منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

09-10-2011

أيـــــــــــــــــــــام تـــــــــــــــــمـــــــــــر

أيــــــــــــام تـــــــــمـــــــر

أيــــــام تـــمـــر

أيام تمر

يوم زفاف فرح و محمد ........

الكل يتجهز من الصبح رغم الهموم والدموع الكل يمثل الفرح وخصوصا عذاري اللي من يوم اللي صار وهي عاهدت نفسها ما تقول لأحد وش تقول زوجها يشك فيها ولا تقول فعلا هي غلطت بس هي نادمه على غلطتها والبنات سألوها وش فيها تقول متزاعله معه بس فتره فرح بس تبكي بالصالون خايفه والبنات يعلقون عليها كانت روعه بشكلها قمه الجمال بلبسها وثوبها
بعد ما خلصوا طلعوا للصاله ودخلوا غرفة العروس والمصوره تصورهم وتصور العروس انفتح الباب والتفتوا والكل صمت لما نزلت اللفه

وضحه (أبتسمت) : أشتقت لكم
البنات : وضــــــــــــــــحـــــــــــــــــــــــه
وضحه (قربت وسلمت عليهن) : وحشتوني
البنات : وانتي اكثر
خوله (تبتسم من خلفها) : لا تبكون لا يخرب المكياج والشغل
سمر : كنت تعرفين
خوله (أبتسمت) : ايه اليوم الصبح اتصلت علي وقالت لي تبي تسوي مفاجئه لكم وحجز لها صالون ثاني والثوب جهزته لها من نفس مشغل ليالي ولولو ساعدتني بس كانت تعتقد ان الفستان لصاحبتي
ليالي : صدق ضنيت أن صاحبتك تبي فستان كذا ما عرفت ان للوضحه بس حلو
مي : ما شاء الله روووعه
وضحه : وأنتي ما شاء الله أروع بشروني وش اخباركم

البنات يجلسن وخوله فضلت تتركهم

مي : أبدا انا رجعت لبيتي وحياتي
وضحه : للحين احم
مي : للحين
وضحه : ما قلتي لأخوك
مي : ههههههه إذا امي ساكته اخوي وش بيسوي بكلمه من امي تخليه يوافق غصب
وضحه : الله يعينك وانتي سمر
سمر (بحياء) : سمن على عسل الحمد لله
وضحه : الله يديمها بينكم
ليالي : أنا ههههههههههههه شر البليه ما يضحك الجديد اني تغديت عندهم في البيت بس صارت هوشه
وضحه (بصدمه) : كذب
ليالي : لا صدق وامه عصبت مني بس طنشتها ولا كأنها موجوده
وضحه : لازم تقولين لي وش صار
ليالي : ملقوفه يا حبك للهواش
وضحه : اكيد بين الورع وبينك فله
البنات : ههههههههههههههههههههههه
وضحه : الله يسخره لك (ألتفتت لعذاري) وأنتي شخبارك مع سليمان
عذاري (أبتسمت بألم) : الحمد لله شوي زعل بس يمر على خير
وضحه : افااا
عذاري : لا تهتمين المهم انتي وش هالزين
وضحه : أبشركم برجع للكليه وبتطلق من فهد بعد أنا كنت من الصبح موجوده وابوي شاف العم ابو خالد وكلموا فهد ما كان يدري في وجودي اللي يعرفه اني بالقريه الكل مكتم على الموضوع
فرح : وافق
وضحه : عرفت ان رفض بس جدي عطاه لبكره يا بكيفه يا غصب عن شكله
ليالي : احس شكلك ناويه على شيء
وضحه (بخبث) : صح ناويه اشوف فهد آخر مره قبل بكره يطلقني
البنات (بصدمه) : شنووووووووووووووووووو
وضحه (توقف) : أيه وعلى فكره بيشوفني كذا وأنا كاشخه كذا ومجهزه له مفاجئه روعه
مي : وش بعد
وضحه (تحرك ايديها) : برقص معه مثل ما اهو ترك ذكرى لي بترك له ذكري بيتذكرني كل شوي
فرح (تمسك فستانها وتقرب) : صدق
وضحه : صدق هههههههههههههه بتشوفون العجب اليوم وعلى فكره انا أتصلت على خالد وطلبت محد يدخل غير فهد وان ما يدخل وكلمت سلمى تحت قلت خليني انا اهتم في فرح تكفين لا تدخلين
فرح : حرام عليك أخوي ما راح يتحمل
وضحه (بخبث وهي تبتسم) : والله لأخليه يعاني ويشهق بأسمي
البنات : ههههههههههههههههههههههههههههههه

(( بعيشكم جو العرس ^_^))

ليالي

سمر

مي

عذاري

وضحه

فستان عروستنا فرح

....في الشارع....

عروسنا فرحانه بس عريسنا المسكين كان معصب

محمد (بعصبيه) : تبي تذبحني
ناصر (يبرر) : والله ما كنت اعرف ان ما في بانزين
محمد (ينزل من السياره) : معرس أتأخر عن الزفه كيف
ناصر(ينزل) : والله نسيت
محمد : اقول لك هذا الطريق مو طريق الصاله تقول إلا
ناصر (يطالع الجوال) : وهذا ما في شحن
محمد (يلمس جيبه) : وجوالي مع فيصل يوووووووووووووه
ناصر (يطالع يمين يسار) : اهدى أكيد في سياره بتمر (أنتبه لأضاءه) هذي سياره
محمد : هذا ددسن ( عربانه – وانيت) لا وباب واحد
ناصر : الجود من الماجود
محمد (بعصبيه) : صاااااااااااااااااحي وين اركب في البدي (الحوض) معرس ببشت (مشلح ) ياااااااااااااااه ودي اذبحك
ناصر : يا أخي
محمد : تبن فاهم (يقلده بأستهزاء) بوصل اخوي المعرس مالت عليك

وقفت السياره ونزل صاحب السياره

الرجال : يوووه وش فيكم
ناصر (يسلم) : والله خلص البانزين واحنا مستعجلين
الرجال (طالع محمد) : شكلك معرس
محمد(لوي فمه) : معرس ايه طل
الرجال : اوصلكم
ناصر : ياليت
محمد : وش ياليت وين نركب
الرجال : الحوض ولا إذا تبي انزل امي تركب ورى وأنت قدام
محمد (رفع حاجبه) : مو صاحي تنزل امك عشاني
الرجال : عشانك معرس
ناصر : عادي نزلها بس يوصل اخوي
محمد : وش تقول لا يالأخو بس عندك جوال
الرجال : لا والله ياخوي اسف
ناصر : محمد خلنا نروح
محمد : وين اركب البشت يتوصخ
ناصر : امسكه بس نوصل الناس تنتظرنا على الزفه
محمد : لاحول ولا قوة إلا بالله طيب بركب بالحوض
الرجال : أركب قدام أمي حرمه كبيره بس ضعيفه تعال
محمد : لا اركب ورى
الرجال : علي الطلاق تركب قدام لا تخليني انزل امي هنا
محمد (بعصبيه) : مهبووووووول انت
الرجال : اجل تعال معرس بالبشت تركب ورى مع خلفات الغنم (مسك يده ) تعال (فتح الباب) يماااااااااااااااااه
محمد (تخرع) : وش فيك تصيح
الرجال : امي طرشه يالله تسمع يمااااااااااااااااااااااه انزحي وراك
الام : هااااااه
الرجال : معنا معرس نبي نوصله للقصر
الأم : للبصر والله بصري عدل
الرجال : وش عدل انزحي لا ادفك
محمد (عقد حواجبه) : وش تدف خيشه هذي امك
الرجال : وش عليك عادي أمي امون عليها
الام : ليمون تبغا ليمون
الرجال : وش ليمون
محمد : ياربي ما تسوي علي
ناصر : ههههههههههههههههههههه خلصونا انت وامك الطرشا

محمد صعد بعد ما الام ابعدت وصعد الولد وناصر صعد في الحوض محمد كان يبتعد شوي عن الام مستحي من قربها وتحركوا متجهين للصاله

الأم : وين رايح
محمد : عرسي
الأم : كرسي
محمد (بصوت) : عرررررررررسي
الام : أها عرسك من المعرس
محمد(يتنهد) : يا ويل قلبي أقول عرسي تقول من المعرس
الرجال (بصراخ) : يماااااااااااااااه
الام (تضربه على كتفه) : قالوا لك صمخه وش تبغا
الرجال : أخذتي حبت السكر
الام : ما معي ماء
الرجال (يطالع محمد) : معليه بوقف عند البقاله بآخذ ماي لأمي
محمد : طيب

وقفوا عند بقاله نزل الولد يجيب ماء ومحمد حس بالحرمه تطالعه

محمد (بلع ريقه) : في شيء يا خاله
الحرمه : صدق ان اليوم عرسك
محمد : أيه
الحرمه : وعروسك تقرب لك
محمد : ايه بنت عمي
الحرمه : وليه اخذت من قرايبك يقولون القرايب عقارب
محمد (غصب نفسه يبتسم) : لا هذي مو عقرب
الحرمه : طيب وش رأيك فيني
محمد (حس تقرب لها) : وش
الحرمه : انا أرمله صدق كبيره بس للحين حلوه (مسكت غطاها) تبي تشوف
محمد (خاف منها) : وش أشوف
الحرمه : شوفه شرعيه شفني واخطبني وخله عرسين في عرس يعني عشان التكاليف وراضيه والللللللللله راضيه تنام اليوم عندها بس من بكره تعدل بينا
محمد(نزل من السياره وأبتعد) : ................
ناصر (نزل من الحوض) : وش فيك
محمد : مهي صاحيه تبيني اخطبها (شافها تنزل وهي منحنيه لتحت) عجوز مخرفه
ناصر : محمد
الحرمه : وش فيك ترى ماني طالبه شيء عادي لو ريال أنا ابي رجال ما يهمني الفلوس
ناصر : هههههههههههههههههه ما يهمها شيء
محمد (يضربه بعصبيه على كتفه) : تضحك
ناصر : والله نكته ههههههههههههه
الرجال (طلع معاه ماء) : يمه وش نزلك
الحرمه (تبكي وهي تلطم وجها) : يا ويلك يا وليدي شرفك يا ولدي راح
محمد (فتح عيونه) : .........................
ناصر (طالع بصدمه لاخوه) : محمد وش سويت
الرجال (بعصبيه رمى الماء وقرب) : وش سوى لك
الحرمه : قال كلام ما ينقال أمك يا وليدي راحت فيها
محمد(أبتعد متخوف وهي تقرب له) : تكذب تكذب ما قربت لها والله
الحرمه : خله يملك علي يستر على اللي صار أمك يا عدنان ضاعت يا صدمت ابوك المرحوم فيني
الرجال(بعصبيه) : لااااااااااا إلا أبووووووووي ان انصدم مات تجيه جلطه
الحرمه (تضربه بكتفه بعصبيه) : وش جلطه بسم الله عليها
ناصر (يطالع لهم ) : مو تقولون ميت وش جلطه
الرجال والحرمه : كيفنا
ناصر (طالع لهم وبعدين طالع لمحمد) : مو صاحين
محمد (بعصبيه ) : وش صاااااااااااااااااااار لا انتي مجنونه (طالع للولد) اعرض امك على دكتور نفسي مجنونه
الرجال : أمي مجنونه أمسك لسانك لا اذبحك
الحرمه : لا ماني مجنونه اهو يقول كذا عشان مايصلح غلطته
محمد (بصدمه ) : وش مجنوووووووووووووووووووونه وش هالبلوه
ناصر (يقرب لمحمد) : وش مسوي فيها
محمد (بعصبيه) : أنت مهبول مصدق هالمهبل
الحرمه (تأشر على ولدها) : جعل ولدي لو اكذب يموت
الرجال : يا جعلك يا عجوز النار للموت تدعين علي وبعدي ما اعرس تهبين
الحرمه : وش له تعرس وأمك أرمله خله يتزوجني ولا نشكي عليه بالشرطه إيه ونرفع قضيه ويملك علي
محمد (بعصبيه يقرب وناصر وقف قدامه) : وش تبي أبعد انا اليوم برتكب جنايه
ناصر : يا محمد أهدى انت معرس
محمد : معرس وانا من شفتك تحلف توصلني وأنا كرهت اليوم كله
ناصر : وش دخلني
محمد : مو شورتك نروح من هذاك الطريق المقطوع
ناصر : كنت اظن ان اسرع شفتك مستعجل على العروس
محمد (يدف محمد بعصبيه) : وش اسرع طريق حط في طريقنا مهبل (رفع راسه ورفع ايديه للسماء) ياربي وش غلطته فيه أمي وراضيه عني وأبوي راضي وش غلطت
الحرمه : هههههههههههههههههههههههههههه غلطتك ان أنضحك عليك يا معرس
محمد(مو مستوعب) : وش
الحرمه (كشفت الغطاء ) : مبروك يا محمد هههههههههههههههههه
محمد (بصدمه ) : ساااااااااااااااااااااااااااااااااااااااااااااااال م
الكل : هههههههههههههههههههههههههههههههههه
محمد (حس أحد وراه ألتفت) : فيصل خالد
فيصل : هههههههههههههههههههه تعيش وتأكل غيرها
محمد : وانت بعد
ناصر : الكل مشارك وعلى فكره كل اللي صار صورناه
محمد (أنتبه للمصور) : لااااااااااااااااااااااااااااااااااا
خالد : الشريط تشوفه اختي بفضحك هههههههههههههههههههه
محمد (يقرب لهم) : لا جيب الشريط لا اذبحك
فيصل : تحلم
محمد (بعصبيه) : انتوا انذاااااااااااااااال جيبوا الشريط لا أكسر الكاميرا
المصور : والله مش مشكلتي هم قالوا لي
سالم (غمز لناصر) : محمد
محمد (ألتفت له بعصبيه) : وش تبي
سالم (يأشر على جنب) : هناااااااااااااااااااااك
محمد (يلتفت ويطالع) : ما في شيء
سالم : طالع بتشوف

ناصر أتجه للمصور وأخذ الشريط بدون لا محمد يعرف رجع للعربانه ( الددسن – الوانيت) ركب مكان السايق ضرب هرن وركب سالم اللي سكر السياره

سالم (يطالع لمحمد اللي مو فاهم السالفه ورفع له الشريط وأهو يبتسم) : باي باي يا معرسنا أموااااااااااااااااااه
محمد (انتبه للشريط) : سااااااااااااااااااااااالم
سالم (يطالع ناصر) : حررررررررررررررررررررررررك

الكل يضحك على محمد إلا محمد اللي معصب وماسك بشته ويضرب الأرض بعصبيه

محمد (ألتفت لهم بعصبيه) : أنذااااااااااااااااااااااااااااااااااااااااااااااا اااااااااااااااااااااااااااال

نعود للعرس زفت العروس فهد اللي كان يفكر في مقلب محمد تمنى يكون معهم بس هو وعد فرح يزفها البنات كلهم عند الكوشه متغطيات خفت الأضاءه وشغلوا زفت العروس وفهد كان ماسك يد فرح اليمين واهو يمشي أمه معها وعمته خوله قرب من الستيج صعدت فرح ووقفت على الستيج فهد استغرب من وقفتها وطالع لها

فهد : وش فيك
فرح (أبتسمت وهي تطالعه) : فهد طالع الغزال اللي قدامك
فهد(طالع قدام) : وش فيه كله سواد
فرح : انتبه
فهد (انتبه لوحده ترمي عباتها ولفتها أنصدم لما انتبه لملامحها) : وضحه
فرح : أيه
فهد ( يفتح عيونه ويسكرها وهو يبلع ريقه ويشوفها بهيبه وجمال) : وضحه

وضحه نزلت عباتها ولفتها ومشت على الستيج بكل شموخ رافعه راسها ونظرها لشخص محدد منتبهه لملامح وجهه حست بصدمته وان آخر من يشوفها هي أبتسمت بخبث وهي توقف جنب فرحه من ناحيه اليسار

وضحه (تطالع قدام متجاهله فهد) : نزفها
فهد (بلع ريقه بهمس) : نزفها

شيخة الزينات واجمل من خلق رب الوجود .. يللا يا ورد الجناين رحب باحلى الورود

اقبلت ربي يحرسها من نظر عين الحسود .. اقبلت احلى البنات واصدق واوفى العهود

شرفت اجمل عروس وبالدلال تمخطرت .. كنها عالغيم تمشي والدلع يزهى بها

من حلاها كل عين في محاسنها سرت .. ومن حياها تخطف قلوب الملا ولبابها

عذبة مثل المزون اللي بالاحساس امطرت .. هادية مثل النسيم اللي هدى باسبابها

فرح تمشي بهدوء على الزفه وتحس برجفة فهد اللي ماسك يدها ونظراته يلتفت لها بس النظر موجه لوضحه مو لها ووضحه اللي ولا التفتت تطالع قدام وتعدل فستان فرح من قدام تعرف ان فهد يطالع لها تعرف ان مصدوم ويتأمل شكلها جسمها هيأتها وهي تبتسم بغرور بفخر أن جمالها سيطر على كل خلايا فهد قدرت تكسره ايه حاسه بضعفه قدام وجودها وكانت المصوره تصورهم بكل حركه و مصورة الفيديو معاهم قربوا من الكوشه أبتعدوا البنات وفهد ووضحه ساعدوا فرح تجلس فهد باس جبين فرح وأبتعد بس حس بيد تمسكه

فهد (ألتفت وانصدم) : وضحه
وضحه (رسمت أبتسامه ) : أفاا تطلع قبل تودعني
فهد : وش
وضحه (رفعت يدها للطقاقه) : اهداء لك
فهد (التفت للطقاقه) : .................
وضحه (أشرت لرغد اللي قربت ومعها سيف مذهب ) : السيف لك
فهد (طالع للسيف الممدود) : وش تسوين
وضحه (قربت وهمست له) : تركت لي ذكرى بيوم وبترك لك ذكرى
فهد (غمض عيونه ارتكب من قربها من عطرها من همسها الرقيق) : وضحه
وضحه : اششش استمتع في الذكرى الناس كلها تطالع

الطقاقه : هذي اهداء من وضحه بنت محمد لزوجها فهد بن إبراهيم وتقول انها أغنيه خاصه (ألتفتت للبنات) وتقول

ما قد جرحني من يقول بدويـة
أصلي تعلى فوق وأرفع به الراس....

ما عيروني بالعلوم الرديه
ولا مشيت بدرب تمشيه الاجناس...

( الفرقه ترد على الطقاقه ) ما قد جرحني من يقول بدويـة أصلي تعلى فوق وأرفع به الراس

ما ضيع أصلي بالحضارة القوية
ولا انبهرت بزحمة المدن والناس...

ان عشت بالصحرا لقمرها حليه
واعكس وهج ضوء تعلى من الاشماس...

( الفرقه ترد على الطقاقه ) ما قد جرحني من يقول بدويـة أصلي تعلى فوق وأرفع به الراس

وان جيت بين المدن وردة ندية
ما يقتطفها غير شهم من الناس...

أغلى من الالماس ماني هدية
يا كبر حضن حاشني مالي اجناس...

( الفرقه ترد على الطقاقه ) ما قد جرحني من يقول بدويـة أصلي تعلى فوق وأرفع به الراس

ومن ضيع اصله ضيعته البقيه
وللهد قصر ما يشيد على ساس...

حنا اهل الصحرا نسوق المنيه
درب الخطر منا عليه القدم داس...

( الفرقه ترد على الطقاقه ) ما قد جرحني من يقول بدويـة أصلي تعلى فوق وأرفع به الراس

اهل الشجاعة والوفا والحمية
وافعالنا يشهد بها كا مجـلاس..

( الفرقه ترد على الطقاقه ) ما قد جرحني من يقول بدويـة أصلي تعلى فوق وأرفع به الراس

الوضحه كانت ترقص مع فهد في الصاله لوحدهم الكل يطالع منبهر في جمالها وفهد اللي مشهود له بالجمال والرزه كان هيبه برقصته بالسيف يحرك السيف ببراعه و رزته الطاغيه بسكسوكه محدده وناسف الشماغ ببراعه وخاتمه الفضه ويحرك السيف يرفعه وينزله ووضحه تترقص وهي تطالع له

فهد : وش تبين
الوضحه (تتحرك معه وتشوفه يلاعب السيف ببراعه) : ذكرى
فهد (يرفع السيف ) : ذكرى ليه
الوضحه : بكره نهاية حياتنا
فهد (تعمد يقرب ويحط يده حول خصرها والثانيه تحرك السيف) : من قال
الوضحه (تحاول تبعده بس ما تبي تلفت النظر) : لا تتجرأ
فهد (رفع حاجبه وبخبث) : نرقص عادي
الوضحه : طلاقنا
فهد (يبتعد وحط السيف على كتوفه خلف رقبته ويتحرك) : على كيفك
الوضحه (تحرك شعرها الطويل) : غصب عليك ووصلني علم جدي لك
فهد (وقف لما خلصت الأغنيه ومسك يدها قبل تبعد) : جدي ماله كلام علي وطلاق مو مطلق

قرب منها وباس خدها ويدها قدام الكل وصدمه كانت لها اكثر من الناس وضحه ما قدرت تتحرك تركها فهد بعد ما اعطاها السيف واتجه للطقاقه

فهد : يعطيك العافيه
الطقاقه : الله يعافيك
فهد : أبي منك طلب (طلع البوك) وهذي 2000 ريال
الطقاقه(تآخذ الفلوس) : آمر
فهد : أبي اغنيه تقولين أهداء لزوجتي حبيبتي الوضحه لو عندي وقت رقصت معها
الطقاقه : وش
فهد (يطالع الوضحه الواقفه بصدمه وأبتسم بخبث) : والله لو على رقبتي
الطقاقه (تبتسم) : تآمر ( أخذت المايك وفهد طلع من الصاله) هذي أغنيه اهداء من فهد لزوجته الحبيبه وضحه ويقول لك لو عندي وقت رقصت معك ونقول

والله لوعلى رقبتي غيري ما تركته لك
...عاد كله إلا انتي وقولي ذا الحكي لأهلك
أهد الدنيا وأبنيها أخلي عاليها واطيها
...أنا مجنون أسويها وانتي كبري عقلك

( الفرقه ترد على الطقاقه ) والله لوعلى رقبتي غيري ما تركته لك عاد كله إلا انتي وقولي ذا الحكي لأهلك

ما امزح انا جدي كلام وغيره ماعندي
..."شوفي "فكري "ردي على اقل من مهلك
بلاش المسأله تكبر كفايه عمري اللي مر
...ياليتك تكسرين الشر أنا بموت من اجلك

( الفرقه ترد على الطقاقه ) والله لوعلى رقبتي غيري ما تركته لك عاد كله إلا انتي وقولي ذا الحكي لأهلك

ومين اللي ياخذك مني وانا اللي من صغر سني
...اسولف فيك واغني ولا ذقت الهنا قبلك
معاك لاخر الدنيا معاك من " الألف " للياء "
...تمون وترخص الاشياء وانا غير الوفا من لي

( الفرقه ترد على الطقاقه ) والله لوعلى رقبتي غيري ما تركته لك عاد كله إلا انتي وقولي ذا الحكي لأهلك

وضحه هالمره ما رقصت طالعت للبنات وسمر غمزت لليالي ودخلن يرقصون ووضحه تطالع لهم اخذت ليالي السيف منها وقامت ترقص حولها ابتسمت الوضحه لها وسمر مسكت يدها

سمر : أرقصي الناس تطالع لك
وضحه : سمر
ليالي : أرقصي
وضحه (ترقص) : غلبني
مي (تقرب وهي ترقص ) : محد يقدر يغلبك كسب جوله بس
وضحه (أبتسمت) : جوله صح وبكره انا اكسب الحرب
البنات (وهن يرقصون) : ههههههههههههههههههههههههههههههه
عذاري (تقرب وترقص معهم) : سكرانات
الكل : ههههههههههههههههههههههههههههههههههههههههه
وضحه (ترقص بالسيف بعد ما أخذته من ليالي) : البلا اللي يسمع هالأغنيه بيقول يموت فيني
مي : بلاهم ما يدرون
سمر : أحس فرح ميته تبي تعرف وش نقول وتبي ترقص معنا
ليالي : خليها مره تثقل
عذاري : مو كيفها غصب الثوب شال حركتها ولا تشوفينها معنا تدبك
البنات : هههههههههههههههههههههههه

ميثه جالسه مع جدتها وخوله ومنى ..

منى : يعني ما راح تحضر
خوله : لا أختها شوي تعبانه
منى : كنت ابي اشوفها من زمان عنها
خوله : الله يحفظها (مسكت راسها) أممممم
الجده : وش فيك
خوله : مدري يا جده أحس بصداع وكبدي توجعني
ميثه : أكلتي شيء
خوله : شربت عصير مو مشتهيه شيء
منى : وش فيك وجهك مع انك حاطه مكياج بس واضح التعب
خوله : والله مدري لا آكل مثل الناس ولا انام وبالليل كله كوابيس أخاف انام اشوفها
الجده : تقرين أذكار
خوله : أيه بس أتضايق
الجده : من شنو
خوله (انتبهت لام وليد تأشر لها) : من كل شيء (توقف) أسمحوا لي الظاهر بيزفون محمد
منى (تطالع لها) : حالها ما يطمن
ميثه : سمعت أن في زعل بينها وبين ضاري رافضه تقابله وإذا شافته تعصب وتبكي
منى : لا حول ولا قوة إلا بالله خوله حساسه الظاهر مزعلها
ميثه : عاد ضاري يموت فيها كيف يزعلها
منى : تصير (حطت يدها على بطنها) أأووه
ميثه : وش فيك
منى (تبتسم) : بس بطني يوجعني شوي
ميثه : بأي شهر
منى : الثالث بس الأيام تمر قريب بدخل الرابع سبحان الله
ميثه : الله يقومك بالسلامه
منى : امين ويرزقك يارب
ميثه (تغمز لها) : الظاهر
منى (فتحت عيونها) : حامل
ميثه : باقي اتأكد شاكه
منى : بس ما صار لك شهرين او شهر ونص مسقطه مو ضرر
ميثه : لا بأذن الله مو كثير حريم يحملون بس يطلعون الأربعين ما يضر بأذن الله
منى : الله يتمم لك بس بشريني
ميثه : بأذن الله شكله بيدخلون المعرس
منى : شكله بس شفتي وضحه وفهد
ميثه : يهبلون بس خساره بكره بيطلقون
الجده : من يطلق
ميثه : وضحه وفهد
الجده : واهم متى اعرسوا
ميثه : ما عرسوا
الجده : ليه ما يعرفون أن حرام
منى (تطالع ميثه وتغمز لها) : بنقول لهم
الجده : أيه قولوا لهم
ميثه (بهمس) : جدي سالم يقول ان جد وضحه حالف بكره يطلقها لو اجبره بالقوه
منى : فهد ما ينجبر
ميثه : هالمره لا فهد تجرأ على الوضحه وجدها يعتبر هذي اهانه كيف يضربها
منى : يعني لا يمكن تنصلح الأحوال
ميثه : بصراحه شكله لا
منى : بتكمل يعني ولا ترجع مع اهلها
ميثه : لا بتكمل بس ما تسكن في بيت عمي إبراهيم
منى : في بيت عمي ابو وليد يعني
ميثه : لا وضع الوضحه صعب مطلقه وفي بيت عمي أبو وليد في محمد وناصر وفي وليد يجي من فتره لفتره ما راح تأخذ راحتها وخصوصا بعد الطلاق
منى : طيب وش صار
ميثه : اللي فهمت أن كانوا يبون يستأجرون بس خوالي رفضوا وخصوصا جدي سالم
منى : من تقصدين يستأجر
ميثه : الوضحه وجدها وجدتها اللي انتقلوا هنا عشان يجلسون معها لين تخلص السنه هذي وبعدها يقررون
منى : عشان الوضحه يجون هنا مو يكره المدن
ميثه : ما تعرفين الوضحه غاليه عند جدها كيف هي نور عيونه
منى (تبتسم) : الله يطول بعمره
ميثه : أمين
منى : طيب وين بيسكنون
ميثه : في بيت عمي أبو وليد في ملحق خلفي غرفتين ومطبخ وحمام وفي صاله صغيره كثير بس تكفيهم
منى : ووافقوا
ميثه : عشان الوضحه لو بعشه يسكنون
منى : تستاهل الوضحه بس فهد ما عرف قيمتها
ميثه : شكله عرف بس بالوقت الضايع
منى : المعرس بيدخل
ميثه(توقف) : بروح عشان ابارك لهم
منى : باركي لهم عني والله مو قادره اقوم
ميثه : بتطلعين
منى : بس يطلعون رجلي توجعني من الحمل
ميثه : خلاص على راحتك
منى ( في نفسها) : آآح رجلي توجعني ومشاري يزن علي لا تروحين ومدري كيف وش ما اروح الكل مجتمع وما تبي احضر عرس لو أقول له عن رجلي بيقول قلت لك ما سمعتي (طلعت جوالها تتصل) ألو هلا مشمش .. شوي ههههههههه .. طيب 10 دقائق يطلعون العرسان اطلع ........ شنو اطلع قدامهم عيب الكل بيدخل ........ أفففف طيب خلاص بطلع ... مع السلامه

سكرت الجوال وألتفتت حولها شافت سمر أشرت لها سمر مسكت فستانها واتجهت لها

سمر : هلا
منى : سمر تكفين اصعدي وجيبي عباتي وشنطتي برجع البيت
سمر : فيك شيء
منى : رجلي شوي توجعني تعرفين وقفت كثير والحمل
سمر : طيب طلال اليوم بآخذه ادري فيك ما راح تتحملين دلعه وانتي تعبانه
منى : فديتك كنت بقول لك
سمر (تبتسم ) : من عيوني
منى : تسلم عيونك
سمر : دقائق بجيب عباتك واجي
منى : لا تتأخرين مشاري برا بطلع قبل يدخل المعرس
سمر : حاضر

أتجهت سمر لغرفه وأخذت عبايه منى وشنطتها ونزلت عطتها منى وسندتها لين الباب وطلعت منى شافت مشاري موقف سياره قدام باب الصاله

منى (تستند) : السلام عليكم
مشاري : وعليكم السلام (ساعدها تدخل السياره ودخل) تعبتي
منى : .........................
مشاري : آآآخ منك عنيده شوفي عاندتي وجيتي العرس وانا عارف رجلك بتوجعك بس ما تسمعين
منى : يعني كل مره عندنا عرس اوسع صدري كله في البيت ما اتحرك
مشاري (حسها تنرفزت) : خلاص أسف
منى (صدت عنه) : مو مهم
مشاري : بس نوصل البيت بدهنها لك وتخف بأذن الله بس ما فيه حراك وعرس سلطان تنسينه
منى (صدت له بصدمه) : شنوووووووووووووووووووووووو
مشاري : هههههههههههههههههههههه امزح يمه تخوفين
منى(صرت على ضروسها) : كنت بذبحك
مشاري : كل هذا الحب لسلطان
منى : أحب سلطان وكل اخواني ما في بينهم فرق
مشاري : وأنا
منى (تبتسم وهي تمسك يده) : انت الحب كله
مشاري (باس يدها) : ويلوموني فيك
منى : احم محد مثلي
مشاري : أحلى يالثقه
منى (بغرور) : يحق لي من شهد لي مشمش حبيبي
مشاري : مشمش ذاب منك
منى : هههههههههههههههههههههههههههههههههه
مشاري : منااااي خليني اعرف اسوق لا اجيب العيد
منى : خلاص بسكت هههههههههههههه
مشاري : ما ينفع معك هاها تعاندين
منى (حطت يدها على فمها) : خلاص توبه

نعود للزواج ..

فرح ترجف وهي تشوفه يدخل مع ابوها واخوانها وعمامها وجدها سالم وجدها خليفه وحتى خالها محمد تحس بيغمى عليها وهي تشوفهم وماسكه يد امها

الام : وش فيك
فرح(بعيون دامعه) : يمه خايفه
الأم (توقف فرح) : أقرى أيات وش فيك خايفه هذا محمد اللي ياما تمنيتي يجمعكم الله
فرح : ايه بس لما صار حقيقه خفت ببكي
الأم : لا تخافين ولا تبكين يخرب مكياجك
فرح : يمه
الأم : اشش وصلوا

كلووووووولوووووووووش

وصل محمد وما صدق يشوفها جمال وحلاوه ابتسم وقرب وباس جبينها ومسك يدها قربوا وسلموا والكل يبارك ويهني صوروا معهم وطلعوا محمد ما جلس 5 دقائق طلب يطلعون والام حاولت فيه بس رفض يبي يطلع بس انحرجت وقالت اجلس شوي رفض قال يا تطلعوني يا اشيلها واطلع فرح فتحت عيونها وتطالع له بس محمد نفذ اللي يبي وطلعوا الام خافت يسويها محمد حلف ان ناصر ما يوصلهم خاف ان في مقلب ثاني وطلب اخوه وليد يوصلهم مع خالد أخو فرح وصلوا شقتهم في بيت ابوه ما حب الفنادق دخلوا وساعدها تدخل عشان فستانها جلست على الكنبه وبلعت ريقها لما شافته يجلس جنبها

محمد : مبروك يا فرح
فرح : الله يبارك فيك
محمد : ما أصدق صرنا لوحدنا
فرح (حسته قرب) : محمد أنا
محمد (أبتسم بخبث) : انت لا انا أيه تعرفين أني انتظر هذي الليله من زمان من يوم طحتي من البيت تذكرين وش قلت لك
فرح (بلعت ريقها) : مدري
محمد (يقرب ويفك الطرحه وببرود أبتسم) : قلت بس أشوفك ما تشوفين خير هين
فرح (هزت راسها) : والله
محمد (يحط اصبعه على شفايفها) : أصصص
فرح (هزت راسها ايه) : ...............
محمد (يكمل واهو يفك الطرحه) : وبعدين قلت لك لا تدلعيني لاني واحد ما اتحمل الدلع وعاندتي وقلتي حمو مو مو مودي وبصراحه من هذاك اليوم شايلها بقلبي
فرح (مسكت فستانها وأبتعدت عنه) : بس انا ما قصدت (دمعت عيونها) والله
محمد (حط الشماغ والعقال على الكرسي والبشت) : حتى انا ما اقصد شيء
فرح (شافته يوقف ويقرب اتجهة للغرفه) : محمد
محمد : هههههههههههههههههههههههه ما في مفتاح
فرح (أبتعدت لين صارت وسط الغرفه ) : طيب نتفاهم
محمد (طلع من الدرج اللي جنب الباب المفتاح وقفل الباب وأبتسم) : هلا وغلا بشوقي اللي عذبني من سنتين
فرح : محمد
محمد : لبيه يا من تنادي
فرح : أنـ..
محمد (مد يده وطفى النور) : قلت لك أنت لا انا أيه هههههههههههههههههههههههههه
فرح (تشوفه يقرب لها ) : مــــــــــــــــــــــحــــــــــــــــــــمـــــ ـــــــــــــــــــــد
............................