[ الساعة 10 الليل – بيت الجاسر ]


الكل مجتمع هناك راشد و العنود و علياء و شموخ و عبدالعزيز و الجده و غلا و بندر ,


جاهم راكان و طلال سلموا على الجده و تقهووا و طلعوا على طول




غلا باين الخوف على وجهها و كل شوي تسرح ,


علياء : أوكي درينا أنك خايفة , بس عطينا وجه واضحكي شوي بس
العنود : غلا لا تفكرين كثير بس خلاص أدعي ربك يسهلها ,
شموخ : ترى دقوا علي البنات بكرا بيجون عندك و يسهرون هنا
غلا : حياهم الله
العنود : أخيرا نطقتي يختي , شـ فيك ؟
غلا : خايفة
علياء : هونيها وتهون كلنا معك
غلا خزتها : تالدين عني !
علياء تخرعت : الله لا يقولة توني توني
غلا دمعت : شفتي شلون مجرد خيال أرتعبتي منه
لكل : هههههههههههه
شموخ قربت لـ غلا و ضمتها : غلو ياروحي وش هـ الخوف ! , روقي روقي
غلا : شموخ تالدين عني ؟
شموخ ضحكت : ههههههه لو بكيفي كان أخذت الوجع عنك
غلا : يالبيه والله " وخزت علياء " تعلمي تعلمي الذوق !
الكل : ههههههههههه
العنود : غلا صايره صافقه يوم قربت ولادتك هههههههههه
غلا : يسمونة أنفصآم بالشخصية
شموخ : بسم الله عليك
غلا : لآتلوميني الخرعة وماتسوي
الكل : ههههههههههههه
العنود : يووووه تمنيت أمل معععنا
الكل : أي والله ياليتها هنا
غلا : بـ تجي بعد أسبوع , مآتطوف الجمعات بنت أبوها هههههههههه
الكل : ههههههههه
شموخ : والله ليتها تجي و نملك و نخلص , ودي بها دايم قريبه
علياء : صدق ابوك متى ناوي ؟
شموخ : مدري عنه والله , بس يقول شهر 6 بداية الصيفيه
الكل : الله يلحقنا خير و يسهلها








[ يوم جديد – صبح جديد – 10 الصبح ] !



شمس : والله أحس ناقصني شيء بس مدري وش ؟ من تزوجته و هالشعور ناشب لي
امل : طيب هو مسعدك و مو مقصر معك بشيء ؟ يضايقك ولا ؟
شمس : لا بالعكس حرام عليك , وربي أني أسعد أنسانة لاني تزوجته و عمره ماضايقني بكلمة ولد عمي و ماعمره يسويها , بس مدري ليه هالشعور
امل و كانها حست : أنتي ماحملتي ؟
شمس أستغربت : لآ ؟
امل : و تتمنين صح ؟
شمس : أيه مآبيه زوجي و بس , أبيه أبو عيالي بعد
امل أرتبكت : اهاا
شمس حست : وش فيك ؟
امل : لا جيت ان شاء الله الرياض أتفاهم معك على هذا الموضوع , أوكي
شمس : إوكي ,
امل : أيه و اخباركم بعد ؟ اخبار البنات ؟
شمس : والله ابد بكرا بتجي نور , و اليوم بنطلع لغلا نسهر عندها ,
امل : يوه غلا و نور , أمانة شموس خوفيهم من الولاده نيابة عني هههههههههههههههههههه و قولي لهم اهداء من امل
شمس : هههههههههههههه لا توصين , باخلي قلب نور يطلع من محله بسبة هالولاده ههههههههههههه
امل : هههههههههههه ياحبي لها عاد الناعمة ماتستحمل هههههههه
شمس : ياحلوها و الله اني مشتاقه لها
امل : أي والله , ليت شغل فهد بدل يصير بجده يصير بالرياض و ترتاحون
شمس : ليت والله , أبشرك
امل : وش ؟
شمس : ملاك حامل
امل بفرحة : بذممممتك ؟ ياحلوها كبرت بعد وصارت مره ههههههههههههه
شمس : هههههههههههه وش عندها العجوز
امل : ابي رقمها مو عندي , لازم ابارك لها
شمس : أوكي برسله لك شوي
امل : يلا شموس نورا تناديني
شمس : نورا مين ؟
امل : امي يالخبله
شمس : ههههههههههههههههههه أوكي سلمي عليها و خليها تجي المرا الجايه معك ودي اشوفها ,
امل : اوكي ان شاء الله , هي ناويه من زمان , عشان يمكن أملك بالرياض و كيذا
شمس : إوكي بإنتظارك
امل : فمان الله
شمس : فمان الكريم







[ 10 الليل – بيت الجاسر ] !




شمس : يوه عاد تشوفين ادوات العملية و تصارخين و الأكسجين يقل و الحالة حالة
غلا أنسدت نفسها و بغدت تدوخ : الله يقطعك شكلي بالد اللحين بسبتك
شمس : الله تخيلوا يجيها طلق اللحين و نوديها كلنا المستشفى و و ناقف معها و نشوف البيبي لما ينولد و كل شيء يصير تحت عيونا
غلا : آآآآآآآآآآه ؟
شمس : وش فيك تخرعتي ؟
غلا أنكتمت فجأه ووجها أختلف لونه من الخوف: ........ !
جود : غلا غلا ؟ شفيك
العنود جت جمبها : غلا غلا شفيك ؟؟ وجهك قلب فجأه
غلا و هي تتألم و قالت بصوت خفيف : أتصلوا على بندر جتني ولآدة
شمس : شنو ؟؟ جيبوا لها موية بنات
غلا : لا لا أتصلوا على بندر جتني ولآدة
شمس : ماسمعك علي صوتك ؟؟ تكلمي عدل وش فيك ؟؟
غلا صرخت بقوا و بعصبية : أتصلي على بندر بأأأأأأأأأألد
شمس أنسبهت : هااااااااااه ؟
شموخ فزت على طول و أخذت جوال غلا : شنو مسجلته
شمس و هي متخرعه و ماسكه غلا : يعني وش مسجلته ؟ أكيد أحلى أسم و أطلق مدحه له , دوري أنتي بس البنت مافيها تتكلم , بسرعه بنات جيبوا عبايتها
قامت ملاك و جابت عباية غلا : أمسكي
و لبسوها العبايه
علياء جابت كاس المويه و رشت على وجه غلا : حاولي تتنفسين لين يجي بندر
شموخ تكلم بندر : بسرعه بسرعه بسرعه جهز السياره و اضرب البوري أول ماتجي بسرعه بندر
بندر متخرع و منسبه : طيب طيب




الكل صابته حالة استنفار ومايدري شيسوي , ألي يهدي غلا و الي واقف برا يستنى بندر , و الي رايح جاي مايدري وش الطبخة




بيب بيبْ ,


العنود جت تركض : يلا جاء جاء , بسرعه خلينا نقومها " مايمدي تكمل كلامها الا بندر جاي و بدون يتنح نح و لا شيء على طول "


بندر يدور بينهم : غلا ؟
غلا : آآآآآآي
بندر مشى لها على طول : يلا يلا ع السياره من غير و لاحرف , تقدرين تمشين و لا؟
غلا : أأأأخ
بندر حآول يسآعدهآ لين دخلت السياره : تنفسي و حاولي تصبرين


و حرك للمستشفى


شمس : علياء , سواقكم هنا ؟
علياء : ايه ؟
شمس تمشي : يلا وراهم



و ركبوا البنات السياره و طلعوا للمستشفى


ورى بندر






[ بـ ممرآت المستشفى ]



البنات وحدا ورى الثانية : مبروك بندر , تتربى بعزك أن شاء الله ,
بندر فرحححآن : الله يبارك فيكم , عقبال اشوف عيالكم



شمس تهمس لـ العنود : عقبآل يشوف عيآلنآإ !!!!! , أشوف قآم يخورهآإ أبو بشآير من الفرحة هههههههههههههههههههههه
العنود : هههههههههههههههههههههههههههه حرام عليك تراه فرحان
شمس خزتها : و انا قلت شيء غير كيذا , أروحح أبشر أمل أحسن





و كلمت أمل و بشرتهـآإ بـ ولآدة غلآ لـ بشآير ,





[ بـ غرفة غلآ ]



غلآ كآنت تعبآآآنة : كيفها ؟
علياء : تجنن بسم الله عليها
غلا أبتسمت : جيبوها لي
شمس : بندر اللحين عندها , و بيجيبها لك ان شاء الله
غلا : طيب ,
جود : كم بتجلسين هنا ؟
غلا : ثلآث أيام
ملاك : تحملينا ترى كل هـ الثلاث ايام بنكون عندك مالنا شغل هههههههههه
الكل : ههههههههههههههه
غلا : حياكم وألله ,
شمس : بكرا نور بتجي , بسوي لها نفس الي سويته فيك عشان تالد هههههههههههههههههههههههههه
الكل : ههههههههههههههههههههه
شموخ : حرام علييك , أنتي شفتي كيف أستنفرنا اليوم , مانبي هذا الشيء يتكرر صراحتن
شمس : ولا تدرون , بأجل ولآدة نور لين تجي امل !
علياء : يالحبيبة , هي الولادة على كيفك !!
الكل : ههههههههههههههههههههههههههههههههه


طق طق طق ,


غلا : هذ بندر , تغطوا بنات
شمس : اصلن بنطلع و نخليكم على راحتكم
غلا : يكون احسن ههههههههههه



و طلعوا البنات و دخل بندر و معه بشاير بنتهم








شمس : بنآت , كلمتوا أمهاتنا بشرتوهم و قلتوا لهم ليش حنا تأخرنا ؟
العنود و هي تاطلع الساعه : يووووووووووووه الساعه 3 ونص الفجر يافشلتي من راشد ماكلمته ,


الكل تفشل و راح كلم أهله و خبره بالموضوع , و قالوا لهم يرجعون ,






[ يوم جديد – 4 العصر – المستشفى ]


ألجده , , ام بدر , أم راكان , ام ملاك , و كل البنات مجتمعين عند غلا


ألعنود و هي تسكر من مكالمة : ي حريم , راشد جاي هو و عمه عبدالعزيز , بيسلمون على غلا تغطوا


و تغطوا الحريم و طلعوا البنات جلسوا بالممر لين سلموا و طلعوا ,




[ 10 آلليل – بيت الكايد ] !



شمس بضحكة : لا لا سهآلآت إن شاء الله يانور , وش هـ الخوف يختي !
نور : مآني خآيفة كثير ؟ وش فيك إنتي !! ألا أخاف يعني ؟؟
ملاك : ههههههههههههه من جد من شكى لك ياشمس
شمس أنكسحت : اول مرا احد يكسحني , يامال الوجع للعدو
الكل : هههههههههههههههههههههه
شمس : أقولكم , إمول بـ الطريق جاية ونااااااااسة
ملاك : ي حبي لها , كلمتني باركت لي على الحمل
نور : توصل بـ السلامة فديتهـآإ بس ,
شمس : ألله يسلمك
نور و ملاك خزوها .... نور : وش دخلك إنتِي ؟
شمس تورطت : هاه ؟ .. لا بس يعني صديقتها .... ارد عنها بـ غيابها
الكل : هههههههههههههههههههههه
نور : طيب ليه جايين بهـ الليل ؟؟ وش مستعجلين عليه
شمس : كان المفروض يجون العصر بس جدها صار عنده شغل وكيذا
نور : اها .. ي لباها






[ بيت الجاسر ]




أمل : السلام عليكم .... ,
العنود : هلا و غلا و الله ... تو مانورت الديره " و تضم أمل "
أمل : ي روح روحي إنتي ... أشتقت لك شلونك شـ أخبارك ؟
العنود : و الله تمام الحمدلله ... إنتي شلونك
أمل : بخير لبى قلبك ... غلا ماطلعت من المستشفى ؟؟
العنود : بكرا تطلع
أمل : ي قلبي ... وين جدتي ؟؟
العنود : يووووه قد نآمت
أمل : وش عندها صايره دجاجة !! تنام بدري
العنود خزتها : متعوده على جدتي تسهر للفجر و لا ؟ أخت أمل
أمل : ههههههههههههههههههههههههههههه لا مو قصة بس كانت تنام 11
ألعنود : هههههههه ماقصرتي ... بس قدمت بساعة
أمل : ههههههههههههههه
العنود : جدك ناصر نزل ؟؟
أمل : ايه أستقبلنا راشد و دخل جدي للديوانية
العنود : اها ... بقوم أجهز القهوة لك
امل : يب ترى ناويتها سهرة صباحي
العنود : هههههههههه لأ الصباح بنطلع لـ غلا
أمل : طيب هي بكرا بتطلع ؟
العنود : بتطلع العصر ..... حنا بنروح لها الصبح نونسها
أمل : أجل بوآصل ههههههههههههههههههههه
العنود : و الله انا عندي رجال .... وش أسوي بك ؟؟ أسهرك معنا
امل : ايا ناكرة الجميل !!
العنود : ههههههههههههههههههههههههه
أمل : الا صح وش سوى راشد ؟؟ بيشتغل مع عزيز و لا؟
العنود : يفكر يداوم بـ الإتصالات ؟؟
امل : لا لا لا يداوم هناك !! مجنونة أنتي
ألعنود : ليه ؟؟
امل : هذيلا على كل حزة دوام , و أجازات بـ الموووت
العنود : مدري هو وده فيها
امل : على كل حزة دوام و الله ... خير وش هالعذاب
العنود : مدري عنه , يلا انا قايمة اسوي القهوة
امل : طيب ,







[ الساعه 7 الصباح ]


أمل : هههههههههههههههههههههههههههههههههه
العنود : بس بس و ربي فصلت ههههههههههههههههههه
أمل : وآإه بث على قولة الدلوعين , يثلم راشد الي خلاك تجلثين معي
العنود : أقول إن تدلعتي مرا ثانية لا تعرفيني و لا اعرفك
أمل : وش فيه دلعي ؟ يزنن ؟
ألعنود و هي تسوي نفسها تقوم و تشد يد أمل : برا برا برا
أمل : علق ألشريط على برا هههههههههههههههههههههه
ألعنود : هههههههههههههههههههه ي الفااااااصلة خلاص
أمل و هي تناظر الساعة : يلا قومي نتجهز بنروح لـ غلا الساعه 8
العنود : طيب بقوم اللحين أتجهز , خليك جاهزة لا نزلت اوكي
أمل : طيب




و طلعت كل وحدا غرفتها تتجهز و تلبس ,