منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

09-10-2011

في بيت فهد ........

الأم تشوف الخدامه تنزل اغراض سلمى اللي تمشى نازله من السلم وهي تعدل شعرها اليوم راحت للصالون عدلت شعرها بعد ما صبغته وسوت مكياج خفيف كانها عروس جديده

الام : خلاص بتروحين
سلمى : أيه إبراهيم ينتظرني برا والخدامه نزلت الاغراض للسياره
الأم : الله يوفقك
سلمى (تقرب وتبوس راس امها) : الله لا يحرمني منك
الأم (تمشي معها متجهه للباب) : عيالك وش صار عليهم
سلمى : قررنا ثاني يوم من عرس فرح ومحمد نروح نطلعهم من المستشفى
الأم : طيب والخدامات
سلمى : بكره يوصلون 2 وانا بيكفي بنقدر بأذن الله
الأم : لو أحتجتي شيء اتصلي علي
سلمى : بأذن الله يالله بطلع تاخرت
الأم : روحي الله يوفقك يا بنتي
سلمى : تسلمين

طلعت بعد ما ودعت الام شافت إبراهيم واقف يعدل شماغه قربت منه وهي تبتسم

سلمى : السلام عليكم
إبراهيم (أبتسم) : وعليكم السلام يا هلا وغلا يا أرض احفضي ما عليك
سلمى (تبتسم) : تسلم
إبراهيم : نمشي
سلمى : أيه
إبراهيم (يركب السياره هو وسلمى) : نورتي السياره
سلمى : منور فيك
إبراهيم : وين تحبين نروح
سلمى : اللي يريحك
إبراهيم : بنروح نتمشى ونتعشى برا وبعدها نشوف نروح فندق (غمز لها) نقضي يومنا ولا البيت
سلمى (أبتسمت بحياء) : كيفك وين ما تبي انا معك
إبراهيم : أوووه يا قلبي ما صدقت مو 40 يوم دهر
سلمى : مرت وخلاص ههههههههههه طيب وش رأيك نمر البيت نحط الشناط ونطلع
إبراهيم : على راحتك بس ما نتأخر 10 دقائق يالله
سلمى : يالله

اتجهوا للبيت ولما وصلوا اصرت تنزل تسلم على خالتها وعهد رغم أن إبراهيم قال يتصل يخلي الخدامات يجن وياخذن الشناط ويمشون بس هي قالت مو حلوه نزلت هي معاه ودخلوا

إبراهيم : يا ولد
الام (توقف) : يا هلا والله حياك
عهد (تتغطى بالجلال) : ..........
سلمى (تدخل وتنزل نقابها) : السلام عليكم
الام (بفرح) : سلمى يااااا هلاااا والله حياك
سلمى (تقرب وهي تبتسم) : يحييك يا خاله (التفت على عهد وسلمت) كيفك
عهد : بخير كيفك أنتي يا ام فهد
سلمى : الحمد لله بخير
إبراهيم : لاتا لاتا
لاتا ( الخدامه) : يس
إبراهيم : في سياره شنطه مدام سلمى طلعي فوق
لاتا : حازر
الام : اجلسوا
إبراهيم : لا يمه اسمحي لي بنطلع بس سلمى قالت تبي تسلم عليك أول
الام (تبتسم) : الله يسلمك ويسلمها
إبراهيم (مسك يد سلمى) : خلاص سلام وسلمنا خلونا نطلع يالله
سلمى(تبتسم) : ما جلسنا
إبراهيم (غمز لها ) : بتجلسين بس خلينا نطلع
سلمى : خالتي توصين على شيء
الام : سلامتكم وانتبهوا لبعض ( سمعوا صوت فيصل) تعال يا ولدي ما فيه احد
فيصل (يدخل) : السلام عليكم
الكل : وعليكم السلام
سلمى (تعدل نقابها وتغطي عيونها) : كيفك فيصل
فيصل : هلا ام فهد كيفك
سلمى : بخير وأنت
فيصل : بخير (ألتفت لإبراهيم وبخبث) اشوف الوجه منور اثر الحب هنا
إبراهيم : ايه وش عليك حبك قدام عيونك 24 ساعه مو أنا محروم 40 يوم
فيصل (ألتفت لعهد اللي نزلت عيونها بأرتباك ضحك) : هههههههه تحسدني
إبراهيم : يالله مع السلامه
الكل : مع السلامه
فيصل : وين
إبراهيم : يووووه يالعواذل بروح أتعشى برا وعلى فكره ماني راجع اليوم بحجز فندق احس اني عريس (حس بشد يد سلمى عليه دليل احراجها) هههههههههههههه أقول خل اطلع قبل اجيب العيد
فيصل : شكلك ههههههههههههههههههههه
إبراهيم : روح زين يالله حبيبتي
فيصل (يجلس بعد ما طلع إبراهيم) : يا حليله
الام (تطالع له وتطالع لعهد اللي نزلت الجلال) : صح يا حليله مو مثل بعض الناس اللي ما يدري عن اهله شيء
فيصل (يصب له قهوه واهو فاهم امه) : أهلي مالهم شر بخير وش حلوهم
عهد(تآخذ فنجان قهوه وهي متجاهله فيصل) : خاله تبين متى نروح
الأم : بعد صلاة المغرب
فيصل ( يآكل تمر) : وين بتروحون
عهد : ...............
الأم : مشوار
فيصل : طيب مشوار وين
الام (توقف) : أسأل زوجتك لو تحب
عهد ( توقف) : خلاص بصعد لغرفتي واتجهز على ما تصلين
فيصل (رفع حاجه) : عهد
الأم (طالعت لهم وحبت تتركهم) : ..................
عهد (واقفه) : هلا
فيصل (يوقف) : كأني رجل كرسي موجود
عهد(أبتسمت على طرف وهي تطالع له) : محشوم
فيصل : اجل تطلعين وتدخلين كذا
عهد : ههههههههههههههه لا كذاك
فيصل : ما قلت شيء يضحك
عهد : امممم ما تلاحظ أنك تسولف معاي
فيصل : وش الغريب
عهد : سلامتك (تطالع ساعتها) معليه بروح اغير عشان الحق اطلع
فيصل (مسك يدها وبعصبيه) : انتي وش ما تحسين
عهد (تحاول تسحب يدها) : وش فيك انت مو انت اللي اخترت هذا الطريق مو انت اللي قلت مالك دخل مو أنت قلت اذا تبين شيء قولي لامي وابوي وش تبي فيني
فيصل : أشوف أن لا هجر ولا قرب يرضيك وش يرضيك
عهد : ولا شيء دام أخترت وش تبي
فيصل (مسكها من ايديها وبعصبيه) : عهد بس كفايه تعبت منك
عهد : وانا ما تعبت تظن ما احس زوجي قدامي ولا اقدر اكلمه حتى السلام على حسب نفسيته (بعصبيه) تبي احب ارجولك واقول سامحني ولا اقول اغفر لي صرت آخذ اللي ابي من ابوك ولا اطلب امك ولا اختك تجي تعطيني تقول هذي من فيصل قال اوصلها لك (سحبت يدها وابتعدت) حتى ما تقدر تشوفني ليه خايف ولا شنو ما تقدر خلاص كرهتني
فيصل(أشر لها بعصبيه) : انتي السبب تصرفاتك هي السبب معقوله ما تقدرين تنسين الماضي
عهد : مو كيفي افهم
فيصل : لا ما افهم
عهد (طالعت له من فوق لتحت) : مشكلتك بس بجي الوقت تفهم

أخذت جلالها وصعدت وهي تبكي شافت ام إبراهيم وصدت وطلعت لغرفتها

الام : فيصل
فيصل (يجلس بدون نفس) : يمه الله يخليك لا تناقشين في عهد
الأم (بعصبيه) : انت منت صاحي ليه تسوي كذا فيها
فيصل : من فعايلها صايره سلبيه تقهر
الأم : سلبيه
فيصل : حتى مو مهتمه لي ولا لوجودي ولا لفيصل
الأم (تجلس) : وش ما تهتم لك لو ما تهتم كان ما رجعت تتعالج
فيصل (انصدم) : شنو
الام : ايه وكان الامر بيني وبينها وبين منى وسهام الدكتوره سهام تعرفها
فيصل : تتعالج
الام : أيه
فيصل : من طلب
الام : محد هي بنفسها جتني وطلبت مني انا ومنى انها تتعالج تقول تبي تشفى بس عشانك تبي تعيش معك حياه مستقره وأنت تبي تهدم كل شيء بعصبيتك ليه
فيصل : يمه صدق ولا تضحكين
الام : كبرك اضحك والله صدق ولان منى ما تقدر تروح بسبب الحمل انا اروح معها (توقف) خل اروح اشوفها
فيصل (يمسك يد امه) : لا انا بروح لها
الام : يا يمه ترى نفسيتها نصف العلاج راعيها عشان ربك يراعيك وتفك عقدتها
فيصل (أبتسم) : حاضر

صعد فيصل وشاف باب الغرفه مردود دخل وشافها متمدده على السرير وظهرها للباب وانتبه لجسمها عرف انها تبكي تنهد وقرب منها جلس على طرف السرير

عهد (حست في وجوده من عطره) : فيصل
فيصل (أستغرب) : كيف عرفتي ان مو امي
عهد : عطرك
فيصل (أبتسم) : يعني تحسين فيني وبوجودي
عهد : ...............
فيصل (مسح على ظهرها وحس برجفتها) : أحبك
عهد (أبتسمت رغم دموعها رغم خوفها من قربه) : .....................
فيصل : أسف
عهد : كل اللي ابيه تصبر يا فيصل
فيصل (قرب وخلاها تلتفت له) : بصبر هالمره فعل مو كلمه دام ان رغبتك في الشفاء
عهد (تبكي) : احبك والله بس انا ما اقدر
فيصل (حط اصبعه على شفايفها) : أششششش (ضمها له واهو يمسح على راسها) سامحيني
عهد (مسكت ثوبه وبترجي) : لا تبعد خلك ساعدني اطلع من اللي انا فيه عودني عليك وعلى قربك لا تعودني على هجرك
فيصل (أبتسم بفرح لكلامها) : بكون لك وبس وانا بوديك دايم بكون جنبك وبوصلك لبر الأمان بر حياتنا
عهد (أبتسمت) : أحبك
فيصل (حس نفسه بيطير من الفرح ) : قولي مره ثانيه
عهد (أبتسمت بحياء) : احبك
فيصل (ضمها أكثر) : آآآآآآآآآه يا حلو هالكلمه منك يالله قومي لبسي واوصلك لموعد وبعدها نطلع نتعشى
عهد : حاضر
فيصل (باس خدها ووقف) : بنتظرك بالسياره
عهد : طيب

طلع فيصل بعد ما قال لأمه اللي فرحت بتحسن الأحوال ودعت الله يتمم لهم طلعت عهد وهي تدعي ربها يهدي سرها ويوفقها وتشفى ..

----------------------------------

في بيت عذاري ..

الجده جالسه في الصاله ودخلت الخدامه عليها

الخدامه : ماما هازبن عزاري
الجده : هاه وش
الخدامه : رزال برا
الجده : وش تقولين ماني فاهمه الله يهدي عذاري راحت ولا افهم هالخبله
سليمان ( يدخل ) : انا يا جده
الجده (تبتسم) : يا هلا حياك
سليمان (يقرب ويسلم ويجلس) : كيفك
الجده : بخير وانت
سليمان : بخير
الجده : ادري جاي لعذاري
سليمان : أيه اتصل على جوالها ما ترد
الجده : مهي هنا
سليمان : وينها
الجده : راحت للقريه مع ابوها فهد
سليمان (عقد حواجبه) : قرية وش
الجده : اهل الوضحه راحت هي والبنات يكلمنها ترجع
سليمان (يفكر) : هذي فرصتي اشوف صدق كلام اللي في المسج ولا لا
الجده : تقهوى
سليمان (يطالع الفنجان أخذه) : تسلمين (يشرب ) هي راح تتأخر
الجده : لا قبل شوي مكلمتني تقول ربع ساعه
سليمان : طيب جده خاطري اذوق تمرك اللي هذاك اليوم
الجده : بالسمن
سليمان : أيه وترى قلت لاختي ام مشاري وقالت لو رحت جيب لنا
الجده (تبتسم) : تبشر ام مشاري (توقف) تبشر والله
سليمان : وين
الجده : بروح اجهز تمر بالدهن
سليمان : بعدين
الجده : ما يأخذ وقت 5 دقائق
سليمان : دام مصره كيفك (أستند) بنتظرك هنا
الجده : على راحتك

سليمان يشرب واهو يشوفها تدخل المطبخ عض شفايفه واهو يطالع السلم حط الفنجان وطلع للطابق العلوي يبي يشوف غرفتها قبل احد يكشفه كان يفتح الأبواب واحد ورى الثاني فتح باب عرف انها غرفتها دخل وسكر الباب طالع للغرفه كانت حلوه كثير بناتيه بدأ يدور في الأدراج والدولاب وتحت السرير واهو كل همه يخلص قبل الربع ساعه لا تخلص بس سليمان خذاه الوقت ولا حس بنفسه إلا لما انفتح الباب وألتفت وقف بصدمه وبيده كان صندوق

عذاري (أنصدمت ) : سليمان

انتبهت لغرفتها واضح أن تفتشت طالعت لسليمان وللصندوق بيده دخلت تحاول تضبط اعصابها حطت عباتها وشنطتها

عذاري : ممكن تفسر لي وش يصير
سليمان (حط الصندوق) : هاه
عذاري : سليمان
سليمان : بصراحه كنت ادور على شغله
عذاري : ليه مضيع شيء عندي ما اذكر عمرك دخلت غرفتي
سليمان (يجلس على الكرسي) : بدون لف ودوران أنتي كنت تعرفين احد قبلي
عذاري (أنصدمت) : وش
سليمان : سألتك
عذاري (تجلس على السرير قدامه) : من قال لك
سليمان : يعني صدق
عذاري : سألك من نقل لك هذا الكلام
سليمان : ناس
عذاري(رفعت حاجبها) : ناس طيب الناس قالوا لك اني مخبيته في غرفتي بعد
سليمان : لا قالوا ان في غرفتك شيء يخصه بالمختصر هديه منه
عذاري (عقدت حواجبها) : هديه (كتفت ايديها بأستهزاء) قالوا لك وش هي ووينها كان اختصروا الطريق عليك
سليمان (بعصبيه) : ردي علي
عذاري (طالعت له ببرود ) : اسأل من قال لك
سليمان : ريحيني يا عذاري
عذاري : سليمان من قال لك من وصل لك كلام هذا
سليمان : مسج
عذاري : مسج كيف يعني
سليمان : الصراحه شخص ارسل لي قال ان زوجتك كانت تعرف واحد وهي تخدعك
عذاري (وقفت بعصبيه) : وانت ما شاء الله جاك المسج من هنا وتغيرت من هنـ.. ( ألتفت له ) لحظه لحظه لا يكون المسج اللي جاك يوم تعشيت عندنا وبعدها تغيرت أحوالك
سليمان (نزل راسه) : ................
عذاري (رفعت حاجبها) : يعني من هذاك اليوم وأنت كاتم في صدرك تبي تتأكد بس ما تعرف كيف وأستغليت فرصه ماني هنا قلت ادور بنفسي عادي (قربت منه) تشك فيني يا سليمان بعد ما وعدتك اصونك ( تصفق بيديها وبأستهزاء) شر البليه ما يضحك صدق كلن يرى الناس بعين طبعه
سليمان (يوقف) : وش تقصدين
عذاري : شوف انا كنت ساكته قلت تتعدل بس انت الظاهر ما تتعدل لو فرضنا اني اعرف واحد قبلك كاااااااااااااااااان حط خط تحت كلمت كاااااااااااااااان بعد ما تزوجتك نسيت كل الناس وبس اشوفك ولكن البلا في اللي متزوج ولازال يخون
سليمان (أرتبك) : ما فهمت
عذاري (تقرب له بعصبيه) : ترى ماني نايمه على عيني ولا هبله شوف بقول لك شيء كنت محلفه رغد بنت اختك ما تقوله (شافته ساكت) مره كنت ازور اختي منى وشفت رغد قالت لي بتروح مع الخدامه لشقتك اللي مستأجرها ينظفونها اصرت اروح وأنا رفضت قلت استحي تجي قالت انت مناوب وليتني ما رحت (بعصبيه) ليتني مااااااااااااااارحت ولا شفت اللي شفته
سليمان : شقتي
عذاري : أيييييييييييييه صور وهدايا من الحبيبات وشفت جواااااااالك الثاني الخاص طبعا الجوال اللي تتركه هنا ولا عمري شفته معك قريت المسجات اللي فيه عذرتك عذرتك على كثر غلطاتك قلت ما ابي اتدخل بحياته بس بفهمه غلطه بشويش لاني (دمعت عيونها) لاني احبه ابي اسعده لاني احبه ما ابيه يحس نفسه صغير قدامي واني عرفت عن علاقاته
سليمان : انا
عذاري (بعصبيه تبكي) : انت شنووووووو عشان مسج ما عندك دليل تتهمني وتجي تدور في خصوصياتي وانا شفت كل شيء بعيوني وبأدله سكت انخرست قلت معليه ما اقدر احاسبه لين نعيش مع بعض كزوجين الحين له خصوصيه
سليمان : عذاري
عذاري (تأشر للباب وهي تبكي) : رجاء اتركني بروحي
سليمان : أسمعيني
عذاري : هههههههههه اسمع (مسحت دموعها وهي تصر على ضروسها) روح اسمع اللي ارسل المسج روح اسمع اللي صدقت روح اسمع اللي خلاك تشك ما عاد في كلام بينا هزيت ثقتي فيك
سليمان (يقرب ) : اسمعي بس
عذاري (تدخل الحمام وتسكره) : ما ابي اسمعك روح قبل افضحك قدام اخوي اللي تحت وجدتي رووووووووووووح

سليمان هز راسه ونزل غصب نفسه يبتسم يوم شاف الجده وسلطان تحت قرب وسلم على سلطان

سلطان ( يمثل العصبيه) : وش مطلعك غرفة اختي
سليمان (بأرتباك) : ك ك كنت
سلطان : هههههههههههههههه تحفه شكلك وانت تتأتـأ افا عليك انا عارف انك كنت بتسوي لها مفاجئه الله يسعدكم
سليمان : هههههههه امين ويسعدك
سلطان : زين جيت تعال شوف شقتي
سليمان : خلها وقت ثاني ( طالع ساعته) مستعجل
سلطان (مسك يده ) : تعال ما تأخذ 10 دقائق ولا مستعجل عندي (غمز له بخبث) ولا عند الحبايب عادي
سليمان (أبتسم وسكت) : ...........................

سلطان كان يسولف لسليمان عن الشقه وسليمان مو معه كل تفكيره في عذاري واللي صار ما صدق طلع من سلطان حس نفسه مخنوق طلع جواله واتصل

سليمان : ألو مشاري وينك
مشاري : بالبيت وش فيك
سليمان : بجيبك محتاج اتكلم معك
مشاري : في شيء
سليمان : لما اجي اقول لك
مشاري : طيب بنتظرك (سكر الجوال وقلبه نغزه من صوت سليمان) منى
منى (كانت جالسه تدرس طلال) : هلا
مشاري : سليمان بيمرني
منى : حياه تبي اسوي لكم شيء
مشاري : لا بس بنزل له تحت توك على ما تخلصين
منى : لا شوي بس ليه فيه شيء
مشاري (غمز لها) : أشتقت لك و لا الأخ (أشر له براسه) أخذك مني كل الوقت
منى : هههههههههههههههههه خلاص من عيوني اخلص
مشاري : يالبيه يالعيون
طلال(عقد حواجبه) : ماما
منى (تطالع له) : هلا
طلال : لا تسولفين معه انتي تقولين وقت لك ووقت لعمو لمشاري خلاص وقتي انا
مشاري : وووول ثانيه اكلمها
طلال (طالع له) : انت لما يكون وقتك اقول ابي ماما تقول وقتي ولا اشوفها
منى : ههههههههههههههههههههههههههههه
مشاري : فرحانه هالولد مخه شيء
منى (حطت راس طلال على صدرها) : بسم الله اذكر الله عليه
مشاري : مو حاسده ما شاء الله بس ترى اغير
طلال (رفع راسه لامه) : وش أغير
منى (ابتسمت ) : أسأل مشاري
طلال : عمو مشاري وش اغير
مشاري (يقرب ويبعد طلال ويضم منى ويحط راسه على صدرها) : يعني تأخذ مكان مو لك
طلال (كتف ايديه) : بس هذا مكاني
منى (أستحت) : مشاري بلاها هالحركات قدامه
مشاري(غمز لها بخبث) : ترى ضميت بس أجل لو
منى (تحط يدها على فمه بحياء) : بسسسسسسس
طلال : مااااااااااااااماااااااااااااا
منى (تبعد مشاري وتفتح ايديها لطلال) : تعال يا قلب ماما
طلال (يضمها ويمد لسانه بخبث لمشاري) : مكاني
مشاري (صر على ضروسه) : مااااااااماااااااااااا
طلال (يأشر للباب ) : امك تحت كل واحد وأمه
منى (انتبهت لمشاري ) : هههههههههههههههههههههههههههههههههه
مشاري (رن جواله) : هين يا طلول راجع لك يا ويلك لو رجعت (غمز لمنى وحرك شفايفه ) ينام
منى (أبتسمت وهزت راسها) : حاضر
طلال (يطالع لامه بعد ما طلع مشاري) : ما ابي انام بغرفتي ابي انام هنا
منى : وش فيها غرفتك
طلال : بغير من زمان ما نمت عندك
منى : طيب نروح ننام غرفتك لان هذي غرفة عم مشاري
طلال (يمسك يدها) : خلينا نروح قبل يرجع
منى (تستند على عكازها) : هههههههههههههههه طيب (دخلت الغرفه مع طلال انتبهت ان يقفل الباب واخذ المفتاح) قفلتها ليه
طلال (بخبث يبتسم) : عشان ما يأخذك مني اليوم ماما لي
منى : هههههههههههههههههههههه طيب يالله غير ملابسك
طلال : دقائق

منى أنسدحت بعد ما حطت العكاز على سرير طلال اللي غير ولبس بجامه قرب وانسدح جنبها حضنها وهي تمسح على شعره وتفكر وش فيه سليمان باين موضوع خطير اللي منزل مشاري بهذا الوقت ما حست بالوقت مر إلا لما انضرب الباب بشويش عرفت انه مشاري نزلت راس طلال النايم أخذت عكازها وتسندت وفتحت الباب طفت النور وطلعت

منى : وش فيك
مشاري (كان وجهه ما يبشر خير) : ولا شيء
منى : مشاري وش فيه سليمان وش قال لك خلاك تكدر
مشاري : مشاكل في شغله خلينا نروح الغرفه ما ابي افكر بشيء ( قرص خدها واهو يبتسم) بس فيك يا جميل
منى (أبتسمت) : الله لا يحرمني منك
مشاري : ولا منك ( يفكر واهو متجه لغرفته) غبي طول عمرك غبي الله يستر لو منى تعرف اللي صاير لاختها منك كان تكرهنا حسبي الله عليك مجنون

دخل غرفته وقرر ما يتدخل كفايه يحل مشاكله كل مره خليه هالمره يتحمل الخطأ وكيف صدق صاحب المسج ولا عالج الامور بعدال تعدى حدوده

منى : بحضر لنا عصير على ما تغير لبسك
مشاري (أبتسم وباس راسها) : دقائق
منى : على راحتك

-------------------------------------------