف على زينب مو معقول بجد غريب وش ذي الصدف
الحمدلله ان عمران مانتبه والا يمكن ذبحه اقول خلني اروح لزينب احسن من الافكار الي بتموتني وتتعب ترجع على طول للمغسله
المسكينه ماتتحمل

عادل يبكي من قلب على حسام ورامي بجنبه يهديه
عادل:انا لازم اشوفه لازم اللحين هو بأي مستشفى
رامي قال له وعلى طول مشوا بس عادل سبق رامي وطلعت في وجهه الوجه الملائكي الي خلاه ينسى طعم النوم
نوره بحزن وبرقه كالعاده:عظم الله اجرك ياعادل
عادل يناظر لها وعيونه حمراء من الصياح ويروح ويخليها ومايرد عليها بس كل إلي سواه ناظرها نظرة عتاب
نوره على طول راحت لغرفتها الاوله وبكت كثيررررر على حال عادل بس نظرته الي مجرد ثواني حكت لها قصص ورويات
مالها نهايه وتذكرته وهي طالعه من الكوفيرا قبل ثلاث سنين وزياده وكيف خاف عليها
وكيف كان يغني لها ويحرجها ويكيف كانت تحبه بس سرعان مانتهت مشاعرها اول مادق جوالها على نغمة عبدالله
نوره ببرود:هلاااا
عبدالله:ياهلا بهالصوت شلونك بس وش فيه صوتك تبكين
نوره:لا مافيني شئ الحمدلله بس وينك مقفل جوالك
عبدالله:تصدقين ابوي رضى على
نوره:كيف

عادل وهو رايح للمستشفى يشوف حسام قرر يدق على عمران وهو ناسي السالفه وكيف هزائه
عمران يناظر الرقم مستغرب شاطارئ عليه:الووووو
عادل:اهلين عمران
عمران:وش فيه صوتك صاير شئ
عادل:ايه حسام اخوي عطاك عمره
عمران:والله الله يرحمه طيب كيف
عادل:مايبي يقوله علشان اخوه مايصير شماته مادري والله كيف بس ابيك تبلغ عبير لاني ماعرف للمواقف ذي
عمران:كيف اقولها هي ماتتحمل اخاف تسقط ولا شئ
عادل:دبر حالك انا قلت لك وبس يالله مع السلامه
عمران"انشالله والله يعينك على فراقه مع السلامه
عمران يفكر(اللحين كيف اقولها اخاف تسقط لازم اوديها للمستشفى الى احس انه ثبت وبعدين اقولها

عبير وهي عند زينب وفوزيه
عبير:هونيها وتهون خلاص الي صار صار يازينب
زينب تبكي بانين يقطع القلب:بس وش ذنبي ليه ينشر صوري هو حلف انه يمسحها على طول
عبير:بس انتي متاكده انه ماطلع معك
زينب:والله ماطلعت بس انا شفته عند المدرسه وعطاني هديه الله ياخذه ولا يوفقه
عبير ماتحب احد يدعي على الثاني:لاتدعين عليه ربي بيعطيه جزائه
فوزيه:اخخخخخخخخ عمري الشقي طوووووووووووووووووويل
عبير:بس ربي يوريه في الدنيا قبل الاخره

عمران دخل للبيت وهو متورط كيف يقول لعبير الي ماتتحمل شئ دخل غرفة النوم:هذي وين راحت عبير ياعبير
عبير سمعت:عن اذنكم جاء عمران
راحت عبير بسرررعه له:هلا حبيبي بغيت شئ
عمران:اها خوذي هذي كل انواع النواشف الي في السوبر ماركت
عبير:يعني رحت للبريده بس امداك تجي بسرررعه
عمران:اقولك روحي كولي بسرعه لاني بسولف معك
عبير:طيب اجيبلك شئ معي
عمران بابتسامه باهته:لا شكرا بس كولي
عبير:فيك شئ صح
عمران خاف انه ينفضح:وش فيني بالعكس ولا شئ بس بسرررررعه روحي كولي
عبير:حاااااااااااااضر
عبير اخذت الاغراض بالمطبخ :فوزيه يافوزيه تعالي
فوزيه:نعم جاب الاغراض الحمدلله مشكوره عبور
عبير:العفو يالله خوذي ووكلي اختك
فوزيه وعبير يزينون النواشف بصحون ويجهزون عصير لزينب
عبير:اساعدك يعني اشيل معك
فوزيه:لامشكوره حبيتي انا بشيله الحالي
عبير تتأمل كلمة حبيبتي الي عمر عمران ماقالها وهي ماتبيها الامن عمران
عبير:خلاص انا بأكل شوي واروح لعمران لانه يبيني

عادل:لاتكفى بس ابشوف اخوي واطلع
المسؤل عن الموتى:والله ماقدر شف الساعه 2 الفجر ماقدر مو بيدي
رامي يطلع فلوس يبي يرشيه:خذ وخلنا نشوفه
المسؤؤل/لا ياشاطر الحركات ذي مب عندي
رامي:طيب الله يخليك بس يشوف اخوه ويروح تكفى
المسؤل بعد ماستسلم لهم لانهم ساعه يحاولون فيه:يالله تعالوا معي
رامي وعادل فرحوا مو كانهم بيشوفون ميت:يالله
شغل انورا الغرفه المظلمه وشاف الارقام رقم حسام محمد هو 12 وهي عباره عن ادراج طووويله
رامي وعادل ارتاعوا من شكل الصناديق او الادراج الطويله
فتح ثلاجة الموتى الي موجود فيها حسام وياليتهم ماتوا ولا شافوه
عادل يناظر وعيونه شاخصه كانه بيموت من هول النظر حسام مثلج كل جسده ووجه متفحم ويدينه سود والثلج طاغي عليه
المسؤل:خلاص شفتوه اطلعوا
عادل بكل ثقه وكانه يبي يقنعهم:لا هذا مو أخوي مو حسام انا متأكد
المسؤؤل:خلاص اطلع وأقولك سالفته
عادل طلع ورامي يبكي مو مصدق
المسؤؤل:للأسف حسام مافيه احد اكتشف موته الا بعد ثلاث اسابيع وكان سبب وفاته جرعة مخدرات زايده
عادل طاح ماتشيله اعظامه::طيب اقدر اشوفه مره ثانيه
المسؤؤل:هو حلا افتحه كل دقيقه
عادل:الله يخليلك اخوانك بس اشوفه النظره الاخيره
المسؤل:تراي مو فاضي لك
رامي وهو يبكي يقوم عادل:قم الله يرحمه
عادل مو مصدق يناظر بنظرات تائهه ومو مركزه على شئ واحد ويمسك المسؤؤل:الله يخليك ابشوفه اخر مره
المسؤؤل تعاطف مع عادل وفتح له التابوت مره ثانيه لكن هالمره عادل انفجر صياح من شكل اخوه المريع المرعب إلي ماكان يتوقعه ولا في الخيال

عمران ينقي كلمات يقولها لعبير علشان ماتنصدم ويصير شئ في الجنين الي في بطنها يعني مو لله
عبير تروح له وهي مبتسمه:الحمد لله اكرمك الله حبيبي
عمران:صحتين لكن عندي لك خبر مو زين راح يأثر فيك بس لاتنصدمين
عبير تحولت ابتسامتها الجذابه الى ملامح فيها الف سؤال وسؤال!!!صاير شئ
عمران:انتي تعرفين ان الموت مكتوب على كبير وصغير شاب وشابه
عبير مستعجله:طيب مين مات ابوي امي مين قل بسررررعه
عمران:لا واحد من اخوانك
عبير بتحطيم:مين عادل ولا حسام لاتقول عادل حادث كيف بسرررررعه قل تراي مو قادره اتحمل
عمران:هدي اعصابك ترى مايصلح لك الانفعالات
عبير:انا السبب عادل بحادث بعد ماجابني صح
عمران:لأ
عبير كانها ارتاحت لانه لو صار عادل ماراح تسامح روحها ابدا
عمران:حسام عطاك عمره
عبير تفاجئت بس مانزلت من عينها دمعه وحده كل الي قالته:الله يرحمه هم السابقون ونحن الاحقون
عمران شافها محطمه نفسيا وشكلها يكسر الخاطر راح ضمها
عبير:ابعد عني انا ادري وش الي موته انت السبب وابوي
عمران يداريها:طيب كيف
عبير:لان مافيه احد استقبله بعد ماتعالج واكيد مافيه احد استقبله الا اصدقاء السوء الي قبل
عمران استغرب من افكارها:الله يرحمه وعظم الله اجرك ياعبير ويهون مصيبتك
عبير:تسمح لي اجلس برا شوي
عمران:ووين برا قصدك برا البيت بس برد
عبير:ايه ابي اجلس لحالي شوي
عمران استسلم:خلاص روحي
عبير:طيب تصبح على خير
عمران استغرب من برودها هي طول عمرها ملكة الصياح والبكاء وتبكي على اتفه شئ مو معقول طيب ليه ماتصيح اللحين
اقول خلني اراقبها من بعيد شوي حتى لاتسوي بروحها شئ
عبير راحت تجلس في الكرسي الخشبي الي بجنب الشجره الخضراء التي تتراقص اوراقها من شدة البرد
تتكلم عبير بصوت مسموع كانها تشكي لاحد يــالله قبل سنه مات اغلى عم لي واللحين حسام مين بقى لي الله يرحمكم يأغلى اثنين على قلبي
يالله ياحسام حركاتك وانت صغيرحركات مراهق وفي المراهقه صرت رجال ماعشت مراحل طفولتك ويوم كبرت صرت ياخوي مدمن ليييييييه
يارب صبرني آآآآآآآآآآآآآآآآه كيف يموت وليه
عمي ياعمي اشتقت لك لو بيدي كان رحت للقبر وزرتك وشكيت لك لان مافيه احد يسمعني في الدنيا الا انت
عمران يسمع ودموعه تنزل لانه حس بثقل معاناتها وحبها وشوقها لعمها
وهي جالسه نزلت راسها في الكرسي على جهة اليمين وحشتوني ياعمي وياحسام وانا اقول ليش ماترد على جوالك اظنك ميت
بس كيف انت مت في حاث ولا سكته ولا مقتول اخ منك يادنيا مابك راحه آآآخخخخخخخخخخ
يالله كم لي شهر ماشفتك ياعم لي 13 شهر كان ودي ابشرك اني حامل بس ماراح اسمي ولدي باسمك لانه ماراح يصير زيك
ومثل صفاتك انت نادر ياعمي ناااااااااااادر( اللحين الي نزلت دموعها)بس دموع مابكت
ياعمي عندي لك شعر وابيك تسمعه زين عمي ابيك تقولي رايك فيه بما انك شاعر اسمعني يااااااااااعمي

مر على وفاتك سنه تلوى السنه
لكني مانسيتك يابعد كل ناسي
وأصبح القلب شكل وتوقف عن الرنه
واصبح الجسم شكل من غير احساسي
انشالله اتقابل معك في الجنه
ولاتبين الآمك بالعرض والحسابي
تدري لييييييه اخذك القدر منا
لانك عزيز نادر بكل المجتمعاتي
وتدري ليييييه ابين الفرح واخفي الحره
لانك انشالله بمنزلة الشهدائي
ياعمي ياغلى عم في هالدنيا ارثيك بدمعي_ بحزني_بأهاتي
ماوفي بحقك لو اقول انك تسوى هالدنيا
ويلعن ام الغلا الي مايبين الا بعد مافارقت الحياتي
تعال ياعم وشف وش صار بهالدنيا وكيف تغيروا الناس وكل المتجمعاتي
وتدري ان موتك بالنسبه لي نعمه
لانها هانت بعدك كل المصايب والبلواتي
تعال ياعم او عفوا انا الي بجيلك وبحكيلك كل معاناتي

عمران اخر بيت قالته بكاء بقوه وخاف كثيرررر على عبير
عمران راح لها بسرعه وشالها لانها منزله راسهها على الكرسي وضمها:عبير لاتضغطين على روحك ابكي
عبيربكت بقوه:ليش مات حسااااااااااااااام
عمران وهو يبكي معها مهما كان صديقه ونسيبه واخو الي يحبها ولا يبي يبين لها شالها عمران واخذها لغرفتهم وخلاها تنام
وغطاها لكن بعد خمس دقايق راحت للمغسله بسرررررعه
عمران لحقها:وش فيك
عبيروهي تغسل فمها:مادري تعبانه من الحمل
عمران ياخذها ويخليها تنام الى نامت تحلمت
ان حسام وعمها ابراهيم ماسكين يد بعض وهم يبتسمون وعبير تناظر لهم وهي تحرك يدها
عبير:عمي حسام اشتقت لكم
عمها وحسام:تعااااااااااااااااااااااااالي

عمران قام من صراخ عبير
عبير بصوت عالي يزلزل الغرفه:عمــي حســام اشتـقـت لكم
عمران يقوم عبير:وش فيك تصارخين
عبير تقوم وهي مبتسمه وتتكلم وهي مو بوعيها عمران انا اشتقت لحسام وعمي وهم يبوني
عمران رجعها تنام وسمى عليها وخلاها تنام
وغطى في نومه هو الثاني بس وهو خايف على عبير

بدريه خربت شوي وماصارت متدينه زي قبل خربها رامي وخواته صارت تسمع اغاني وصارت اكثر متفتحه
ابو بدريه:كيف تسمعين اغاني يابنيتي
بدريه:يبه مين اللحين مايسمع عادي ويبه انا قررت انا ورامي انا ندخل التمريض انت تدري اخذت حتى الموافقه
بس انا رفضت بالنهايه
ابوبدريه:ورامي عنده شهاده تمريض
بدريه:ايه دارس في الصحيه وخلااااااص قررنا نتوظف سواء وش رايك يبه
ابو بدريه:اللحين انا مو مسؤؤل عنك
بدريه:وتدري انا اخرنا وقت الزواج صار بعد شهر
ابو بدريه:ليييييييييييييييه
بدريه:لان ولد عمه مات الله يرحمه والحمدلله انه تاخر انا ودي اتاخر شوي لان ماجهزت اغلب الاغراض
ابوبدريه:الله يرحمه

ابوحسام استلم جثة ولده ودفنوه كثيررررررر من الناس الي يتمصلحون مع ابو حسام وابو رامي دفنوه بعد صلاة العصر

عبير:عمران ابي ادق على اهلي بس كيف
عمران:شوفي انا بدق على عادل من بعيد وأساله عن كل شي وانت تسمعين
عبير:خلاص يالله

عمران:السلام عليكم
عادل بصوت حزن:وعليكم السلام
عمران:عظم الله اجرك ياعادل
عادل:اجرنا وأجرك
عمران:عبير عندي محزنه على وفات اخوها وهي ماتقدر تكلمك لانها يضرها ذبذبات الجوال
عادل:الله يصبرنا ويصبرها
عمران:هي تسمعك اللحين
عبير من بعيد:هلااااااا عادل عظم الله اجرك
عادل:اجرنا واجرك
عبير:كيف مات ومتى
عادل:مات من جرعة مخدرات
عبير حطت يدها بفمها وتشهق:هئئئئئئئئئئئئهئ
عمران انهبل
عادل وهو يبكي:مات من ثلاث اسابيع ولا احد اكتشف موته الى قبل اربع ايام
عبير:طيب هو تعالج
عادل:شفتي شلون لان مافيه احد استقبله غير شلة الفساد ورجعوه للمخدرات الله ياخذهم
عبير سكتت وراحت عند السريرتبكي:ليه المصايب تجي ورى بعض لييييييه
فوزيه جت لعبير بتعزيها وهي عند الباب:عظم الله اجرك ياعبير وانشالله تكون هذي اخر مصايبكم
عبير:جزاك الله الف خير

انتهى العزاء وخلصت 3 ايام وخفت المصيبه وهدئت عواصف من الغضب وامطار من الدموع وعادل صار طبيعي
ام رامي:لازم يانوره نأجل زواجك
ام حسام:والله ماتجلونه رامي قلنا معليش لكن نوره والله ان يكون زواجهاالخميس الجاي ولا يتغير مو كفايه اجلنا اسبوع
نوره:والله براحتكم الي تسوونه انا حاضره فيه
رامي:الطريق يانوره عادل بيطلع
نوره طلعت وجلسوا رامي وعادل عند الحريم وهم متغطيات
رامي:اسمع ياعادل انا بروح اسافر يومين بس للشرقيه وأجي لاتستحي البيت بيتك
عادل:طيب بسافر معك انا ماعندي شئ
ام حسام وهي حزززززينه:والله ماتسافر حلوه ذي مين بقى لي
عادل يأس:خلاص ماراح اسافر اقدر اطلع غرفتي يام رامي
ام رامي حتى ماتحسسه انه غريب:اسمع اطلع بأي وقت وانزل بأي وقت ماعليك الا تقول ياولد
عادل:مشكوووووووووره يامرت عمي طلع عادل ودخل غرفة رامي واخذ العود وقعد يغني ياحزن او فراق وهو مره يفكر بحسام ومره في نوره
نوره تسمع صوته وكل مره تشتاق له ولجلسات ايام زمان
نزلت نوره للمطبخ
وعادل راح للتواليت(دورة المياه)لانها برا عن الغرفه مو متصله فيها

ابوحسام يكلمه واحد اسمه ابو سعود
ابوسعود:يابو حسام احسن لك ساهم في المصافي والله احسن لك
ابوحسام معصب:لاتقول يابو حسام زين وعناد فيك ماراح اساهم في المصافي ولا المراعي
وراح وهو زعلان وهو يتحرطم ابو ابوحسام مايدرون ان اسمه عار على واني مصلي عليه بس علشان مركزي مايهتز
اووووووووووووووف

رامي ماسافر للشرقيه اخذ له شقه علشان يروح ويجي على كيفه لانه مشتاااااااااااااااااااق لبدريه والله يعلم وش نهاية هالشوق
رامي راح لبيت بدريه
بعد السلام والكلام
رامي:والله ياعمي انا ملكة على بدريه وودي اطلع انا وياها نتمشى ونتعرف على بعض اكثر دام زاجنا مطول
ابو بدريه:انا ماقول شئ انت اللحين اعتبارا زوجها وتقدر تأخذها للبيتك اللحين
بدريه تطلع لهم وهي انيقه من غير اي تكاليف بالكشخه لانها نعومه جذاااااااابه تدخل وتشوف رامي وترجع لانها بس بالتلفون تكلمه ولا ماتطلع وياه
ابو بدريه:بدريه تعالي ماقدامك احد
بدريه:طيب بجيب جلبابي
ابوبدريه:تعالي من غير شئ ماقدامك الا زوجك
بدريه وهي مستحيه:السلام عليكم
رامي مسوي نفسه خجلان:وعليكم السلام اخبارك بدريه
بدريه:زينه وانت اخبارك وليه ماعلمتني انك بتجي
رامي:اخباري انك اللحين تروحين تلبسين عباتك وتتطلعين معي لان ابوك وافق
بدريه:لا ماقدر بعد الزواج واللحين الوقت لليل
ابو بدريه:عادي يابنيتي هذا صار زوجك بسنة الله ورسوله
رامي:يالله عاد عن الدلع
بدريه لبست العباءه وطلعت بس هي ماتبي تروح معه إلا بعد الزواج
وكان ينتظرها رامي كانت بتركب ورى
رامي:اقولك عن الدلع واركبي قدام خير شايفتيني سواق
بدريه مستحيه بشكل مو طبيعي
اخذها وراحوا مكان بعيد عن الناس

عادل ونوره تقابلوا في مكان بالصاله الي فوق الكل يناظر الثاني نوره بشكلها الملائكي
نوره بتمشي لكن عادل بعد ماشافها وقفها
عادل وهو حزين:لاتروحين لاتروحين مو كافي فقدت اخوي افقدتك انتي بعد لااااا الله يخليك لاتتزوجينه
نوره واقفه متفاجئه من جرائه عادل لانها اول مره تصير:خلاص ياعادل الله يوفقك مع وحده غيري

رامي وقف عند اخر سوبر ماركت اخذ منه اغراض بعد ماخذ العشاء
بدريه:وش فيك وقفت طيب اللحين شاري عشى وبعد بتوقف لاتروح انا خايفه لحالي
رامي يمسك يدها:لاتاخفين انا معك
بدريه على طول ابعدت يدها وهي ميته رعب من الروحه ذي
رجع رامي بسررعه
وراح لمكان بالثمامه في بر بوسط الاسبوع مافيه احد ابد وشكله مررررعب لانه راح ورى الشاليهات يمكن لويمشي
شوي وصل للشرقيه من بعد ذا المكان
بدريه:ليه رحت بعيد نبي نكون بجنب الناس
رامي:طيب اكشفي غطوتك
بدريه:لا خايفه
رامي:من مين
بدريه:احد يشوفني
رامي:لاتخافين انا بكون احرص منك عليك
بدريه كشفت والشباك مفتوح ويتطاير شعرها البني يمين وشمال وعطرها المميز هي تعطرت علشان ترضي رامي
لانه هو الي اهداء لها هذا العطر
نزلوا وفرش السجاده رامي جلسوا ورامي عيونه ماتفارق بدريه
بدريه:وش رامي اول مره تشوفني
رامي:ههههههههههه انتي كل يوم احلى من اليوم الثاني وانا ماشفتك إلا مره وحده يعني ماشبعت منك
بدريه تبي تضيع السالفه لانها حييييييل مستحيه:طيب ماقلت لي عن التمريض وش صار فيه
رامي:وافقوا لي ولك بنفس القسم وش رايك
بدريه:مشكوووووووووووووور رامي بجد انا طايره فرح
رامي وهو يقرب لها:وانشالله فرحك دوم
بدريه تبعد شوي عنه
ورامي يمد يده لخدها:لاتبعدين انتي اللحين زوجتي يعني عادي
بدريه خافت:لااااا انا ماعترف بالزواج الا اذا تحدد
ورامي قرب وقرب
ومافيه اثنين الا ثالثهما الشيطان

نوره محزنه على حال عادل ومتأثره من كلامه

بدريه وهي تبكي:حرام عليك انت وش سويت
رامي:عادي اللحين انتي زوجتي
بدريه:لا اكيد انت بتتركني انتوا يارجال اذا اخذتوا وحده وشبعتوا منها ترومنها وتنسون كل شئ
رامي:بس انا احبك
بدريه:انت حبيتني وبكره بتتركني زي باقي الرجال
رامي يجيب العشاء:طيب تعشي
بدريه:مالي نفس ابي اروح للبيت

هل نوره تتقتنع بكلام عادل وتنسى عبدالله؟؟؟

كيف بيكون حمل عبير ووش المشاكل الي بتواجهها يمكن يتشوه الجنين من الهبله بوفات اخوها؟؟

تتوقعون رامي يتخلى عن بدريه؟ واذا تخلى عنها وش بتسوي بدريه؟؟وكيف بتشتغل هي ورامي مع بعض؟؟

هل عادل ونوره بييتقابلون مره ثانيه؟؟؟وكيف بتصير الاحداث؟؟