راعي الموتر الي فوق خط السريع

راعي الموتر الي فوق خط السريع
خافضٍ سرعته يمشي عدالٍ عدال
يتمشى على كيفه وصدره وسيع
ياحلو الموتر اللي في قيادة غزال
قلت وقف دقيقه مير عيا يطيع
قال ماني بعرفك روح يابن الحلال
جيت يمه وصفينا نتبارى جميع
ماحصل لي معاه الا كلام ارتجال
قلت كانك غشيم بالبلد ذي تضيع
والخطوط السريعه يقلعنك طوال
قال منت بوكيل لي ولا انت بشفيع
وش يهمك اروح يمين والا شمال
قلت خوفي تضيع هالجمال البديع
ماكو مثلك على هالمستوى والجمال
العيون النواعس طب قلب الوجيع
نظرةً منك تنفعني على كل حال
والبنات النواعم يهلكن الرضيع
وانتي اخفيف ظل ولا معاك احتمال
قال لي معك امانه وانت سدٍ منيع
انا ابشرك توه مامشت لي عيال
وانحرف عجل واقفى موتره له لميع
يمكن انه زعل ولا عطاني مجال
راح مني فوات الحرص يابن اللميع
كل ربحي ياسالم ذكريات وخيال

ليت من يدري عن الزين وشلونه

ليت من يدري عن الزين وشلونه فاقده من مدة ايام ما جاني
طمنوني عنه يا اللي تمرونه جعل سيد البيض ماهو بمرضاني
ان نشد يا بعد عيوني عيونه خبروه انه بلا قلب خلاني
خبروه اني اقاسي من طعونه لا تشاوي الجرح الاول ظهر ثاني
وان سكت علامه الغيظ مظمونه شوف منهو حاكيله و زعلاني
فيه ناسٍ طبعهم ما يخلونه حاضرين للفتنة فلان وفلاني
والحكي لو هو شويه يزيدونه يدعون اصحاب لا شك عدواني