بعض المجالس ماتضم الرجاجيل
تضم صدقان الرخا والحثاله

فيها يدور الكاس لاعسعس الليل
وما فيهم اللي ينتمي للاصاله

والمجلس اللي فاح بنه مع الهيل
يبكي على رجال الشيم والشكاله

روّح زمان اهـل اللحى والفناجيل
وياكثر من يحسب يمينه شماله

ماعاد به الا الكدش والمهابيل
ماعاد به ناس(ن) عليهـم تكاله

استرجلي يـابنت مابه رجآاجيل
هذا الزمن حنا غدينا عياله

استرجلي جعل العوض فالمقابيل
وكلن على ماقيل عقله حلاله

استرجلي يا ام العيون المظاليل
بعض الرجال اليوم يابنت عاله

السالفه ماهي تـشبـّه وتطبيل
السالفه حمله وضد السفاله

وماهي حشا لله ياناس تقليل
لكنها للي مضيع عقاله

بعض الرجال اليوم يحتاج تحليل
ترى الرجوله اعتمد واستقاله

استرجلن يالابسات الخلاخيل
والقصد واضح والمعاني رساله

ملطوووووووووووووش لعيون البنات