البارت التاسع
بعد مرور اسبوعين في افخم فندق بالخبر اقيم فيه حفلة الملكه لـ طلال وساره _ خالد وسحر _ جهاد ودانه _ جواد ودانيه _ فواز وجمانا _ وسام وجوانا _ ومحمد ودلال _ وخالد على خيريه ام طلال
الاغاني شغاله ورقص ووناسه
الكل مستانس بزواج احبابهم
عند خالد وخيريه كانت منزله راسها منحرجه بقربه كل ما قرب ابعدت لين باغتها بحضن ماكانت تتخيله ابدأ خيريه بإحراج : خالد مو الحين اذا رحنا البيت
خالد بخبث : لأ لأ الا إذا عطيتيني بوسه شكبرها
تخصرت خيريه وبدلع غير مقصود : لا والله
ليتها ماتخصرت حضنها وباس رقبتها بقوه وعضها على خفيف حطت يدها على صدره بتدفه تعركست بفستانها وطاحت في حضنه خالد : شفتي مكانج بحضني وبهمس لاتخليني
طالعت فيه بنص عين ورفعة حاجب : اقول بالبيت اسنعك
ضحك خالد من قلب على قلبي زي العسل
بنفس الفندق عند خالد وسحر
سحر لابسه فستان اخضر وفوشي فتحت صدره سبعه ويتعلق بالرقبه الظهر كله مفتوح درابيه لين الخصر بعدين ينزل براحه وله فتحه من قدام الى فوق الركبه وفوق الفتحه برش نازل منه سلاسل زي الي عفتحة الصدر ومكياجها هادي بستثناء روجها الفوشي
خالد الي مستحي اكثر من سحر ياربي احبها بس ماقدر اقولها قام جلس جنبها ومسك يدها : سحر طالعي فيني
طالعة فيه ونزلت عينها بسرعه
حط يدها ع قلبه وبهمس سحرتيني ياسحر
سحر بهمس : خالد
خالد : عيونه وروحه وقلبه
عاد سحر دورولها
خالد انسحر زياده قرب لها وحضنها تدرين اني موت احبج وباس رقبتها وبهمس لو ما هالروج كان رحتي فيها لاكن ربي رحمج
عند جوانا ووسام
جوني لابسه فستان ليلكي طويل وبذيل اطول مفتوح الى فخذها من ع جنب موديله مايل يجي درابيه الين ينجمع ببروش فضي فوق الفتحه ومن فوق ضيق وسواريه ومرصع بكرستالات فضيه بمكياج هادي وناعم بس فخم وشعرها رفعته كله
وسام انهبل مسك يدها ودورها ع نفسها : بسم الله عليج من عيني قربي احصنج
قرأ عليها الايات الي تحفظها بعد ما خلص ضمها بقوه همست بضعف : وسام عورتني
ابعدها عنه بس رجع ضمها وباس رقبتنا وبهمس وربي موت احبج
عند جمانا وفواز
فستانها نفس فستان جوني بس جيمي فوشي مع مكياج هادي وفخم وشعرها رفعته كله فواز باس خدودها وحضنها وقعد يسولف معها
اقول جيمي
جمانا : هلا
فواز : عندج غيار عشان اذا طلعنا الفستان مابيريحج عندج ولا ارسل الخدامه تجيبلج
جمانا : لا عندي الي جيت فيها
فواز بسخريه : لايكون جنز وتيشيرت
انقهرت جمانا منه : لا ياعيوني تنوره قصيره وبدي
قرب فواز منها عرف انها زعلت مسك يدها ابعدت يده وقامت بسرعه وراحت بعيد عنه وقالت بتحدي قرب تشوف ايش يصير لك
فواز عجبه الموقف وقرب لاكن الي ماحسب حسابه ان جمانا تعركس له وطيحه بعد ماتطمنت انه ماجاه شي بطتها ضحك
قام فواز وشالها ورمها ع الكنبه وقعد يدغدغ فيها لين حس انه عورها ابعد عنها وهي مو قادره تتحرك
عند جواد ودانيه
جواد لابس بنطلون رسمي ابيض وبلوزه بيضاء وفاتح الاربع الزرارات الاولى ومرجع شعره بجل لورى
دنو لابسه فستان ذهبي و احمر سواريه ومرصع حواف الصدر والظهر بكرستالات ذهبيه ومن تحت الخصر زي الفرنسيات زمان الدرابيه النافش بس ع خفيف ومجموعه على جنب بروز ذهبي وطويل ومسويه مكياج ذهبي بستثناء الروج احمر صارخ وشعرها مسويته السنبله الي تجي مظفره
جواد قاعد يستناها وخلاص صاده الملل شافت حالته حاله شلعت صندلها ورفعت فستانها ومشت على روس اصابعها وصلت عنده اخذت نفس وصرخت بأذن جواد : جوااااد
جواد من الخوف طاح بالارض ووقع راسه ع طرف الطاوله وبعدها ولا حركه راحت عنده : جواد وربي امزح ونخنقت جودي ماصحى هزته بقوه جواد جودي اصحى حبيبي إهي إهي جوااااد فتح عيونه بكسل وطالع فيها بغباء وهي من فرحتها جات بتحضنه صاح : استني منو انتي
وكان احد طقها بمطرقه ع راسها وانخطف لونها وتجمعت الدموع بعيونها حن قلبه لها بعدين تذكر لازم اخرعها : قلت لج انتي منو
قالت بصوت يرتجف : جواد انا دانيه زوجتك وانفجرت تبكي
جواد بشهقه : انا متزوج لا مستحيل بكت دانيه زياده
جواد : ههههههههههه آآه ياربي خنت حيلي تموتين ضحك دوني فتحت عيونها ع وسعها وطالعت بستنكار
صرخ : واحد صفر تعيشين وتاكلين غيرها بدل ماطيحتي قلبي وخرعتيني رجعت دانيه تبكي من قلب راح جواد ضمها وبحنان : استعبط عليج لاتزعلين وباس عيونها وخدودها وبقهر آخ هالارواج ترفع الضغط وضمها له وحط خده ع شعرها نخليهم في عالمهم
عند جهاد ودانه
لبسه مثل جواد ودندونه لابسه فستان فضي وتركواز نفس استايل دنو ونفس تسريحتها ومكياجها مره ناعم وحاطه روج بنكي فاتح طالعه جنان
جهاد مو قادر ينزل عينه من عليها فجأه سألها عندج نفس لون الروج ؟!!
استغربت : ايه ليه
جهاد بخبث : اباخذ راحتي
وبسرعه سحبها واخذ كلنكس ومسح الروج : الحين انا مرتاح ونزل لثم شفايفها بهدوء قاتل حست دنو ان اطرافها بدت تثقل اسندت نفسها عليه وجهاد ماكان منتبه وطراخ طاحو ثنينهم بعد ما استوعب جهاد الوضع ضحك لين شبع وسأل دانه : تعورتي عيني
دانه بخجل : لا
جهاد بخبث : اجل بكمل شغلي
قام يمسكها بس هي اسرع هجت ضحك عليها وبهمس : ياحبي لها
طلال وساره:
ساره لابسه فستان تفاحي منقط بأحمر وأورنج واخضر ماسك من على الصدر نص الفتحه فيه خيطين تنربط ع الرقبه ماسك لين الخصر وكأن عليه احزام وبعدها ينزل براحه من ورى فيه فيونكه كبيره حمراء منقطه مثل فيونكات اليابانيات وحاطه مكياج ناعم ورافعه شعرها شينون وحاطه روج احمر وطالعه نايس
طلال لابس طقم سموكن رمادي بقميص احمر فاتح اربع زرارت القميص
طلال : تدرين ياروحي من حضنتيني وبوستيني وانا ما افكر الا فيج طلبتج احضنيني
تقدمت ساره وهي ميته احراج وحوطة رقبته وضمته بقوه وباست رقبته وبهمس : احبك موت نخليهم لعالمهم
محمد ودلال
محمد لابس طقم سموكن سكري بقميص بني بقرافه كروهات بني وسكري
دلال لابسه فستان بني بلمعه ذهبيه قصير لين ركبتها مديله درابيه كامل فتحت الصدر والظهر سبعه كبيره بصندل ذهبي بشرايط حريريه مسويه مكياج برنزي ناعم ورافعه شعرها كامل
محمد يغني : لمني في محجر اعيونك حبيبي وخلني خلني اشوف نفسي في عيونك واطمئن دامك انسى الهمت بالرمش الظليل تفلني لعن ابو ذا الرمش كيف اني من اسبابه اجن حبك الي تل قلبي من بعد ما تلني صدق انا ميت بحبك كانها عيونك كفن اجمع الي باقي مني شتات ودلني شوفني هاك الغريب الي يدور علوطن
ومسك وجهها بيده وبهمس : عيونج تذبح ارفقي بحالي ياقلبي ترى باقي ع العرس شهرين ارحميني
دلال : محمد لاتحرجني زياده
محمد : زين بس اذا انقفل علينا باب واحد لا اسمع هالكلمه والحين ابي بوسه بسرعه
دلال بعناد : مافيه ذبحتني تبويس
محمد بخث : والله طيب قوليلي اشرايج بذي وحوط خصرها بيديه وقربها منه وباس شفايفها بقوه
حمر وجهه دلال ضربته على صدره وبزعل : دب خربت روجي
محمد بهمس : اصير لج روج يالغلا
دلال : اقول صيفينا ع الناس
محمد يصفر : يسلام عاش مصرف بعد الحفله اوريج يالحلوه
بدت الزفه مسك جهاد يد دانه وجواد يد دانيه وسام يد جوانا وفواز يد جمانا وطلال يد ساره ومحمد يد دلال وخالد يد سحر وابو تركي يد خيريه طبعا كل واحد بغرفه استفتح خالد ابو تركي الزفه ومشى هو وخيريه على ميوزك كلاسيك القاعه ذهبي وكحلي والطاولات مفروشه بساتان كحلي وفوقه تل ذهبي وفوقها الشمعدان وباقة ورد صغنونه حمراء مع الضيافه طبعا والكراسي مغطاه وكل شي عال العال مشو بهدوء وخالد يحمد الله بسره ان ربي عوضه عن اسماء بهالملاك الي جنبه وصلو الكوشه لبسو بعض الدبل ولبسها خالد الشبكه قطعو الكيك والمصوره خطوه بخطوه بعدها اتغيرت الاغنيه لميوزك هادي وضمها له وبدأ يرقص معها سلو الي يشوفه مايقول بيزوج بنته وولده الليله كأنه باقي ماتزوج رقصو عنده لين شبعو وبعدين نزلت خيريه عند ام عمر وطلع خالد وتبدأ موسيقى سنوات الضياع ويدخل خالد وسحر مشو لين الكوشه كان في استقبالهم ام عمر وام خالد حضن خالد امه وسحر حضنت امها وبكت ابعدتها ام اعمر وبعتب : ليه تبكين ماكو عروس تبكي بليلة ملكتها كنها سكتت شوي وسلمت ع ام خالد ولبسو الدبل ولبسها الشبكه وتلاقت اعيونهم نسى خالد نفسه ونسى المكان وانحنى يلثم شفايفها بكل هدوء فجأه حس بخبطه على ظهره ورجع للواقع حمر وجهه وباس جبينها وطلع واستند على الباب : اوف يلعن ابو الفشله بس بوستها تجنن الا تاخذ العقل وطلع كلنكس ومسح شفايفه وراح لرجال
طلال وساره ومحمد ودلال دخلو على ميوزك رومنس ولبسو الدبل والشبكه وقطعو الكيك واكلو ورقصو سلو بعدين فالس اما طلال باس خدود ساره المورده وطلع
اما محمد بعد الرقص انحنى عليها وباس شفايفها قدام الكل وجاله خبطه محترمه من ام سعود وبهمس : يالمخبول اذا صرتو لحالكم كيفكم فجأه طفت الانوار واشتعلت الشموع ودخلت القاعه اربع خيول بيض بينها عربه يجرها خيلين بيضياء العربه ذهبيه ومزينها بأبيض كان شكلها تحفه نزل جهاد من على خيله وفتح باب العربه ونزلت دانه شلها وركبها على خيله وركب وراها وفوق الخيل لبسها الشبكه ولبسو الدبل فجأه طلع صوت جمانا : جيجي بوسه لاحلى عروسه
انحنى جهاد وبهمس : وين تبغين ابوسج طالعت فيه دانه بخوف واستغل هاللحظه وباس شفايفها نسي نفسه والعالم الي يصفق ومستانس اخذ نفس وابعد عنها بعد ماصارت قطعة طماطه وهو وجه وردي همس بأذنها اليله ليلتي يا بجناحج ياجناحي اختاري ونزلها ورجع لعند العربه بخيله
اما جواد فتح الباب وشال دانيه وركبها فوق الخيل وركب وراها وشد يده عليها وبدأ يرقص بالخيل لين وصلو الكوشه نزل وشال دانيه وقفها بعدين ركع على ركبته ورفع يدها ولبسها الدبله وقام ورفع يدها باس اطرافها ولبسها الشبكه وطالع فيها قبل مايحط ايدينه على رقبتها وباس خدها بوسه طويله ورجع ركب الخيل وخلاها تنحني لدانيه ورجع مكانه اما فواز اخذ جمانا وشالها حطها على الخيل وركب وراها وركض بالخيل داير مدار القاعه وصل للكوشه بس مانزل ولبسها الشبكه والدبله وباس عيونها وخشمها وفمها ونزلها ورجع مكانه اما وسام فنزل وركب في العربه وجرها لين وصلها الكوشه وشال جوانا ودار فيها لين حسها داخت نزلها وهي تلقائيا اتسندت عليه وهو ما صدق باس شفايفها بوسه صغنونه ولبسها دبلتها وشبكتها وباس خدودها واخذ العربه وخيله وطلعو كلهم وقف ع الكوشه العرايس كلهم بستثناء خيريه عيت مادري شتحس فيه ودخل خالد ومجاهد وسعود وابو سعود ومحمد ابو سعود يسلم ويوزع الشيكات علبنات جوانا بمزح : هذا ابوي السنع عمره مانسى اني مشفوحة فلووس وهي تنطق تفتح عيونها بشكل مضحك طقها الجد بعصاته بشويش وبعياره : عيب استحي هذا وانتي تزوجتي
وقف مجاهد بعيد مو قادر يبعد عنه ضيقة الصدر حاس انه بيصير شي ماحس الا بثلاث يدفنون انفسهم بحضنه طالع فيهم ودموعه متجمعه في عيونه وضمهم بقوه فديت حبيباتي انا هذا منى عيني ونزلت دموعه اشوفكم عرايس وضمهم له واكتشف ان سعود وخالد حاضنين بناتهم صرخ محمد حضن جماعي وحضنو بعضهم وهم يضحكون فجأه اانطفت الانوار وانفتح الباب ودخلت انسانه في قمة الجمال كانت بلا منازع ملاك يمشي على الارض بفستانها الازرق الطويل بشعرها الاشقر الحرير بعينيها الزرقاوين مشت بخطى ثابته في ظلمة القاعه اندلع النور فوق المنصه فقط والباقي غارق في الظلام
من تكون هذه الملاك ؟!!!
_ انتهى البارت _
|