منتديات قصايد ليل - عرض مشاركة واحدة - غلاكـ يا شموخ عذب قلب راكانـ// ليه الصدف تجمعنا

08-21-2011

البارت 12

بعد هذي الأحدااااث بأسبوع اليوم الخميس أجازه

((اليــــــــوم الخميس))

((وصــــــول العنود وطلال))

((المـــــــطـــــــار))

((علياء))

يااااااااااااااااااي ماني مستوعبه ودي أصرخ وأقول حبيبي اليوم بيوصل ودي أصرخ وأقول أعز صديقه عندي بتوصل بس لازم أركد وأثقل بعدين أطيح من عين طلال هههههههههههههه هذا أذا ماطحت للحين
هذا هو.....هذا هو..... يـــــا لبـــيه فديته نزل وهو ماسك يد العنود وعلى وجهه أبتسامه هاديه كان لابس بنطلون جينز وجكيت طويل أسود وكاب اسود وحاطه على جنب يااااااااي يا حلوه أنسان ذوووووق وراقي يعجبني وأحبه .............. ضميت العنود وأنا دموع الفرح تنزل مني و منها لأني شهر عنها سلمت على طلال باليد وهو باااس يدي أستحيت

طلال:تعويض عن بوسة الخد وبست يدك وش تبين بعد يا أميره
علياء نزلت راسي حدي مستحيه مدري أيش أرد عليه

راكان ضم أخوه بقوه وضم العنود والعنود تبكي

((شموخ))

سلمت على طلال باليد وبعده العنود ضميتها من جد دخلت قلبي وحبيتها
راكان باينه الفرحه من عيونه وجت جود وسلطان وسلموا وطلعنا مطعم كلنا وتعشينا وأستانسنا وسوالف ووناسه

علياء:راكان طلبتك؟
طلال:أفااا وش ذا الخيانه تطلبين أخوي وأنا قدامك أطلبيني أنا؟
علياء:طلبتك؟؟
طلال:تحت أمرك يا قلبي
علياء:العنود تنام عندنا تكفي
طلال:يا ويل حالي حبيبتي تطلبني وأردها صدق أني ما أستحي
راكان:العنود وش رايك تبين تنامين عندهم؟؟
علياء:غصب عنها حنا نبيها
العنود:أجل غصب عني هاا أصلن بنام عند شموخ مو عندك
شموخ جنبها وضمتها:يـــا لبى قلبك أنتي
علياء:ترى حتى جود بتنام عندنا
سلطان يستهبل:ومن اللي قاله؟؟ جود ماتطلع من البيت أصلن ألا ورجلي على رجلها
جود:لا يا شيخ ومن متى .......<وتلتفت على علياء>ماعليك منه عندكم اليوم
سلطان يخزها :عشتواااااا يا جود أشوفها طالت
جود وهي تخزه وترفع حاجبها اليمين:مغروووووور
سلطان:هاااااااااا شقلنا عن مغرور
راكان:يلا أنا طالع و عنودي يا بنات أمانه عندكم وخلوا أحد يغلط عليها
شموخ وهي تناظر العنود:عنودك بعيونا

طلعوا الشباب كل واحد لبيته والبنات راحوا الفله حقت شموخ

وصلوا البنات الساعه9 باليل

((جود))

دخلت مع علياء الغرفه وأخذت من بجاماتها وطلعت للصاله أنا وهي

ننتظر شموخ والعنود لأن السهره عااااااامره وصباااااحي

جود:علوووووي بالله قولي للطباخ يسوي أكل
علياء متفاجئه:يااااااادبه توك جايه من مطعم
جود:والله ما أكلت شيء
علياء:ماكلتي شيء!!!!!!والمعكرونيه اللي قضيتي عليها
جود:كلها معكرونيه
علياء:أقوم وأمري لله

قامت علياء ودخلت المطبخ تقول للطباخ

((في غرفة شموخ))

العنود:كيفك على بريطانيا؟؟
شموخ:متعوووده بس مشتاقه للسعوديه
العنود:ومن يلومك أذا أشتقتيلها

سكتوا شوي ...................

العنود:شموخ بسألك؟؟
شموخ:قولي؟
العنود:راكان يجلس معكم يسولف؟؟؟؟؟؟
شموخ:هذي يبيلها جلسه لأن أخوك هذا غاااااااااامض بمعنى الكلمه
العنود جلست على السرير:أدري عشاان كذا سألت ولا هو ماكان كذا
شموخ سكتت شوي:تدرين أخوك هذا أنسان غرييييييييب وغااااامض صحيح رزه وشكله حلو ويبين عكس داخله بس أحس وراه شيء؟
العنود:شرايك نسحب على البنات ونجلس نسولف
شموخ:لا حراااااااام نسولف معهم أحسن
العنود:طيب ننزل؟؟؟
شموخ:يلا

((بعد مانزلوا البنات كلهم وتجمعوا ))

علياء:يا حيى الله العنود والله ولك وحشه
العنود:ياحياتي <وتذكرت شيء>أيه وأولى تقولين غصب عنها هااااه
علياء:ياخي شفيك أفهمي أستقوي قدام الشباب
العنود:دام كذا ليه ما غمزتي على الأقل علمتيني
شموخ:ماعلينا غيروا الموضوع
العنود:أيه كملي أخوي شفيه؟؟
شموخ:أيه صح.......أخوك هذا مــــــ.................
علياء:لحظه...لحظه......أي واحد؟؟؟
شموخ:راكان لا تخافين مو طلال؟؟
علياء:كملي ؟؟؟
شموخ:ما أقولك شايف نفسه أو مغرور لا ثقه بس عليه أسلووووووب يعذب مووووووت أنسان ذووووووووووق حييييل أي بنت تجلس معه تحبه من أسلوبه وأصلن كفااااااااايه شكله عذاااااااااااااااااب
جود:هو عن عذااااااااب فهو عذاااااااااااب موووووت بصراااحه يعني أسمر وسكسوكه وعيون مكحله وطول و...............
العنود:وجع قولوا ما شاء الله
علياء:تراهم يتكلمون عن أخوك مو أنتي........
العنود:لحظه عندي صوووره تهبل لأخوي في الجوال

العنود فتحت جوالها وتدور بالصور

العنود تعطيه شموخ:هذي الصوره له في بريطانيا أول سنه

((الصوره))

راكان واقف وهو لابس شورت تو طالع من البحر وشعره كله مويه وكان شكله ملفت بسمااااااره ونظرته لأن الصوره قريبه من عنده
بالمختصر عــــــــــذااااااااااااااااااااااب

شموخ:واااااااااااااااااااااو ما شاء الله يهبل
علياء تشوف:يااااااااااااابنت جنااااااااااااااااااان
جود وهي بعد تشوف:يااااااي يا خذ العقل
العنود أخذت الجوال:يالبى قلبه تصدقون هو أبوي ودنيتي وعزوتي
شموخ:الله يخليه لك ...بس أولى لما قلت لك غاااااامض قلتي ماكان كذا شنو يعني؟؟
العنود:لما مات أبوي كان راكان عمر 17 وطلال16 وأنا 14 وراكان صحيح صغير بس كاان عقله كبير يعني يفهم بأمور الرجال وبعد وفات أبوي بيوم كان يوم ميلاده يعني دخل 18 حززززن مرره لأنه دخل 18 وصار رجال وأبوه مو جنبه .....هو كان مزوح ويستهبل والضحكه ماتفارق وجهه بس وفات أبوي غيرت كل حاجه راكان صار كله برى البيت يشتغل ليل ونهار يطلع من المدرسه يدخل الشركه ويرجع 9 باليل ويذاكر وينام وكل يوم على هذي الحاله ليما تخرج جلس سنه بدون دراسه وكان عمره19 وهو كان حلمه أدارة أعمال في بريطانيا بس الظروف ولما تخرج طلال صار يساعد راكان

علياء:يالبى قلبه دايم راعي فزعه

البنات كلهم خزوها يعني أنطمي

العنود بأبتسامه:وأمي مارضت أن راكان يضيع حلمه فأقنعوه يسافر بره وسافر وشوفت عيونكم وهذا هو أخر سنه ويتخرج ويرجع بأذن الله ويرفع راس أبوي الله يرحمه ويحقق حلم أبوي أن الرياجيل يضربون في عياله المثل

شموخ:وأبوي كان صديق أبوك الله يرحمه وعرف راكان وراكان عرفنا وأنتي طلعتي صديقة غلا و علياء وتعرفت أنا وجود عليك وبكذا صارت جمعتنا اليوم
البنات:ياسبحان الله ..جمعنا مع بعض وحنا كنا أغراب
العنود:طيب وأنتي ياشموخ قولي ليه مادخلتي السعوديه؟؟
شموخ:والله طال عمره الوالد صار عنده شغل في مانشستر في بريطانيا وكان عمري 8سنوات يعني قبل 12سنه ولما كنا هنا توفت أمي الله يرحمها وأبوي ماطلعني وجاب لي مربيه سعوديه من الرياض وعلمتني العربيه و كنت أدرس في البيت لأن أبوي كان يخاف علي يعني المدرسين يجون هنا وتخرجة ودخلت سنه أولى أدارة أعمال وتعرفت على جود في مطعم وكانت صدفه غريبه وبعدها سافرنا للسعوديه وصدمت بواحد اللي هو راكان وبعدها تعرفت على علياء وغلا شفتوا كيف بنات عم ومانعرف بعض وبعدين تعرفت عليك وهذي حياتي ببساطه
جود:ولما كنتي هنا ماتعرضتي لأي مواقف أو قلبك ما دق لأحد؟؟
شموخ:لا وقلبي عمره مادق لأحد وحتى لو حبيت ماراح أكتشف أني أحب ألا أخر شيء لأني عمري ماجربت الحب وأنا في بريطانيا وراضيه بواقع أن كلهم أجاااانب
جود:وأنتي يا علياء وش سالفة أمك؟؟
علياء:أرحميني ولا تجيبين سيرتها
جود:ليييه؟؟
علياء:لأني أكرهها
شموخ:طيب مو بهذا الأسلوب قولي ليه؟؟
علياء:تخيلون لما توفى أبوي كنت أنا وغلا في9 سنوات وراشد7سنوات وراشد تعقد وهو كان دووووم مع أبوي للمسجد للديوانيه يعني متعلق فيه ولما توفى تعقد فقد من كان يعتز فيه وأمي ما أهتمت في راشد ولا حاولت تطلعه من اللي هو فيه ومامدها تخلص العده ألا وهي متزوجه ولد خالها ...كرهتها يعني حنا في سن حرجه وأخوي متعقد تسوين كذا هذا بدل ماتضف عيالها ترميهم على جدتهم
جود:طيب ليه هي بأمكانها تتزوج ولد خالها قبل أبوك؟؟
علياء:لأن أبو أمي كان مديون مدري شسالفته وأبوي ساعده وخدمه وعطاه بنته عرفتي وهي حاسه أنها أنذلت ومادري أيش بس المفروض تحمد ربها لأنها أخذت واحد زي أبوي
العنود:وأنتي يا جود؟؟
جود:قلت لكم قصتي من قبل
العنود:أيه صح
شموخ تناظر الساعه:يوووه راحت علينا السوالف الساعه11
جود:خلونا ننام لأن الشباب بيطلعون بكره البحر بنروووح معهم

وراح الكل نام وهو يفكر بحال الثاني

((الـــــــــريـــــــــاض))

((عبد العزيز))

يوووه شقد مشتاق لبنتي أنا حجزت للبريطانيا بعد أسبوع الله يسهل

كنت على السرير ولفيت للجهه الثانيه وتنهدت وينك ؟؟؟وينك يا أم شموخ؟؟؟وينك يا أمـــــــــــــــــل

((راشد))

اليوم جالس في غرفتي وأنفتح الباب شفت غلا داخله وهي مستحيه باين عندها شيء

راشد:هلا والله بأختي حياك تعالي

جت وجلست قدامي على السرير ووجها أحمر ووتبي تكلم وتسكت

راشد:أن شاء الله عند رد على بندر

بس قلت بندر وهي ترجف مدري حالها غريب

غلا:بصراحه أستحيت أكلم عمي وجيت لك وأنا ....<سكتت وعضت على شفتها>

راشد:أنتي يا غلا؟؟؟..............
غلا بهمس:موافقه

راشد سحبتها وحطيتها بحضني صحيح هي أكبر عمر بس أنا أكبر حجم عريض وطويل أصلن مأ تقارن فيها

راشد:والله وكبرتي وصرتي عرووووس