له سكسوكة حلوه بأقصى الوجه مرتسمه قصات دقن

هذاك المار قدامي وله نظرات قتالة
له سكسوكتن حلوة بأقصى الوجه مرتسمة

حرمني النوم في ليلي ، حرمني النوم عقباله
يحس الشوق في صدره ذبحه وزاد في همه

أحب أمه ، أحب عمه ، أحب جده ، وأحب خاله
أموت بنظرة عيونه وأعشق كل حروف اسمه

أحب جدهِ ، وأحب هزله ، أذوب وحالتي حاله
وإذا يطروه قدامي أحس بداخلي صدمة

ذبحني بكثر ما اشتاقه ، ذبحني بكثرة أشغاله

شغلني ، جنن قليبي ، فصلني من على الخدمه

ذبحني بكثر ما اشتاقه ، ذبحني بكثرة أشغاله
شغلني ، جنن قليبي ، فصلني من على الخدمه
يا ليت أقدر أصير بيوم شيّن دايم قباله
وراه بكل مكان يروح شيّن غالي يهمه
يا ليتني ساعةٍ بيده ، أو أرقامن بجواله
يطقطقني على كيفه ، ولا أحفظ سوى رقمه
أنا ادري انه يعاني ، وأدري صعب أحواله
قلبي ما يطاوعني يبي دايم اهو يمه
أنا ما يهمني ربعه ، وعذالي وعذاله
احبه بكل جنون الحب والإحساس والذمه
صحيح انه يكذبني ، وظنونه على باله
لكني بعلمه كيف هو دمي وأنا دمه
يقول اني أنا أنسى ،، فال الله ولا فاله
لو بنسى أن نفسي ، ما انسى أبد رسمه
يا قلبي شوفلي حلٍ بحبن صار لي علة
يا إما تجيبه لعندي ، وإلا اطلبه من أمه ..