عمران تقدم للوظيفه واستقبلوه احلى استقبال ووظفوه وظيفه راقيه ومميزه ولا كان يحلم فيها وعطوه راتب مقدم
وفرحة عمران كانت كبيره في هالشغله والكل عرف انه متزوج بنت صاحب الشركه وزادوا احترام وخوف منه
المدير :طال عمرك انت تختار الي تبي ولاتفكر باي شئ واي حاجه محتاجها بس عطني الوو
عمران استغرب من المدير المرتبك قدامه:لا شكرا بس متى يبدا شغلي
المدير:طال عمرك تقدر من اللحين(طال عمرك كنايه عن عظمه الي قدامه)
عمران راح واستلم شغلته والشغل مريح وراتبه عالي
نوره جالسه في الغرفه ومضربه عن الاكل والشرب علشان يوافقون اهلها انهم يزوجونها عبدالله
العايله جالسين على الغداء
ابو رامي:الى متى عنادة نوره
ام رامي:لازم نداريها مانوقف في وجهها علشان ماترجع لها الصدمه مره ثانيه
رامي:يعني نوافق لها؟؟
ام رامي:وليه لا شوفو عبير تزوجت واحد افقر من هذا ذاك بيته معزول عن العالم وبعدين لاتنسون ان هذا ابوه صاحب اكبر
المؤسسات في الرياض
رامي اول ماسمع طاري عبير وقفت اللقمه بفمه:عطيني مويا يابتسام
ابتسام لاحظت اخوها:طيب خذ
ابو رامي:والله لو على جنازتي ماتتزوجه
صراااااااااااااااااا اااااااااااااااااخ من فوق راسي اخخخخ ياراسي اخ رااااااااااسي
الاهل كلهم قاموا وعلى طول راحو لفوق شافوا نوره تصارخ وتجلس وتقوم وهي منهاره
ابتسام:كذا صار لها بالملاهي
ابو رامي يهديها :وش فيك وش صارلك
نوره كل ما يزيد صراخها باعلى صوت ويزيد مسكها لراسها
راحوا للمستشفى وبعد انتظار ساعتين والاهل قلقين عليها
الدكتور:من متى عندها الانهيار
ابو رامي:من سنتين ونص او ثلاث
الدكتور:ودايم ينعاد عليها هذا الانهيار
ابو رامي:مادري هاه يام رامي دايم يجيها
ام رامي:والله اني حتى انا مادري
الدكتور يناظر بتعجب وكانه مو مصدق الي يشوفه وتقطع حبل افكاره الصوت المرتبك الناعم الخائف ايه دايم يجيها الانهيار
الدكتور:مو معقول ابوها وامها وماتدرون شئ مؤسف بحق وحقيقه من عذر البنت وهي يصيبها الانهيارات المتعدده الي تحولت
إلى صداع الشقيقه والان تدرون وش فيها للاسف سكت الدكتور ويهز راسه بالاسف
ابو رامي:وش فيها قل
ام رامي:بسررررعه وش فيها
ابتسام ماقدرت اعضامها تشيلها وجلست لانها حاسه ان اختها فيها شئ
الدكتور:فقدان بالذاكره
رامي:وشو
الدكتور:فـقــدان بالذاكره
الكل ماتحمل المصيبه واكثر وحده هي ابتسام
عرفت المشرفه رقم عمران
المشرفه:الوووو
عمران:اهلين مين؟؟
المشرفه:السلام عليكم
عمران:وعليكم السلام
المشرفه:معاك مشرفه الثانويه الي تدرس فيها اختك زينب
عمران بخوف:ايه وش فيه
المشرفه:للاسف اقولك ان اختك في يوم الاحد وبتاريخ----
عمران:بسرعه خلصيني وش فيه
المشرفه:اختك تكلم رجال وهي طالعه من المدرسه واخذت هديه منه وسمعتها تتكلم معه وهو يتغزل فيها
عمران وعنده مسؤلين كبار وناسي عمره:انتي كذااااابه
المشرفه:اذا مو مصدق كيفك اللهم اني بلغت اللهم فأشهد مع السلامه
عمران انجن ثارت ثائرته وهو في مكانه لكنه عرف يسيطر على روحه وهو يشوف المسؤلين
رامي:يااااااارب وش هالمصايب الي تتحاذف على وحده ورا الثانيه بالبدايه زواج الي اموت فيها ومرض اختي لا مستحيل
وابتسام حالها اردى من حال اخوها يارب انت اخذت تؤامي لاتاخذ اختي يارب ورجع لها ذاكرتها ياااااارب
عمران راح للمدرسه من الساعه11 ونص قبل الخروج بساعه ومنجن مو معقول كيف تعرفت عليهم عن طريق صديقاتها
يمكن بس كيف تتواصل معهم عن طريق الجوال الله ياخذك ياعبير انتي وهديتك الي بليتينا فيها
حان الخروج طلعوا الطالبات الساعه 12 ونص وهو يحسب انهم يطلعون الساعه وحده على كلام زينب طلعت وهذا اثبت صحة
كلام المشرفه زينب على طول طلعت لان صديقاتها غايبات وهي طفشانه لانه ماكلمها من 3 ايام الي هو سالم
شافت سيارة اخوها فرحت
زينب:السلااااااااااا اااام بجد مشكور انك جيت بدري(زينب ماتدري ان المشرفه كاشفتها المشرفه اخذت رقم اخوها لانها تاخرت
ماتدري انه علشان تفضحها عند اخوها)
عمران ساااااااااكت الى وصل للبيت
نزلت زينب وراحت للغرفتها بعد ماشافت اخوها متقلب المزاج محمر وجهه من العصبيه
وراح وراها عمران للغرفتها
عبير وفوزيه في المطبخ يسوون الغداء
عبير:شكلهم جوو
فوزيه:اغرفه
عبير:لا انتظري الى يغيرون ويخلصون
عمران:قولي لي بالطيبه احسن من الغصب
زينب بارتباك:وش اقولك
عمران:مــيـن تكلمين
زينب بارتباك وخوف ورعب:اكلم انا اكلم ايه اكلم صديقاتي
يمسك شعرها بقوه ويضربها على الجدار حتى سال الدم من راسهها
عبير وابتسام سمعوا صوت عمران العاااااااااالي وصراخ زينب وركضوا للغرفة زينب شافوها غرقانه في الدم
عمران:اعترفي
زينب وهي تتكلم بصعوبه من الضرب:ايه اكلم واحد اسمه سالم بس ما ما ماطلعت معه
عبير تروح للعمران وهي تفرق يده من شعرها:حرام عليك ذبحت اختك فك شعرها
فك شعرها وعطى عبير كف باقوى ماعنده
زينب تناظر عمران:ايه هي السبب انتي السبب لو ماجبتي لي الجوال كان ماعرفت سالم
زاد غضب عمران وحط الحره كلها بعبير وبدا بالضرب فيها من غير رحمه ولا شفقه شكل عبير يحزن وهو يضربها
كانها هي الي اخطت... وفوزيه تحاول تفكه وصار مثل المجنون يضرب كل الي حوله بس بزياده عبير يضربها من غير تركيز
عبير تمت طايحه في مكانها والدم مغطي وجهها وراسها وزينب بعد نفس الشئ(كيف لو عرف انها مرسله صورتها)بيذبحها
فوزيه تبكي لحال اختها ومرت اخوها
عادل:يمه ووووووووووووين الغداؤ ماصار ذا غداء ابمووووت
ام حسام:ووووووجع بسك اكل وبعدين اذا تبي شئ قل ليعقوب مو تقول لي
عادل ياكل في الصاله لحاله وهو مشتااااااق بالمرره لعبير وحسام يالله انا من زمان عن حسام تقريبا لي شهر وشوي
انا لازم اروح له اليوم
عادل راكب سيارته شغل اغنية عبدالله رويشد الخيانه وتذكر عبير لانها تحب عبدالله رويشد كثير
انا لازم اكلمها دق عليها
والغرفه هادئه من جميع الاصوات ماعدا شخير عمران ويدق جوال عبير انا مين عندي بعدك ازعجه الصوت لكنه ماقام
ودق مره ثانيه قام عمران وشاف الرقم اخوي الغالي
عرف انه عادل ورمى الجوال وطلع لقى فوزيه عند عبير الملطخه بالدم وزينب قايمه وخف الالام الضرب لكن المسكينه
النعومه الي ماتتحمل وضاربها ضرب فوق طاقتها
ناظر لهم زينب نزلت راسه وراحت وفوزيه :شيل زوجتك ودها للمستشفى تراها ماصحت من ضربك لها
عمران وهي كاسره خاااطره بالحيل بس مايبي يبين:طيب مارشيتي مويا عليها
فوزيه:الا بس ماصحت
عبير بصوت هادئ وبانين متقطع ويقطع القلب:لا مابي المستشفى خلاص قوميني يافوز ووديني غرفتي
تحاول فوزيه وهي سانده يدها عليها وتحاول وطاحت فوزيه لان فوزيه نحيفه وماتقدر
عمران:اتركيها انا ابشيلها
عبير:لا انت مابيك
عمران شالها وودها لمغسله وحاول يغسل فمها المجروح لكن صرختها من الالام خلته يوقف
عبير وهي تشوف وجهها في المرايه المتشوهه من الالام وعينها الزرقاء من الضرب والا الصداع الي تحس فيه من البكاء
عبير:وش تبي فيني مو كافي الي سويته لي من غير ذنب حرام عليك اي غلط يصير يكون السبب انا حرام وهي تبكي حرام
عمران:ماكان قصدي والله انا صرت مثل المجنون يوم عرفت انها تكلم شباب انتي اذا بمكاني وش بتسوين
عبير:ابضرب الي مالهم ذنب
عمران حس بطعنه بقلبه من هالكلمه اخذها وودها للسرير حتى تنام فيه راح واخذ الغداء من فوزيه وحاول يوكلها
عبير:لا مابي
عمران:انا جوعان ومابي اكل الا اذا اكلتي
عبير:اباكل بس توعدني انك ماتضربني
عمران:وعد
عبير اكلت وابتسمت:تصدق اول واحد ضربني حسام لاني رفضت اتزوجك واخر واحد قبلك بعد حسام لاني رفضت اني
اخليك
عمران نزلت دمعه منه وباس على راسها:انا ماستاهلك ياعبير والله ماستاهلك
الدكتور
حسام:اخبارك ياعادل وشلونك اخبار ابوي
عادل:والله الكل بخير وماتصدق البيت فاااضي بدونك
-حسام:تصدق بكره ابطلع من هالمستشفى بكره
عادل:الحمدلله ان ربي عافاك من هالمخدرات الي بليت نفسك فيه
حسام:ياشينك اذا بتنصح تراي ماقبل النصيحه من البزران
عادل:افا وش فيك قلبت على
حسام يضحك مبسوط:هههههههههههههه ههههههههههه
عادل:انشالله دوم مو يوم ياخوي
حسام:تراي امزح معك مو تصدق كلامي
عادل:ادري هالمستشفى رباك
حسام:وانت الصادق هالسجن رباني
عادل:الحمدلله
حسام:تتوقع لو اجي لابوي بكره بيرضى على
عادل:حاول كم مره وشف اكيد بالبدايه بيرفض وبعدين اذا شافك استقمت بيرضى عليك
حسام يتنهد:اخ بس اعرف ابوي عنيد واكثر شئ يهمه هو كلام الناس
في المستشفى
الدكتور:لازم البنت اذا تبون ترجع لها الذاكره ودوها للاماكن الي تحبها وعطوها كل شئ تتمناه قبل الحادثه زين
ابو رامي:طيب اقدر اشوفها اللحين
الدكتور:طبعا تقدر لازم تشوف الي تعرفهم حتى ترجع لها الذاكره
ابو رامي وام رامي وابتسام دخلوا عند عبير الي جالسه على السرير وتناظر مكان وهي منسجمه فيه وتناظر له بتركيز
ابتسام خلاص ميته بكاء وهي تشوف حال اختها كذا
ابو رامي:انا السبب لو حققت لها اخر امنيه كان ماصار لها الي صار
ام رامي:انا امها ولا اهتميت لحالها اهملتها اه اه وهي تبكي
ابتسام تمسك كتف نوره وتهزه نوره نوره عرفتيني
نوره تناظر بنظرات تعجبيه!!!شعور صعب اذا بنت ماتعرف اهلها شعور مرعب
حاولوا فيها لكن من دون جدوى
وهم في البيت ولكل سرحان يفكر وتفكيرهم كلهم واحد هي نوره
ابتسام:يبه انت شف ولد جارنا اذا الى الان يبيها خلاص نتم الزواج
ام رامي:بجد انتي مو صاحيه
ابو رامي:ايوالله مو صاحيه كيف بيوافق والبنت صارت .......(سكت ماكمل)
ابتسام:انت يبه شف وماراح نخسر شئ الدكتور يقول سوو كل الي نفسها فيه
ام رامي:ايوالله خلنا نحقق امنيتها الاخيره
ابو رامي:اشوف
تلفون نوره دق لكن لامجيب المكلمات التي لم يرد عليها53 مكالمه
عبدالله جن وش فيها نوره لايكون سوو فيها شئ
حسام طلع من المستشفى بعد قضاء شهرين فيه وطلع يالله يازين الهواء والشمس والناس اشتقت للعالم اخ بس
لو بيدي كان فجرت هالمستشفى هههههههههههه بجد انا ناكر معروف عقب ماعالجوني ابفجره ههههههههههه
(حسام استخف يكلم روحه)
حسام اللحين بروح للشركه ابفاجئ ابوي بس عسى مايهزئني قدام الموظفين
راح للشركه والكل يضحك في ووجهه ويتكلم من وراه دخل مكتب ابوه
ابو حسام وهو لابس النظاره ومنهمك يقرا المعاملات رفع راسه للي داخل من غير اذن؟؟
شاف حسام
ابوحسام بعصبيه:وش تبي؟؟ تبي تكمل الناقص
حسام:يبه انا الحمدلله اتعالجت واللحين عافي متعافى
ابوحسام بحزم:اطلع برا برا
حسام:يبه الله يسامح عباده على الغلط ليش ماتسامح ولدك اذا غلط ليه يبه سامحني تكفى
ابوحسام:بتطلع ولا انادي السيكورتي يجرجرك من اذنك
حسام:يبه بطلع بس ابرجع وكل غرضي ونيتي هي رضاك
طلع حسام ومايدري وين يروح ايه مالي اروح الا للبيت ابوي طردني من الشركه مو من البيت
راح للبيت امه استقبلته بترحيب وسلام حار
عبدالله شاف عبدالرحمن اخو نوره في الشارع لانه غايب
عبدالله:اخبارك دحومي
عبدالرحمن:انا طيب
عبدالله:وش فيكم اليوم(يبي يجره بالكلام علشان يعرف وش فيه)
عبدالرحمن:انا غايب لان مافيه احد يوديني والسواق امي راحت معه للمستشفى
عبدالله:ليه وش فيه بالمستشفى
عبدالرحمن:نوره تعبانه
عبدالله مشى وراح عنه من غير تفكير
عبدالرحمن وش فيه هذا بجد مجنون
عبدالله الي خايف منه صار اخ بس وش اسوي اللحين اوووف
عمران صار موظف كبير ومهم في الشغل لانه اثبت جدارته وللواسطه دور بعد
وصار مايكلم زينب ابد وقطعها عن المدرسه الى الابد وكسر جوالها بس عقب وش ايه زين وصلت الى هنا بس وش بيسوي
عمران اذا شاف الصور الله العالم
عمران صارت له شله من الوظفين في الشغل وكل يوم يسهرون الى الساعه 2 الليل بس مايتاخر عن عمله لانه شاف العز
عمران وهو داخل للبيت:السلام
الكل:وعليكم السلام الا زينب طلعت وراحت لغرفتها الكل متكبر في هالبيت مايعرفون يتاسفون ناس فيها تخلف
عبيروهي قايمه:ابروح اجيب لك الغداء
فوزيه:اخبار شغلك ياخوي
عمران:الحمدلله ماشي
كالعاده تغدى وراح ينام ويداوم في العصر ويروح مع اصدقائه الى وحده او ثنتين في نص الليل وعبير حست بملل من حالته
عبير مانسجمت كثير مع فوزيه لانها ماتتكلم كثير ومو راعية مكياج وسوالف الفساتين
عبير راحت لزينب:اغرف لك غداء
زينب:اووووف مابي شئ اطلعي برا وصكي الباب
عادل وابو حسام وصلوا للبيت وحسام جالس يتغدى لانه ميت جووع
عادل:حسام هنا ياهلاااااااا فيك ياخوي اخبارك ويسلم عليه بحراره مع انه امس شافه الا انهم اشتاقوا لبعض
ابوحسام:من غير مأسمع ولا كلمه اطلع برا ولا اشوفك بذا البيت
حسام نزل راسه وطلع
ام حسام:حرام عليك خلاص الولد تاب (ولحقت ولدها وعطته رقم حسابها في البنك ياخذ الي يبي منه
عادل:ييبه مايصير والله حرام عليك البيت ذا يضيع واحد ورا الثاني الاولى عبير وبعدها حسام والجاي انا
حسام مايدري وين يروح مافكر الا باخته عبير يروح لها بالقصيم
حسام جلس يومين بشقه مفروشه وبعدها سافر للقصيم بيروح لعبير لانه مشتاق لها
ياترى وش بيصير بين حسام وعمران وعبير وكيف اخته وصديقه بيستقبلونه؟؟؟
كيف بتكون ردة فعل عبدالله اذا عرف ان نوره فاقده الذاكره؟؟
ووووش بيصير لعبير من احداث مشوقه؟؟؟
تتوقعون ترجع الذاكره لنوره؟؟
اذا عرضوا اهل نوره لعبدالله الزواج بيوافق ولا ام الجحده يعني بيطنش زي باقي الرجال؟؟
ابوحسام يسامح حسام ولا يتبرا منه؟؟
اذا انتشرت صور زينب وش بيسوي عمران؟؟؟
|