منتديات قصايد ليل - عرض مشاركة واحدة

08-25-2011

صاحبي لو طال وقتى ما نسيته

صاحبي لو طال وقتى ما نسيته
من يقول أنسى حبيب ما نساني
صار لي أكثر من شهر ما عاد جيته
والبطى والبعد ما من فيه امانى
ما هقيت انا نتفرق ما هقيته
أولا هقيت أنه يغيرنا الزمانى
اتذكر ساعة فيها لقيته
وأتذكر برد ماه اللى عطانى
واتذكر وقفتي بشباك بيته
خاطرى ما طاب من ذاك المكانى
عفت زين البيض جمله ما بغيته
ما بقلبي غير ذاك المودمانى
لو يقربه البكاء والله بكيته
من خبر حي بكى له حي ثانى
ليت كلمة ليت تنفعني ياليته
عاذلى من أوله ليته نهانى
حملوني عداى ذنب ما جنيته
وقولوني قول ما قاله لسانى
والكلام اللي اموجهلي نفيته
ماعلينا من فلان ومن فلانى

عشقت القمر حيث القمر ينبعث به نور

عشقت القمر حيث القمر ينبعث به نور
واخص الليالي البيض تزهاه ويزهنه
واحب الهوى لاهب من خايع ممطور
وريح النفل حيث النفل طيب الخنه
واحب الجماله والجماله عمل مبروك
واحب الغناه وعز نفسي عن المنه
واحب الصراحه والصراحه بها مسرور
حيث الصراحه تقطع الشك والظنه
واحب الكريم اللي يفرج عن المعسور
اليا من عطى حتى اهله ما دروا عنه
احب الرجال العارفه واكره المغرور
من اغتر في بعض المظاهر يغرنه
سقا الله ليال ماضيه قبل هدم السور
نحفر العدود ونشرب الماء من الشنه
نشوف البنات اليا اوردن كنهم الحور
مهار مشاويلن بالاعياد معتنه
على الماء تشوف بيوتهم كنهن القور
كثير القبايل تقطن العد بالكنه
على البال ذكراها ياليت الليالي دور
ياليت الليالي ماخذنه يجيبنه
تذكرت شيبان لنا يوم حنا بزور
يحثوننا بالطيب والفرض والسنه
لوعاشوا حياة قاسيه في بحر وبرور
عسى الله يعوضهم بمافات بالجنه
لو دورن مضى من بينهم وين ذاك الدور
زمان مضى له ذكريات يحلنه
يوم الذهب مايلبسونه بدون خصور
جمال النسا ماهو من السوق يشرنه
فقدنا حياة البدو مع شوفة المظهور
ولا عاد به بدو ولا الطرش له حنه

لا واهني الي رصيده ملايين

لا واهني الي رصيده ملايين
وامضاه في راس القلم يقبلونه
وبواخره تمشي بكل البلادين
ومصادره من كل شكلٍ نمونه
وعنده عيالٍ صالحين ورشيدين
لا غاب والدهم هم يمثلونه
بيته يعانق شاهقات الضلاعين
تلقى الحمام مبيضٍ في ركونه
وديوانه اكبر مابنى بالدواوين
مفتوحٍ واجواد العرب يدلونه
فيه الخدم متكاملين ومطيعين
من جاء لهالديوان بيباشرونه
ولا صارت الريضان مثل البساتين
ماطاب من ريضانها ينزلونه
تلقى الخزاما والنفل والرياحين
تطرب له الورقه وتزعج فنونه
مع لابةٍ تنطح وجيه الشياطين
عزٍ لهم وهم يتفادون دونه
هذي الحياة الي لها الناس شفقين
من غر منها يا حياة المهونه
اشوى من الي ياخذ الدين بالدين
وطّلابته راس الشهر يبلشونه
ومع الفقر عنده بزور ونساوين
يبون حاجتهم ولا يعذرونه
يقضي معاشه مامضى الشهر يومين
الفقر شيبّه وشيب عيونه
عايش ولكن عيشة الفقر مسكين
كنّه مصخن وهو مابه صخونه
يا الله ياقابل صلاة المصلين
انك تقوم بعوننا ثم عونه