08-21-2011
|
#7
|
هذي منازل
(للتحميل)
اضغط كليك يمين وأختار ( حفظ الهدف بإسم)
هذي منازل من تمنيت قربه
يا ما مشى فيها وياما سكنها
دار(ن) خلت ما عاد يلقى ألأثر له
ما ادري محت وإلا هبوب(ن) دفنها
وقفت في منزال مي افتكربه
وأنشد رسوم(ن) عقب أهل مي عنها
رسم(ن) لخلي عرش رجلي عثر به
لو هو كسر رجلي رخيص(ن) ثمنها
واقول حي(ن) فاختك وين دربه
بالله قلي وين قفا ظعنها
وين القبال اللي يحير النظر به
عمار يا دار(ن) حبيبي قطنها
وين الجبين اللي يشع القمر به
شعة قمر خمسة عشرمن وجنها
يا منزل الغالين رد الخبر به
وعطني سراير خافي العلم منها
أنا اللذي حبل المودة قصر به
وعيني من الفرقا تزايد حزنها
وأنا الوحيد اللي تحملت غربة
وعني بعيد(ن) شوف مي ووطنها
وأنا اللذي روحي هواها استعربه
ثم (ن )جذب روحي لمي وقرنها
وأنا اللذي مر(ن) على الكبد شربه
لي حاجة(ن) ما اذكر ضمين(ن) ضمنها
وأنا اللذي غصن الفراق انهصربه
ولو ما بغا الفرقا يقوده رسنها
وقت(ن) علي مجرد(ن) سو حربه
عقب الحبيب اللي حياتي رهنها
ان قالي قولة هلا ما افتخر به
ولا يظهر الهرجة وهو ما وزنها
محمد السديري
|
|
|
|