السلام عليكم ورحمة الله وبركاتة

صباحكم/ مساكم خير

اقدم لكم حلى القصور الملكية سهل وسريع التحضير ممكن تحضرينه قبل بيوم ..

المقادير:-


2 باكيت بسكويت الشاي
1ملعقة كبيرة زيت
200 غرام شوكولاته سادة ( خام) مثل اللي بالصورة أو أي نوع سادة مثل الجالكسي أو أولكر
بس اللي بالصورة الواحدة = 100جم وأنتي قيسي على ذلك
ومش لازم بالضبط يعني عادي يزيد أو يقل شوي
بإمكانك تستخدمي 4حبات شوكولاتة جالكسي

2 علبة قشطة
1م كبيرة بودرة الكاكاو حسب الرغبة


الطريقة:-



ذوبي الشوكولاتة مع الزيت في حمام مائي
أو ممكن على النار الهادئة مباشرة بس لازم تنتبهي ماتتركيه على النار ولا لحظة
بمعنى تكوني شايلة القدر بيدك وتقربيه للنار وأنتي تخلطي الشوكولاتة بالملعقة
بس نبيها تذوب بدون ماتحترق
بعدين أضيفي القشطة واخلطيها جيدآ
وإذا صار لونها فاتح أضيفي بودرة الكاكاو لين توصل للون اللي تحبينة
أنا أفضلها متوسطة اللون يعني نسبة الشوكولاتة وسط
وهذي صورة الخليط اللذي أصبح جاهز الآن لتغميس البسكويت

وبعدين غمسي وصفي بالبايركس وبرديه وقطعيه كما في الصور بالترتيب







هنا صبي باقي خليط الشوكولاتة كله فوقه مايضر لو طلع كثير يمكن أحلى





بعدين برديه وكل ما تخليه أكثر يلين البسكويت ويطلع أحلى ويسهل تقطيعه
يعني مثلآ صلحيها أول الظهر عشان تقدميها المغرب
وإذا ماعندك وقت قبل ماتدخليها للثلاجة خليها برا نصف ساعة عشان يلين البسكويت
ودخليها الفريزر 10 دقايق عشان يبرد وبعدين قطعيها كما في الصور التالية

----وهذا شكلها النهائي وبالهنا والعافية عليكم----

ربي يحفظك لي ياأمي ولايحرمني اياك