محمد : هلا بالغاليه
الجوهره : اهلين
محمد: وش صار على طلعتنا
الجوهره : شف اهلي الحين بيروحون اليوم عزيمه هذا الوقت المناسب
محمد: طيب وانتي منتي رايحه
الجوهره: لالا ماني رايحه ابجلس بالبيت
محمد: ومتى بيروحون ؟
الجوهره: احتمال الساعه 8 العشا وبيرجعون على الساعه وحده
محمد: حلو يعني امرك وقت مايطلعون
الجوهره: خلاص تمرني انت وسارا لاتنسى
محمد: هههههههه طيب مانيب ناسي
الجوهره: خلاص الوعد في العثيم
محمد: خلاص العثيم ان شاء الله اتصل بك ونمرك طيب؟
الجوهره: اوكي باي
محمد: باي
الجوهره تنتظر وقت روحة أهلها بفارغ الصبر ..وام تركي مستغربه من تصرفاتها
((الحين أخبر الجوهره تحب العزايم والطلعات مدري وش اللي طاري عليها ))
ام تركي : الجوهره تعالي معانا
الجوهره: وين ؟
ام تركي : تعالي العزيمه
الجوهره: لالا والله راسي يوجعني ...
ام تركي : طيب ابقول لتركي يوديك للمستشفى
الجوهره: لالا ماله داعي بس خليني
ام تركي : لا مااقدر اشوفك تعبانه واطلع
الجوهره: لايممه تعرفين طبيعي دايم كذا
ام تركي: ع الأقل بندول بس عشان اتطمن
الجوهره: خلاص الحين ابروح اخذه
وراحت المطبخ بس تمثل لأهلها المرض والتعب
تركي: يمه ورا ماتجي الجوهره
ام تركي : خلها تقول تعبانه .. يللا بس خلنا نمشي
تركي ينادي: يللا .. لميا عبدالملك يللا مشينا
لميا : طيب بس ابلبس عبايتي
الجوهره كانت تطالعهم من فوق الدرج الين ما طلعوا
وعلى طول حست البيت هادي راحت تتصل بمحمد وعلمته ان اهلها طلعوا وانه الحين يقدر يمرها
محمد طبعا كان مواعد ربعه هناك أربعة اولاد كان بس يبي يوريهم كيف قدر يلعب على الجوهره اخت تركي لأن تركي عندهم شي كبير ولد ناس يعني الدعوه كانت بطوله
مر على سارا وخذو الجوهره اللي طلعت وحذرت الشغاله انها تعلم احد ......... ووصلوا للعثيم ...
محمد: الجوهره
الجوهره: هلا
محمد: شكلك طالع يجنن
الجوهره: عيونك الحلوين
محمد: شوفي هذولي ربعي
طارق واحمد وعلي وسعد
الجوهره: اها هذولي اللي قلت لهم عني
محمد: طبعا الكل يعرفك
الجوهره: كيف؟
محمد: هههههههه يدرون انك حبيبتي
الجوهره: هههههه الله يقطع سوالفك
الجوهره كانت مررة خايفه بس تبي تثبت لصديقتها ومحمد العكس راحت بعيد عن محمد وربعه تتمشى مع سارا
سارا : الجوهره عارفه مين شفت ؟
الجوهره: مين ؟
سارا: هذا صالح صديق محمد أول وان شافكم الله يعينك بيعلم تركي
الجوهره على طول طاحت دموعها
الجوهره بصياح : وشو وش تقولين انتي ؟ وش صالح هذا ايش جايبه الحين ؟ ياربي على الورطه انا بس كيف وهقت نفسي كذا
سارا: خلاص ان شاء الله مارح يشوفك ولا يعرفك .. بس انتي هدي اعصابك
ومن جهه ثانيه كانوا كلهم متجمعين وحاطين عينهم على الجوهره
طارق: احلى ياااااكششخه يامحمد اثاريك منت سهل
محمد: ههههههههه شفتو بنت ابو تركي وش سويت فيها
علي: هههههههههههههههه
سعد : وش معنى انت وش زودك عننا
محمد: ههههههه أحلى منكم
طارق : امممحق بس لو يدري تركي مدري وش بيكون مصيرك
محمد: مابقى الا تركي .. هو واخته الواطيه
سعد: لالاموواطيه مررة وحده
محمد: انت شايفها طالعه مع هالعبايه
.................................................. ...............................
الجوهره: على فكره تراني أكلم صالح بس ماعمري شفته وريني اياه
سارا: هذا اللي عند الكونتر شفتيه ؟
الجوهره: وععععععععععع شييييييييين محمد يهبل هذا باايخ
سارا: هههههههههه يعني بتسحبين عليه
الجوهره: أصلن مااكلم هالأشكال ..القبيحه ههههههههههههه
سارا: هههههههههه مسكين
الجوهره: خلاص خلينا نمشي أحسن
:::::::::::::::::::::::::::::::::::::::::::::::::: :::::::::::::::::::::::::
نوف مثل العاده كانت جالسه على الأنترنت وبالتحديد كانت على الماسنجر وطلع لها فيصل
نوف: هلا فوفو
فيصل: ياهلا نوف
نوف: وشخباركم ؟ وشلون بريطانيا ؟
فيصل: والله تمام ..وانتو ؟ وشلون امي وابوي واخواني ؟
نوف: والله كلهم بخير يسلمون عليك انت وريما
فيصل: وثالث ثانوي ؟
نوف: ههههههههه الله يعين ماشين
فيصل: الا قولي مبروووك
نوف: مبروووووووك على ايش؟
فيصل: ريما حامل
نوف : حامل !! ماشاء الله الف الف مبروك لك ولها
فيصل: الله يبارك فيك
نوف: امدانا ؟
فيصل: اقول انطمي
نوف: هههههههه طيب والدراسه ؟
فيصل: الحمدلله
نوف: متى بتجون ؟
فيصل: احتمال اسبوع أو اسبوعين على حسب لقينا حجز ولا لأ
نوف: بسرعه تراكم وحشتونا
فيصل: تسلمين
نوف: يللا أبروح أبشر امي مع السلامه
فيصل: وسلمي لي عليهم .. ومع السلامه
نوف راحت جري لأمها ..
نوف: يممممممممممممممه !!!!
ام فيصل: بسم الله روعتيني
نوف: مبروووووووووك
ام فيصل: على ايش
نوف: تو كلمت فيصل ويقول ان ريما حامل
ام فيصل: الف الف مبروك غريبه ماقال لي اليوم انا مكلمته
نوف: عاد وش نسوي
:::::::::::::::::::::::::::::::::::::::::::::::::: :::::::::::::::::::::::::
طلال اللي وصل للرياض وجلس عند عمه الوقت كان متأخر على الساعه 2 الليل البيت كله كان نايم ماعدا طلال ونوف اللي كانت على الأنترنت
((وش تسوين الحين يانوف أنا وانتي فبيت واحد ولا أعرف عنك شي أبد ... ))
خطرت على باله أنه يفتح البلوتوث وبعد مافتحه طلعت له الأجهزه الموجوده ومن ظمنها n70 جهاز نوف وهو عارف أن مافي غير نوف عندها هالجهاز
كتب رساله بالملاحظات
**هلا وغلا بنوف **
نوف ماكانت تدري بجوالها وان بلوتوثها مفتوح .. بعد فتره انتبهت للأشاره اللي يعطيها الجوال
((غريبه من هذا اللي يعرف اسمي ؟ ومرسل لي بالبلو ثوت ...أكييييد هذا مشاري يستهبل انا عارفه حركاته ويحسبني ماادري بسوالفه ))
**صباح الخير يللا بس رح لفراشك أحسن **
طلال ماصدق المسج اللي وصله بعد فتره ... استغرب ردة فعل نوف
((الحين هي تدري اني انا اللي ارسل لها ولا وش السالفه ... غريبه ترد ... مدري الحين تعرف اني انا طلال اللي أكلمها ولا لأ)
** صباح الففلل لالا أنا مافيني النوم وأبي أسولف معاك **
نوف
((الحين وش قصته هذا ... ومتى بيخمد ..))
**مشاري ترا مالي خلقك روح نام وفكني **
طلال اللي مات من الضحك
((هههههههههه أجل على بالها مشاري ..أبخليها على عماها ... واشوف وش بتقول ))
**طيب اقول لك طفشاان .. خلاص علميني الحين وش تسوين ؟**
نوف
(يااااربي منك .. صدق انه غثى توه داخل علي وعارف وش انا اسوي ... دامه يبي يخربط حتى أنا ابسوي معاه نفس الشي ))
**قاعده أكش ذبان **
طلال
((الله يقطع سوالفك يانوف ))
**لاياشيخه تصدقين اني فاضي وش رايك اجي بدالك **
نوف
(انا لله ... خلاص فيني النوم ...ابسكر البلوتوث ))
**مشاري خلاص فكني ..ابنام وبسكر البلوتوث ..خلصني عندك شي **
طلال
((ياخسااره ))
**يالله نوم العوافي **
(( هههه ياحليلها تكش ذبان لا وتعرف تنكت بعد ونااسه ... بس أنا الحين وش مصلحتي ليه سويت كذا ؟ ...وش استفدت من هالحركه البنت ماتدري عني اني طلال او اني احبها .... صدق ماعندي سالفه ))
نوف
((الله يغثه مشاري اوريه ))
:::::::::::::::::::::::::::::::::::::::::::::::::: ::::::::::::::::::::
نهى اللي كانت بنت عم نوف وطلال نهى تصير البنت الوحيده وحتى ماعندها اخوان ولا اخوات وابوها (طارق ) وا مها ( مها )
كانوا عايشين برا السعوديه في بريطانيا .. ورجعوا للسعوديه ونهى كانت في ثاني ابتدائي .. والحين في ثاني ثانوي .... وكان صديق أبوها كافر وأسلم على يد طارق وسمى نفسه( مصطفى) ماأسلم وتحفز للأسلام الا عشان نهى ... اللي كان يحبها كثير وهي نفس الشي تحبه ماكانت تتغطى منه في بريطانيا .. وحتى يوم رجع معاهم للسعوديه ماتغطت لأنهم متعودين على بعض وكأنه أخوها وهي أخته كان يحبها ... مصطفى مع الوقت تعلم العربي وصار من أعز أصدقاء طارق اللي يفضله كثير وحتى المصاريف كان يصرف على مصطفى ... اما نهى متعلقه فيه وكانت تستشيره بكلش وتعتبره مثل أخوها الكبير ..
مصطفى كان بيروح لبريطانيا عشان بيزور أقاربه ..
مصطفى : نهى ايش تبين أجيب لك من هناك ؟
نهى : لالا ولاشي مولازم
مصطفى: هناك أخواتي مشتاقين لك يقولون نبي نشوف نهى خلها تجي معاك
نهى : هههههه اسأل ابوي اذا وافق رحت
مصطفى : هههههههه وانا اعرف ان ابوك مارح يرضى
نهى: خلاص اجل بس قل لهم تسلم عليكم نهى كثيييير
مصطفى : ان شاء الله
وفي وقت روحة مصطفى ام نهى حاولت تستغل روحته وتكلم بنتها
مها: نهى ترا مصطفى مو محرم لك والمفروظ تتغطين منه
نهى : وشو ؟ أنا اتغطى لالا يمكن أنا أتغطى من مصطفى
مها بعصبيه : وبعدين !! انتي لازم تتغطين خلاص كبرتي ومصطفى هذا بيروح في حاله
نهى : بس مصطفى أخوي
مها : انهبلتي أنتي وش اخوي وش هالكلام ..
نهى : طيب بس لما يرجع من بريطانيا
مها : ولا لما يرجع ولاشي لاااازم تتغطين وان شفتك عنده علمت أبوك
نهى بحزن : طيب
:::::::::::::::::::::::::::::::::::::::::::::::::: :::::::::::::::::::::::
الجوهره رجعت للبيت قبل مايجون أهلها وراحت على طول لسريرها وسوت نفسها نايمه
((اقول بس أنا ليه مااكلم صالح الحين وتخلص منه ... بس وش اقول له ... فكره أبسوي نفسي مااقصد اني اتركه أو اني مجبوره ))
الجوهره: الو
صالح: هلا
الجوهره: اهلين
صالح : كيفك ؟
الجوهره/ بخير
صالح: وليه صوتك متغير كذا ؟
الجوهره: والله ياصالح مدري وش أقول لك
صالح: قولي وشو؟
الجوهره: ابوي يمكن يسحب الجوال مني وصاير هالأيام يفتش الفواتير
صالح: طيب ليه يسحبه ؟
الجوهره: بس يقول ماله داعي .. يعني هذي أخر مكالمه بيني وبينك
صالح بعد ماحس ان البنت جاده لأنها بارعه في التمثيل فقدرت تلعب عليه ... ماجا في باله انها تخدعه وحس انها في هم من فراقه
صالح: طيب من البيت
الجوهره: لالا وش البيت أخاف من المشاكل
صالح: اوكي خلاص يعني هذي المكالمه أخر مابيننا
الجوهره : للأسف ياصالح مو كل شي نبيه تقدر نحققه
صالح : يعني خلاص انتهت علاقتي فيك ؟
الجوهره: خلاص
صالح: طيب مع السلامه جوجو وللمره الأخيره
الجوهره: مع السلامه صلووح
((اخيرا شلنا هالهم أنا ابي اتفرغ لمحمد أحلى من صالح واحبه اما صالح ماعنده سالفه وممل ))
ههههههههه بس قدرت ألعب عليه هالغبي
وعلمت سارا وفتكت من هم صالح
:::::::::::::::::::::::::::::::::::::::::::::::::: :::::::::::::::::::::::::
نوف : مشاري أمس متى نايم ؟
مشاري: مدري مااتذكر
نوف: اجل وش هالحركات ؟ تراك سخييييييييف
مشاري: هههههههههه أي حركات
نوف: هالرسايل يالدلخ عاد لاتسوي نفسك مو فاهم
مشاري: هههههههههههههههاااااااااااااي والله ماذكر شي ابد وش رسايله ؟
نوف: مدري غبي او تتغيبا
مشاري: نوف فهميني
نوف: اللي مرسل لي بالبلوتوث
مشاري: والله ماارسلت لك شي .. بس يمكن تحلمين
نوف: بلا سخافه وش أحلم
مشاري : هههههه اقول شكله فيك النوم روحي نامي أبرك
نوف: مشااااااااااري علمني
مشاري: يانوف ياحبيبتي شكلك تحلمين مالقيتي الا أنا أرسل لك ؟
نوف: وععععع عاد مابقى الا انت بالأحلام تطلع بعد بسم الله على أحلامي
مشاري: خخخخخخ حظك ان طلعت لك في الحلم أرسل لك
نوف: من زينك
مشاري: عاد شوفي شكلك أول أنا كل البنات يبوني
فهد : يوووووووووووه مشاري نوف خلاص اكبروا
مشاري: انا ادري عن اختك ؟
فهد : خلاص كلكم
نوف: الا والله امس في واحد يسولف
فهد : تعوذي من ابليس بس
نوف مااقتنعت بكلامهم وحاولت تفكر مين ممكن يمكون اللي يرسل لي مافي غير مشاري اللي عنده بلوتوث وأنا والباقي ماعندهم أصلا مبين ان اللي يرسل نوكيا ومحد عنده غير مشاري .. ميين
أخاف انه طلال مافي غيره معقوله طلال؟ لا وش طلال مااتوقع أنا ما بيني وبينه شي ليه يرسل لي ؟ مين اللي يرسل أمس
كانت جالسه في الحديقه تفكر وعلى دخلة طلال لبيتهم تفاجأت انه موجود قدامها
((ياربيي وانا دايم لازم يطلع في وجهي لازم ,... يقطع ام الفشيله ))
((نوف قدامي الحين عيني بعينها أنا لازم سوي شي أقلها اني اعلمها بحبي لها ... فرصتي الحين لالا بس أخاف تفهمني غلط لالا خلني ساكت أحسن ))
نوف اللي على طول راحت مسرعه ورا البيت عشان طلال مافي أمل يتحرك
((ايه يانوف ياحلوك والله تستحين ... وانا الله يفشلني جالس اطالع المفروظ انا اللي اصد بس أنا عيوني ماتمل من شوفتك أنا بالنسبه لي عيوني تروح ولا افقد شوفتك يانوف ... ليتك تعرفيني ليتك تفهميني ترا والله مليت أحاول أبين لك ليتك تفميني ليتك ))
:::::::::::::::::::::::::::::::::::::::::::::::::: ::::::::::::::::::::::::::
الجوهره حاولت تفظي لنفسها الجو عشانها مشتاقه لمحمد وتبي تكلمه ... كانوا كلهم في الصاله ... وفجأه شافت مكالمة محمد فعلى طول طلعت بررة ...اما الباقي استغربوا ردة فعلها ..لأنها بسرعه قامت .... طلعت في الحديقه اللي داخل البيت ... وكانت مررة مستغربه ان محمد يتصل بالعاده هي اللي تكلمه
محمد في الأساس كان يحب وحده غيرها كان يحب بنت عمته (لمى) وطبعا مايكلمها ولا يلعب عليها مثل الجوهره ومن عاداتهم أن الولد يخطب من بدري بس مو شرط يتزوج
الجوهره: هلا حمودي
محمد: اهلين جوجو
الجوهره: غريبه داق علي الحين ؟
محمد: انا ابي أقول لك عن شي لازم تعرفينه
الجوهره: وشو علمني ؟
محمد: شوفي أحنا عندنا عاده عند عايلتنا ان الولد يخطب من بدري
الجوهره: اوكي
محمد: يعني هذي أخر مرة أكلمك فيها
الجوهره: لالا يامحمد لا عشان عادات تتركني ان كنت انت تستحمل أنا مااتحمل
محمد: الجوهره خلي عننا الصياح وبلا هالكلام اللي ماله داعي ..الجوهره أنا ابوي يجبرني أني اخطب الحين ...
الجوهره: طيب مو انت قايل لي من قبل انك بتخطبني ؟
محمد: هههههههههه وشو أنا محمد أخطب هالأشكال لالا أسمحي لي معليش
الجوهره خلاص حست أن هذي نهايتها وبدت تبكي على قسوة محمد وكلامه ..
الجوهره: ووين اللي يقول انا احبك مووت أموت فيك
محمد: مو مشكلتي أنك غبيه وتصدقين على طول
الجوهره مصدومه :..........
محمد: اقول يالله دامك كذا بتظلين ساكته أنا مشغول مع السلامه
وسكر السماعه وكان فرحان لأنه سوا اللي بباله وطلع مع الجوهره وراها أخوياه ...وبدا يتفرغ لحياته الخاصه بعيد عن الجوهره
((قالت ايش قالت اخطبني ... مابقى الا هالأشكال تنخطب ههههه))
الجوهره ماقدرت تمسك دموعها من الصياح كانت مصدومه من كلامه ومن طريقته المتغيره ... كانت حزينه واهو في أشد السعاده
((لالا ليه يامحمد ليه وهذا انا اللي حبيتك ليه .. معقوله هذا مصير الحب الهلاك !!...أنا لازم اتفاهم مع سارا)
الجوهره: الو ساره
سارا: ياهلا
الجوهره: صدق الكلام اللي سمعته
سارا: وشو؟
الجوهره: ان محمد بياخذ غيري ... وان من عاداتكم تخطبون للولد من بدري
سارا: ايه ليه هو قايل لك شي؟
الجوهره رجعت لصياحها : ايه توه قايل لي ومافي امل ياخذني
سارا: جوجو خلاص عن الصياح أنتي لازم تنسين محمد وتشيلينه عن بالك
الجوهره: ليه ؟ طيب ليه اتعلق فيه واخر شي اشيله عن بالي ؟
سارا: لأن محمد يحب غيرك
الجوهره : وش تقولين انتي وش تخربيطين ؟ ياربي وش هالمصايب
سارا: يحبها وسامحيني ماقلت لك
الجوهره: لالا مايصير لا هذي لعبه علي
سارا: وش لعبه محمد مابقى شي على خطبته
الجوهره: انا الغلطانه اللي تعلقت فيكم انتي وهالخاين خالك
سارا : خلاص جوجو هدي اعصابك مابعد يخطب ههههه
الجوهره: صدق انك فاظيه مع السلامه
وسكرت حتى من غير ماتسمع مع السلامه وبدت تبكي
:::::::::::::::::::::::::::::::::::::::::::::::::: :::::::::::::::::::::::::::
|