08-27-2011
|
#4
|
تبي الصراحه
تبي الصراحه ما على القلب راحه
ياكيف انا برتاح لا صرت غايب
شوفك يكحل ناظري من صباحه
لين المسا يمسي وانا فيك ذايب
وان قلت بمشي جيتلك في شفاحه
لا تلومني هذي سوات الحبايب
معك السهر كنه بروما سياحه
عند النهر والجو مابه شوايب
ولا الهجر كنه بصحراً قراحه
عجاجها يرسل علينا هبايب
بعدك صعيب وما تعالج جراحه
لو تجتمع كل الاهل والقرايب
صدري بقربك زايد باانشراحه
حتى ولو زادت عليه المصايب
لو كثرت احمولك تزيد المساحه
حملك اشيله لو تضيق الركايب
ياصاحبي كانك بغيت الصراحه
في غيبتك تكثر علي النوايب
مبارك رشيد
|
|
|
|
|