منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

09-10-2011

في بيت ليالي ..

جالسه جنب امها وامها حمده وهي تفكر البارح لما رجعت كان في المجلس مع ناصر سمعت ضحكته اللي فقدتها من زمان فقدت جلستهم ومزحهم كبروا وكبرت مشاعرهم كانت بصندوق مخبى مخفيه وظهرت للأعيان ولكن ظهرت متأخر تمنت لو تدخل المجلس تمنت لو تشوفه مره ثانيه تمنت لو تقول فقدتك تمنت وتمنت بس صعب مهو محرم لها مهو محلل لها

غمضت عيونها وأبتسمت أخذت شيء مو ملكها تعرف أن خطأ بس تبي شيء يذكرها فيه كل ما وحشها أخذت شماغه وفيه ريحته خبته عن الكل في مكان سري

سرها الخاص

ليالي (انتبهت ليد امها على يدها ألتفتت) : وش
الأم : منتي معنا
ليالي : هاه لا معكم بس ما انتبهت
الأم : أقول أم جاسم البارح بالعرس كلمتني قالت أنهم حددوا العرس بعد أسبوعين
ليالي (هزت راسها) : وش يمكن أنا طرشه صمخه وش قلتي
الام حمده : لا منتي طرشه اللي سمعيته صدق امس أم جاسم كلمتنا في العرس وجاسم البارح كلم أبوك وأبوك ما قدر يرفض لأن كلم أبوك قدام الرجال
ليالي (بصدمه) : شنوووووووووو
الأم : وش فيك
ليالي (بعصبيه) : على كيفه أقصد على كيف أمه
الأم حمده : وش فيك ترى مصير كل بنت الزواج
ليالي : الله من زين الزواج أخاف يوم العرس نتبادل أجل بين الرجال وورع أمه يجلس على الكوشه
الأم (بعصبيه) : استحي على وجهك كل وشي ورع امه هذا رجلك أحترميه
ليالي (تطالع لامها بعصبيه) : خليني أحس أنه رجال أول
الام (بعصبيه) : ليااااااااااااااااااااااااااالي
ليالي (وقفت وتركتهم وهي تصعد السلم) : قولي ليه يحلم عرس ما فيه مو كيفه ولا كيف أمه
الام (وقفت وبعصبيه) : وقفي يا ليالي
ليالي ( وقفت بنص السلم ولا ألتفتت) : هلا
الام (بعصبيه) : دلعناك كثير وخليناك على هوى دارك صح نحبك بس انتي تجاوزتي كثير حدود ما سمعتي قول الرسول صلى الله عليه وسلم ((لو أمرت أحدا أن يسجد لأحد لأمرت المرأة أن تسجد لزوجها)) يعني احترمي زوجك سواء في حضوره ولا غيابه لان له مكانه كبيره وحق من حقوقه اللي وصانا عليها الأسلام
ليالي (دمعت عيونها ) : يمه
الأم حمده : يا ليالي الامر طلع من يدك وانتشر بين اهلك أرضي فيه ولا تعاندين انتي بس لانك مو متقبله الوضع بس
ليالي (غمضت عيونها ونزلت دموعها) : انا بغرفتي
الأم : ما تبين نجهز
ليالي (بأستهزاء ) : كل اللي تبون يصير باقي على تجهيزات العرس سو اللي تحبون ما عاد يهمني شيء
الام حمده(تهز راسها وهي تشوفها تصعد) : لا حول ولا قوة إلا بالله
الأم (تجلس) : الله يهديها بس وش نسوي
الأم حمده : اتصلي على خوله هي تعرف لها خليها تقنعها اليوم أم جاسم راح تجيب المهر وبس لها اسبوعين تجهز
الام : مو كأن مستعجلين أسبوعين تجهيز
الأم حمده : تقول أمه لازم يسافر عشان عنده شغل برا يمكن شهر او شهرين وحاب يأخذ زوجته يعني منها شغل ومنها شهر عسل
الأم (ترفع السماعه) : بتصل بخوله محد يعرف لها غير خوله ومحد يقدر عليها غيرها ( تسمع رن الجوال) ألو هلا خوله
خوله : هلا وغلا ام وليد كيفك
الأم : بخير وانتي وكيف أم بندر
خوله : بخير الحمد لله شخبار معاريسنا
الأم : بخير صحوا ومحمد راح لبيت فهد عشان الغداء وفرح وداها لامها يقول المغرب يمشون مكه بأذن الله
خوله : الله يهنيهم
الأم : خوله بطلبك شيء
خوله : تآمرين يا ام وليد
الام : ما يامر عليك عدو أم جاسم قالت لي أن حددوا العرس بعد أسبوعين
خوله (بصدمه) : شنو
الام : هذا اللي صار الولد عنده سفر وأبو وليد ما رفض
خوله : ليالي عرفت
الأم : أيه ومن عرفت معصبه وتبكي تقول مو كيفه
خوله : طيب وش تبين اسوي
الام : تكلمينها وتجهزين معها انا ما اعرف كثير بهذي الشغلات خليها لا تفشلنا تكفين قدام الناس
خوله : خلاص بعد صلاة العصر بمر واكلمها ومالك إلا اللي يرضيك
الام : الله يجزاك الخير وعقبال ما نجهز لعرسك انتي وضاري
خوله (حست بضيق من ذكر أسمه) : طيب أخليك يا أم وليد
الأم : سلمي على ام بندر
خوله : يوصل مع السلامه
الأم : مع السلامه

خوله سكرت وأخذت نفس تحس بضيق ألتفتت لام بندر اللي سرحانه

خوله : وش فيك
أم بندر : مدري متضايقه
خوله : من وش
ام بندر : مي وبندر حالتهم حاله
خوله : مي هذا أصرارك ترجع ومي خلاص ما تقدر تتحمل زياده الضغط هالبنت ولا يوم شافت يوم زين وبندر الله يهدي سرهم انا بصراحه مدري وش هالمره صاير الجوهره اخذت أجازه طويله بدون راتب وما ترد على اتصالاتي وإذا جيتهم يقولون طالعه احس تتهرب مني
ام بندر : وبندر رافض يتكلم بس أشوف الحزن بوجهه كبير
خوله : أحس ولدك مسوي شيء كبير هالمره
أم بندر : وانا أحس بعد إلا أم وليد وش تبي
خوله : حددوا عرس ليالي
أم بندر : ما شاء الله متى
خوله : بعد أسبوعين
أم بندر : لا صدق
خوله : صدق هالناس مهبل يضنون عادي ولا يبون يسافرون بعد العرس
ام بندر : كملت طيب هيه متصله تبلغك
خوله : لا ليالي من سمعت وهي تبكي وتقول تعالي كلميها عشان تتجهز وبروح العصر اشوفها
أم بندر : خاطري أروح لأهل الجوهره بحاول اعرف وش فيه
خوله : روحي بس أحس ما من فايده ( سمعت صوت الباب) هذا أكيد بندر وصل
بندر (دخل) : السلام عليكم
خوله وأم بندر : وعليكم السلام
بندر (يجلس) : ..................
خوله : وش فيك
أم بندر : باين في كلام في وجهك
بندر : فهد طلق وضحه
ام بندر وخوله : شنوووووووووووووووووووووووو
بندر : وش فيكم
أم بندر : انت تمزح
بندر : لا صدق تو الشيخ مطلقهم
خوله : كيف
بندر : اللي صار أن بعد الغداء الجد سالم قال لا احد يطلع من هنا وبعد 5 دقائق دخل خليفه ولد العم محمد ومعه شيخ ألتفت فهد لابوه

فهد : يبه وش فيه
الأب (نزل راسه) : .......................
الجد سالم : الكلام معي ومع ابو محمد
فهد : كلام شنو
الجد خليفه : امس تكلمنا في الموضوع واليوم عليك أنك تنفذ
فهد : انفذ
خليفه (يصر على ضروسه) : طلاق اختي
فهد (يوقف) : طلاق وش
خليفه (بعصبيه) : اختي
فهد (بعصبيه) : ومن قال أني بطلق زوجتي
الجد خليفه : مو كيفك انت عايف البنت من اول واكثر من كذا تجرأت عليها
فهد (بعصبيه) : لانها حلالي ومحد له دخل
أبو إبراهيم : فهد اهدى
فهد (بعصبيه) : ما تسمع وش يقولون يا عمي يبون اطلق زوجتي
الشيخ : يا أخوان الطلاق أبغض الامور والرجل لا يريد ان يطلقها
خليفه (ألتفت للشيخ) : يا شيخ الله يجزاك الخير انت مو فاهم شيء فلو سمحت خلنا نتفاهم أنت بس عليك تطلقها وبس
الشيخ : ولكن
خليفه : لو سمحت تجلس واحنا اهل ونتفاهم
فهد : ما في تفاهم (اتجه للباب بس خليفه وقف قدامه بعصبيه) أبعد يا خليفه
خليفه (بتحدي) : مالك طلعه إلا لما تطلق يا بكيفك يا رجلك فوق رقبتك
فهد (مسكه من ثوبه بعصبيه) : تخسي محد يجبر فهد على شيء
خليفه (مسك خليفه من ثوبه بعصبيه) :غصب عنك وبجبرك يا فهد لو اليوم صرنا يا ذابح يا مذبوح

قرب وليد وإبراهيم وفيصل ومحمد وأبعدوهم وقف الجد خليفه وقرب من فهد وضرب بالعصا في الأرض يكتم غيضه

الجد خليفه : أسمع يا فهد انا دنيتي كلها وضحه ووضحه قالت ما تبيك يا ولدي (( فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ)) طلقها وكل واحد يروح في طريق العشره بينكم مستحيله يا ولدي
فهد : بس انا ما ابي اطلق
أبو خالد (قرب من ولده) : فهد بخيرك بين امرين
فهد : يبه لا
أبو خالد (يكمل) : يا تطلق وضحه يا انك مو ولدي واغضب عليك طول عمري
فهد (انصدم) : لا يبه لا تخيرني (سمع جواله يرن طلعه كانت امه ) هلا يمه ............ لا لا ............... (حس بغصه بحلقه) يمه تكفين ............. (ألتفت لخاله ) أتصل عليك ................ يمه تكفين .............. رضاك اهم عندي من الدنيا كلها ............. بس (غمض عيونه ) ........... حاضر ......... مع السلامه
ابو خالد (حط يده على كتف ولده) : لا تكون السبب في مشاكل ما لها حل
فهد (نزل جواله وبلع ريقه ) : رضاك ورضى امي أهم
خليفه : يعني بتطلق
فهد : بطلق
الشيخ : ولكن لو تفكر أفضل
خليفه (يقاطعه وأهو يطالعه ويصر على ضروسه) : لو سمحت يا شيخ شوف شغلك وبس
الشيخ(خاف من نظراته) : كما تشاء تفضل هنا يا فهد حتى نكمل الاجراءات
فهد (يمشي ويحس الدنيا من حوله تضيق وجلس جنب الشيخ) : خلص يا شيخ

بندر (يلتفت لامه ) : وكذا طلقها قدام الكل
خوله : لا حول ولا قوة إلا بالله الله يرزق كل واحد ويعوضه
أم بندر : نصيب ولازم يصيب (طالعت لبندر) كيف زوجتك
بندر : مدري
أم بندر : يعني
بندر (يوقف) : هي في بيت أهلها
خوله : لمتى
بندر (يتجه للسلم) : لين ربي يحلها
خوله (بهمس لأم بندر) : الشغله كبيره
أم بندر(تطالع لولدها) : صدقتي كبيره (توقف) بروح أشوف شوق
خوله (توقف) : اجل بروح أكمل شغلي
أم بندر : صدق وش صار عليك انتي وضاري
خوله (تغيرت ملامح وجها وبنرفزه وهي تصعد السلم ) : لا تجيبين سيرته أففففففففففففففففففففففف
أم بندر (طالعت لها مصدومه ) : وش فيك عصبتي
خوله (ألتفت لها وهي على السلم بعصبيه) : تطلع جنوني لو سمعت أسمه ما احب اسمع شيء عنه فكووووووووني
ام بندر (تشوفها تصعد وسمعت بعد شوي صفق باب الغرفه ) : لا مو طبيعيه لازم أقول لأبوي يتدخل الظاهر بينهم شيء وخوله زعلانه منه يالله سترك لا تكونين يا خوله الثانيه في العائله اللي تتطلق اول وضحه والتالي انتي أروح أشوف شوق أحسن من صدعت الراس

----------------------------------

في بيت عبدالرحمن

في المجلس جالسين جراح وسيف وضاري وعبدالرحمن والاب وعيسى اللي يسمع واهو منصدم حس نفسه مخنوق بس ما حب يلفت النظر له عبدالرحمن حس فيه لأن جنبه حط يده على فخذ عيسى وحاول يبتسم

عبدالرحمن (يهمس لعيسى) : فكر هالكشره أبتسم
عيسى (بألم وهمس) : تبي أبتسم وانا أسمع خالي يقول خبر موتي
عبدالرحمن : صدقني والله ما كنت اعرف كان تدخلت
عيسى : اللي صار صار هي الله يهنيها
عبدالرحمن : والله يرزقك
عيسى : الله كريم ( في نفسه) فجر أنخطبت آآآه يا فجر كسرتيني ما صدقت ود لما قالت انك موافقه وبنفسك اتصلتي على ابوك (تنهد وهو يفكر) ما صدقتي احبك رفستي هالحب ونكرتي العشق بس عشان اللي سويت يمكن أخطيت بأسلوبي بس ليه تعاقبيني بهذا الشكل عقابك مؤلم مؤلم

عامين احبك واكتم الحب واخفيه
واخفيه حتى عنك يا نور عيني
عايش بصدري طول هالوقت اربيه
ياكل من ايامي ويشرب سنيني

خايف عليه ولو ضلوعي حوليه
لكن كبر مابين قلبي وعيني
عزمت اسلم كل هالحب راعيه
واخفف احزان المحب الحزيني

شيدت لك قصر من الحب بانيه
فجأه هدمتي كل هالحب فيني
فرحت عمر ماتت قبل ما تولد ليه
حلم كبير وضاع ما بين يديني

عودي على قلب يحبك وش يلهيه
في القلب نار و في البعد لا تحرقيني
عامين احبك واكتم الحب واخفيه
واخفيه حتى عنك يانور عيني

عبدالرحمن (انتبه لجواله يرن أبتسم وأخذ الجوال وطلع) : هلا وغلا
سمر : هلا فيك
عبدالرحمن : يا كسوله للحين نايمه
سمر : هههههههه تعبت من العرس البارح
عبدالرحمن : عقبال عرسنا يارب
سمر (أبتسمت وسكتت) : .................
عبدالرحمن : فديت اللي يستحون
سمر : بس هههههههههههههههه
عبدالرحمن : تحبين نطلع
سمر : لا ما اقدر بكره علي اختبار مهم
عبدالرحمن : أأخ طيب أبي أشوفك
سمر : قبل امس شفتني
عبدالرحمن : بس امس ما شفتك مشتاق لك
سمر : ههههههههه طيب خلها بعد الاختبارات
عبدالرحمن : لا وش اللي يخليني اتحمل كل هذا الوقت
سمر : والله بكره اختباري صعب أسفه
عبدالرحمن : لا عادي لو اني كنت حاب أسولف
سمر : والله ودي انا بعد بس اعوضها لك
عبدالرحمن : طيب وعد
سمر : وعد
عبدالرحمن : ليه نايمه كل هذا الوقت
سمر : أبدا صحيت الصبح الساعه 9 ونزلت لقيت امي وجدتي جالسات استغربت جدتي ليه موجوده ولما سألت قالوا ان سلطان واختي عذاري سافروا جده
عبدالرحمن : جده ليه
سمر : تقول أمي ان البارح ولد عمها كان موجود بالعرس وبلغ سلطان عن حالة أبوه اللي تأزمت واهو طالب يشوفهم
عبدالرحمن (بلع ريقه) : يعني بيموت
سمر : الموت حق بس الأعمار في أيد الله
عبدالرحمن : وبعدين
سمر : أبدا كان على الساعه 3 الفجر في حجز بأسمهم وما بلغوا عذاري بالعرس سلطان قال بس يخلص العرس ويطلعون اهو راح يبلغها وفعلا بلغها ورجعت البيت أخذت كم غرض محتاجه له وغيرت لبسها وطلعوا للمطار عاد انا تمللت من الجلسه مع الكبار وسوالف الحريم شفتي فلانه وعلانه قررت أصعد لغرفتي وما حسيت بنفسي غفيت
عبدالرحمن : يعني انا صحيتك
سمر : أيه سمعت أتصالك بس قررت أرد عليك بس اصلي العصر
عبدالرحمن (أبتسم) : ياحبي لك
سمر : هههههههههههههه ( انضرب بابها كانت الخدامه تقول أن امها تبيها ضروري) حمني أكلمك بعدين بس بشوف أمي وش تبي
عبدالرحمن : خلاص بس تخلصين اتصلي
سمر : من عيوني مع السلامه
عبدالرحمن : مع السلامه

أبتسم واهو يشوف جواله بس اختفت أبتسامته لما ألتفت وشاف اللي واقفه قدامه متلثمه وعليها عباتها

عبدالرحمن : مشاعل
مشاعل (متغطيه) : كيفك يا عبدالرحمن
عبدالرحمن : بخير
مشاعل : كنت تكلم سمر
عبدالرحمن (حط جواله في جيبه) : وش دخلك
مشاعل (شافته يبي يبتعد مسكت يده ) : بتكلم معك
عبدالرحمن (سحب يده بعصبيه) : كيف تلمسيني كذا
مشاعل (رفع حاجبها) : حلالي او بمعنى أصح بتكون حلالي
عبدالرحمن (بأستهزاء) : روحي داخل وأستحي على وجهك اعقلي مدري ليه طالعه مو عمتي داخل وامي والبنات وش جايبك هنا
مشاعل : شفتك قلت بجي اتفاهم معك
عبدالرحمن : انتي مو خايفه أحد يشوفنا هنا خلف البيت
مشاعل : وش يخوفني واقفه مع زوجي
عبدالرحمن (مسكها من زندها بقوه وبعصبيه) : متى راح تتركين هالهبل انتي الظاهر يبي لك مستشفى نفسي
مشاعل (أبتسمت بخبث) : والله مستشفى النفسي راح تدخله سمر بعد ما تعرف باللي يصير
عبدالرحمن (عقد حواجبه) : ما فهمت

مشاعل سحبت يدها منه رمت الشيله وعبدالرحمن مصدوم منها نزلت العبايه وانتبه لقميصها مشقوق (ممزق على اليد ) شافها تعفس (تخرب ) شعرها وبسرعه اهو من الصدمه ما حس فيها إلا لما مسحت الروج (الحمره) من فمها بطريقه فوضويه ومدت يدها مسحت بسرعه شفايفه ومسحت ثوبه من الروج والكحل اللي مسحته بطريقه فوضويه على وجها وبقعت ثوب عبدالرحمن كل هذا بثواني صار واهو مو عارف وش يصير الصدمه شلته وصحى من كل هذا لما سمع مشاعل تصيح

مشاعل (تبكي) : لااااااااااااااااااااااا
عبدالرحمن (أبتعد عنها بصدمه) : .................
مشاعل (تسحب بلوزتها وتقطع الزراير بقوه ) : حرااااااااام لا يا عبدالرحمن يباااااااااااااااه
عبدالرحمن (يهز راسه مو مستوعب) : ..............
مشاعل (تخرب شعرها اكثر ) : يا خاااااااااااااااااااالي ألحقني يمااااااااااااااااه لا لا لاااااااااا اتركني

عبدالرحمن انتبه لأبوه وأمه عمته واخوانه وعيال اخوانه وحتى ولد عمه جراح يقربون ولما شافوا مشاعل على حالتها وقفوا بصدمه

مشاعل (تركض لخالها وهي تبكي وترتمي بحضنه) : ألحقني يا خال ألحقني

جراح وعيسى وضاري وسيف صدوا عنهم لما شافوها مو متغطيه الخال نزل شماغه ولف فيه بنت اخته اللي تبكي في حضنه

الأب : وش صاير
مشاعل (تتمسك فيه وتبكي ) : شوف يا خالي ولدك وش سوى ضيعني انا ضعت
عبدالرحمن (يهز راسه مو مصدق يحس بفيلم مو حقيقه) : .........................
الأب (بعصبيه) : عبدالرحمن يا حيوااااااااااااان وش مسوي
عبدالرحمن : يبه كذب ما سويت شيء
مشاعل (تطالع لخالها وتأشر على عبدالرحمن وهي تبكي) : شوووووووف الدليل ملابسه شفايفه كنت بس ابي يتركني شووووووووووف
الاب : عبدالررررررررررررررررررحمن
عبدالرحمن (يطالع ثوبه ومسح شفايفه شاف بقايا روج على اصابعه رفع النظر لابوه) : لا يبه لا
مشاعل : آآآه وينك يا ابوي تعال شوف بنتك شوف اللي تجرأ عليها
الاب(بعصبيه) : يخسي من يتجرأ عليك قولي لي وش صار
مشاعل (تبكي وتشاهق ) : كنت بروح لصاحبتي بس اعترض طريقي قال أن يبي يتزوجني

الصدمه على وجه الكل وأولهم عبدالرحمن ....

عبدالرحمن : كذااااااااااااااااااااابه
مشاعل : لا ما اكذب اسأله يا خالي حلفه بالله مو كذا مره نلتقي مو كذا مره نطلع مع بعض مو كان بينا مشروع زواج
الأب (بعصبيه) : صدق يا عبدالرحمن
عبدالرحمن(ما قدر ينكر) : أيه بس
مشاعل (تقاطعه ما تبي تترك له فرصه ) : سمعت قال أيه بس انا لما شفته خطب قلت خلاص نبتعد عن بعض ما ابي اخون في صاحبتي حتى لو أهو خان (هزت راسها تكمل التمثيليه وهي تبكي ) بس اهو رفض أبتعدت عنه بس اهو قال لو اخذت سمر ابيك انتي يعني ابيك انا رفضت بس اهو اصر وشوف وش سوى آآآآه
أم مشاعل (تقرب وتضم بنتها وهي تبكي) : ليه يا عبدالرحمن تضيع بنت عمتك وش أقول لابوها حرام عليك
عبدالرحمن : تكذب يا عمه ما لمستها والله
أم مشاعل (تأشر لبنتها بعصبيه وهي تبكي) : شوف وش صاير فيها يعني بنتي غصب خلت شفايفك بلون الروج اكبر دليل وجهك وثوبك (ألتفت لاخوها) لنا الله يا اخوي لنا الله في بيتك وبنتي يصير فيها كذا ضاعت بنتي وحياتها ومستقبلها بكره من يأخذها بعد اللي صار
الأب (ألتفت لعيسى بعصبيه) : عـــــــــــــيـــــــــــــــســـــــــــــــى
عيسى (يقرب) : هلا
الاب : تروح تجيب المملك
سيف (يقرب) : يبه وش تقول
الأب (بعصبيه يطالع عبدالرحمن ) : راح نملك لعبدالرحمن على مشاعل

-------------------------------