>>>>>>>
مشتاق أضمك حيل واتنفس أنفاسك وأقول أحبك حيل من راسك إلى ساسك
(آلج ـــرح الخ ـــامس)
وصلت البيت وآهلها مابعد جو من عند خالتهم
دخلت غرفتها وطلعت شنطتها وقعدت ترتب آغراضها
بعد مآخلصت اخذت روب الحمام وآخذتلها شور سريع
طلعت ولبست بيجامه كات ونشفت شعرها بالسيشوآر ونامت وهي حاطه يدها على بطنها مو مصدقه إنها حامل ومن مين من ثامر حبيبها
الساعه الواحده والنصف ليلا
رجعوا آهل لميس من عند الخاله الجوهره ام جواد:لارا يمه شوفي اختك بغرفتها ولامابعد رجعت
لارا سرحااانه: -----
ام جواد: هيييييي انتي وين وصلتي
لارا: هااااه نعم وشو
ام جواد:لابالله فلحتي وش فييك انتي مسخنه
لارا: لايمه بس سرحت شووي!!! اامري ووش بغيتي
ام جواد: قاااعده اقولك روحي شوفي اختك بغرفتها ولا مابعد جت
لارا: ااووووكييييك ابشرررري
راحت ام جواد لغرفتها فسخت عبايتها وبدلت ملابسها وهي تتحرطم: مسرع نااام ذا حشى ماصااارت
ابو جواد: مانمت بغيتي شي
ام جواد: بسم الله الرحمن الرحيم لامابغيت شي بس استغربت على طووول نمت ماتروشت
ابو جواد: احس اني متكسر شكلي شيبت خلاص راااحت علينا يالولوه
ام جواد: لاحبيبي تحكى عن نفسك اناتوني بعز شبابي
ابوجواد: اقوووول اسفطي بس ووش شبابه اعترفي لاتقعدين تلعبين بعمرك بهاالعمليات
ام جواد: اي عمليات ولي يسلم عمرك كلها ابرتين بوتكس وانا مغمضه
الا وينطق الباب
ام جواد: منووووو
لارا: انا مااامي بغيت اقولك ان لميس نايمه وماحبيت اقومها عشان اسألها
ام جواد: خلاص يمه رووحي نامي انتي تصبحين على خييير
لارا: وانتي بخير يأحلى مااااامي
في حي النخيل
شخص في قمة الهدووء والرومانسيه بس يغلب عليه طابع الهجوله (لوووووول)
انسان عاااطفي لأبعد الحدود يحب ويمووت بشي اسمه امه لدرجه توصله انه يناااام في حظنها بعض الاوقات
في الصاله على الكنب ووهو حااط راسه بحظن امه
نهيان:يمه أحبك مووووووت
الجوهره: الله لايحرمني منك يايمه عساااني اشوف عيااال عيالك قوول آميين
نهيان: آميييين فديتك يأغلى آم بالدنيا
......دخل عليهم ابو ابراهيم ......
ابو ابراهيم:لعنبو ذا الوجه شنبك خاط وطول بعرض وتنااام بحظن امك ناوووي تكسرها علي >>> مهوووب هين ذا الشايب
نهيان: ههههه قل كذا من الأول وودك انت بس تكون بمكاني لكن حامض على بوزك تحلم فيهاالليله
ابو ابراهيم بحده:وووولد خويك انا عشان تكلمني بذا الأسلوب فز يالله قوم اعتدل لابها العقال على ظهرك
نهيان فز من طوله وحب راس ابوه:السمووحه يالغالي بس الواحد لاانسدح على حظن الجوهره ينسى نفسه
ابو ابراهيم ووهو يناظر زوجته: آناااا اشهد
نهيااان كاتم الضحكه : أوكي آخليكم تكملون سهرتكم وانا بروح حجرتي تصبحوون على خير
الجوهره: هههه ياعليك سوالف رح يمه وانت من اهله
دخل نهيان غرفته وفكره ابد مو معاه ووقعد يتذكر شكلها وملامحها الطفوليه وورجع بذاكرته لثلاث سنووات ورى
كان عمره ووقتها١٩ ووكان بمجلس خالته ام جواد يلعب بلاي ستيشن مع جواد قبل لآيعرس كان ووقتها خاطب
المهم خلونا نسترجع الأحداث
نهياان: اتحداااك تغلبني يابوي ذي برشلونه ماتعرف برشلونه انت اجيب راسك الحين
جواد: طيب خلاص انت ووجهك صرعتنا بهالبرشلونه الي ماتجي ربع ريال مدريد
نهيان: خخخ انت الحين ماشفت الغبار الي يطلع منك وانت تقوله
شوووف انا بتحداك مع اني عارف اني ابفوز عليك بس احتياط اذا فزت انا الله لايهينك تجيبلي بيبسي ووشيبسات ووإذا انت فزت الله لايقولها ان شاالله ادرعم للبقاله واجيبلك هاه حلوووو الاقتراح
جواد: ههههههععع عز الطلب يلله بدينا
بوووسط العب رن جوال نهياان ووكان ولد عمه ثامر
نهيان: اسمع انت حط ستارت ابرد على وولد عمي متصل من البحرين
جواد: لاحوووووول مالقى يدق الا الحين ووهذا ستارت رد الحين
نهيان: هلا هلا والله بولد العم
ثامر: اهليين ووش اخبارك وأخبار عمي والأهل
نهياان: انا الحمدلله تماام وعمك فل الفل بخير ويسأل عنك
ثامر: سألت عنه العافيه والله اني مبطي ماحاكيته منحرج منه
نهيان: ايه مومنك من رش رش خخخخ نكبتك صح
ثامر : اقوول دن هنااااك شكلك مرووق
نهيان: ابد قاعد العب بلاي مع ولد الخاله
ثامر: اووكي خلاص كمل لعبك ووسلم على جواد
نهيان: يووووصل مع السلامه
يسلم عليك ثامر
جواد : الله يسلمك ويسلمه
يلله بدينا
,,,,,,,,,,,,,,@@@@@@@@@@@@,,,,,,,,
نهيان: كااااك كااااك خسر المسكييين قال ايش قال ريال مدريد ياشيخ بلا ريال بلا عشرين هعهعهعهع
جواد: تقلع بس مستانس انت ووخشتك ذي
نهيان: اكيد ابستانس مايبيلها حكي ويلله اشوف فز جيب الي اتفقنا عليه اشووف
جواد : ماني بقايم ابدق على تليفون المطبخ ووحده من الشغالات تجيبه
.......... دق جواد على ثابت المطبخ ووطلعتله لارا
لارا: الووو نعم
جواد: اهلين لولي تكفين طلبتك طلبه قولي تم
لارا: اول شي اعرف ووش الطلب
جواد: مو انا الي ابي حظرته وولد خالتك يبي بيبسي ووشيبساات
لارا: ووش قالوله فاتحين بيتنا بقاله وحنا ماندري
جواد: خخخخخ المهم ماعلينا منه جيبيهم لنا بالمجلس اووكي
لارا: امري لله اووكي
.........,,,,,,,,,@@@@@@@
جواد: شف انت الحين لارا تتجيب الأغراض استانس هاه ماوصيك بالوناسه وانا بروح للحمام الله يكرمك
نهيان: الله يسهلك هههههههه
بعد حوالي ٥دقايق جت لارا ووهي ماسكه صينيه مليانه شيبسات وبيبسي دقت الباب محد يرد فقررت تدخل
لارا: غريبه ووين راحوا ذولا خل بس احط الصينيه وهم بكيفهم
فجأه دخل نهيان المجلس لأنه كان يكلم بالحوش : هلأ والله بالي معذب قلبي
لارا: يااااويلي وش يحس به ذا ووشلون اطلع الحين
نهيان: ووشفيك لارا لهدرجه مومهتمه فيني نسيتي ايامنا زمان يوم كنا نلعب مع بعض نسيتي فستان العيد الي شريته لك
لارا: يمه بيغمى علي وربي استحي مايفهم ذا مالي الا اطلق رجلي وانحاش والله لوشافني جواد قبر قبري بالمجلس
طلعت لارا تركض من المجلس ووراحت على طوووول لغرفتها
اما نهيان قعد يضحك على جرأته ووفتح له بيبسي ووشيبس ووقعد ياكل
طلع جواد من الحمام وودخل المجلس : اييه ابلع انت ووجهك هذا الي انت فالح فيه
نهيان: تصدق اني احب بيتكم ( الا احب الغزال الي بييتكم)
رجع لأرض الواقع و حمد ربه انه شافها بالغلط امس ياااربي نفس الجمااال كل ماكبرت احلوووت زيااااده
ياااولد جعت خل انزل للمطبخ ابلع لي اي شي يسد جوووعي
امااااا في غرفة لارا فتحت الدولاب ووشالت الفستان الي لوونه رمادي على حزام بوسط البطن ليلكي باسته وورجعته مكانه ماعادت تلبسه لأنه قصر عليها ( سبحااان الله القلووووب عند بعضهااا)
ضبطت منبه جوالها على الساعه ٩ عشان تقووم للجامعه
واخيرا استسلمت لنووووم
[الج ــــرح السادس]
تدري اني موت أحبك
واني مالي غير حبك
والي ينبض في ظلوعي
ماهو قلبي هذا قلبك
يوم الجمعه (الساعه ١٠ ونص صباحا)
الجوال يرن فتره وهو ولاحاس دق مره ثانيه وقام بتكاسل وشاف اسم المتصل وبانت على وجهه الأبتسامه
ثامر:هلا بعمري هلا بغلاي صبااااح الورد
لميس: آهليين حبيبي صباح الخير أكيد توك قايم صح ؟؟
ثامر: طيب ووش فيها!!!
لميس: لاوالله واليوم وشو
ثامر: اليوم اييييييه الجمعه تذكرت الله يلعن بليس اشووه انك ذكرتيني ياقلبي
لميس: ماينفع معاك الا كذا لازم ادق وازعجك
ثامر: يازين الأزعاج لاصار منك إلا بسألك جهزتي اغراضك ووقلتي لأهلك انك بترجعين
لميس: لاياقلبي توني ابجمعهم بعد الغدا واعلمهم وان شالله العصر وانا عندك
ثامر: اااهـــ بس الله يصبرني لين العصر
لميس: ههههه يلله حبيبي مااطول عليك قووم تروش وتلبس وروح للخطبه لاتفوتك
ثامر : اووكي ياعمري مع السلامه
,,,,,,,@@@@@@@@@@@@,,,,,,@,,,,,,
في حي النخيل (الساعه ١١ونص)
الجوهره:ياربيييه منك قوووم آخلص مابقى شي وتنتهي الخطبه
نهيان:لحوووول خلاص قمت
الجوهره: هذا السهر شوف وش يسوي
استغفرالله حتى العبادات قصرتوا فيها مايصير ياولدي
نهيان يبوس راس امه: أسف يالغلا اوعدك ماعاد اعيدها كل شي ولاسخط ربي علي
الجوهره: روح ياولدي الله يفتحها بوجهك ويرضالي عليك
..,,,,,،،،،،،،,,,,,,،،،،،
طلعت ام ابراهيم من غرفة ولدها ونزلت للدور الأول
على طاوله الأفطار
ابوابراهيم : بشري قام المصفوق
ام ابراهيم:ايييه الله يهديه بس
ابو ابراهيم:اميييييين
الأوتجي راما ومعها صحن التوست
راما:صبااااح الخيييير ياالحلووووين
ابوابراهيم+ام ابراهيم: صبااااح الورد
ابو ابراهيم: الا وين ميار ياراما ووراه مانزلت تفطر
راما: هعهع سهرااانه امس ومانامت الأ الفجر
ابو ابراهيم:لاحووول ولاقووة الابالله بيذبحها السهر هالبنت
راما :بابا حبيبي مو صح ان العيد بعد اسبوووعين
ابوابراهيم: ان شالله ليه تسألين
راما: يعني تعرف العيد فرحه ولآزم نشتري ملابس ووخرابيط بنات
ابو ابراهيم وهو واقف بيروح يصلي: ابشري يابنيتي من الألف للأربعه بس ذكريني هاه
راما: من عيوني يااحلى أب
ابوابراهيم: تسلم عيونك ياقلبي الا يالجوهره وين دلوعك ذا مانزل بتق
ماكمل كلامه الاونهيان نازل
نهيان: افى تحشووووون فيني
ابوابراهيم:اقوووول امش بس والله انك رايق
الجوهره:طيب خله ياكله لقمه
نهيان: لايمه موب مشتهي بس أذا جييت من الصلاة ابي الغدا والم
الجوهره: ان شاء الله
@@@@@@@@@@@@...,,,،،،،،،،,,,,
خلونا نأخذ فاصل عشان اعرفكم على عائلة ابوابراهيم
ابو ابراهيم >> تاجر اعمال حره وعنده مصانع بالرياض وجده
عمره ٥٦ يفرق كثييير عن اخوه ابو ثامر لأنه مايحب الفشخره والتباهي حتى شنبه ولحيته مايسبغهن عكسه بالتماااام
ام ابراهيم>> ربة منزل مقتدره طول عمرها عايشه بعز لأن اهلها هوامير ومعروفين بالرياض
عمرها ٤٤ تحب عيالها وتدلعهم وخص نص نهياااان
ابراهيم >>> ولدهم البكر متزوج وعنده ولدين وبنت ساكنين بجده لأنه يشتغل مهندس بمصنع ابوه يجي للرياض بالأجازات والعيدين
نهيان>>> دلوووع الماما مع الأحداث تعرفونه
راما>> ثالث جامعه عمرها ٢٢ تخصص حاسب الي
انسانه متباهيه ماتحب إلاالمضاهر وتمووت اذا طلعت وماتعدلت تحب الكشخه والماركات طويله وشعرها لنص ظهرها بيضا ونحيفه وعيونها ووساع بصراحه جميله بس ميار احلى ووماتحس بالي محترق قلبه عليها
ميار>>> اولى جامعه عمرها ١٩ سنه عكس اختها تماما رومااااانسيه موووت وناااعمه طولها وسط بيضا شعرها قاصته فاكتوريا طويل فوق كتوفها نحيفه ووجهها مليان تحب تتفرج على الأفلام الآجنبيه تخصصها بالجامعه لغات وترجمه لغه فرنسيه لأنها تعرف انجليزي من سفراتهم لخارج المملكه
@@@@@@@@@@@
بعد الصلاة
ووبعد الغدا
لميس: أصبلك شاهي يبه
ابو جواد: ايييه والله يابنيتي مكثربالغدا صبي أخضر الله يعافيك
لميس: سم يبه
امممم يبه يمه ابيكم بسالفه تخصني انا وثامر
ابوجواد: اسلمي يبه ووش السالفه
لميس: اول شي انا حامل
ام جواد: الف مبروووك يايمه والله اني كنت حاسه
لميس مستحيه: الله يبارك فيك ووفي شي ثاني تصالحنا انا وثامر وهو شرا فله لنا بروحنا بعييد عن اهله
ابو جواد: الله يوفقكم وعاااد الحين اتركي عنك الدلع وروحي لبيت زوجك
لميس: وانا كذا بغيت بس قلت اقولكم لأنه بيجي يأخذني العصر
ابو جواد: الله ييسر لكم ان شالله
صعدت لميس لغرفتها وعلى طوول اتصلت بــ ثامر
لميس:آلووو حبي
ثامر: آهلييين حياتي هاااه بشري ؟؟؟
لميس: خلاص العصر تعاااال خذني
ثامروهو ينط الدرج: يسسسس اخيرا ووربي يالميس رااح اعوضك عن كل شي سويته بحقك
لميس: ياعمري انت انا مابي شي ابيك انت ووبس
ابي اعيش معااك طوول عمري
ثامر: آهــ آهــ ياقلبي تعذب حيييل
خلاص غناتي تجهزي الحين لين مايأذن العصر ووطيراااان على بيتكم
لميس : ههههههــ اووكي حياتي بااي
,,,،،،،،،,,,,,,،،،،،،
ام ثامر: خير ان شاءالله ونسنا معاااك
ثامروهو يبوس راس امه: خلاص يمه بيرتااح ولدك من العنا والهم اليووم لميس بترجعلي
ام ثامر: آخيرا مابغت تجي ست الحسن والدلال
ثامر:يمممه وش ذا الحكي انا الي غلطت مع بنت الناس هي مالها ذنب
ام ثامر: ايييه ماعلينا متى بتشرف عشان اخلي الخدم يرتبوون جناحكم
ثامر: لايمه ماحنا بساكنين انا شريت فله قريبه على الشارع الثاني
ام ثامر: ووشو لايكون فرت مخك بنت بليس
ثامر: ردينا على طاري الي كم مره اقولك مالها دخل ووبعدين لاتنسين راشد ماراح تاخذ راحته ولاهو بعد بياخذ راحته احسن لنا نسكن بروحنا ولا تخافين كل يوم وحنا طابين عندك ووش تبين بعد وبإبتسامه مايله ترااها حامل له شهرين
ام ثامربفرحه: الففف مبروووك الله يوفقكم ياولدي مابي غير سعادتكم
ثامر: الله يخليك لنا ان شاء الله
راشد وهو جاي من برا: السلااااام عليكم