في المدرسة ..........

بغرفة المدرسات جالسه خوله والجوهره يسولفون

الجوهره (تسندت في ظهرها على الكرسي ) : مدري
خوله : وش ما تدرين لمتى بتبقى حالتكم كذا
الجوهره : والله تعبت منه تفكيره كله شك
خوله : انا عاذرتك بس تعالي شوفيه صاير يخرع صاير عصبي ونار حتى بنته تخاف منه
الجوهره : يا خوله يمكن أنا غلطانة ما شرحت له ظروفي بس مو كل شيء نقدر نقوله وأمي حلفتني وش تبين أخالفها أقول له لا رضى أمي أهم من كل شيء
خوله : كان وضحتي له
الجوهره : مو مجبورة أقول له كل شيء عشان ما يشك بندر من قبل سالفة أختي واهو يشك فيني خوخه لولا ما أثق فيك كان ما قلت لك بس تعبت من الكتمه تعبت أخبي في قلبي هموم احتجت اشكي لك
خوله(مسكت رأسها) : الجوهره والله فقدتك في البيت وبندر تعبان تكفين فكري الطلاق مو حل
الجوهره : الطلاق أخر الحلول صار شيء عقيم ينصلح حاله ما أعتقد بيضل نفس ما اهو
خوله (تنهدت) : سمعي يا الجوهره بقول لك شيء عن ماضي بندر يمكن ما يجوز إني أتكلم عن شيء شخصي بس بندر عانى مع أم شوق
الجوهره : عانى
خوله : إيه بس مو من حقي أتكلم عن هذا الموضوع أفضل تجلسون أنتي واهو قبل توصل الأمور للطلاق
الجوهره : خايفه
خوله : من شنو
الجوهره(تكتف ايديها) : من اجلس معه أخاف مشاعري تخوني أخاف أتراجع
خوله : وش بيصير كذا ما راح توصلون لحل (غمضت عيونها ) جوجو
الجوهره(توقف وتقرب لها) : وش فيك
خوله(تمسك رأسها بقوه) : راسي أحس يوجعني
الجوهره(تمسك رأس خوله) : وش منه
خوله : مدري (رجعت رأسها للخلف وعيونها تدمع) أحس إني مخنوقة جوجو أبي أتنفس آآآه
الجوهره(تفك أزرار البلوزه وتتلفت حولها بخوف) : أسمااااااااء ساعديني
خوله(توقف وتبعدها وهي تحاول تأخذ نفس) : لا و و وش اللي يصير مخنوووووقه جووووووجوووو (تحاول تتنفس) آآآآآآآآآآآآآآآآآآآآآآآآآآآآآآآآآآآآآآآآآآآآآآآه

خوله أغمى عليها والجوهره مسكتها وهي تصيح

الجوهره : اسمااااااااااااء ألحقووووووووووووووووني

تجمعوا المدرسات على خوله المغمى عليها حاولوا يصحونها ما كانت تصحى

أسماء: خلونا نحطها على الكرسي وش صار يالجوهره
الجوهره(تحاول تمسك نفسها) : مدري فجأه مسكت رأسها وحست نفسها تختنق وأغمى عليها
أسماء : خلونا نستدعي سيارة إسعاف
الجوهره(دمعت عيونها) : وش فيها ما تصحى
نوير: اهدي (ألتفت لمدرسه ثانيه) سهام بسرعه خبري المديره وخلونا نطلب إسعاف وجها ما يبشر بخير

فعلا طلبوا إسعاف لخوله اللي غايبه عن الوعي ولا قدروا يصحونها وبدأ الخوف الجوهره قررت تتصل على بندر لازم يكون في رجال معهم على ما توصل سيارة الإسعاف بندر كان في البنك يراجع الملفات رن جواله استغرب من أسبوع تقريبا ما رن بهذي النغمه رفع الجوال بعد ما ترك القلم

بندر : ألو
الجوهره(تبكي) : بندر ألحقني
بندر(وقف ) : وش فيك
الجوهره : خوله أغمى عليها وما صحت طلبنا الإسعاف للمستشفى بندر أنا خايفه عليها
بندر : لا تخافين طيب أي مستشفى
الجوهره : مستشفى .......... أنا بطلع مع السواق ورى سيارة الإسعاف
بندر : خلاص أنا بطلع وأكون هناك
الجوهره (بترجي وهي تبكي) : لا تتأخر
بندر : لا تحاتين بس توصلين أكون قدامك ( سكر منها واتصل على مشاري) ألو مشاري
مشاري : هلا بندر كيفك
بندر : مو وقت السلامات أسمع خوله خالتي طاحت مغمى عليها بالمدرسة
مشاري : وش فيه
بندر : مدري اللي فهمت فجأة وطلبوا لها سيارة إسعاف
مشاري : خلاص أنا بكون عند المدخل ولا تحاتي بهتم فيها
بندر : تكفه يا مشاري هذي خوله تكفه
مشاري : لا تحاتي ياخوي خالتك في أيدين سليمة
بندر : مشكور

طلع بندر المستشفى واهو يكرر الله يستر من اللي بيصير دخل المستشفى وسأل عن خوله سالم قالوا في غرفة الفحص 3 اتجه لها وشاف الجوهره واقفة جنبها حرمه متغطية ثانيه وماسكه الجوهره اللي تبكي انتبه للحرمه تكلم الجوهره اللي رفعت رأسها وشافت بندر هزت رأسها بأيه وشاف المرأه تبتعد عنها قرب للجوهره

بندر : وش صار
الجوهره(تبكي) : داخل لهم أكثر من ربع ساعه
بندر(مسك يدها واتجه للكراسي) : تعالي اهدي
الجوهره(تجلس وهي تشاهق) : هذي خوله كيف اهدأ
بندر : طيب من هذي اللي معك
الجوهره : أبله أسماء ما رضت تتركني ولما أنت جيت قررت ترجع للمدرسة قالت دام زوجك هنا خلاص ارجع أنا وطمنيني عن خوله ( بدون شعور مسكت يد بندر وبعيون دامعه طالعت له) خايفه عليها
بندر(أبتسم واهو ما يقل عنها خوف ويشد على يدها) : بتكون بخير اهدي (طالع لها وفي نفسه) اشتقت لك ولهذي العيون اشتقت لصوتك لقربك لوجودك
الجوهره (في نفسها) : وحشتني ووحشني كل شيء فيك حتى عصبيتك بعدك نار يا بندر وقربك جحيم وش أسوي

بندر تسند على الكرسي وحاط كتف الجوهره اللي تبكي ورأسها على كتفه وأيدها في أيديه يشد عليها بحنيه يحاول يقويها واهو يحس بيطيح من طوله مرت 5 دقايق ودكتور داخل ودكتور خارج وممرضه تركض خارجه وممرضه ترجع راكضه

بندر(وقف وابتعد) : مو قادر بنجن كل هذا وش يسوون
الجوهره(وقفت وكانت خلفه) : بندر
بندر(ألتفت وبلع ريقه) : حتى أنا خايف مو بس انتي الجوهره لازم اتصل على ضاري
الجوهره : بتخوفه كذا
بندر : محتاج لوجوده ولازم يعرف باللي يصير أخاف يزعل أو خوله تقول ليه ما قلت له
الجوهره : اللي تشوفه

بندر أبتعد عن الجوهره وطلع جواله وكلم ضاري اللي كان في اجتماع في الشركة

ضاري : هلا وغلا
بندر : هلا فيك كيفك
ضاري : بخير وأنت
بندر : بخير(بلع ريقه) مشغول
ضاري (يوقع أوراق) : يعني اجتماع آمر
بندر : طيب اطلع عن الغرفة بكلمك
ضاري (يطلع من الغرفة للممر) : طلعت وش فيك
بندر : بصراحه اليوم اتصلت على زوجتي وقالت لي إن خوله أغمى عليها وانقلوها للمستشفى
ضاري (يوقف بصدمه) : شنووووووو
بندر : أهدى يا ضاري
ضاري : كيف أهدى قل لي وش فيه
بندر : مدري أغمى عليها وهي ألحين في المستشفى
ضاري : أنا جايكم
بندر : خلص اجتماعك وتعـ..
ضاري (يقاطعه) : ينحرق الاجتماع والصفقة المهم خوله أنا جايكم أي مستشفى
بندر : مستشفى اللي يشتغل فيه مشاري
ضاري : مسافة الطريق وأنا عندكم (سكر ضاري من بندر ودخل الاجتماع وقرب لأبوه) يبه
الأب (رفع نظره عن الأوراق) : وش فيه
ضاري : بستأذنك
الأب (تأمل وجه ولده) : وش صاير
ضاري : خوله أغمى عليها ونقلوها للمستشفى وللحين ما صحت
الأب(حط يده على كتف ولده) : ما راح تكمل الاجتماع وأنت مو مركز عبدالرحمن بيسد مكانك بس طمني لا تخليني انتظر
ضاري (باس رأس ابوه) : حاضر مع السلامة


طلع ضاري وقلبه يخفق بقوه بقوه الخوف مسيطر عليه وأيديه ترجف شد على الدريكسون (المقود) يحاول يتحكم في رجفته وخوفه ما صدق وصل وقف سيارته وسكرها ونزل يركض بعد ما رمى الشماغ والعقال والطاقية في السيارة وقف عند الاستقبال يبي يسأل عن خوله حس بيد على كتفه ألتفت


ضاري : بندر طمني وش فيها خوله
بندر(مسك يده واهو يبتسم) : ما لها شر هي صحت الحمد لله
ضاري : الحمد لله طمني وش قالوا الدكاترة
بندر : ما قالوا شيء كل شيء سليم الأشعه التحاليل كل شيء
ضاري ( واهو يمشي لغرفة خوله) : والإغماء
بندر(هز رأسه) : ما يعرفون السبب بس الاعتقاد إن نتيجة الإجهاد بس
ضاري : أنا بنقلها لمستشفى خاص مو متطمن
بندر : صدقني مشاري ما قصر بشيء من عرف بوجودها واهو يوصي عليها ( وصلوا للغرفة) بعطي أهلي خبر وتدخل
ضاري : خذ راحتك
بندر (دخل وأعطي خبر الجوهره تتغطى وطلع ) : تفضل
ضاري (دخل ) : السلام عليكم
الكل : وعليكم السلام
ضاري : كيفك خوله
خوله : بخير
ضاري (حس في ردها جفاء) : أنتي بخير
خوله(طالعت له) : وش قلت أنا بخير
الجوهره(طالعت بندر وبعدها طالعت خوله قربت لها) : خوله وش فيك
خوله(مسكت رأسها) : تعبانه بنام اطلعوا
بندر(تفاجئ من ردت فعلها) : خوله وش فيك
خوله : تعباااانه اطلعوا
الجوهره(أشرت لهم يطلعون وقربت منها) : وش فيك
خوله (حطت يدها على صدرها) : مدري حسيت اختنقت من وجوده
الجوهره : وجود من
خوله : هذا ضاري
الجوهره : انتوا مزاعلين شي
خوله(تحس بخمول) : هاه من
الجوهره : وش فيك بينك وبين ضاري
خوله : مدري أبي أنام خليني

الجوهره استغربت من حالتها بس ما علقت تظن إن ممكن من تأثير التعب طلعت وقالت لبندر أنها نامت وضاري اتجه للدكتور يسأل عن حالتها وقاله الدكتور بفضل يتركها اليوم بالمستشفى بندر قال إن بيوصل الجوهره للبيت الجوهره رفضت الأول بس بندر عصب وخافت يلم عليهم الناس رضت يوصلها صعدوا للسياره وهي ترجف من الخوف

الجوهره (انتبهت للطريق) : هذا مو طريق بيتنا
بندر : لا طريق بيتنا
الجوهره : أقصد طريق بيت أمي
بندر(طالع لها وابتسم بخبث) : ليه ما اشتقتي لبيتك ولزوجك
الجوهره(عقدت حواجبها) : بندر
بندر : لا بندر ولا شيء إحنا رايحين لبيتنا في أمور حاب نسولف فيها على رواقه
الجوهره : طيب وصلني بيت أمي ونسولف هناك
بندر : هههههههه لي أسبوع تقريبا أحاول إني أكلمك رافضه يوم جت لي الفرصه أضيعها لا
الجوهره : بندر تكفه ما أبي أروح
بندر : اشششش الكلام لي ألحين
الجوهره (طلعت جوالها بس بندر سحبه منها) : عطني
بندر (يقفل الجوال ) : لا
الجوهره (بعصبيه) : رجعني بيت أمي
بندر : هههههههههههههههههههههههههه يا حليلك
الجوهره (صدت للشارع ) : حقير طول عمرك كذا وبتبقى كذا
بندر : مردود على هذي الكلمة
الجوهره : ما عاد يهمني أعلى ما في خيلك اركبه
بندر : هههههههههههههههههههه يا قويه هين نشوف لما نوصل

الجوهره تدعي ربها تكون خالتها أم بندر في البيت ولا تكون في وجه المدفع لان شكل بندر ما يبشر بخير وبندر يتمنى ما يكون احد قدامه يبي يتفاهم معها في الطيب بالغصب يبي يتفاهم


-------------------------


نعود لسيارة فهد ..............

عذاري ما قدرت تتحمل أو تتركها بهذي الحال وهي تعرف مدي وجعها خافت إن يصير شيء ما يصير تسوق وهي بهذي الحال

عذاري : بابا
أبو إبراهيم : هلا
عذاري : بابا تكفه أبي نوقف أبي جالكسي
سمر : مو تقولين مسويه رجيم
عذاري(ألتفت وغمزت لها وهي تأشر برأسها على ليالي) : عاد اشتهيت جالكسي
سمر(فهمت) : خلاص أنا أبي باونتي
أبو إبراهيم : ليالي وقفي عند المحطة الجايه
ليالي (ما قدرت تتكلم بس هزت رأسها بنعم) : ......................

وصلوا للمحطة نزل العم وما صدقت نزل أطلقت لنفسها عنان الدموع والبنات دمعت عيونهم وسكتن

ليالي (تبكي ) : آآآآآآه ما اقدر أتحمل بس بس كفاية ألقاها وين ولا وين
سمر(مسحت دمعتها) : ليالي أبوي بيرجع وما يصير يشوفك كذا
ليالي (ضمت الشماغ على انفها وهي تشاهق) : ريحه يا ناس أحبه أحبه والله أحبه
فرح(حطت يدها على كتف ليالي وهي خلفها) : بس رجعي ما تقدرين تسوقين كذا
مي : ليالي لا تسببين لنا مشاكل وخالي بيزعل
ليالي (فتحت الباب ونزلت وصعدت للخلف ) : سمر جلسي قدام بسرعه (طالعت للكرسي الخلفي ) أنا بجلس خلف
سمر(تجلس قدام وهي تقاوم دموعها) : حاضر

رجعت ليالي ورمت شماغه بعيد ولفت لفتها وهي تكتم شهقاتها رجع أبو إبراهيم ولما سأل ليه ليالي رجعت قالوا جاسم أتصل وحبت تكلمه براحه وان يأخذون راحتهم أبتسم يعتقد إن ليالي استحت تكلم رجالها قدامه وتبي خصوصيه ما حب يقول شيء طول الطريق الصمت سيد المكان والكل غارق في تفكيره مرت الساعات لين شافوا القريه من بعيد

فرح (أبتسمت) : بنات القريه
ليالي(تعدلت بعد ما هدأت) : هذا بيت أبو حسنه
مي : من
ليالي : بنت عسل بتشوفونها دايم تجي لبيت خالي لما نوصل
عذاري (تعدل لفتها) : بتكون صدمه للوضحه
أبو إبراهيم : ما قلتوا لها
سمر : لا ولا احد يعرف بحضورنا
أبو إبراهيم : ضنيت أنهم يعرفون
مي : اتفقنا نسويها لها مفاجئه نبي نصدمها عشان ما تتعذر بشيء أبدا
ليالي (تبتسم ) : شوفوا جدي وجدتي جالسين أكيد مستغربين من السيارة
أبو إبراهيم : عاد ما يعرفون سيارة

وصلوا وشافوا الجد يوقف والجدة جنبه نزل فهد ونزلوا البنات وحده ورى الثانية

الجد : أبو إبراهيم يا هلا والله
أبو إبراهيم : هلا فيك (قرب وسلم عليه ) شلونك يا أبو محمد عساك بخير وكيفك يا أم محمد
الجد : بخير
الجده : بخير حيا الله من جانا من معك
ليالي (تقرب) : انا ليالي ومعي سمر ومي وفرح وعذاري
الجده : ما شاء الله حياكم الله

البنات قربن وسلموا على الجده والجد صافحنه مي وسمر وعذاري

الجده : اجلسوا ليه وافقات
أبو إبراهيم (يجلس جنب الجد) : والله جيتها كل هذا الطريق عشان الغاليه
ليالي : وضحه وين
الجد : قلت لها تجيب ماء لي
الوضحه(تطلع من الباب ومعها طاسه ماء) : جدي جبت المـ..

سكتت و وقفت جامده لما شافت اللي قدامها واقفات طاحت الطاسه منها على الأرض والكل ساكت دمعت عيونها والبنات دمعوا عيونهم لما شافوها طالعن لبعض وقربوا منها وهي ثابته وضامه أيديها لصدرها سمعوا صوت بكاها وانتبهوا لدموعها البنات حوطوا وضحه بينهوا سون مثل الدائره وهي بينهن

سمر(بدموع) : فقدناك
مي : اشتقنا لك
ليالي : ما قدرنا نصبر
فرح : فراقك صعب
عذاري : كلنا
البنات (بصوت واحد) : نحبك
وضحه (تبكي) : أحبكم

الجده (دمعت عيونها ومسحتها في شيلتها من خلف البرقع) : الله لا يفرقكم عن بعض
الجد وفهد : أمين

أم خليفه (تطلع) : بسم الله وش هذا
فرح(ألتفت) : هلا وغلا بخالتي أم خليفه
أم خليفه : فرح أنتي فرح ولا
فرح (تقرب وتسلم) : انا فرح ومي وسمر وليالي وعذاري
أم خليفه (تسلم عليهم) : يا هلا والله من جابكم
مي : خالي فهد
أم خليفه(ترفع يدها له) : حيا الله أبو إبراهيم
أبو إبراهيم : يحييك يا أم خليفه كيفك
أم خليفه : بخير من الله وضحه
وضحه(تمسح دموعها) : هلا
أم خليفه : خذي البنات لداخل وصحي أخوك خليفه قولي له عمك أبو إبراهيم هنا
وضحه : حاضر بنات خلونا ندخل

دخلوا البنات ومي وسمر وعذاري يتأملن البيت بسيط يمكن مو قديم بس يدل على البسط في العيش بيت شعبي بس حلو كثير عكس بيوتهم اللي دورين وثلاثه هذا دور واحد والغرف مفتوحه على الحوش دخلوا غرفة الوضحه

وضحه : أبخليكن بعطي اخوي خبر وارجع لكم
ليالي : خذي راحتك
مي(تنزل عبايتها بعد ما طلعت الوضحه) : فرق بين بيوتنا وهنا
فرح (تجلس) : يا ماما هذي قريه يعني على قد الحال رغم ان جدي وخالي ما عليهم قصور بصراحه بس ما يبي جدي يترك القريه هنا وخالي ما يحب المدن يقول هنا أريح له من الدوشه والتطور الخطأ يخاف يأثر على عياله وخالي جدد بيته يعني صبغ وحركات تشوفينه شعبي بس حلو
سمر (تتأمل الغرفه) : بس التطور مو مأثر على الكل وعياله شباب مو مراهقين
ليالي : خالي عقليه قديمه ما يحب الزحمه يحب يفتح عيونه على الخضره وعلى الهواء الحلو لو تعيشون يوم هنا تكرهون المدينة ومشاكلها هنا آمن أكثر
عذاري : بصراحه لولا دراستكم كان أقول نجلس أسبوع أحس الهواء أحلى
الوضحه (تدخل) : يا حي الله من جانا والله فرحت في شوفتكم
سمر(ابتسمت) : وحنا فرحانين بشوفتك بس تصدقين حلو البرقع عليك
الوضحه(ترفع البرقع على راسها) : ههههههههه عيونك الحلوه
مي : والله ما عرفتك لما طلعتي يعني لو ما تكلمتي ما عرفتك
الوضحه : ما البس نقاب هنا البرقع أحسن (أنضرب الباب) هذي مرت اخوي العنود أدخلي يالعنود
العنود(تدخل والبنات وقفوا ) : السلام عليكم
البنات : وعليكم السلام
العنود : والله نور المكان فيكم
ليالي : منور فيك
الوضحه(توقف) : جلسي معهم بروح أجيب القهوة والشاي
العنود(تمسك يدها) : جلسي مع ضيوفس انا بجيب لس القهوه والشاي
الوضحه : ما لها داعي انا مجهزه كل شيء
العنود : اجلسي بس اسمحن لي
مي (تهمس بعد ما طلعت العنود) : ضيوفس
ليالي : ههههههههههههه توك بتسمعين أشياء كثير وآخرها السين
مي : بس ما عمري سمعت الوضحه تتكلم كذا
الوضحه(تجلس) : اتكلم مثلس تبين اهرج لس كذا
مي : يا حلوه
فرح : البنت ضاعت
الوضحه : اعلمس الحسي
مي : لا لا كذا
الوضحه : اللي يسمعس يقول اغازلس ترى احسي معس بس
مي : بنات سكتوها
البنات : ههههههههههههههههههههههههه
الوضحه : قولوا لي من فكرته هالطله الحلوة
سمر : احم أحم أنا
الوضحه : يعني سحبتوا على الدراسه اليوم
مي : سحبنا على الكل أنا سحبت على رجلي وخليته يوافق أجي معهم عشان أرد له
الوضحه : ساومتيه على الرجعة
مي : كنت مضطرة أبي أشوفك أتنازل لعيونك
الوضحه (ابتسمت) : يا بعد قلبي
فرح : وأنا سحبت على تجهيز شناطي بأغراض العروس عشان سلمى وأمي يودونها لشقتي وطلبت من سلمى تجهزهم عشان أجي أشوفك
الوضحه (ألتفت وابتسمت) : الله لا يحرمني منك يارب
عذاري : وانا سحبت على الدنيا كلها وعلى تنظيف شقة اخوي سلطان عارفه عرسه بعد كم يوم وكان اليوم لازم يجيبون الأثاث وقلت الوضحه أهم من كل شيء
الوضحه (دمعت عيونها) : عقبال عرسك يارب نجهز شقت يا قلبي
ليالي : وأنا اشكر الله اللي طلعت لي هالروحه وسحبت على جاسم وأمه كان لازم اتغدى معهم اليوم بس جت من الله
الوضحه : لبى قلبك الله يهنيك
سمر : وأنا لعيونك سكرت جوالي البارح خفت تروح علي نومه وأنا اكلم عبدالرحمن ولا اصحى الصبح وأجي معهم
الوضحه : ههههههههههههه بيكرهني
سمر : يكرهك المهم إني احبك وبعدين غصب عنه يحبك اللي تحبهم سمسم لازم يحبهم
مي : غصب
سمر : خليه بس يقول اكرها بكره بعمره
ليالي : أحلى يالقويه
البنات : ههههههههههههههههههههههههههههههههههه

العنود دخلت وحطت الشاي والقهوه وقالت لوضحه إن أبوها وصل وأخوها مساعد راح يذبح ذبايح عشان الغداء وان الرجال متجمعه برا لما سمعوا في بوجود أبو إبراهيم .. جلست شوي واستأذنت لما سمعت صوت خليفه ينادي

سمر : ما شاء الله ليه كل هذا
الوضحه : العم فهد مو قليل وهذا واجب الضيف
سمر : بس حنا جينا وراح نمشي بعد صلاة العصر
الوضحه : تمشون بهذي السرعه يعني ما راح تجلسون إلا كم ساعه
مي : بصراحه حنا مو جايين نتضيف احنا جايين لامر محدد وراجعين
الوضحه : وش فيه
فرح : احنا تعنينا اليوم عشان الوضحه وبس
ليالي : جينا لك انتي
الوضحه : انا
عذاري : ما قدرنا نتحمل 5 أيام بدونك
سمر : نبي ترجعين لدراستك مو معناها ان فهد ضربك نهاية العالم
الوضحه : ضربني (ألتفتت لفرح) وش فيه يا فرح
ليالي : لما عرفنا انك رجعتي القريه عرفنا إن صار زعل بينك وبين فهد وأن فهد تجرأ وضربك كان خاطري اضربه والله
الوضحه : بنات أنا ما راح ارجع
البنات : ليييييييييييييييييييييييه
الوضحه(تنهدت) : انتووا تعرفون نص الحقيقه بس
مي : أي حقيقه
الوضحه( بلعت ريقها) : فهد انا
سمر : تكلمي
الوضحه : بقول لكم وش صار من الأول لين طلعت ووصلت لهنا

بدت تحكي لهم وهي تتذكر اللي صار وتبكي والبنات منصدمات وفرح منزله عيونها وتبكي

مي (تبكي وهي تطالع فرح) : ليه ما قلتي لنا
فرح(تبكي) : والله صعب أقول اللي اخوي سواه شيء يصدم وما كنت اعرف إذا الوضحه تحب تسولف ولا لا
الوضحه(ضمت رجولها لها وسندت رأسها وهي تبكي) : قاسي اللي صار مع إن محلل له بس محطم لي خلاني أحس إني صغيره
ليالي : ما كنا عرف والله صدمتينا
سمر : معقوله وصل في الأمر لهذي الدرجه كبريائه وغروره
الوضحه : اتذكر كلمته للحين ترن في أذني انتي انتهيت من هذه اللحظه
عذاري : بس لا هذا خطأ الوضحه اللي صار مو معناه انك انتهيتي هذا لازم يكون لك دافع افرضي وجودك تعلمينه أن ما هزك
وضحه(طالعت لها) : وش يفيد
مي : بيفيد حياتك ما توقف ولازم ترمين كل اللي صار ورى ظهرك وتكملين حياتك
وضحه : ما عاد يهمني
ليالي : لا ومستقبلك دراستك
وضحه : لا يمكن اكملها أصلا ابوي رافض ارجع الرياض وخصوصا لما اتطلق
البنات (شهقن) : طلاق
سمر : صدق تطلقين
مي : وضحه ما صار لك شهر
وضحه : شهر شهرين سنه 10 سنوات مستحيل أتم على ذمته اكره اكره وكرهته أكثر بعد اللي صار وأبوي صدق ما يعرف باللي صار غير ان فهد تجرأ وضربني انا طلبت من جدي وخليفه ما يعرف بأكثر من كذا عشان ما يجبرني ارضى فيه واعيش معه دام صرت زوجته اصلا ابوي لما شافني والضرب بجسمي ووجهي وامي حكت له على أثار في ظهري وفي بطني في كل مكان ضرب فهد كان متحوش كان بس يبي يجبرني اقبل اخضع وكنت رافضه وجوده قربه كان مو طبيعي اعرف فهد يحس بإهانه من عدم تقبلي له لوجوده لقربه بس زاد وزاد وما عاد يميز اللي يصير حتى ما عاد يحس ان اللي بين ايديه ويضربها إنسانه مهي حيوان الحيوان يشفق عليه اكثر مني حلف ابوي لفهد يطلقني حلف يمين ما ارجع له لو شنو صار لو فهد باس التراب اللي امشي عليه ما ارجع له
عذاري : بس الطلاق مو معناه نهاية حياتك
وضحه : أبوي خيرني بين اسكت واكمل دراستي واللي صار اقدر اعتبره خلاف بين أزواج وان فهد أبوي بيأدبه و لا طلاق ومعناه انسى الرياض الدراسه الحياه هناك واجلس هنا لين يجي نصيبي بس رضيت أبقى هنا واترك حياتي ومستقبلي بس ابتعد عن فهد ولا يربطني شيء فيه
ليالي : قرار متسرع
وضحه (طالعت لها) : قرار صح أنا عشت يومين كله حمى ارتفعت درجة حرارتي وكنت بموت اهلي ما ناموا يومين والكل سهران واصحى ابكي كل ما اتذكر اللي صار كان شيء يهز يهز ما عدت اتحمل كنت اتحمل كلامه تجريحه جفاه بس توصل للتجريح بالجسد لا خلاص كفايه
فرح : بصراحه شيء صعب وقرار صعب خالي خيرك بين مستقبلك وطلاقك
وضحه : ابوي يعتبر اللي صار سوء خلاف بس لما شاف اللي صار بجسمي عصب وقال مالك رجوع هناك بتبقين هنا
سمر : بس مستقبلك
وضحه : دراستي ابوي رافضها عنده البنت تعليمها لين الثانوي يكفي بس جدي وخليفه ومساعد هم اقنعوه ما كان مقتنع يقول ما هي محتاجه للدراسه بتتزوج ويكفي زوجها كل متطلباتها ما يعرف ان بدراستي واعتمادي على نفسي احس بذاتي ووجودي واني مو مجرد طفيله او نكره في المجتمع عايشه
مي : بصراحه حرام كل هذا العقل يندفن هنا
وضحه (أبتسمت وهي توقف) : نصيبي
عذاري : وين رايحه
وضحه : بروح اساعد زوجة اخوي الغداء عندنا والشغل كثير
فرح : خذينا معاك نجلس هنا لوحدنا ليه
وضحه : خلوكم انتم ضيوف
ليالي (توقف) : جينا عشانك ونروح وين ما تروحين
وضحه(أبتسمت) : طيب بطلع اشوف اخواني واعطيهم خبر عشان ما يدخلون المطبخ
سمر (بعد ما طلعت الوضحه) : مستحيل نرجع وهي لا
ليالي : من قال لك بنظل نتكلم لين آخر لحظه حتى لو اضطريت اكلم خالي
مي : كلنا نكلمه مو بس انتي هذا مستقبلها لا يمكن يضيع بسبب تفكير خالك
عذاري : وأنا ما ارضى لها بسبب خطأ من فهد هي تتعاقب عليه
فرح : لازم نجبره ترجع مو نطلبه بس
البنات : لااااازم

طلعوا البنات بعد ما رجعت الوضحه واتجهوا للمطبخ كانت جالسه العنود زوجة خليفه وتقطع كوسه شافت البنات وابتسمت لهن اقتربوا منها وجلسن واصروا يساعدونهم رغم رفض العنود بس هن ما يحبن يجلسن كذا وبدأ تقسيم الشغل وسالفة الوضحه فضلوا يسكتون عنها لين ينتهي الغداء ويختلون فيها من جديد عشان يقدرون يجيبن رأسها

--------------------------------------------------------



في بيت فهد ...........

دخل فهد وشاف امه وابوه جالسين قرب سلم عليهم ونزل شماغه وعقاله وامه تصب له قهوه ..

الأم : طلقتها
فهد : أيه
الأب : مدري وين كان عقلك يوم تزوجت
فهد (يشرب قهوه) : .................
الأب : ساكت ما عندك شيء
الأم : البيت اخذته خلاص
فهد (يطلع ورقه ويمدها لأبوه) : تخسي تحسب انها بتضحك علي
الاب (يتأمل الورقه ورفع عيونه بصدمه) : الوضحه
فهد : أيه
الأم : وش فيه وش دخل الوضحه
الأب : البيت بأسم وضحه
الأم (بصدمه) : كيف
الأب : كيف اسألي فهد
فهد : اللي صار إني طول الليل مو قادر أنام ولما طلع الصبح كان موعدي مع أبوها الساعه 10:30 الساعه 8 رحت للمحكمه وسجلت البيت بأسم وضحه ولما جاء موعدي معه طلقتها وعطيت ابوها الورقه قال البيت قلت أي بيت قال اللي ساكنين فيه قال وش خصني البيت بأسم وضحه محمد خليفه قال من هذي قلت زوجتي قال كيف اهو امس لك قلت اليوم لها قال والوعد قلت له بنتك لما وعدتني تصون اسمي وفت لا بنتك خانت وانا خنت قال ابوك وعدني قلت ابوي مو انا وبعدين مالي دخل فيك تركته يتوعد فيني ولا همني
الأم : زين ما سويت
الأب : بس انا وعدت الرجال
فهد : يبه انت وعدته مو انا وبعدين هذا مو رجال
الأم : طيب قول لنا وش اللي صار وخلاك تمد يدك على زوجتك
فهد : طليقتي
الأم : طليقتك
فهد : .............
الأب (انتبه لولد كأنه مو حاب يتكلم) : خليه على راحته
فهد (يوقف) : بيجي اليوم اللي اقول لكم بس مو ألحين
الأم : وين بتروح
فهد : مواعد فيصل يمرني عندي شغل بسويه معاه وبتغدى معه برا
الأب : انتبه لنفسك
فهد (يطالع نفسه) : بروح أغير ابي ألبس شيء مريح
الأم (تشوف فهد يصعد) : الله يهدي سركم
الأب : اليوم الصبح ابوك اتصل علي
الأم : خير وش عنده
الأب : سألني عن فهد قلت لقيناه قال قول له جدك يقول طلق الوضحه
الأم : لا حول ولا قوة إلا بالله طيب ما قلت نصلح بينهم
الأب : رافض لأن وضحه رافضه تبي تتطلق وولد ما ترك مجال في قلبها يسامح او يغفر له اللي صار
الأم : يعني الطلاق حل الغريبه اخوي ما عارض
الأب : ابوك يقول وضحه تخلت عن كل شيء بس ما تبي فهد
الأم : لهذي الدرجه كارهته
الأب : كرهت الرياض بكبرها مو بس فهد
الأم : بتكلمه
الأب : لازم اكلمه ابوك وابوها واخوها بيحضرون في عرس محمد ويبونه يطلقها بهذا اليوم
الأم : بعد كم يوم
الأب : ايه وبصراحه كفايه اللي سواه كفايه
الأم : مدري بس احس ولدي راح يرفض يطلقها
الأب : من الحب اللي ذابحه لها كلنا نعرف من الأول سبب زواجه منها
الأم : يمكن حبها
الأب : اللي يحب ما يجرح
فهد(واقف على السلم وسمعهم) :يحلمون اطلقها وصلوا لهم هذا الكلام طلاق لا لا لا




--------------------------------------