10-01-2011
|
|
|
قصيدة زهرة نادية
على زهرة نادية
نقشت كلمة
خادها الندى
نزلت معاه
قلت الندى
حقق مناه
رجعت تاني
لقيتها دبلت
قلت الندى
اخلف ليه وعده
هييجي بكرة
او ييجي بعده
وبكرة فات
وبعده عدى
وليه دبلتي
يا احلى وردة
سمعت صوت
يقوللي اصله
اصل اللي كان
يرجع لاصله
اصل الندى
كان موجه عاليه
او نهر يجري
فوق صخرة عالية
والموجة راحت عالشط وقفت
والنهر منه الميه نشفت
لما الندى قرا كلمتي
والكلمة كانت
اسمك حبيبتي
على زهرة نادية
نقشت كلمة
والكلمة كانت
اسمك حبيبتي
على ورقة خضرا
رسمت صورة
جانا الخريف
دبل ورقنا
وبنسمة هادية
نشف عرقنا
وفاتت سنة
وفاتت سنين
والشجرة طرحت
عود ياسمين
بصيت عليه
لقيت كلام
تحت الكلام
لقيت سلام
للي وصف
احلى قمر
واللي رسم
اجمل قوام
على ورقة خضرا
رسمت صورة
والصورة كانت
صورتك حبيبتي
|