الجزء الثاني
نزلت دمعة من عينه لما حس بالخبر ,, ماتوقع ولا فكر انه يصير ,, توقع ان حياته حتسير زي
تفاؤله بس القدر هو اول التصرفات ,, نزل عينه بالارض من الخبر الي خلى اليأس عنده يولد
,, واقبل عليه موظف وكان يحاكيه بس حمد ماسمع منه ولا نفس ,, الخبر خلى مايفكر
بولا شي ,, مشى خطوتين بس الخبر كان عليه مثل الصندوق الثقيل ,, بصعوبة وصل للسيارة
ورفع مسكة الباب للأعلى وسحب الباب ,, لما ركب ,, حس انه ارتاح من الاستفراغ ( الله يعزكم )
,, فكر ببداية حياته من بعد موت حبيبته ليلى ,, توقع انه باقي حياته عيال وبنات ويبنوا اسرة
الي يحلموا فيها طوال الايام الماضية ,, بس القدر غير طريقة مستقبلهم والاشياء الي يتخيلوها
,, مشى عالشارع وكان الشارع سيارات شويه ( نقدر نعدهم بالاصابع ) وبوسط التقاطع نخيل
وزرع كثيف .
سيب بيت حبيبته مليان بنات مو معروفات بالعايلة يستقبلوهم ,, وكانت اعمارهم بالمتوسطه
متحجبات ,, يطالعوا الي يدخل عليهم ,, الوقت ( الظهر ) ,, عدد المستقبلات يمين ويسار 5 ,,
ولابسات عباية كتف من الخرز العادي ,, اول وحده تسلم على الي يدخل ,, وكذالك الجهه الاخرى ,,
السيب طويل وكأنك داخله مخزن البترول ,, اللون بيج ويمينه ويساره زخارف بنيه واخضر ,, الجدار
ابيض ,, عيون البنت الي عند حافة الباب يأس من عدم الحب في الدنيا ,, الجو هوى بارد ,, الكل
ساكت ومافي الا نفس المظيفات ,, البيت تقريبا متواضع يعني مو فخم جدا ,, دخل حمد على درج
المدخل والبنات حسو بهيبه لما شافوه ,, كان عليه شماغ احمر بدون عقال ,, مشى بالسيب
الطويل وهو ساكت وبان عليه الحزن ,, وصل للصالة وام ليلى ساده فمها بطرحتها وتبكي بصمت ,,
اتجه لها وقعد على ركبته : خالتي ,, بنتك غاليه علي ,, وصدقيني اني اموت فيها ,, وهي نصي
الثاني ,, بس القدر ماخلاني اتزوجها او اتخيل حياتي كيف بتكون معاها ,, خالتي ,,, ( لمس
يدها برقه ) احبك واحب بنتك ,, كانت مثل التوت الي الكل يشتهيه ,, عظم الله اجرك .
ام ليلى : الله يجزاك خير . ( وكملت بكاء بصمت )
قام بهدوء ساكن وطالع الحريم الي جالسات عالكنب البيج ,, لما طلع ,, وحده من الي معروفات
بالقبيلة تكلم خويتها بهمس : شفتي الي شفته !!!!!!!
خويتها : ايه ياقلبي ,, هذا حمد الي معروف وينضرب له المثل بالجاذبية والوسامه .
البنت : انا لما شفته دخل قلت من الشاب الي قلبي نغز عشانه ؟؟؟
خويتها : اقول ,, يابخت ليلى فيه ,, لقت شاب اول مرة اشوف شاب حلو عن حقيقة .
البنت : البنت ماتت والحمد لله ,, يمكن لي فرصه فيه .
خويتها : اقول ,,, ترى انا اقربله بالنسب ,, يعني انا اولى فيه .
البنت : حبيبتي ,,, تشوفيه بأحلام اليقظة ,, بس انا ,, اشوفه يعيوني الي تهبل .
خويتها : عيونك تهبل !!!!!!!! عدلي الرموش الي نصها طايح واتوقع هالرموش الي شاريتها مو اصليه ,,
يمكن هذه رموش العزى وانا مدري .
البنت : تستهبلين حظرتك ؟؟؟؟ رموشي اصليه ,, بس من بعد الزواج الي حظرته امس طاحت رموشي
من الصدمة .
خويتها : الي يسمعك يقول البنت الي ماتت خويتها الروح بالروح .
البنت : ياليتني خويتها ,,, كان عرفني من قبل .
وظل الجو ساكن هلى برود من المكيف ( اسبلت ) والصورة دائرية على كاميرتك يالمتخيل ,, والمظيفات
رايحات على صينيه الماء ,, والحريم سوالفهم على حمد الي دخل ,, كانت فاديا على سرير امل الوردي
,, تلمس قماش اللحاف ,, دموعها عخدها ,, كانت صحبه لليلى ,, وهي على سريرها الحين ,, رفعت
عيونها للسماء " معقولة في امل في هالدنيا !!!!!!!؟ معقولة !!!!!!!؟ مستحيل ,,, دام ليلى ماتت ,,
مافي طيبة وانسانيه بهالدنيا "
في هالحظة حمد جالس على كرسي ابيض " معقولة في وحده تعتبر فارسة احلام لكل شاب !!!!!!,,
معقولة !!!!!!! ليلى بطيبتها وقلبها الصافي ,, معقولة في احد زيها !!!!!!!!؟ مستحيل "
ونزل عيونه يأس من الدنيا .
جت الخطابة ام حسين واتجهت لأم حمد ,, قعدت وهي تشوف مناظر الحريم بالعزى : خير يأم حمد ؟؟؟
شسالفة ؟؟؟؟ اشوف الحريم يصيحون وكأن الجو عزى ؟؟
ام حمد طالعتها بحزن : ليلى .
ام حسين : ليلى !!!!! خير ؟؟؟؟ شفيها ؟؟؟
ام حمد تونون : اطلبي لها الرحمة .
ام حسين ضربت صدرها مع صدمة وحده : ماتت !!!!!!!!!!!!!!!!!!!!!.
ام حمد : ايه ( ورجعت لجوها الي كله بكاء )
ام حسين بدت عندها حياة جديده : الله يرحمها .
............
3 شنط سفر على سرير ليلى ,, كل خدامه معاها درزن ثياب تحطهم بالشنطة ,, ولازم الشنطة
منوعة ( بنطلون + قميص + جزم ( الله يعزكم ) + اكسسوارات + كل شي ) متابعات للشغلة ,,
دخل حمد غرفتها الواسعه وطالع السقف والاثاث بهدوء متخيل ,, وجهه رجوله على هدوء وسكينه ,,
لمس عامود السرير خلى يراسه يتنهد فيه : ااااااااااااااااااااااااااااااااااااه .
في نفس الوقت اتجهت ام حسين لأم حمد والسمنة عند ام حسين تتحرك ,, جلست عالكرسي :
ام حمد .
ام حمد كانت تسولف : خير ؟؟؟
ام حسين : صحيح ان هالموضوع مو وقته ,,, بس بقولك شي ,, وانتي تعرفيني ,, مااقول اي موضوع
الا وفيه مصلحة ولدك .
ام حمد جاده : خير ؟؟؟
ام حسين : عندي بنت لوليدتس حمد .
ام حمد : ام حسين ,,, تعالي معاي للحديقة .
ام حسين خافت من لهجتها : طيب .
اتجهوا بسرعة وكأن في سر بينهم ,, ام حمد بمواجهه : ام حسين ,, هذا وقته ؟؟؟؟
ام حسين : ايه ,, ووليدتس يذوق الموت على حبيبة القلب .
ام حمد : خليه يحس بالحزن .
ام حسين : والله انتي غريبة ,,,, في ام ,, تبي لوليدا الحزن ؟؟؟؟
ام حمد : انا ابيه يتذكر ليلى ,, مو ينساها .
ام حسين : وافرضي وليدتس يتذكر ليلى طول العمر ,, الى متى عالحال ؟؟؟؟؟
ام حمد : بس موضوعك هذا جدا حساس ,,,, ومو بس احنا يالعيلة ,,, لولدي .
ام حسين : عاد هذه بالذااااااات ,,, بتنسيه جد جد ليلى .
ام حمد بصدمة وحده : ايش ؟؟؟؟؟؟
ام حسين بفكره خارقه : عاد البنت هذه ,,,,,, وييييييييييييييييه شقولتس عليا ,,, طيوبه وحبوبه ,,
والاهم من هالموضوع ,, انها تعرف شلون تسنع ولدتس .
ام حمد : ام حسين ,,, ترى مو فاضيه للغزك الي مالها داعي .
ام حسين مسكت ذراع ام حمد قبل ماتتركها : يام حماااااااااد ,,, خليتس واعيه لوليدتس ,,, الولد
بكره او بعد بكره ,,, بيتملل ,, وهذه عادة الرجاجيل ,, خليه ياخذ هالبنيه ازين لو .
ام حمد : بس هذا وقته ؟؟؟؟؟
ام حسين : انا مااقول خلينا نخطبلوه الحين ,,,, انا اقول خلينا بعد العزى نخطبلوه .
ام حمد بتردد : انتي متأكده انها زينه لولدي ؟؟
ام حسين : ايه ماهي زينه وبس ,,,,,, هذه بنت من بنات الهدوء والراحة والنفس الراضيه ,, بس انتي وافقي .
ام حمد : خلاص ,,,,, روحي لأهلها واخطبيها لولدي .
ام حسين : حاظر ,,, من عيوني الي بياكلهن الدود .
كانت تراقبهم من بعيد ام ليلى ,, بس حست ان الموضوع فيه شي !!!!!! اتجهت لهم : شفيكم تتشاورون ؟؟؟
ام حسين : ابد ,,, بس حبيت افتح معا موضوع خطبة حمد .
ام ليلى : ايش ؟؟؟؟؟؟ بس كلام حمد عن ليلى .......
ام حسين : انتي تبين تموتين الولد علينا ؟؟؟؟ ولا وعشان خاطر من ؟؟؟؟؟ بنيتس الي ماشفت منا السنع ؟؟؟؟
ام حمد : ام حسين ,,, اذكروا محاسن موتاكم .
ام حسين : البنت طيبة وتهبل ,,, والف رجال يبيا ,,, بس حمد يبيلوا مرتن تطيروا بالسماء ,, ولا كلامي غلط يام حمد ؟؟؟
ام حمد : مو غلط ,,, بس صعبه على ولدي .
ام حسين : وين وليدتس عشان اعقلوا ؟؟؟
ام حمد : هيييه انتي ,,, ولدي يبكي وانتي على خبالك الدايم .
ام حسين : مو الخبال هو الي بيحلي حياته ياعمريييييي ,, ويخليه صدز يعيش توم بس يهبل بالجيري تهبيل .
ام ليلى على حزنها لبنتها الا ان ام حسين خلتها تنتعش : ام حسين ,,, خلي استهبالك لبعد العزى .
ام حسين : كيفكن ,, على راحتكن ,, بس لو منكن ,, كان اخليه يخطب من الليلة .
..............
جالسه العجوز على الكنبه ,, الصبر عندها انتهى ,, مستحيل تقعد الحين ,, قامت وبكل سمنة متحركه
اتجهت للحديقة ,, وشافت حمد معاه سليمان ,, اتجهت لهم والشباب مستغربين هالعجوز الي جت لهم ,,
ام حسين وقفت قبالهم : هييييييه يارجال ,, اندزلع لعزى الرجال .
سليمان قام : هييييييه لو سمحتي لاتصارخين .
ام حسين : خلاص ,,, حاتسيناك باللين ,, يالله قم طس .
سليمان بانت الضحكة عليه : حاظر .
وتركها وهو يبتسم ,, قعدت ام حسين : اقول حمد .
حمد متنهد : نعم .
ام حسين : اعتبرن مثل امك ,,,,, عندي لك بنيه ,,, تخليك حمام بالسماء .
حمد رفع حاجب : نعم !!!!!!.
ام حسين : وشبك رافعن هالحاجب تقل الموضوع ماجازلك ؟؟؟؟
حمد : ياخاله ,,, الله يسلمك ,,,, انت تعرفيني ؟؟؟
ام حسين : ماعرفك !!!!!!!!! اعرف امك يالخبل .
حمد : ياخاله ,,, لو سمحتي ,,, عن الغلط .
ام حسين : طيب ,,, بس انا عندي لك حرمة زوينه ,, تخليك على جناح الراحة .
حمد : بس انا مو ببالي الزواج .
ام حسين : من الي معقدك بالسالفة ؟؟؟؟
حمد : لو سمحتي ,, انا مابي هالموضوع ,, واتوقع ان جيتك لي مو عدله ,,, الرجال اذا طلعوا سبيقولون عنك ؟؟
ام حسين : اقص لسانهم اذا حستو .
حمد خاف من لهجتها وكأنها بدويه : حاظر ,,, بس تعرفي البنت الي حتخطبيها لي ؟؟
ام حسين بنتيجة الفكره الخارقه : افا عليك ( ضربت صدرها حماس ) اعرفا واعرفا اخلاقا زين ,, البنت تناسبلك
وتناسب لضرفك حتى .
حمد بفضول : شلون ؟؟؟
ام حسين : انت بوقت عزى ,,, والبنت تعرف شلون تشيلك من مسبح الهم لبلاط الراحة والهدوء والروقان .
حمد ابتسم : متأكده ؟؟؟؟
ام حسين : افا عليك ,,,, البنت ياعمري فقيرة ,,, ووييييييييييلي عليا ,, طيبة على باب الله ,, انت بس وافق
وبتشوف عجايب الحب بيها .
حمد : طيب ,, بس بشاور امي واقولك ,, او اخلي امي تقولك ,, بس انتي شايفه هالوقت ,, عزى والناس جايين
عشان يواسوننا وانتي تفتحيلي مثل هالموضوع وكأنك ماصدقتي تموت حبيبتي الله يرحمها ؟؟
ام حسين : حبيبي ,, ترى الحرمة هذه بالذات ,, والي انشالله وبعون الله بتكون مرتك ,, بتخليك تكره وحده اسمها
ليلى .
حمد باستحقار : ايش ؟؟؟؟؟؟؟؟؟؟؟
ام حسين : قول الحتسي ,,, ترى البنت هذه بتعجبك ,, وقول ماقالت ام حسين .
..............
راكان وطارق على سيب المركز ,, طارق حاط يده بجيوبه : راكان .
ركان : هلا .
طارق : ليش مانروح للكويت ؟؟؟ اتوقع فعاليات الصيف بدت .
راكان : بس شغلي ؟؟؟ المفروض نروح في العطلة الكبيرة مو الحين .
طارق : والله انا ودي الحين ,, لي خاطر اني اروح مع اختي .
راكان : كيفك ,,, وانا كمان بقول لأختي تروح مع اختك .
طارق : حلو ,,, اجل اروح لمكتب الطيران واحجز تذكره لنا احنا يالاربعه .
راكان : وامك ؟؟؟؟ بتقعد لحالها بالبيت ؟؟؟
طارق : لا ,, بتروح لبيت خالتي الارمله .
راكان : اها ,,, طيب ,, امش نروح لمكتب الطيران .
طارق : يالله .
طبعا عملوا الاجراءات وخلود تحط بلوزة بلوزة جوات الشنطة السوده ,, ومها اخت راكان تحط المبخرة البنيه
على سطح الثياب وسكرتها بسحب السحّاب ,, واخيرا صوت سحب الشنطة يزعج ام راكان : خير ؟؟؟؟
( كانت عالكنبه ) .
مها : ماما ,, بروح مع راكان للكويت .
ام راكان حطت كاسة الشاي : وليش مو دبي ؟؟؟؟ دبي روعة هالوقت .
مها تقدمت وجلست : يعني اقول لأخوي يحول الرحلة لدبي ؟
ام راكان : ايه حبيبتي ,,, دبي احلى ,,, زرتها مع ابوكي الاسبوع الي راح وبدت فعاليات دبي حق التسوق .
مها : طيب ,, ابتصل على راكان وخليه يحول الرحلة .
اتصلت عليه : الو رورو .
راكان متعود على تدليعها له : هلا مها .
مها : راكان ,, امي تقول ان دبي احلى ,, زارتها الاسبوع الي راح وشافت السياحكيف يخلوا الناس متحمسين
بالمهرجانات .
راكان : خلاص ,,, نروح لدبي . ( وسكر)
طارق عند باب المحل : خير ؟؟؟؟
راكان : امي تقول ان دبي احلى ,,, ليش مانحول رحلتنا لها ؟
طارق : امك ذواقه ,, وماتقول شي او تبدي رايها بموضوع الا وفيه وناسه .
راكان : تسلم .
وجه راكان كلامه للي يقص التذكره : لو سمحت ,, حول الرحلة لدبي .
صاحب التذكره: طيب .
................
رجل ياباني يطلع من فمه نار ويرتفع اللهيب للسماء ,, سيرلانكي يدور حول نفسه ولابس
لبس المستعرضين ,, حريم متحجبات ياكلوا ايس كريم ورجل العملاق يمشي والاطفال
ينقزوا حوله ,, الالعاب النارية وحده ورى الثانيه وكانت الالوان فاقعه وبأشكال هندسية ,,
الليل سقف دبي وانوار الجسر والمباني لمبات المدينة ,, البحيرة والزرع والنخيل والشليهات
اثاث دبي ,, وكل عيلة جايبة بساط عشان تستانس بالبحيرة ,, مرت سيارة ايس كريم والاطفال
ركضوا وراها ,, النخيل متناثرة في حديقة البحيرة ,, وكل بالون لازق بشجره ,, شباب يتناقشوا
وبنات يضحكوا مع بعض ومن بينهم وحده لابسه نظاره طبيه ,, سيارات تمر من عند رصيف
البحيرة وكانت فخمة ولونها ذهبي ممزوج بالبني ,, وفيها شاب ( روعة ) كان الشاب متمشكل
من ملامح وجهه الجديه والتفكير ,, خلود تطالع الدريشة وهي جالسه عالكنبه وتقترب لها الصورة
لجلستها ,, انفتح الباب على لحظة سقوط عيون خلود عالباب ,, بان راس طارق : هلا .
خلود ابتسمت : هلا طارق .
طارق بهدوء : مشغولة ؟
خلود : لا .
طارق دخل وسكر الباب بهدوء ,,, اتجه لكرسي قريب من كنبها وجلس : اقول خلود .
خلود طالعته : هلا .
طارق : ماتبين تغيرين جو الغرفة ؟؟
خلود : مافهمت ؟؟؟؟
طارق: بكره حروح لدبي ,, ايش رايك تروحي معاي ؟
خلود: اوك ,,,, بس متى الرحلة ؟
طارق : بكره ,, زي ماقلتلك .
خلود : طيب .
طارق : عاد مارح تروحي لحالك معاي ,, حتروحي مع مها اخت خويي .
خلود : اسمها مها ؟
طارق : ايه ,,, ايش رايك ؟؟
خلود : خلاص ,,, اجهز اعراضي الليلة .
طارق قام : اوك ,,,, انا بروح اجهز اعراضي واعراض الشوي يعني ,,, حركات .
خلود : هههههههههههه .
قام وهو يتأمل اخته الوحيده .
خلود قبل ماتتجه لغرفة الملابس التفتت : ابي اقولك شي ,, وممكن هالخبر
حيفرحك اكثر .
طارق يطالعها : خير ؟؟
خلود تقدمت بكل خجل : انا انخطبت .
طارق قام : مشالله ,, من سعيد الحظ ؟
خلود : هههههه ترى احمرت خدودي .
طارق قرب لها وبكل اخوة : الله يوفقك يارب .
خلود : امين ,, وعقبالك .
طارق سكت ,, لانه نفسه يفتح قلبه لفارسة احلامه : عالعموم انشالله هالزواج
خيره لك في حياتك .
خلود : ليش عيونك يأس ؟
طارق : لاني مالقيت الى الحين ,,,,, فارسة احلامي .( وطالعها بكل حزن )
.................
ام فيصل عالكنبه : والله ان ام حسين خبله!!!!!!! في احد يفتح هالموضوع في هالوقت ؟؟
ام ليلى : انا مثلك ,,, بس تعرفي ام حسين ,, اذا تحمست على موضوع تقوله حتى لو في وقت
العزى ومايهمها شي .
ام حمد : بس تصدقون حاجه ؟
ام ليلى تطالعها وهي جالسه : ايش ؟؟
ام حمد التفتت بكل هدوء : البنت الي قالتلي عنها تحمست اني اشوفها ,, يمكن تغير روتين ولدي .
ام فيصل : حتى انتي انخبلتي زيها !!!!!!؟ بس صادقة ام عبد الله ,, ام حسين ,, تخلي العاقل خبل .
ام حمد : رغم صفتها الي ماتتركها الا احس ان هالصفة بالذااات هي الي محليتها .
ام فيصل قامت : والله تأثرتي فيها يام حمد .
ام حمد : ام حسين عشرة عمر معاي ,,, كيف مافهمها وافهم اسلوبها وطريقة تفكيرها ؟؟؟
بنتي نجود طلعت من حالتها بسببها .
ام فيصل : بس بنتك هي الي جابت لنفسها البلى .
ام حمد : عارفة ,,,, بس مو الي مخليها توصل لهالحالة زوجها .
ام ليلى : ليش ؟؟؟ شمسوي زوجها ؟؟
ام حمد التفتت بحكمة : ضرب عارضة ازياء ,, وكمان فشل امريكيه تغزلت فيه ,, ولا ,, ويوم خطبة معالي ,,
توقعوا ايش سوى ؟
ام فيصل : ايش ؟؟؟؟؟؟؟؟؟
ام حمد : هج من الخطبة لانه واعد بنتي يلتقوا من الشوق .
ام فيصل : الله الله الله ,,,, عاد انتي مبالغة يام حمد .
ام حمد : مو مبالغة ,,, بس الولد يموووت عليها .
................