الـــــــــــــــــــــبـــــــــــــــــ 41 ــــــــــــــــــــــــارت
-----------------------------------------------
منسدح وحاط أيديه خلف رأسه ويطالع السقف ويسمع همسهم مع بعض بس ولا معبر احد ولا مهتم غمض عيونه ما يبي يتكلم معهم ولا يسمع لأحد
(يهمس لصاحبه) : أقسم اهو
: يا راشد مو اهو
راشد : والله يا سمير اهو ما اضيع عنه لو بين الف رجال
سمير : وين بتروح تعال
راشد : بروح اسأله وربي له 3 أيام بالحجز وأنا أراقبه
سمير : لو كان اهو ترحم على نفسك هذا أخلاقه دايم برأس خشمه
راشد : وش بيسوي هو بالحجز حالنا حاله تظن إن مسكوه في قضيه كبيره
سمير : مدري بس غريبه مثله وبمركزه يكون مسجون
راشد : أكيد ذابح احد (مسح على رقبته) هذا يده والقبر
سمير : ملزم تروح له
راشد (أشر لصديقه يسكت واتجه له) :لو سمحت
: نعم
(بتردد وخوف) : أنت الضباط فهد إبراهيم
فهد(بنفس شينه) : لا مو الزفت فهد وش تبي
راشد : بس أنا متأكد
فهد (ألتفت وخزه) : دام متأكد ليه ما تذلف عن وجهي لا أذبحك ترى مو رايق لك
راشد (خاف وابتعد عنه جلس جنب صديقه) : اهو
سمير : متأكد
راشد : أيه
سمير : الظاهر إن قضيته كبيره له 3 أيام ما طلع ولا احد زاره بس مره طلبه الضابط بالقسم 10 دقائق ورجع معصب
راشد : لا تذكرني جلسنا في الزاوية واهو يمشي في الزنزانة ويزفر بعصبيه الكل خاف منه
سمير : الكل طلع والظاهر إن قبل يطلع بيذبح واحد منا
راشد (يطالع فهد اللي عطاهم ظهره وانسدح) : يخوف
فهد : .............................
-------------------------------------------------------
في بيت أبو خالد ..
الكل مجتمع في المجلس ,,,,
الجد (بهدوء) : للحين
أبو خالد : للحين ما لقيناه (ألتفت لسلطان منحرج) سامحني يا ولدي خربت عليك عشاء ملكتك
سلطان (أبتسم) : يا عمي مو مهم العشاء وبعدين ما عزمنا احد ونعوضها في العرس المهم نلقى فهد
خالد دخل ومعه فيصل ومحمد سلموا وجلسوا
أبو خالد : بشر
خالد : أبدا فص ملح وذاب
أبو خالد : سألت عند أهل زوجته
خالد (يطالع فيصل) : أيه
فيصل (يكمل واهو متضايق) : أسلوبه زفت في الرد وبنفسيه خايسه
الجد : ليه احد فيكم غلط عليه
محمد (يشرب ماء) : جدي إحنا لحقنا نقول فهد عصب وتنرفز تقول طارين له إبليس
أبو خالد : شكل فهد مو مخلي احد لحاله الله يهديه
أبو إبراهيم : أذكر الله ياخوي
خالد (يوقف) : بروح أشوف أمي اسمحوا لي
الكل : مسموح
الجد (همس لولده أبو خالد) : كيف أبو خليفه
ابو خالد (يهمس له) : والله مدري وين أودي وجهي منه واللي سواه فهد كبير بحق بنته أهانه والله
الجد : ترى محد يعرف باللي صار بس يعتقدون إن فهد ضرب الوضحه وأنت وأمه زعلتوا عليه وكلمت جد الوضحه يكون اللي صار بينا عشانها وعشان فهد
أبو خالد : أنا وصيت أمه وخواته محد يتكلم حتى خالد أصر يعرف ولما عرف قال لزوجته أبدا وحذرها ما تقول لأحد أبدا عن اللي صار وميثه بنت زينه وتحافظ على الأسرار
الجد : بس ترى أبو وليد وأبو إبراهيم يعرفون الباقي لا
أبو خالد : هذولا أخواني واهو سندي (تنهد) بس أم خالد كاسره ظهري بس تبكي ورفضت تجلس في المستشفى مع إن الدكتور رفض يطلعها لان ضغطها مرتفع بس تبكي تسأل عنه تقول والله مسامحته بس يرجع اضطريت أطلعها اليوم على مسؤوليتي
الجد : الله يعينها قلب أم
أبو خالد : اليوم اتصل علي أبو خليفه وقال فهد يطلق الوضحه غصب عنه مو برضاه وان خليفه متوعد فيه ما يرده غير الموت على فهد
الجد : والبنت كيفها
أبو خالد : البنت الله يستر اللي صار لها والضرب سبب لها حاله هستيريه بس تبكي وكرهت تجلس بالرياض تقول بس برجع للقرية لامي بس أبي أمي حتى أغراضها للحين هنا ما أخذت شيء ما تبي شيء تبي تروح لامها
الجد : والدراسة
أبو خالد : مدري كرهتها حتى رافضه تكلم احد فرح سلمى والبنات يحاولن يتصلن بس ترفض ترد عليهن زوجة أخوها خليفه تقول ما تبي أي شيء من فهد بس يطلقها
الجد : وزوجته الثانية وش صار عليها
أبو خالد : مدري والله يبه هذا خالد يقول لك رحت له بس ما قابلنا عدل الظاهر ولدي مخربها بكل مكان ( يوقف) بروح أشوف أم خالد كانت تنتظر خالد يرجع ويجيب لها أخبار زينه
دخل أبو خالد الصالة وكانت أم خالد جنبها خالد وقدامها فرح تمسح دموعها وسلمى جالسه وميثه دخلت معها كوب ماي
أبو خالد : السلام عليكم
الكل : وعليكم السلام
أم خالد (توقف قدامه وهي تبكي) : ولدي وينه وش صار فيه
أبو خالد (يحط يده على كتفها) : اهدي فهد رجال ما عليه شر بأذن الله
أم خالد : الولد صار له 3 ليالي مو لاقينه سألتوا عن زوجته يمكن يعرفون شيء
خالد (يوقف جنبها) : يمه والله سألنا لو شايفه أبوها كيف يكلمنا من طرف خشمه وبعصبيه يقول عساه ما يرجع
ام خالد : بسم الله عليه ( حطت يدها على رأسها) ألقاها منين ولا منين في اخوي واللي صار لبنته ولا في ولدي ومدري وينه
سلمى (تقرب ) : يمه تعالي ترتاحين
أم خالد : برتاح لو شفت ولدي قدامي
فرح : بيرجع يمه وين بيروح مرده لنا
أبو خالد : ميثه
ميثه : هلا خالي
أبو خالد : الغداء خلص ترى الكل ينتظر في المجلس
ميثه (تبتسم) : من عيوني بحطه ألحين
خالد (أبتسم وحرك شفايفه بدون لا احد يلاحظ) : تسلم العيون
فرح : بساعدك
خالد ( ألتفت لأبوه بعد ما ابتعدت ميثه وفرح) : يبه
الأب : هلا
خالد : لما شفنا أبو دارين اليوم كان معصب على فهد وكان يقول مدري عنه بس أنا شاك انه يعرف وينه
الأب : وش تقصد
خالد : مدري عندي إحساس إن يعرف شيء عن فهد بس من زعله ما يبي يقول
الأب : بطلع أروح له
خالد : وين تروح واللي في المجلس وش نقول لهم
الأب : خلاص بروح له بعد الغداء توصلني
خالد : حاضر ارجع للمجلس بجيب الغداء و أجيك
الأب : عساك على القوه
في المطبخ ..
ميثه (تحط الرز في الصحن) : لا حول ولا قوة إلا بالله
فرح (توزع السلطه) : والله تعبانه فهد من جهه ووضحه من جهه
ميثه : اللي صار قوي لها بس مو حرام قد إنها أهانه لها يعني أسلوب فهد كان يعتبر أهانه لشموخ الوضحه
فرح (بنبرة حزن) : اللي كاسر ظهري إني كنت أتمنى تحضر عرسي بعد يومين بس الظاهر مو حاضرته
ميثه (ألتفت لها وتبتسم تخفف عنها) : محمد حلف سلطان ما يتزوج قبله قال أموت حره إذا أعرست خاطب قبلك وتعرس قبلي
فرح (ابتسمت بحياء) : اذكر لما حددنا عرس سلطان وكان قبل عرسنا بأربع أيام راح له محمد وحلف يمين يغير يوم عرسه بعد عرسنا وسلطان طيب ما رفض حتى حلف له محمد إن شهر العسل عليه بس ما يتزوج قبله يموت حسره متزوج من سنتين وهذا اللي أعرس من يومين يتزوج قبله
ميثه : ههههههههههه ميت على العرس بس كذا ما تقدرون تسافرون قبل عرس سلطان
فرح : محمد بلغ خالد إن ثاني يوم نسافر لمكة إن واهو نجلس يومين ونرجع قبل ليله من عرس سلطان تعرفين بعدنا 4 أيام العرس نقضي يومين في مكه وجده وبعدها نرجع نحضر العرس ونسافر وين ما يحب
ميثه : ما تعرفين وين
فرح : لا بس طلبت من خالد ما نسافر دول أوربيه
ميثه : ليه أحلى الدول
فرح (عقدت حواجبها) : مفاصيخ
ميثه : ههههههههههههههههههههههههههههههههههههههه
فرح : ليه تضحكين وربي في الملعقه
ميثه : هذي غيره ههههههههههههههههههه
فرح (بحياء) : أيه تبين رجلي يشوف لبسهن استغفر الله ولا تمددهن على البحر والعياذ بالله مابي
ميثه : يا حلوك ههههههههههههههه
فرح : ميثووووووووووووه بس
ميثه : الله يسعدك ورب ما ضحكت من ايام مفاصيخ ههههههههههههههههه
فرح : يا شينك بس بس
ميثه : وين بتروحين السودان شهر العسل
فرح : كر كر كر اضحك مع وجهك
ميثه : أجل هههههههههههه
فرح : نروح تركيا
ميثه (غمزت لها) : لو شاف نور ولا لميس ولا جواهر ولا
فرح (تقاطعها) : بس بس حافظه المسلسلات التركيه من كثر ما تتمقلين فيهم
ميثه : والله من الفضاوه
فرح : ما راح يشوفهن بنروح منطقه ثانيه
ميثه : شكلك تغيرين
فرح (بحياء وحب) : من حقي دام حمودي لي
ميثه : الله يهنيكم
فرح (رن جوالها) : ميوثه انا خلصت السلطات بس خالد يجي يأخذها بطلع اكلم سمر بغرفتي ما أبي غداء
ميثه (تطالع حولها ) : روحي كل شيء جاهز وسلمي عليها
فرح : حاضر (حط الجوال على اذنها) ألو هلا سمسم
سمر : هلا فروحه كيفك
فرح : تمام وانتي
سمر : بخير بشري لقيتوا فهد
فرح : لا
سمر : لا حول ولا قوة إلا بالله وربي قاهرني كيف يمد يده عليها
فرح : كان معصب ووضحه واهو كل واحد فقد اعصابه ( في نفسها) ليتها على اليد كان هانت بس اللي مخفي اعظم اااه يا فهد
سمر : ألو معي
فرح : ايه هلا
سمر : ووضحه اسألك كيفها
فرح : ما ترد علينا وقفلت جوالها
سمر : ايه احاول من امس اتصل كله مغلق
فرح : اتصل على زوجة اخوها العنود فديت قلبها ترد علي وتطمني عليها
سمر : فرح
فرح : هلا
سمر : بقول لك شيء بصراحه احس في شيء مخبيته علينا مو معقوله الوضحه تترك الرياض ومستقبلها عشان الضرب وش صاير
فرح : اعفيني ما اقدر اتكلم عن شيء اسأليها
سمر : يعني صاير شيء اقوى
فرح : ............
سمر (احترمت صمتها) : سمعي أحنا لازم نشوفها
فرح : كيف واهي في القريه
سمر : مدري والله مو قادره اركز في شيء حتى دراستي ومي نفس الشيء وليالي تعبانه من حالتها وتعبانه من جاسم وعذاري مدري وش فيها
فرح (تجلس على سريرها وتحط مخده وراها) : بصراحه كل وحده عندها همومها ومشاكلها بس قلوبنا مع الوضحه
سمر : عشان كذا اقول لازم نشوفها لازم الوضحه تكمل دراستها باقي شهرين وشوي بس على الدراسه حرام تهدم مستقبلها اذا حياتها مع فهد توقفت ما توقف حياتها ومستقبلها
فرح : مدري بس غابت يومين كيف يعني
سمر : انا كلمت الأساتذه قلت ان عندها ظروف وهم يحبونها قدروا ظروفها عشان ما ينزل مستواها
فرح : مدري كيف نشوفها او كيف نوصل لها معي معنا
سمر : انا بتصرف لازم اشوفها اوكيه بخليك بروح اسمع امي تناديني على الغداء
فرح : سلمي عليهم
سمر : يوصل مع السلامه
فرح : مع السلامه
سمر تتنهد واهي تشوف جوالها حطت الجوال وطلعت من الغرفه متجه للطابق التحتي
سمر : السلام عليكم
الام ومنى وعهد : وعليكم السلام
الام : جلسي تغدي
سمر (قعدت جنب امها) : بآكل سلطه بس
منى : ليه
سمر : مو مشتهيه
الام : من كنت تكلمين
سمر (تآكل خياره) : فرح وتسلم عليكم
الكل : الله يسلمها
الأم : بشري في اخبار عن فهد
سمر (هزت راسها) : لا
عهد : وضحه ردت عليك
سمر : لا بس تطمنت عليها فرح تقول انها تتصل على زوجة اخوها خليفه وتطمن عليها
الام : انا العصر بروح لبيت ام خالد طلعت اليوم من المستشفى
منى : بكلم مشاري وبروح معاك اسلم عليها
عهد : خاله معليه اروح
الام : قولي لرجلك
عهد (نزلت راسها) : فيصل يقول اذا امي موافقه ما في شيء
الام : خليكم جاهزات الساعه 4
سمر : بروح معكم وش يجلسني لوحدي
الام : تعالي الظاهر الكل بيروح
سمر : حريم عمامي
الام : ايه بس بعد الغداء اتصلي على عذاري وجدتك وقولي لهن عشان ما يقولون رحنا ولا عطيناهم خبر
سمر : حاضر بخلص و روح لاني بتصل على البنات نجتمع هنا
منى : الظاهر شيء كبير جمعتكم
سمر : والله (اخذت خس وأكلته) افكر كيف نشوف الوضحه ونخليها ترجع للرياض ودراستها
عهد : روحوا لها
سمر : وين القريه بعديه يبي لنا وقت نوصل والطريق طويل وصحراوي ينخاف منه
الام : لو قريب كان رحنا كلنا لها
سمر : مدري بس اللي ادري عنه ان كل البنات يتمنن يشوفوا الوضحه
منى : روحوا لها
سمر (ألتفتت لها ) : وش فيك تكررين نفس كلام عهد تبين ارد عليك نفس الكلام
منى : لا سمعتك بس انا صدق اقول روحوا لها كلمي ابوي يوديك يوم واحد غياب ما يضرك روحي الصبح ورجعوا على المغرب ساعتين تكفي تشوفينها وتتكلمين معها
سمر : انا راضيه نص ساعه مو ساعتين بس لو يوافق ابوي
الأم : خلاص كلميه
سمر : بكلمه اليوم بأذن الله والله وحشتني
عهد : وحشة الكل
الأم : تغدوا
الكل : بسم الله
منى : الكل في بيت عمي
الام : ايه من الصبح تجمعوا في بيت عمك لما عرفوا بغياب فهد اتفقوا يطلعون يدورون عليه
عهد : بس فهد صار له ثلاث ايام واليوم الرابع لغيابه ليه العم ابو خالد ما قال شيء
الام : اللي فهمته ان زعل منه وطرده ظن إن بيرجع ولما تأخر ظن ان عند احس اصحابه بس طال غيابه وخالد اتصل على كل اللي يعرفهم الكل يقول ما نعرف شيء عنه اضطر يقول لفيصل واهو اول يقول ما يبي يخوف احد عليه بس غيابه طال
عهد : لما اتصل عليه أمس خالد وقال له عصب على خالد كثير وقال كان لازم اعرف من اول يوم وطلع بعد ما قال لسالم وإبراهيم وعمي وطلعوا معه لبيت فهد
سمر : إبراهيم استغربت ان ما عنده خبر
عهد (ألتفتت لها ) : فيصل قال له زوجتك ما قالت لك قال لا ما عندي خبر
منى : كان لازم سلمى قبل يومين راجعه على حسب كلام إبراهيم للبيت بس لما امها تعبت فضل يخليها لين تطلع من المستشفى بس ما قالت له عن اخوها شيء عجيب
الأم : سلمى مو من النوع اللي تجيب كلام وتودي وصدقوني يمكن هي ضنت مثل ابوها يومين ويرجع ما تبي تخوفه ولا تبيه يحاتي
سمر : انا بروح اتصل على عذاري
الأم : كملي اكل
سمر : شبعت السلطه تكفي (وقفت) نادوني اذا سويتوا شاي
عهد : انا بسويه
الأم : بعد الاكل
سمر طلعت غرفتها عشان تآخذ جوالها سمعت رنة الجوال ابتسمت تعرف هالنغمه لمن اخذت الجوال وردت
سمر : الو
عبدالرحمن : يا حلوها
سمر (بدلع) : ترى قلنا الو بس
عبدالرحمن : وانا ما سمعت احلى منها
سمر : هههههههههههههه ايه بصدق وامشيها
عبدالرحمن : مو مصدقه
سمر : لا لا مصدقه كيفك
عبدالرحمن : بخير وانتي
سمر : تمام
عبدالرحمن : لا يكون قومتك من الاكل هذا وقت الغداء
سمر : اممم لا ما اشتهيت آكل
عبدالرحمن (تعدل بجلسته) : فيك شيء تعبانه
سمر : لا بس شوي افكر
عبدالرحمن : فيني مسموح بغيري لا
سمر : هههههههههههه تغير
عبدالرحمن : من ابوك اغير بعد
سمر : لا عاد ابوي حاله خاصه هذا قلبي
عبدالرحمن : أذا ابوك قلبك انا وش خليتي لي
سمر (بحياء) : كلي
عبدالرحمن : ياااااااويييييلي
سمر : ههههههههههههههه خلاص
عبدالرحمن : يا بنت خفي علي لا انهبل حرام عليك
سمر : والله ما قلت شيء
عبدالرحمن : شوفي انا بجي اتقهوى عندك
سمر : متى
عبدالرحمن : بعد ساعه
سمر : بس
عبدالرحمن : وش
سمر : ما راح نقدر نجلس كثير العصر نبي نروح بيت عمي ابو خالد
عبدالرحمن (يطالع ساعته) : الساعه 1:30 تكفيني نص ساعه معاك او لين يأذن العصر اطلع انا وانتي روحي بشوفك يا بنت صار لي 4 ايام تقريبا ما شفتك وهذا لوحده انجاز اجلس بدون لا اشوفك
سمر : هههههههه طيب تعال
عبدالرحمن : مسافة الطريق يالله باي
سمر : باي
عبدالرحمن : سمر سمر
سمر : لبيه
عبدالرحمن : لبيتي بمنى يارب
سمر : وياك
عبدالرحمن : بس سوي شاي وقهوه انا بجيب لنا حلى وفطاير
سمر : ما يحتاج تكلف على نفسك
عبدالرحمن : انا ما تغديت بناكل خفايف
سمر : مثل ما تحب
عبدالرحمن : مع السلامه
سمر : مع السلامه
|