اضحك واداري عباد الله واجاملها
والله على نعمة الكتمان قايدني
دورت بالخلق ضايعها وعاقلها
ولا لقيت اليا مني ضعت يرشدني
حتى اللي بدّيته من الناس بأكملها
راح وتركني ولا كنه معاهدني
ما فيه احد يحفظ العشره ويبجلها
هذي الحقيقه شي ما يراودني
ان مت كلاً نسى ذكراي واهملها
وان رحت محد من العالم بفاقدني
عزآآآآه يا ضيقة بالصدر شالها
وين اللي يبكي علي وان طحت يسندني
لا جيت اقرب لخلاني واواصلها
لقيت حتى طريق القرب يبعدني
ياللي جروحك عرفت وشلون اعاملها
انا تعودت لا داعي تعودني
يا أول سنيني وآخرها واجمـلها
الله معاك ومعي وابيك توعدني
لا جات ذكراي في بالك ابيك تتأملها
شف وش كثر كنت بالتعذيب تجهدني
ليتك مثل ما اتخيلها تخيلها
وتعرف الاحزان ياللي كنت مسعدني
اليوم اسلم على الصوره واقابلها
ما عاد لي شعور لك يجودني
والله ما ادري انا من وين احصلها
من ضيم الايام او حظ معاندني
جتك الرساله وانا ما كنت ابرسلها
لكن هذي علومي وانت تنشدني


اهــــــــــــــــــــــــــــــــــــــــــــداء خـــــــــــــاص