منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

09-10-2011

عبدالرحمن طالع لشكله بنطلون جينز وتيشرت حب يغير وما يكون رسمي في ثوب وشماغ عدل شعره اللي يوصل لين رقبته بشوي تعطر وطلع واهو نازل السلم شاف فجر تصعد بسرعه ومرت من جنبه ولا عبرته وباين كانت تبكي وشاف ود تصعد مسك يدها

عبدالرحمن : وش فيها فجر
ود(صرت على ضروسها) : بعد من فيه غير اخوي المحترم
عبدالرحمن(عقد حواجبه) : وش سوى بعد
ود : هواش
عبدالرحمن : اها مثل دايم يعني
ود : ايه
عبدالرحمن : روحي لها وانا بكلم عيسى
ود : لا يا خالي خله امي معصبه تحت عليه وجدتي
عبدالرحمن : الظاهر ان شيء كبير
ود : بصراحه ايه
عبدالرحمن : والمعنى
ود : فجر كانت تكلم صديقتها بالصاله تحت وكلمة اخو صديقتها اسمه عبدالله (شافت نظرت خالها) بس والله عمره 7 سنوات يا عمي صغير (انتبهت لنظرت الراحه بعيونه) واهو يحب فجر وما يشوف مثلها ودايم يقول بخطبك انتي عروستي ولي بس و بعدين وهي تسولف عيسى دخل على آخر كلام لما قالت له شوف حبيبي أنا لك وبس محد بيأخذني من حبيبي عبدالله وكلم أمك وقل اخطبي لي فجوره وبعدين كلمة اخته اللي أهي صديقة فجر وسمع فجر تقول لأخته بمزح ترى اخوك كثرت مكالماته حتى في الليل يتصل لو عرف ابوي اني اكلمه ترى بيذبحني وش بيقول بنتي تكلم ولد بتالي الليل كيف بواجهه بقول حبيبي وعمري وحياتي وقلبي عبدالله وبعدين ترى صدق صرت اتعود ما انام إلا على صوته صار يأسرني ضحكته سوالفه دلعه يا قلبوووو عليه احبه وربي احبه ضحكت فجر وقالت عارفه اني قلت لك عطيه رقمي لاني اموت فيه واحبه خالفة اهلي وبدون علمهم عطية رقمي بس لعيون عبودي ما يهمني شيء ضحكت فجر وطالعت لي منو ود سألتها وش فيه قالت تقول اخوها مشعل يقول معجب بود ويبي يكلمها دام عبود يكلمني سويت نفسي مستحيه وقلت مشعل ذاك الأبيض اللي شعره لين رقبته قالت ايه ابو شامه اللي شفتيه بالصدفه وانهبلتي عليه كلميه ما راح تخسرين شيء مشعل يهبل ويجنن بس عبودي احلى منه قلت عطيه رقمي بس لا يتصل إلا متاخر اخاف اخوي يعرف مشعل والله يا خالي عمره 5 سنوات بس لسانه عسل وتفكيره اكبر منه اقسم ما اكذب قمنا نضحك على سوالفنا وحب الاطفال لنا
عبدالرحمن (كتف ايديه) : وبعدين
ود : ما شفنا إلا عيسى فوق روسنا حتى فجر ما كانت ساتره شعرها عيسى اخذ جوالها ورماه بالجدار وتكسر ومسك يدها بقوه ووقفها وبعصبيه قال لها
عيسى(ماسك فجر من زنودها وبعصبيه) : يا حيوانه وصلت فيك تكلمين عيال
فجر(تبي تفك نفسها وتستر شعرها الطالع) : اتركني استح على وجهك انا مو متغطيه
عيسى (بأستهزاء) : ذابحك العفه والستر وانتي تكلمين شباب
فجر (بعصبيه دفته واخذت لفتها وسترت شعرها) : وش دخلك ولي امري
عيسى : وش دخلني هااااااااه تكلمين وتبين اختي تكلم مثلك يا حقيره
ود (بخوف) : عيسى
عيسى (ألتفت لها وبعصبيه) : جـــــــب انتي حسابك بعدين بس اخلص من الحيوانه اللي دايره على حل شعرها لا حسيب ولا رقيب ما ألومك أمك وابوك دايم سفر وانتي ولا همك لا اخلاق ولا تربيه وتوصين ما يتصل إلا بالليل
فجر(بعصبيه) : انت وش فيك منهبل وبعدين لا تتجرأ بالكلام علي لا اعلمك قدرك واخلاقي ارفع منك ومن اشكالك مو انت اللي جاي تعلمني التربيه والاخلاق
عيسى : لا والله وعبودي
فجر (رفعت حاجبها وهي تبتسم بأستهزاء) : حبيبي
عيسى (عصب من برودها وقرب) : يا حيووووووووووووووووانه وتقولينها بكل جرأه
فجر : كيفي احبه ايه احبه ومالك دخل اكلمه وازيد من الشعر بيت طلعت انا واهو 3 مرات

عيسى حس شياطين الدنيا قدامه ما عرف وش يسوي نار في قلبه وقهر قرب منه وعطاها كف ورى كف وفجر تصرخ وتحاول تبعده واهي يضربها ود ركضت تنادي امها وفجر وجدتها
دخلت الام وابعدت عيسى عن فجر وهاجر مسكت اخدتها بحضنها وهي تبكي

الام (بعصبيه) : وش فيك انهبلت
عيسى (بعصبيه) : انهبلت لما بربيها الحقيره تكلم واحد وتقول احبه وطلعت معه
الام (ألتفت لفجر بصدمه) : وش
عيسى(أشر لها وهي بحضن اختها وبعصبيه) : أسأليها توني داخل سمعتها تكلمه وتقول لاخته ترى اخوك كثرت مكالماته حتى في الليل يتصل لو عرف ابوي اني اكلمه ترى بيذبحني وش بيقول بنتي تكلم ولد بتالي الليل كيف بواجهه بقول حبيبي وعمري وحياتي وقلبي عبدالله وبعدين ترى صدق صرت اتعود ما انام إلا على صوته صار يأسرني ضحكته سوالفه دلعه يا قلبوووو عليه احبه وربي احبه ضحكت فجر وقالت عارفه اني قلت لك عطيه رقمي لاني اموت فيه واحبه خالفة اهلي وبدون علمهم عطية رقمي بس لعيون عبودي ما يهمني شيء (ألتفت لود اللي ترتجف خايفه وطالعها بعصبيه) وتبي اختي تكلم الثاني اللي اسمه مشعل وتقول لها وهي تصر عليها تكلمه وتقول كلميه ما راح تخسرين شيء مشعل يهبل ويجنن
الجده (تجلس جنب فجر واخذتها في حضنها) : مستحيل فجر ما تسويها
عيسى : سمعتهم اسأليها ما اكذب والله هي قالت طلعت معها 3 مرات ما استحت تخون اهلها تبي اختي تمشي معها بنفس الطريق الحقيره اللي ما تربت
هاجر (وقفت وبعصبيه) : بسك لهنا وبس لا انت ولي على اختي ولا اسمح لك تشكك في تربية ابوي وامي لها
عيسى : أبوك وامك فين اللي كله مسافرين ولا يعرفون عن سوالف بنتهم
هاجر (رفعت اصبعها تهدد وهي تصر على ضروسها) : ألزم حدك يا ولد عمتي أختي متربيه غصب عنك ولا تحس إن ابوي وامي مو هنا تسمح لنفسك تهينها او تقلل من احترامها هذي فجر بنت سيف سلطان وإذا هي اخطت او خانت اهلها يحاسبونها مو انت فاهم
فجر (وهي تتألم من الضرب وبحضن جدتها) : والله ما خنت هذا عبدالله ومشعل اخوان زهره جدتي والله ما خنت
ود (تبكي وتقرب لامها) : يمه والله عبدالله عمره 7 ومشعل 5 اطفال يا يمه وفجر مو كذا
عيسى (أنصدم ) : اطفال
هاجر (ألتفت لود وهاجر) : مشعل وعبدالله
الام : من
هاجر : عيال جيرانا عبدالله من كان صغير ما يشوف مثل فجر ويقول بخطبها لي اهو يحبها بس طفل ومشعل اخوه عمره 5 سنوات في الروضه (ألتفت لعيسى بعصبيه) تشكك باختي واخلاقها وتربيتها عشان اطفاااااااااااااااااال تدخل وتهين وتضرب عشان اطفاااااااااااااااال انت حتى ما حاولت تفهم (طالعت له من فوق لتحت) أيييييييييييييه من حقك جت الفرصه تطلع كل حقدك وقهرك منها فيها
عيسى : كذب كذب
الجده : وش الكذب (بعصبيه) تذبح البنت بالضرب عشان مكلمه طفل انهبلت
عيسى : لا هي تكذب وود تكذب هي تقول ان خالفة اهلها وبدون علمهم عطيته رقمي ما يهمني احد كيف طفل تعطيه رقمها وهي تخاف تنكشف
فجر (بعصبيه وقف) : انا ما اكذب وكل هالسوالف هبال وامي وابوي يعرفون باللي اسويه لانهم واثقين في تربيته بس تجي تضرب ليه تتهمني في اخلاقي وشرفي ليه وش مسويه انا حتى لو مسويه خطأ تكلم اسألني مو تهجم وتتهجم لي بس لا هذا اليوم كنت تنتظره من سنين ايه من سنين (صفقت له بأستهزاء وهي تبتسم) طلعت حرت سنين اليوم حقد في قلبك على فجر بس لااااااااااا وربي اللي صار اليوم لتندم عليه يا عيسى والله

عبدالرحمن(بعصبيه) : صدق حيوان
ود : خالي انا بصعد لها
عبدالرحمن : خليك معها وأنا بنزل اشوفه

نزل عبدالرحمن ودخل وشاف سحر معصبه على ولدها وهاجر معصبه وجدتها تهديها بس دموعها على خدها من حقها مقهوره على اختها واللي سواه فيها وعيسى اللي مصدوم ومقهور ومتندم

عيسى : وش تبيني اسوي وانا اسمع كلامها اشم على ظهر ايدي انها تكلم طفل
عبدالرحمن (بعصبيه) : لا اذبحها وبعدين اسألها وش صار
عيسى ألتفت لخاله ونزل راسه واهو مو عارف وش يرد
هاجر (قربت لعمها وهي تبكي) : عمي عيسى ضرب فجر و
عبدالرحمن (يقاطعها واهو يحاول يرسم بسمه ) : عارف اصعدي لأختك فوق انا بتكلم مع عيسى ( التفت لامه و سحر) اتركونا لوحدنا

سحر مسكت يد امها وطلعوا وعيسى التفت لخاله ما حس نفسه إلا مثبت على الأرض وخاله ماسكه من رقبته ورجله فوق صدر عيسى اللي من الصدمه ما قدر يسوي شيء كل شيء تم في غمضت عيني لقى نفسه على الأرض وخاله حاط رجله على صدره وايديه على رقبه عيسى ووجهه واضح العصبيه منه

عبدالرحمن : تحسب عشان ابوها مو هنا على كيفك تمد يدك
عيسى : خالي
عبدالرحمن (بعصبيه) : تخلخلت حنوكك وش خالي ولا عمي تضربها وتهينها ليه ليه تمد يدك عليها من انت عشان تتجرأ على بنت سيف
عيسى : كنت اظن انها تكلم واحد (يحاول يبعد عبدالرحمن عنه) خالي بس
عبدالرحمن : كم مره قلت لك فجر مالك دخل فيها
عيسى : ما تسوى علي
عبدالرحمن (وقف ومسكه من رقبته ووقفه وبقمه العصبيه) : وتبي اقول لابوها لو شاف ضربك عيسى والله ضربها لان شك فيها
عيسى (غمض عيونه) : قول لان يحبها وغار عليها
عبدالرحمن (بصدمه هز راسه) : وش
عيسى : .............
عبدالرحمن : انت صادق ولا بس تبرر (تركه وابتعد شوي) عيسى وش تقول صاحي
عيسى : أيه صاحي واللي اقوله صدق
عبدالرحمن (بلع ريقه) : تحبها
عيسى : أيه
عبدالرحمن : بس
عيسى : لا بس ولا شيء
عبدالرحمن : لا فيها بس واشياء
عيسى : خطأ اني احب
عبدالرحمن : لا بس لوين تبي توصل
عيسى : اخطبها
عبدالرحمن : ممكن اسألك من متى
عيسى : من زمان بس كنت احارب هالشعور بس اليوم تأكدت اني احبها
عبدالرحمن : والهوشات والزعل ورفضك لوجودها والجلوس معها والكلام حتى
عيسى : غطاء بس البس قناع
عبدالرحمن : واليوم سقط القناع وبانت مشاعرك وتوضح حبك لها
عيسى : ايه واعترف ايه
عبدالرحمن : تبيها
عيسى : أيه وقررت اكلم ابوي بس يرجع من السفر
عبدالرحمن : ما اعتقد انها بتوافق عليك بعد اللي سويته اليوم
عيسى (يبرر) : بس والله من حبي سويت كذا غرت عليها
عبدالرحمن : واللي يغار يجرح ويهين ولا يضرب انت لو تحبها تخاف عليها من النسمه الطايره مو تمد يدك وتضربها وتشوها
عيسى : والحل
عبدالرحمن (يطالع ساعته) : انا بطلع عندي موعد واذا رجعت بشوف
عيسى : لا لا تطلع خلك
عبدالرحمن : روح زين اخليك ولا الغي موعدي ولا تقرب لفجر ابدا لا تزيد الطيب بله فاهم والاحسن تطلع من البيت لين تهدأ الامور وارجع
عيسى (يجلس) : يكون خير

عبدالرحمن طلع وعيسى يفكر كيف يراضيها وهل صحيح اللي سواه عشان الحب انتبه لأصوات كثيره وانتبه لسواد يمر من قدامه ويطلع بسرعه وقفت ما يعرف وش صار التفت للسلم ود وهاجر واقفات

عيسى : وش صار
ود (تبكي) : فجر طلعت
هاجر (تبكي ) : بكلم عمي
عيسى (اخذ مفتاحه وطلع) : انا برجعها لا تتصلين

طلع عيسى وانتبه لسيارة سواق فجر وهاجر يطلع بسرعه من الفيلا ركب سيارته وطلع وراهم وطول الطريق يأشر بالأضاءه للسواق يوقف بس ما يوقف وتأكد أن فجر رافضه ان يوقف اسرع ووقف قدام سيارة السواق اللي وقف فجأه ونزل من السياره معصب ضرب زجاج الباب بقوه

عيسى (بعصبيه) : ما قلت لك وقف
السواق (بخوف) : فزر يقول لا
عيسى (اتجه للباب الخلفي وفتحه مسك يدها وسحبها بعصبيه) : انت ليه عنيده
فجر (وهي تبكي وتضربه بقوه) : اتركني جاي تكمل بعد ما كفاك
عيسى(يسحبها لسيارته) : امشي معي
فجر(تحاول تفك يدها) : تخسي اروح معك
عيسى : فجر امشي لا اشيلك ترى وربي عادي عندي
فجر(تضرب كتفه بقوه) : أيه ايدك تعودت على الضرب وتشيلني وش تبي فيني مااااااااااا ابيييييييييييييييك
عيسى : خلينا نرجع البيت ونتكلم
فجر : لا ما ابي ارجع بروح بيت جدي
عيسى : بنروح بيت جدك
فجر : لا جدي ابو امي ما ابي المكان اللي انت فيه
عيسى (انتبه حوله وصر على ضروسه) : بلا حركات اطفال امشي معي الناس بدت تتجمع تحسب خاطفك
فجر : اقسم بربي لو ما تركتني لا اصرخ واقول خاطفني اترررررررررركني
عيسى : فجر
فجر : اكررررررررررررهك

عيسى نزل راسه وترك يدها ابتعدت عنه فجر ورجعت سيارة السواق ركبت واتجهت لبيت اهل امها وعيسى يراقبها لين ابتعدت هز راسه وركب سيارته رجع للبيت وطمنهم انها في بيت جدها و دخل غرفته المخصصه له في بيت جده واهو يفكر في اللي صار ويتردد كلمة

اكررررررررررررهك

اكررررررررهك

اكرررررهك

اكرررهك

اكرهك

----------------------------

في جده ...

دخل غرفته يريح بعد الغداء وتمدد على السرير دخلت نجود في هدوء اخذت بجامه ودخلت الحمام تغير لبسها وصالح يفكر

صالح : لا حول ولا قوة إلا بالله من رجعت من الرياض وهي متغيره لا تكلمني إلا للضروره ولا تجلس معي لوحدنا حياه لا تطاق

انتبه لها طلعت من الحمام واتجهت للباب

صالح : نجود
نجود(معطيته ظهرها) : هلا
صالح : وين
نجود : بروح اذاكر للعيال
صالح : خليهم شوي وتعالي بتكلم معاك
نجود : معليه بخلص دروسهم وانت نام شوي
صالح (انتبه لها تتحرك) : نجود صار لنا 3 ايام لا كلام ولا شيء
نجود (وقفت وعلى نفس الوضع) : صالح لو سمحت كل ما تكلمنا تعصب وانا ما ابي اتضايق اللي فيني مكفيني
صالح (وقف وقرب لها) : وش اللي فيك
نجود : سلامتك اسمح لي العيال ينتظرون
صالح (عصب منها ومن طريقتها وقف قدامها ) : لا اليوم بتكونين معي وبس
نجود : صالح
صالح (قفل الباب وشالها) : بنتكلم غصب بالطيب بنتكلم
نجود : صالح نزلني
صالح : لا لا لين نتكلم
نجود (تمسكت في رقبته) : تكفه لا اطيح نزلني
صالح (أبتسم وبخبث) : انزلك بس ابي مقابل
نجود : لا ما في شيء بس نزلني
صالح : خليك كذا واذا تعبت ايدي ترى من كيفها تفك وتطيحين
نجود(شهقت بخوف ) : لا البيبي
صالح (عقد حواجبه) : وش البيبي
نجود : نزلني بقول لك
صالح : لا قولي
نجود(نزلت عيونها وبحياء اشرت لبطنها) : البيبي يتعور
صالح(فتح عيونه ) : حااااااامل
نجود : صار لي شهر وشوي نزلني لا اطيح واتعور
صالح (نزلها بشويش على السرير وجلس جبنها) : حامل من شهر ونص
نجود(تتعدل بالجلسه) : أيه
صالح : ليه ما قلتي لي
نجود (صدت عنه وهي تكتف ايديها ) : ما اعتقد يهمك
صالح (لف وجها له) : لا يهمني ليه تقولين كذا
نجود (بعيون دامعه تطالع له) : انت مشغول وكله تسافر للرياض وصار همك شغلك حتى عيالك فقدوك انا فقدت وجودك وقربك ما صرت تحس فيني لو تحس كنت عرفت التغير بجسمي وشكلي ونفسيتي كنت على الأقل اهتميت وش فيني
صالح : والله كل ما ابي اسأل اخاف تنفجرين فيني
نجود : تخاف هذا مو عذر عادي على الأقل تعرف وش اللي متغير
صالح (مسك يدها وباسها) : اسف
نجود : مو مهم (سحبت يدها تبي تقوم) بروح اشوف العيـ..
صالح (مسكها وجلسها) : لا خليك ما خلصت كلامي
نجود : بس انا خلصت مالي مزاج اتكلم تكفه
صالح (تنهد) : حرام عليك والله تعبت من جفاك ابي اجلس اسولف اتكلم اضحك مع زوجتي
نجود(تبتعد متجه للباب فتحته) : وين كنت لما كنت ابي اجلس معك واسولف واتكلم واضحك مع زوجي فعلا الدنيا دواره بس الفرق اني اشغل نفسي في عيال والبيبي الجاي وانت تشغل نفسك في الشغل (مدت يدها وطفت النور) نام لك شوي قبل الصلاه العصر

سكرت الباب وتركته لوحده يفكر الخبر كان مفاجئه له ما حس ان بعيد عن عائلته بهذا الشكل اللي خلاه ما ينتبه لحمل زوجته اللي عايش معها كل هالسنوات كان لازم يحس فيها هز راسه وعاف النوم بدت الافكار بعقله تآخذ مجراها طالع لجواله اخذه واتصل

صالح : ألو السلام عليكم كيفك يا عمي
أبو إبراهيم : وعليكم السلام بخير وانت والعيال ونجود كيفكم
صالح : بخير بس عسى ما صحيتك
أبو إبراهيم : لا توني راجع للبيت آمر يا ولدي
صالح : عمي تتذكر البيت اللي قلت لي عنه
أبو إبراهيم (أبتسم) : يعني نويت
صالح (أبتسم واهو حك راسه) : ما تهون علي ام محمد تزعل ويتكدر خاطرها
أبو إبراهيم : ههههههههههه الله يسعدكم
صالح : ابي اطلبك البيت ابيه
أبو أبراهيم : خلاص بكره بكلم الرجال وارد لك خبر
صالح : بس ما ابي احد يعرف لين يخلص كل شيء و العيال باقي لهم شهرين بالدراسه على ما يخلصون اكون خلصت البيت من كله وانقلهم
أبو إبراهيم : خلاص تم
صالح : توصي على شيء
أبو إبراهيم : سلامتك وسلم علي نجود والبنات
صالح : يوصل مع السلامه
أبو إبراهيم : مع السلامه

رمي الجوال وطلع لغرفة عيال وقف عند الباب واهو مكتف ايديه كانوا يضحكون بس شافوه سكتوا ألتفت نجود تشوف وش اللي سكت عيالها شافته واقف طالعت لعيالها وبعدها له

نجود : ما نمت
صالح : لا ( استفسر بعيونه ليه سكتوا نزل عيونها ما عندها جواب قرب وجلس جنبها وهمس) وش فيهم
نجود (بهمس) : اسألهم
صالح : أسألك
نجود : ما عندي رد
صالح (أنتبه لهم يدرسون بصمت ) : نجود
نجود(كانت تساعد احمد في مسأله ألتفت له) : هلا
صالح (ابتسم وهمس) : أحبك واسف توني اعرف اني ابتعدت عنكم
نجود(ابتسمت) : ..............
صالح(كمل لما شافها ساكته) : صرتي بخيله في مشاعرك وحتى كلماتك لي
نجود : لا الوقت ولا المكان يسمح اقول شيء
صالح : عشان عيالك هنا
محمد : ماما ما اعرف اكتبها
نجود (ألتفت له ) : وش
محمد : المسأله قسمه صعبه
نجود (تحك راسها وتطالع للكتاب) : اممم مدري كيف (ألتفت لصالح) تعرف لها شاطر بالحساب انت

صالح طالع لها وحس انها تكذب قرب لمحمد بس محمد أخذ كتابه وابتعد

محمد : خلاص بحاول اعرف لها
صالح (انصدم من تصرفه) : ما تبي احلها
محمد (يطالع كتابه) : تعصب مابي
صالح : اعصب
محمد(طالع له وبعدين للكتاب) : مو شيء جديد
نجود (وقفت وطلعت عنهم تحس وجودها خطأ) : ...................
صالح : متى عصبت
أحمد : بابا انت كله معصب وزعلان
حمد : وكله ما نشوفك طالع وبشغلك
محمد : وماما تبكيها وتزعلها
صالح : ماما
محمد (بشويه انفعال) : أيه ماما صارت ما تتكلم بس تبكي صارت بس تفكر وكثير تعبانه انت ما تشوفها ولا تعرف بس احنا كله عندها
حمد : واذا بابا جاء ندخل غرفتنا ونسمع صوتك العالي وبعدها ماما تبكي وانت تطلع
احمد : ليه تزعل ماما هي حلوه بس انت ليه بابا تغيرت ما تحبها احنا نحبها
صالح (انصدم) : ما احبها لا من قال
حمد : أيه بتصير ما تحبها وتتركها مثل ام صاحبنا سلمان صار في بيت جده ساكن وامه وابوه كل واحد لوحده يقول كانوا كذا مثل امك وابوك وبعدها تطلقوا
محمد : بابا بتطلق ماما
أحمد : يعني نروح ونعيش في الرياض ولا نشوفك
حمد : بابا تكفه لا
صالح (بلع ريقه) : من قال
محمد : انت ما تعرف شيء تعرف ان ماما طالحت واحنا اخذناها للمستشفى
صالح : شنووووووووووو
محمد : أيه لما سافرت للرياض ماما كانت تعبانه كثير وطاحت عشان البيبي تعبانه
صالح (طلع من الغرفه ) : نجود نجووووود
نجود(طلعت من غرفتها) : وش فيك
صالح (قرب لها ومسكها في يديها) : ليه ما قلتي لي
نجود(تطالع عيالها وتطالع له ) : وش فيه
صالح : ليه ما قلتي انك تعبتي ورحتي للمستشفى
نجود(أبتسمت وتخفي ألمها وهي تطالع عيالها) : روحوا كملوا دروسكم بجيكم بس اتكلم مع بابا
احمد : بس لا يصارخ عليك
حمد : لا تعصبين ماما
محمد : عشانا وعشان البيبي بابا لا تزعل ماما
صالح (يحس الدنيا تدور حوله) : شنو يصير
نجود : بابا ما يزعلني خلاص روحوا

دخلت معه الغرفه وبدات تقول له كل اللي صار من طلع لين اغمى عليها حست ان صالح هموم على كتوفه قررت تتركه تبيه يحس في تأنيب الضمير تبيه يتألم مثل ما هي تألمت يمكن خطأ بس تبي ترتاح شوي وتخليه يشعر باللي مرت فيه من بعده ورجعت لعيالها تكمل دروسهم وبعد دقايق حست فيه ينزل من الدرج بسرعه ابتسمت هذي عادته دايم يهرب من المواجهه دايم يطلع ويتهرب بدل لا يواجها ويعترف بخطئه قررت ترمي كل شيء ورى ظهرها وتهتم بس بعيالها

--------------------------------------------------