ام فيصل : ابو فيصل عطني التلفون
ابو فيصل : وشوله ؟
ام فيصل : ابتصل على ام ريما ابسألها لفيصل لو درى انني للحين ماقلت له كان يذبحني ههههههه
ابو فيصل : ههههههههههههه طيب اخذيه
ام فيصل: ألو
ام ريما : ياهلا بأم فيصل
ام فيصل: وشلونكم ؟
ام ريما : والله الحمدلله بخير أنتو وش اخباركم ؟
ام فيصل: الحمدلله
ام ريما : ووش أخبار العيال ؟
ام فيصل: والله الحمدلله هذا فهد اليوم ان شالله بيرجع من الغربيه
ام ريما : ايه زين وسلمي لي عليه ووش اخبار فيصل مع الطب ووش مسوي ؟
ام فيصل: والله الحمدلله هذا هو الحين يبي يتزوج
ام ريما : زين زين بالمبارك يستاهل فيصل .. بس لقيتو له
ام فيصل: لاوالله أنا عشان كذا متصله عليك
ام ريما : خير ان شاء الله
ام فيصل: والله فيصل يقول انه وده ببنتكم ريما على سنة الله ورسوله
ام ريما : ريما بنتي !! خووش ليته يكون لريما مانلقى مثل فيصل بس الله يهديه مزعلني اليوم
ام فيصل: ليييه ؟
ام ريما : يعني يجي اليوم ولايقول لي ؟
ام فيصل: لامسكين مشغول هالأيام
ام ريما : ههه لالا عذره عنده
ام فيصل: اهم شي انتي الحين شوفي الموضوع لأن فيصل مررة مستعجل
ام ريما : ان شالله اسأل أبوها ......بس ليه العجله ؟
ام فيصل: يقول انهم بيدرسون بررا كم من شهر ومايبي يروح الا وهو متزوج
ام ريما : اها أي خلاص ان شاء الله نشوف رايها وارد لكم خبر
ام فيصل: ان شاء الله
ام ريما : يللا مع السلامه
ام فيصل: مع السلامه
وسكرت السماعه
ابو فيصل: هاه وش قالوا ؟
ام فيصل: تقول انها بتسألها وتشوف
ابو فيصل : أي ان شاء الله خير ....... بس انا تعبان وبروح أريح لاتنسين تقولين لفيصل يروح اليوم ياخذ اخوه
ام فيصل: ان شاء الله
:::::::::::::::::::::::::::::::::::::::::::::::::: ::::::::::::::::::
نوف وريما واخواتها كانوا يطالعون فلم
نوف اتصل جوالها
نوف : هلا فيصل ...
ريما : ميييييييييييين ؟؟ فيصل
نوف حطت ايدها على فم ريما : اصصصص لايسمعك
ريما بصوت واطي : تكفين حطي السبيكر
نوف: فيصل لحظه شوي
نوف: خيير ؟
ريما : تكفين مااعرف صوته
نوف وهي تحط السبيكر : اووووف منك
نوف : ايوا فيصل
فيصل : ترا ي قريب من البيت الحين بوصل اجهزي
نوف: لااااااااافيصل شوي
فيصل : لازم لأني ايوم ابروح اجيب فهد بيوصل مافي وقت
نوف: يووووووه طيب
ريما : نوف امرحي عندنا الليله
نوف: لالا بيجي فهد اليوم اشتقت له
فيصل: ههههههههه من هاللي جنبك ؟
نوف: وشو ؟؟ انت سمعت ؟
فيصل: أي اجل مالي أذان
نوف: هذي وحده مزعجه ريوووووووووم
فيصل: ومين ريوم ؟
نوف: هههههههه ريما يالدلخ
فبيصل : ههههههههههههههههه
نوف : ليه تضحك ؟
فيصل: بكيفي مزااج
نوف: طيب لاتجي الحين تكفى تأخر
فيصل: والله مقدر
نوف " طيب ابطلع الحين
فيصل: هذاني قريب
نوف: اوكي باي
فيصل : باي
ريما : ياشييييييينك فشلتيني
نوف : ههههه شكلك تححححححفه صايره علبة الوان
ريما : هييين نووفووه
نوف:هههههههههه هذا جزاي وانا اللي حاطه سبيكر
ريما : طيب وراه يضحك ؟
نوف: رجعنا لحركات المراهقه ؟
ريما : عن جد ليه ضحك ؟
نوف: قالها مزاااج
ريما : يضحك علي يوم قلتي له انني مزعجه
نوف: هههههههههههههههههه يمكن مو بعيده
ريما : ياحبك تحرقين أعصابي بس
نوف: ههههههه شفتي شلون
ريما : اقول روحي البسي عبايتك ترا أخوك جاي
نوف : ومن قال اني ابجلس ؟
نوف وريما دايم يحبون الطقاق مع أنهم يحبون بعض كثثثثييييييييييير لكن هذا حالهم دايم نوف تتطنز بريما وريما تحمق بسرعه
نوره أخت ريما : نوف يللا جا فيصل
نوف : ياللا مع السلامه ريووم ولاتحمقين علينا تراي امزح
ريما : هههه عاد انا متعوده عليك وحركاتك اللي ماتنمل
نوف : يللا نشوفكم على خير
ريما : تعالي ثانيه
نوف : ان شاء الله
فيصل وهو عند الباب صارت له نفس الحاله وخالته حلفت عليه يدخل ثانيه
فيصل وام ريما كانوا ساكتين بالصاله
فيصل: اقول خالتي
ام ريما : هلا فيصل
فيصل : امي اليوم اتصلت عليك ؟
ام ريما وهي تبتسم : أي أي اتصلت
فيصل : اها
ام ريما : وليه تسأل
فيصل/: لابس كذا
ام ريما : هههههههههه
(حلوه تصريفاتك فيصل .. بس مدري على مين هالحيا الزايد )
جات نوف
فيصل : نوف يللا مشينا
نوف : يللا مع السلامه خالتي
ام ريما : تجوننا ثانيه يا فيصل
فيصل : ان شاء الله ومع السلامه
ام ريما : مع السلامه
:::::::::::::::::::::::::::::::::::::::::::::::::: ::::::::::::::::::::
الحين نروح لعروس البحرر مكان تجمع الشباب
احمد : لالا وش جنغل لاند
راشد : أحمد اجل وين تبي تروح له ؟
احمد : لالا خلونا للكورنيش احلى
محمد : ياربييييي بسرعه ولا ابوقف السياره عند اقرب سوبر ماركت تنزلون فيها هههههههههههههه
عبدالله :لحظه لحظه أنتو تبون ترقمون صحح ؟؟
راشد : ههههههههه الله يرجك بس أجل ليه نروح
عبدالله : ترا يمدحون جنغل لاند في الترقيم
محمد : اجل يللا مشينا الملاهي وخلاص خلصوني
احمد : طيب يللا .. بس ترا بعيده
محمد : بكيفها ولا دوارتنا اللي مالها سنع
ووصلوا للملاهي
راشد : احمد تعال تعال شف شف هاللي قدامنا هالعبدده
أحمد : وععععععع
راشد: يللا خلنا نلعب عليها أمشش
أحمد : ههههههههه يللا بس علمهم أول
راشد : اقول شباب اللي قدامنا شوفو خويتها كيف تبص بص قزوها
محمد : ياحلو ياجميل
عبدالله : ألووووووووووو
البنت كانت تطالعهم بغرور عاد الشباب قالوا مافي أمل تعبرنا فالأحسن نتطنز عليها
مشعل : من زينك الحين على رفعت هالخششه ياااااااك
أحمد : شغالتنا تغطي عليها
البنت حمقت وثارت مع اختها
............: ياقليل الأدب ياللي ماتستحي على وجهك
راشد: لالامااقدر ع المعصبين يااعيني ياعيني
مشعل: أقول صفر خمسه خمسه ..... وبدا يكمل الرقم
وكان في شللة بنات من بعيد يشوفونهم واعجبوهم العيال وطبعا أخذو الرقم بسرعه
محمد : الله يرجكم الكل سمع رقمك يالدووب
مشعل : ههههههههههه اجل انا ليه معلي صوتي ؟ عشان ست الحسن ؟
عبدالله : الله ياخذ ابليسك مسكينه
احمد : يللا طيب الحين من غيرهم
مشعل : لاتفوووتك هاذيك اللششله شفهم
احمد : ياحليلك شايفهم ماخذين الرقم
مشعل : يااكششخه اجل عجبتهم
راشد : اوكي خلونا نكمل عليهم مشينا
راشد ومشعل وعبدالله واحمد ومحمد هذي الشلله كانت هوايتهم الترقيم وطبعا ماطلعوا اللي ومرقمين ستييين وحده
اما مشاري وطلال والباقي كانوا يتمشوون وطلال مازال في حالة غيبوبه عن الناس ولاكأنه معاهم واللي كان يتمشا وياه مشاري أخو نوف
طلال كان يتأمل في مشاري بطريقه غريبه ((الله الله وش كثر يشبه اخته هالمشاري ياحظي اني امشي معاه بس نوف طبعا انعم واجمل كل ماشفته تذكرت أخته نفس النظرات )) أما مشاري اللي استغرب نظراته
مشاري : طلال وشفيييييييك ؟
طلال: مشاري تصدق عاد ؟!!
مشاري : وش ؟
طلال: تشبه أبوك ((يضيع السالفه ))
مشاري : هههههههههه لاياشيخ توني ادري تصدق عاد
طلال: ههههههه الله يرجك عاد كل ماشفتك تذكرت العم
مشاري : ياحظي اجل
طلال : ايه اجل وشلون
مشاري : صدق انك في عاالم ثااااااااااااااااااااني يالفاهي وش رايك بالشوايه
طلال: هههههههههههه مشينا
.................................................. ..................................
رجعت نوف وفيصل ..فيصل راح عند امه بيسألها عن موضوع الزواج اما نوف ماتدري ان فيصل حاط فباله ريما ابد لكن كانت تسمع من باب الفضول
فيصل: اححححححم ييمممه
ام فيصل: ياهلا
فيصل: يممه هاه في شي جديد ؟
ام فيصل: أي اليوم اتصلت وهي تقول بتسألها وبترد لنا خبر
فيصل: الله زين مشكووره يايمه
ام فيصل: ماسوينا شي
نوف اللي كانت ماتدري من يقصدون لكن الفضول ذبحها
نوف: يممه وش على مين ؟ لقيتوا لفيصل ؟؟؟؟؟؟؟
ام فيصل: لا هو يبي ريما واليوم اتصلت على امها
نوف وهي مسستغربه : ريما ؟؟؟؟؟؟؟؟
فيصل: طيب وريما وش فيها ؟؟
نوف: مااصدق ريما بنت خالتي حصه ؟\
ام فيصل: وليه مستغربه ؟
نوف وهي مازالت متفاجأه بس ميييته فرح : مدري بس ماتوقعت
ام فيصل: وش فيها ريما خووش بنيه
نوف: بس عمري مااتصور صديقت عمري ياخذها اخوي
فيصل: اااااااااااخ منك بس وانا متوقعك تقولين انها مخطوبه ولا مرتبطه
نوف: هههههههههه لالا
((ياحليلك يافيصل أثاريك مثل ريما وريما مثلك بس مااحد يعرف عن الثاني ولا شي خووش حب ليتني مثلكم حب جامد بس نهايته كانت رهييبه )
فيصل: طيب متى بيردون ؟
ام فيصل: مدري كم من اسبوع كذا ويردون لك خبر
فيصل : يوووووه كثير
ام فيصل: ياولدي هذا زواج مو لعبه
فيصل: عاد اسبوع ؟
ام فيصل: بعد راي البنت ظروري
فيصل: نوف تتوقعين ريما توافق ولا لأ ؟؟ أقصد انها تتزوج الحين ولا لما تخلص دراسه ؟
نوف وبنفس شكلها المستغررب (( الله لو تدري ريما كان احتمال تجيها حاله نفسيه ههههههههه حتى لو بتكمل دراستها تقطع الدراسه عشان فيصل ))
فيصل: الووووووووووو ريما .. أقصد نووف
نوف: خير ؟
فيصل: علميني تتوقعين توافق ؟
نوف بتلعثم : ووالله اممممم والله انا مدري
فيصل: خلاص نشوف وش رايها
ام فيصل: ولايضيق صدرك اصلن كل البنات يبونك
فيصل: هههههههههه بس انا مابي غير ريما
نوف : اللا يممه وين فارس ؟
ام فيصل: توه نايم
فيصل: يكسر خاطري المسكين يا بلاي ستيشن أو تلفزيون ..... ووين ربعه عنه ؟
ام فيصل: يقول ان اكثرهم مسافرين
نوف: الله يهديه المفروظ انه رايح لجده
ام فيصل: عاد عنيد وش اسوي به
نوف: طيب متى بيجي فهد ؟
ام فيصل : الحين الساعه وحده فيصل رح له الحين
فيصل وهو يطالع الساعه : اييه صح ذكرتيني أخاف اتأخر يللا أنا رايح
وطلع وهو مسررع للباب
ام فيصل: انتبه للطريق
فيصل: ان شاء الله
وطلع بسررعه
ام فيصل: نوف شكلك تعبانه روحي ارتاحي
نوف: لالا ابنتظر فهد
ام فيصل: بيوصلون ثنتين ونص بكرا تشوفينه
نوف: طيب يمه تصبحين على خير
ام فيصل: وانتي من اهله
.........::::::::::::::::::::::::::::::::::::::::: ::::::::::::::::::::::::::::::
((الحين هذا كلام اللي اسمعه مدري حلم ولا علم أخر ماتوقعته ان فيصل يفكر في ريما يااااااااااااااااحظك ريما ليتني مثلك ... اللا أنا ورا مااحب لي واحد يمكن يطلع يحبني مثل فيصل .......ههههههه اقول بس خلني انام احسن ))
:::::::::::::::::::::::::::::::::::::::::::::::::: :::::::::::::
الجوهره من بعد مارجعت من بيت سارا وهي مو على بعضها الحين وش هالصدف كيف يصير خالها أووووووف ليتني مارحت أبد
لميا : جهيير وش فيك منتكسه كذا ؟؟
الحوهره : لا منتكسه ولاشي بس وخري عن وجهي
جات أم تركي اللي هي ام الجوهره وراحت لعند بنتها بعد مااستغربت حالها من بعد ماجات
ام تركي : الجوهره وش فيك تعبانه ؟
الجوهره : لالا يمه مافيني شي
ام تركي : بس شكلك فيك شي
الجوهره : لايمه خلاص قلت لك مافيني شي بس ابي ارتاح
ام تركي : خلاص اجل ارتاحي
وطلعت من غرفة بنتها وهي مستغربه وضايق صدرها على بنتها
اما الجوهره استغلت خروج امها عشان تكلم محمد
الجوهره : ألوو
محمد : ياهلا
الجوهره : كيفك ؟
محمد : تمام
الجوهره : بس ابسألك سؤال واحد
محمد : اسألي
الجوهره : انت اللي .......
وقاطعها محمد وقال
محمد : أي انا اللي شفتيني ببيت صديقتك ..
الجوهره : ...............
محمد : طالعه قمررر وأحلى صدفه اننا شفنا بعض ماشاء الله عليك ابهرتيني .. انا ماغلطت يوم اكلمك
الجوهره : هذا من ذوقك ياغالي
محمد : ابيك دوم تجين لبيتهم وعلميني لين جيتي
الجوهره : لالا محمد شف تراني متربيه وماعندي هالحركات
محمد ((أمححققق متربيه )): ليه يابعد عمري كيف يهون علي مااشوفك
الجوهره : لا بس كبيره الحركه اننا نجلس مع بعض او انك تشوفني
محمد : طيب براحتك ولا يزعل الغالي
الجوهره : تسلم لي بعد عمري
محمد : ياحبي لك
الجوهره : هههههه شف حمودي
محمد : عيونه
الجوهره : الحين ابوي واهلي كللهم بالبيت اكلمك بعدين خلاص
محمد أوكي باي
الجوهره : بايات
((معقوله يحبني ياحظي بها الحب عن جد ماعمري شفت مثل هالأنسان في الطيبه والرومانسيه .. بس انا لازم اتأكد من كلامه ))
:::::::::::::::::::::::::::::::::::::::::::::::::: :::::::::
كانوا تعبانين وهم في الطريق للأوتيل وطريقهم مو قصير مرره ..
طلال ماكان يحس بتعب لأنه مالعب كثير اكثر الوقت يسولف مع مشاري أما الباقي انهد حيلهم من الألعاب
وصلوا للأوتيل والكل كان تعبان فعلى طول للفراش وطلال جلس بلحاله عند التلفزيون
(( الحين كم بيني وبينك يانوف رغم المسافه ورغم الظروف مازلتي في بالي ... والله يعيني على ذكراك وطيفك اللي كل شوي يمر في ناظري .. الحين وش تسوين يانوف ؟؟ .. ))
جات على باله فكره كان طلال يحاول يتعرف على شخصية بنت عمه واللي غامضه بالنسبه له فقال أنا لازم اجس نبض بيني وبينها أنا مارح اغلط عليها بس ع الأقل أسمع صوتها عشان اعرف أنام واتطمن عليها ... ليه ماادق عليها وأشوف بترد ولا لأ ... والله فكره
وراح يجيب جوال مشاري عشان يااخذ الرقم لكن ضميره كان يأنبه شوي بس مازال مصر ع الفكره ...
طلع الرقم واتصل بجواله
:::::::::::::::::::::::::::::::::::::::::::::::::: :::::::::::::::::::::
نوف كانت في سريرها بس تفكر في ريما وفيصل وتقول ليتني مثلهم ماتدري ان وراها واحد منهبل عليها
اتصل جوالها وشافت الرقم لينه رقم غريب فما ردت عليه
نوف((ياشين مزعجين أخر الليل ))
:::::::::::::::::::::::::::::::::::::::::::::::::: :::::::::::
اما طلال من جهه ثانيه ياربي ع الأدب مااتوقعها نايمه الحين ,.. أكيد ماترد على ارقام غريبه
خلاص انا لااازم اسمع صوتها وابتصل من جوال مشاري
بسم الله وحط اتصال
:::::::::::::::::::::::::::::::::::::::::::::::::: :::::::::::::::::::::::
اتصل جوال نوف
ياربيييييييييي وش هالازعاج ... اوووف هذا مشاري
نوف بلهفه : الوو هلا ميشو
طلال طبعا أرتبك كثير لكن الصوت فقط سبب له سحر مسك السماعه وهو سااكت ((ليتك تقولين طلال بس طلال ))
نوف: الووووو ميشووو وينك رد علي
طلال ((خلاص لازم ارد ولا بتسكر ))
طلال: الو
نوف استغربت الصوت وخافت شوي تأكدت أنه رقم مشاري وبعدين قالت : الو ؟
طلال وهو يتلعثم : ممممعععللييش أنا طلال أخذت جوال اخوك واتصلت بالغلط
نوف: لاعادي مافيها مشكله
طلال: اوكي آآسف ع الازعاج .. وووو مع السلامه
نوف: مع السلامه
:::::::::::::::::::::::::::::::::::::::::::::::::: ::::::::::::::::::::::::::::
ياسلام علي أخيرا كلمتها معقوله صوتي بصوتها كذا أنا أكلم نووف ؟؟؟؟؟؟؟؟
مستحيل بس رقمها لازم ابحفظه عندي بالجوال وصوتها رهييييييب نعوومه مررة ومؤدبه بقد الكلمه ....بس لحظه اخاف احفظه وتصير مشاكل ......
قال في نفسه وهو مبتسم وانا اذا ماحفظت رقم معشوقتي اجل مين احط رقمه
:::::::::::::::::::::::::::::::::::::::::::::::::: :::::::::::::::::
نوف جلست ساعه تستوعب الموقف لحين شلون يتصل رقم غريب وبعدين يكلم طلال ؟؟ وش سالفة طلال هذا مدري هو نفسه اللي شافني هذاك اليوم طيب ليه يتصل ؟ وليه كذا خايف وهو يكلمني ؟
مدري والله بس أنا ابحط الرقم عندي وبعدين ابتأكد ان هذا رقم طلال ولا لأ ...... وشوي وغرقت في النوم ونست التفكير
:::::::::::::::::::::::::::::::::::::::::::::::::: ::::::::::::::::::::
اما طلال مازال جالس في الصاله ... وفجأه دخل عليه أحمد
اللي ماعرف ينام
أحمد : طلال متى بتنام ؟
طلال : مدري والله ماجاني النوم
أحمد : عارف بأيش تذكرني ؟
طلال : بأيش ؟
أحمد : أغنية راشد الماجد **علمني وشلون أنساك وأنام ... وأنا اللي لك صاحي أيام ويأم ** شاغلني في بالي شوقك ولايروح **
طلال: وش قصدك ؟
أحمد : لامدري منهو العاشق ... ايه وش عليك اسهر عاشق ياعيني عليك
طلال: اقول اقلب وجهك ههههههههههه
احمد : ياهووووووو ع المستحي .. خلاص ولايهمك خلاص أبقول لعمي يزوجك اياها ولا تتضايق
طلال: وجع أحمد
احمد : أقول هذا جزاي بس
طلال: ماافكر اتزوج أصلن
احمد : علينا ؟!! علينا طليل .. أقول بس يللا تعوذ من ابليس وفراشك ينتظرك
طلال : يللا انت اللي رح نام .وانا لاحقك
احمد : تصبح على خير
طلال: وانت من اهله
:::::::::::::::::::::::::::::::::::::::::::::::::: ::::::::::::::::::::::::
|