منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

09-29-2011

حس الباب ينفتح حط يده على المسكه وفتحه بسرعه ومسكها بين ايديه واهو يبتسم بخبث بس اختفت الأبتسامه لما شاف اللي بين ايديه

فهد : من انتي
الخدامه (بخوف من فهد) : بابا انا كانتي كدامه
فهد (دفها عنه وطلع) : وين وضحه
الخدامه (وقفت على الجدار من الخوف ترتعش) : وزحه يقول حق انا يفتح باب هزا وهي يدكل كرفه ماما كبير يكفل باب
فهد(صر على ضروسه واهو يتجه لغرفه جدته) : كفل هاه تقفلين الغرفه (حط يده على المقبض ) مقفلته
وضحه (متربعه على سرير جدتها) : ههههههههههههههههه
فهد : ضحكي ضحكتي من سرك بلا
وضحه : خخخخخخخخخخخخ
فهد : يعني تبين تجلسين هنا على طول مصيرك تطلعين
وضحه : ايه بس لما انت تتقلع برا
فهد : معليه الأيام جايه امممم وضحه
وضحه : نعم
فهد : تعرفين مهما تسوين مهما تخططين مهما الأيام راحت وايام جت انا احبك وراح احبك وراح املكك فاهمه
وضحه (صرت على ضروسها) : حبك برص وبعدك اكون ملك لك
فهد : هههههههههههههههههههههه راح اخليك تقولين حبتك العافيه من حبي تشهقين في اسمي فهودي فوفو
وضحه : وووووووووع الطول طول نخله والعقل عقل صخله وش كبرك كبر الحمار اقول لك فوفو
فهد : لو احد قاله لي كان قطعت لسانه وعلقته في رقبته وخليتها كرفته بس انتي عسل على قلبي احس برنه في اذني من حلاوة اسمي بالله قولي فوفو مره ثانيه
وضحه (بعصبيه) : فهيييييييييييييييييييييييييييدان
فهد (ابتسم بخبث) : لبيه يا عيون فهيدان يا قلبه يا حياته يا زوجته اللي يموت فيها وراح يرجعها

وضحه رفعت حواجبها منصدمه منه حست بحياء اول مره فهد يقول حياتي وعيون وقلبي قلبها طبول ما تدري هو صادق ولا بس عناد فيها

فهد (يطق الباب بشويش وبهمس) : وضوحتي قلبي عندي فكره ( ما سمع صوتها كمل بخبث واهو يبتسم) شكله اعجبك الكلمات فتحي الباب وانا اقولها لك وجه بوجه وش قلتي
وضحه (استحت منه وبعصبيه تخفي حياها) : قلت لو تقلب وجهك احسن لك وهالكلام تضحك على دارين واللي مثلها بس مو على وضحه اللي عاجنتك وخابزتك وعارفه فهد وحقيقته
فهد : طيب افتحي وتعرفين من عيوني اذا صدق ولا لا
وضحه : عمى في عيونك انت صدق ما تتوب
فهد : اتوب عن كل الناس بس عن وضحه لا وعن حبها لا
وضحه (تنسدح وتحط ايديها خلف راسها بأستهزاء) : أي حب انت تعرف حب وش معناه ههههههههههههههه
فهد : اعرفه بس ابي اعرف معناه معاك
وضحه : ألحين مو طلعتك خلاص وش تبي
فهد : ابيك
وضحه(تتعدل) : تبطي
فهد : تضنين وانتي تعرفين فهد اكثر من أي شخص اذا تمنى شيء يحققه
وضحه : كان زمان بس الوقت هذا وضحه تعلمت منك كيف تكون بدهاء وخبثك
فهد (ابتسم ) : تعلمتي مني تلميذه شاطره بس راح تتعلمين مني الحب ولا يدي يالوضحه
وضحه : تصدق يا استاذي الموقر بهذي الماده راح ارسب ما انجح لانك تعلم ماده انت ما تعرف فيها شيء
فهد : هههههههههههههههه خطيره ( طالع لساعته ) هذا وقت جدي اطلع قبل يجي بس لي لقاء ثاني معاك
وضحه : انت ما تتوب
فهد : عن حبك يا زين ما اتوب ( بدأ فهد يغني ) أحم احم

يا زين حبك فيه روعه وابداع
خلاني في لحظات انسان ثاني
روعه ولوعه للمشاعر ولذاع
حبك بكل اخلاص غير كياني
خلى السهر نومي وانا حيل طماع
اسهر معا عمري وتالي زماني
غض وجديد وسر ما بعد ذاع
يثيرني لهفه بكل المعاني
اربك حضوري شدني صرت خضاع
ما ادري انا ارويه والا رواني
عطري انا الآهات واذوب والتاع
من نظره من بسمه تنور مكاني
قلبي وروحي والمشاعر بإجماع
اسعدتهم وارويت ظامي حناني
مجنون من قال الهوى كذب وخداع
ما يعرف ان الحب احلى الأماني

وضحه : انقلع الله لا يردك
فهد : تصبحين على خير امواااااااااااااااه بوسه النوم
وضحه (بعصبيه ) : والله انك ما تستحي
فهد : عادي ابوس زوجتي ههههههههههههههه
وضحه : باسك عقرب اسود يارب
فهد : ههههههههههههههههههههه طيب بايوو

فهد يطلع من البيت وسمع صوت جده مسك ثوبه وركض لنخله موجوده جنب الملحق وجلس خلفها وكتم نفسه وقلبه طبول خايف جده يلمحه والليله ينام في المستشفى لما شاف جده يدخل البيت حط رجله وسابق الريح وما صدق وصل لسياره شغلها وابتعد عن البيت واهو يضحك ويتذكر كل شيء

فهد : مهما سويتي يالوضحه احبك بعنادك بشموخك يا بنت غيرتي فيني كثير صرت بدل اتمناك مره صرت اتمناك الدهر كله آآخ متى بس يلين راسك مثل ما لان قلبي لك وصرتي تملكينه لو بس تطاوعيني وترضين لو تبين لبن العصفور اجيبه لك بس اللي سويته قبل ما خلى عندك ذرة احساس لي ولا ممكن تصدقيني والأيام بتثبت لك اني تغيرت تغيرت وصرت مجنونك

مد يده وشغل اغنيه

--------------------------

في اليوم الثاني ...

في بيت سالم ...

نزلت خوله ودخلت غرفة الاكل شافت ابوها واخوها فهد ومرت اخوها جالسين سلمت وجلست

ام إبراهيم : اصب لك حليب
خوله : ايه
الجد : اتصلتي على المدرسه وقلتي منتي اليوم رايحه
خوله : ايه
الجد : زين (وقف واهو ستند على عكازه) اذا خلصتي تعال لغرفتي
خوله : حاضر
الجد (ألتفت لحرمت ولده) : اللي قلت عليه صار
ام إبراهيم(تطالع لخوله) : ايه
خوله(حست بنظراتهم سر وغموض) : ...............
الجد : طيب
خوله(شافت ابوها يبتعد لوت فمها) : وش فيه اليوم
ابو إبراهيم : روحي وانتي تعرفين
خوله : قلبي ناقزني منكم احس وراكم شيء
أم إبراهيم : كل خير
خوله (توقف) : انسدت نفسي والله مو مرتاحه
أم إبراهيم : افطري
خوله : ما ابي اروح احسن
أبو إبراهيم (يشوفها تدخل غرفة ابوه) : الله يستر
أم إبراهيم : مالها شر هي عنيده وعمي اللي يقدر عليها (شافت سالم ينزل ابتسمت رغم الوجع بقلبها لذبول ولدها) حي هالصباح اللي ينور في نزله القمر
سالم (ابتسم وقرب لها باس راسها) : حي الصباح اللي يتم برضا الغاليه
الأب : الغاليه بس
سالم (يقرب ويبوس راس ابوه ) : ما استغني عنك وعن رضاك
الأب (يمسك يده) : ولا استغني عنك اجلس جنبي وخلك بقربي
سالم (ابتسم واهو يجلس) : تآمر

والله اني لو رخصت .. العمر كله في رضاك
مايوفي ربع " حقك " .. وانت حقك مايهون

يايبه " ياتاج راسي" .. يا عسى عمري فداك
ياغناتي والله .. انك لو تبي عيني " تمون "

وش يكون العمر من دون اجتهادي في غلاك
وش يكون العطف والرحمة بدونك وش تكون؟

يايبه " يانور عيني ".. شب عمري في هناك
والله انه ابرد امن الما .. على كبد الظعون !

يايبه ياجعل روحي فدوه " لموطى خطاك " ..
حطني بينك .. وبين الوقت وكبار الطعون ..

" العمر والنفس " واللي املكه .. كله فداك
واعرف انه ربع حقك .. وانت حقك ما يهون

الأب (يطالع زوجته) : صبي له حليب
الام : يبشر سالم
سالم : بشروكم بالجنه يارب
الام والاب : امين اجمعين
سمر(تنزل وهي تفرك عيونها وتنعس تجلس بملل) : صباح الخير
الكل : صباح النور
الام : ما رحتي الكليه
سمر : لا مالي خلق تعبانه واليوم الأربعاء عادي اسحب يوم عليها (وقفت وصبت لها حليب) يم يم يا حلو ريحة الحليب الصبح
الام : تبين اسوي لك توست
سمر : حليب يكفي
الأب (يطالع سالم) : متى طيارتكم
سمر(عقدت حواجبها) : طياره من راح يسافر
سالم : انا وناصر وعبدالرحمن وفي من اصحابنا الخاصين بنسافر الساعه 7 المغرب
سمر (بهمس) : عبدالرحمن (حست قلبها خفق لأسمه نزلت عيونها وحطت الكوب على الطاوله وفي نفسها) اشتقت له
الام (جلست جنب زوجها مقابله سالم) : متى قررتوا
سالم (حس بسمر سرحانه ) : ما كنت اعرف كانت مفاجئه من عبدالرحمن حب نغير جو والجو مشحون يعني تغير
سمر (توقف) : اسمحوا لي
الأب : سمر
سمر : هلا
الأب : اجلسي بتكلم معك
سمر : يبه ممكن تأجل
الأب : لا أعتقد كفايه اسبوعين خليتك عشان اعصابك من اللي صار
سمر (تجلس) : اللي صار صار بس هو نهاية للي بينا
سالم (التفت لها) : بس انا قلت لك عبدالرحمن مظلوم واهو قال لي اللي صار
سمر : قال واذا قال الحقيقه مره وعمر الكلام ما يخفف ألم الواقع
الأب : يعني تبين يعصي ابوه عشان رضاك او حبك
سمر(دمعة عيونها) : لا كان ممكن ان يبتعد كم يوم لين تهدأ الأمور وبعدها يرجع يكلم ابوه ويفهمه بالحقيقه
الام : طيب صار اللي قلتي مثلا لا سمح الله صار شيء لابوه مات او عبدالرحمن بعيد الشر صار له شيء وابوه غضبان عليه وش تضنين ربه راح يسامحه على غضب ابوه منه
سمر : بسم الله عليه
سالم : سمعي اهو صح طلقها لما قال اقسم بمن علم رسوله الوحي أن تحرم على مشاعل كزوجه طول عمري وفي الشرع لما الزوج يقول لزوجته أنت محرمة علي أو أنت علي حرام هو كناية تفتقر إلى النية فإن نوى به ظهاراً كان ظهارا أما إذا لم ينو ظهاراً فليس بظهار وقال شيخ الإسلام ابن تيمية رحمه الله في الفتاوى الكبرى وأئمة المسلمين يقولون إن الحرام لا يقع به طلاق إذا لم ينوه
سمر : والمعنى
الأب : يا بنتي عبدالرحمن لما حرمها على نفسه نسى قول الله سبحانه وتعالى لرسوله الكريم ( يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ تَبْتَغِي مَرْضَاتَ أَزْوَاجِكَ وَاللَّهُ غَفُورٌ رَّحِيمٌ * قَدْ فَرَضَ اللَّهُ لَكُمْ تَحِلَّةَ أَيْمَانِكُمْ وَاللَّهُ مَوْلاكُمْ وَهُوَ الْعَلِيمُ الْحَكِيمُ ) إذا حرّم المسلم على نفسه شيئاً مما أحله الله ، فإن هذا حكمه حكم اليمين و قال ابن عباس رضي الله عنه : إذا حرّم الرّجل امرأته فهي يمين يكفرها ، ثم قال لقد : كان لكم في رسول الله صلى الله عليه وسلم أسوة وعبدالرحمن حرم مشاعل عليه عشان رضاك ولما عصب وغضب يوم شاف منظرك وانهيارك يعني جاء في لحظه غصب وما كان ناوي يطلق بس كذا من الغضب قال تحرم علي لو كان ناوي الطلاق بلفظه كان تعتبر مطلقه بس عبدالرحمن نوى يحرمها عليه بس سمر تعرفين ان هذي السوره نزلت متى
سمر : متى
الأب : هذا عتاب من الله لنبيه محمد صلى الله عليه وسلم حين حرم على نفسه سرِّيَّتَه مارية أو شرب العسل مراعاة لخاطر بعض زوجاته في قصة معروفة فأنزل الله هذه الآيات وصار ذلك التحريم الصادر منه سببا لشرع حكم عام لجميع الأمة فقال تعالى : (قَدْ فَرَضَ اللَّهُ لَكُمْ تَحِلَّةَ أَيْمَانِكُمْ)
الام : ولان مثل هالتحريم ما يجوز لزم على عبدالرحمن ان عليه كفارة يمين لأنها حرم شيئا قد أحله الله له وهي عتق رقبة مؤمنة إن وجدها فإن لم يجدها صام شهرين متتابعين لا يقتطعها إلا بعذر شرعي كمرض وسفر ونحوهما فإن لم يستطع أطعم ستين مسكيناً ثلاثين صاعاً لكل مسكين نصف صاع من قوت البلد من تمر أو أرز أو خطة أو نحو ذلك،
سمر : يعني هي زوجته
الام : ايه
سمر : وانا
الأم : زوجته بعد
سمر (نزلت دموعها) : بس انا ما اتحمل طعنته في الظهر
الأب : يا سمر والله غصب عنه عبدالرحمن جاني كذا مره وفهمني ان مشاعل ما تعني له شيء اسم زوجه فقط وانه ينوي يطلقها بعد فتره لما عمته جته وكانت بتبوس رجوله تقول لا تفضحني وش بيقولون الناس تزوجت وبنفس اليوم تطلقت طلبته وطاحت عند رجوله ونقلوها للمستشفى كانت بتصيبها جلطه بس عشان بنتها والكل يعرف ان عبدالرحمن يحبك
سمر (حط ايديها على عيونها وتبكي) : كفايه يعني يبي رضى الناس على حسابي انا
سالم (قرب وضمها) : سمر تعالي معي
سمر : اتركني يا سالم ما ابي شيء ابي اكون لوحدي
سالم : تعالي معاي وبعدها انتي حره (وقف) اسمحوا لي بتكلم معها شوي
الأب : روح يا ولدي

دخل سالم وسمر غرفة الجلسه الثانيه وسكر الباب وهي تبكي

سالم : اهدي بتكلم معك
سمر : مقهوره يا سالم لي اسبوعين ما اذوق النوم من حصل اللي حصل وانا ضايعه
سالم : احنا قلنا لك اللي صار و عبدالرحمن يحبك والله تعبان من فراقك يا سمر لا اتصالات تردين ولا تقابلينه ما اشتقتي له
سمر : اشتقت بس جرحي عميق يا خوي بالصميم
سالم : طيب يعني تبين تسلمينه لمشاعل على طبق من ذهب
سمر (التفتت له وبعصبيه) : تخسي
سالم(ابتسم) : شفتي انك تحبينه طيب ليه تكابرين
سمر : مجروحه
سالم : وانا اعرف انه بلسم جروحك (وقف وابتعد شوي) سمعي يا سمر يمكن محد مثلي قاسى الالم والهجر وانا اشوف اللي احبها لغيري ( تنهد) خسارة الحبيب قاسيه وتألم فكري شوي لو شفتي مشاعل تطيح عبدالرحمن في حبالها وتجذبه لها وش بيكون موقفك وانتي تشوفين حبيبك يميل لغيرك يا سمر مشاعل حرباء شوفي وش سوت وقدرت تقنع خالها بان عبدالرحمن تهجم عليها وصدق وبلحظه غصب حلف يتزوجها كان عند عبدالرحمن امل في اليوم الثاني ان التحاليل ما تطابق بس تطابقت والامر اللي صار للعمه اجبره يرجعها له واهو ما كان ناوي يطلقها بس حرمها عليه يعني كقول النبي صلى الله عليه وسلم إنما الأعمال بالنيات...."
سمر : تبي اعيش معه على ضره ترضاها ياخوي
سالم : لا طبعا (قرب وجلس جنبها) بس انا اقول انتي مو عارفه ربك وش كاتب بس لا تتركين لها المجال هذا زوجك لو ابتعدتي عنه بتتركين لها الساحه فاضيه تمرح على كيفها وتخطط كيف تجيب راسه معقول يا سمر بنت فهد تستسلم وتترك الجمل بما حمل وش بيقولون الناس تلقين مشاعل فرحانه بزعلك والكل يعرف وش صار تبين يتشمتون فيك اقلبي عليها الطاوله وكوني انتي اللي بقلبه
سمر : ممكن يطلقها
سالم : ابصم لك ايه بس بذكائك انتي خليه لك لوحدك املكي قلبه وعقله
سمر : طيب كيف وانتم بتسافرون الساعه 7 المغرب
سالم (غمز لها ) : خليه يجي لك هنا شوفيه وودعيه تراه والله مشتاق لك
سمر(ابتسمت بخجل) : وانا اكثر
سالم (يطالع ساعته) : عندنا وقت خلينا نسويها له مفاجئه بتصل اخليه يجي يتغدى معنا وانتي جهزي نفسك ترى اسبوعين مو هين الشوق ذبحه
سمر (استحت اكثر ) : سالم
سالم (ضمها له ) : هههههههههههههههه فديتك يالله روحي وانا بتصل
سمر (باست خده بفرح) : الله لا يحرمني منك
سالم : ولا منك

طلعت سمر وسالم اتصل على عبدالرحمن

عبدالرحمن : هلا سلوم كيفك
سالم : اصغر عيالك سلوم
عبدالرحمن : ندلعك هههههههههههه
سالم : ما ابي دلعك اسمع ابي تجي تتغدى عندي وش قلت
عبدالرحمن : اتغدى وش المناسبه
سالم : ابدا عازمك ابي اناقش معك سالفتك مع حريمك
عبدالرحمن : احس بكلامك استهزاء هاه
سالم : ههههههههههههههههههه والله تحفه انت هاه وش قلت تجي
عبدالرحمن : اكيد اجي يعني ما اقدر اشوفها على الأقل احس بوجودها بالمكان اللي موجوده فيه
سالم : اوكيه اشوفك بخير مع السلامه
عبدالرحمن : مع السلامه

سالم وقف وطلع من المجلس وسمع صوت عمته خوله من غرفة جده شاف امه وابوه جالسين بهدوء

سالم : وش فيها عمتي
الأم : اجلس بقول لك
سالم (يجلس) : خير
الأم : اللي صار قبل اسبوعين لما سافرت انا جده
سالم : طيب وش
الأب : عمتك خوله صار لها فتره مو طايقه زوجها ضاري اعتقدنا ان بينهم مشاكل وفضلنا يحلونها والتهينا بسمر وعبدالرحمن وهم بعذاري ويوم قررت عهد ومنى يسوون شيء بعد ما اتفقوا مع سمر تطلب منهم يشغلون قرآن في البيت لانها تبي ترتاح وفعلا شغلوا قرآن وعلوا على الصوت كثير
الأم (تكمل) : كان القرآن عباره عن رقيه شرعيه عن سحر الازواج
سالم (أنصدم ) : وش سحر الازواج
الأم : ايه عهد ومنى لاحظن انها تكره سيرته وترفض تكلمه وتعصب بدرجه شديده لما ينذكر له طاري وحتى عرفنا ان هداياه اللي يجيبهم لها رمتهم في الزباله لولا ان الخدامه بلغت مي كان خسرت هدايا معبره عن حبه اخذتهم مي اللي اعتقدت انها رمتهم بدون لا تنتبه ورجعتهم لها هنا خوله ثارت بقوه وعصبت وقالت ما تحب شيء فيه ريحته تركه شيء منه مي اخذتهم وخبتهم قالت يمكن فترة زعل بينهم لما تهدى اكيد راح تندم انها رمتهم وبتفرح في ان مي احتفظت فيهم
سالم : وكل هذا دليل على سحر الأزواج
الأم : لا مو بس كذا الحاله اللي صارت لخوله لما سمعت الرقيه الشرعيه هي اللي اكدت لهم على ان فيها سحر ازواج
سالم : كيف
الأم : في سحر الازواج الله يكفينا شره انواع والنوع اللي في خوله اسمه سحر التفرقه بس احنا مو عارفين للحين اهو أي نوع
سالم : بعد انواع
الام : طبعا انواع مثل مأكول او مشروب وفي سحر الأثر يا ولدي السحر موضوعه كبير مو هين اشرحه
سالم : طيب حصلت لها اعراض خلاكم متأكدين انه سحر تفرقه
الأب : منى وعهد قالوا لنا ان خوله تأثرت كثير بالرقيه و حسوا انها تضايقت وتتثاوب وبعد تنعس وحست بصداع براسها طلبت من البنات يسكرون الصوت بس سمر قالت لا احس براحه لما اسمع وبعد شوي حسوا جسمها يهز بدون احساس منها وحسوها بدت تعصب البنات خافوا يكملون لان ما عندهم خلفيه عن السحر وهن بس حبوا يتأكدون شكوكهم صح ولا لا
سالم : وجدي عرف
الام : ايه عرف
سالم : وعمتي عرفت وش فيها
الأم : ايه بس تنكر هذي الحقيقه تقول مو حقيقه وانها بخير ومو مسحوره وهذي خرافات وخزعبلات مع ان السحر مذكور في القرآن (واتبعوا ما تتلوا الشياطين على ملك سليمان وما كفر سليمان ولكن الشياطين كفروا يعلمون الناس السحر وما أنزل على الملكين ببابل هاروت وماروت وما يعلمان من أحد حتى يقولا إنما نحن فتنة فلا تكفر فيتعلمون منهما ما يفرقون به بين المرء وزوجه وما هم بضارين به من أحد إلا بإذن الله ويتعلمون ما يضرهم ولا ينفعهم ولقد علموا لمن اشتراه ماله في الآخرة من خلق ولبئس ما شروا به أنفسهم لو كانوا يعلمون)
سالم : يعني جدي راح يقنعها
الأب : لا ابوي راح يجبرها تروح معه لشيخ العصر اتصل فيه وقال له عن حالة خوله من اللي سمعه من البنات
سالم : بس شكل عمتي رافضه
الأب : اللي ما تعرفه ان ابوي مصمم حتى انه اتصل على ضاري وواعده العصر يكون هنا بياخذها هو وضاري لشيخ لو بالقوه حال خوله تخوف وابوي مشغول باله من عرف باللي صار لها من البنات
سالم : شكل الامور تبي تتأزم
الأم : الله يستر
سالم (ابتسم ) : صدق ترى عبدالرحمن راح يتغدى عندنا بس راح يتغدى مع سمر
الأب (بفرح) : رضت
سالم (غمز له ) : اقنعتها تعرف الضره تحر لو هي بالقبر
الاب : كفو ولدي
الام (توقف وبفرح) : احلى غداء للصلحه بين سمر وعبدالرحمن
سالم : بس عبدالرحمن ترى يفكر ان غداه معي مسوي له مفاجئه انا بدخلت سمر عليه
الاب (ابتسم) : الله يسعدك يا ولدي
سالم : ولا يحرمني منك انا بروح المجلس انتظره
الأب : انا بدخل اهدي خوله صوتها عالي ورافضه تقتنع اخاف ابوي يعصب عليها بهدي الوضع
سالم : الله يهديها
الكل : امين

-----------------------------------

انتهى البارت

باقي احداث مهمه واهم بس مفاجئتي لكم

يوم الأثنين في بارت تكمله لهذا الجزء

ترى بس يوم الأثنين هذا لان مكمل لهذا الجزء ما راح يكون طويل
الباقي مو خالص عندي قاعده اكتب فيه وربي

على فكره اللي عليهم اختبارات انا اقدر ظرفكم يالغالين بس صعب اني اخلص الروايه

وهي اصلا باقي عليها اذا تحبون اوقف هذا الأسبوع لين تخلصون اختبارات قولوا لي موافقه

اما ما اقدر انهيها بفتره قصيره كذا اضطر اقطع احداث كثيره وتضيع من القصه

اللي يسأل كم باقي بارت

ارجع اقول انا يالغالين اكتب يوم بيوم اسفه ما احدد متى صعب احدد وانا احداثي اكتبها بوقتها يعني والله مو عندي لا بمدونه ولا مذكره

فديتكم مدري متى انهيها اسفه لا تسألوني اكثر

------------------------------

احداث قادمه

خوله والسحر ولقاء ضاري ومعرفة الحقيقه لتغير وضع وحب خوله له ؟

سمر ولقاء عبدالرحمن ؟

ليالي واحداث جديده في حياتها ؟

مي وماذا حدث لها ؟

سلطان وبتول والوضع الذي استقر بينهم ؟

عذاري وصدمات جديده ؟

الصدمه الكبرى اكتشاف من هو الغريب مجهول صاحب < -- تتذكرون صاحب البالطوا السري عند منى الأنسان اللي ساعدها في ازمتها ؟

سفر ناصر وسالم وعبدالرحمن وحدث ولقاء مهم وخطير لشخصيه مهمه بقصتي كان لها بصمه في حياتهم ؟

بندر و اعترافه الحقيقي بسر طلاقه للجوهره ؟

فهد وصدمته بخبر من قبل الوضحه يسبب صدمه تهز كيانه ؟

عهد وفيصل وانقلاب حياتهم من شيء لشيء آخر لم يكن في الحسبان ؟

فرح ومحمد هل دوام السعاده من المحال او نعم ؟

صدمه للعائله بحدث قد يقلب موازينها بين يوم وليله قد تسبب انهيار لعائلة الجد سالم ؟

بيكون البارت زلـــــــــــــــــــــزال تصدعات براكين حمم بركانيه ثوران لحقائق جديده

شوقتكم صح بس انتظروني لا تستعجلوني عشان يكون بارت خطير بكل محتواه