عند شعاع ومعاذ
معاذ: دلو حياتي صارلنا شهرين على التلفلون وبعدين
شعاع: معاذ مليت مني
معاذ:لا مو كذا بس نفسي اشوفك
شعاع: مستحيل ماقدر ابدا
معاذ:طيب ليش
شعاع: والله والله لوتفتح الموضوع مره ثانيه ماعاد اكلمك ابدا
معاذ:خلاص ماعاد افتحه بس ماتحرميني صوتك
شمس دقت الباب عليها
شعاع:معاذ انا لازم اقفل الحين
معاذ: لايكون زعلتي
شعاع:لا بس لازم اقفل باي قبل لايرد
معاذ حس انه زعلها ارسلها
¤ شفت النجوم اللي تخاوت مع الليل ¤
¤اضرب عددها في عددها وزدها ¤
¤واحسب خطوط الطول والعرض بالميل ¤
¤واجمع شعوب الارض وادبل عددها ¤
¤ و اكتب رقم مليار مليار تدبيل ¤
¤ مليار في مليار و ادبل مددها ¤
¤ واحسب عدد ماسبح العبد بالليل¤
¤ وما دارت ايام السنة في بددها¤
¤ شوف النتيجة كم تطلع بتحليل ¤
¤ ذي قيمتك وغلاتك عندي وهذا عددها¤
قرتها وارسلت
أموت بقلبك الصافي خفوق بالوفا مليان..
تغيب عني لكن حسك ساكن الوجدان..
الساعه ثلاثه الفجر
خالد خايف يدخل من الباب فكر ينط سور جيرانهم وبعدها لبيت اهله
نط ودخل بيت ابو فاديه وقف مذهول وهو يشوف من شباك الملحق بنت لابسه
بجامه شورت لنص الفخذ وعاري من فوق وبيضا
وترقص على شكيرا وبيانسي وتقلدهم
بس لما خلصت الاغنيه طفت الانوار وصعدت غرفتها
اما خالد كمل نط سور بيتهم ودخل غرفته وبقت صورت البنت فباله
اما فاديه كانت تفكر ببندر
ولقت خمس مكالمات له ورسالتين
الاولى(فاديه تكفين اذا حركت فيك شي ردي علي)
والثانيه(( إعترفت لك بحبي و ليتني مافعلت .. اعترفت و ليت ربي ياخذ الروح و يفكني .. اعترفت وقسى قلبك و قلت .. اوعديني ماتفعلين الخطا واتهمليني .. شلون تقوى تشكك في سواتي جهلت ..إني ما امشي فالدروب اللي تذمني ))
وكانت تفكر فيه وجتها رساله منه
(لهاذي الدرجه كارهتني بس صدقيني مو بيدي احبك اسف اذا ظايقتك
مع مقطع صوت لكاظم الساهر
لاغنيه انسى
ابتأسف ونا ماخطيت
لاني بالفعل حبيت
انا سمعتني الايام
ياريتك تسمعي ياريت)
تجرأت وارسلت
(قلبي معك لو شفت نفسي مع الناس..
ماغاب طيفك عن خيالي دقيقة..
اجلس مع الناس واسرح بهواجس..
لافي يدي حيلة ولا لي طريقة..
حبك بوسط القلب مبني على ساس..
واموت فيك هذي الحقيقة..
بندر مابي اكذب واقول حبيتك ولا بقول ماهميتني بس شعور مادري ايش اسميه)
رد(صدقيني نفس الي صابني هذاك اليوم بالسوق وطلع اسمه حب)
ارسلت (حبيت اقولك لاترتجي مني غير هالمسجين شي اصلا ماني مصدقه اني رديت عليك)
بندر قرا هالمسج وهو مبسوط
وارسل
(وانا لاتتوقعي اني افقد الامل بيوم ويكفي انك تبادليني الشعور يله تصبحين على خير)
قرت المسج ومامسحته ونامت مبسوطه
صحت مروقه على الآخر ولقت مسج من بندر
وردة شوق ارسلك..
عساها الصبح توصلك..
تفتح عيونك الحلوة..
وصباح الخير تقلك..
نزلت تغني
حبيبي خايفه هالحب يكبر
وقلبي يعشقك اكثر واكثر
واذا شفت اني ماستغنى عنك
تخليني ومن حبي تنكر
دخلت عليها الخدامه معها ورده
ماري:فاديه هاذا راجو يقول واحد يعطي يقول لك من بابا مال الكلب
(فاديه راجو يقول هاذي من الرجال حق الكلب لك)
فاديه شمتها وحضنتها وحطتها بقلاس فيه ماي وحطتها على الطاوله
يوم زواج شمس
شمس من كثر الاظطراب كل شوي تروح للحمام
شعاع وفاديه كانو رائعتان
وطايحات فيها رقص
وصار العرس وتمت الفرحه على الجميع
وسافرت شمس مع راكان ماليزيا بلد العرسان
رجعت شعاع للبيت تبكي من فراق اختها وحبيبتها شموسه
دق عليها معاذ وكان البكي مبين بصوتها سألها
معاذ:شفيك ياحبيبتي تكفين قولي
شعاع زادت بالبكي
معاذ: حبيبتي اذا تحبيني صحيح فضفضي قولي لي
شعاع: راحت راحت يامعاذ تزوجت وتركتني احس البيت فاضي بدون شمس مايصلح يامعاذ آآه ياليتها ترجع
معاذ تأكد انها شعاع لما قالت شمس وضل ساكت
هدت شوي وقالت:انا فرحانه عشانها بس هاذي اختي كانت معاي بكل شي فرحي حزني بزعلي بعصبيتي برواقتي وكل شي يامعاذ كل شي
معاذ: .... شعاع
تفاحأت شعاع:.....
معاذ: انا عارفك من البدايه بس مشيتها لاني احبك ومحتاج اسمع صوتك لانه يطفي اشواق قلبي
شعاع قفلت وارسلت
(توقعت كل شي الا انك تستغفلني ياخساره حبي لك)
ورساله ثانيه
(امسح رقمي من جهازك وامسح اسمي من ذاكرتك وانساني)
وطفت جهازها وقعدت تبكي
اما معاذ انجن وندم انه اعترف انه كاشفها وظل طول الليل يدق ويلقاه مقفل
بيت ابو طلال
نزلت بلقيس وشافت اخوها خالد يتسحب معه صينيه فيها اكل وخايف ابوه يشوفه
بلقيس: خالد وش فيك تتسحب
خالد: شوي شوي وطي صوتك
لايسمعك ابوي
بلقيس: هههههه ابوي مو بالبيت ارتاح
خالد:الله يريحك باي
بلقيس لبست عبايتها
خالد: على وين العزم ان شالله
بلقيس: قريب رايحه بيت جيرانا
خالد:ليش وش فيه
بلقيس: ولاشي سهره بناتي
خالد ابتسم بخبث:فيها رقص
بلقيس:اكيد باي انا تأخرت
طلعت واكل خالد بسرعه عشان يلحق السهره من اولها
فاديه كانت مجهزه للسهره عصيرات وفوشار وبطاطس
وكاكاوات ومانست اهم شي الاونو
وصلت بلقيس وبقت شعاع
فاديه:وش رايك نرقص ونستهبل على ماتوصل شوشو
بلقيس: يله دوري اغنيه نستهبل عليها
طلعت اغنيت اضواء الشهره لكارول سماحه
وبدا التحدي بالرقص بالطبع الافضليه لفاديه لانها متعوده واهلها فري بعكس بلقيس الي ابوها متحشر واخوانها على طول موجودين بالبيت ماتاخذ راحتها بالرقص
فاديه: اف زهقت طولت شوشو
بلقيس: دقي عليها
اديه على طول دقت
شعاع ماطلعت من حالت امس
فاديه:شوشو وينك طولتي
شعاع: اعذريني ماقدر اجي
فاديه: ليه عسى ماشر
شعاع: ماشر بس تعبانه شوي
فاديه: سلامتك ياقلبي ومعذوره
شعاع: الله يسلمك سلمي على بلقيس باي
فاديه: الله يسلمك باي
بلقيس:لاتقولي مي جايه
فاديه:انا ما قلت انتي قلتي
بلقيس: طيب يله خليني اغلبك بالاونو
وبدو لعب
اما خالد كان حاظر من البدايه ويتفرج عليهم من الشباك
هز جواله بأيده وكان صديقه
حمود
رد بصوت واطي: هلا حمود
حمود: وشفيك طولت الناس ولعت زقايرها وبدت تحشش
ودرعو بالحريم الحق يارجل
(صاحب سوء)
خالد: كيف تبدون بدوني شلون لو مو سهرتكم على حسابي
(فلوس الاكتتاب)
حمود: شنسوي طولت
خالد: يله انا ماراح اطول باي
بعد شهر
معاذ راجع للبيت شاف ماجد اخو شعاع قدام باب بيته ويودع واحد بسيارته نزل عشان يسلم على ماجد ويظبط علاقات
معاذ: السلام عليكم
ماجد:وعليكم السلام هلا والله بالجار القاطع
معاذ: لا قاطع ولا شي بس الدنيا مشاغل ومثلك عارف المحل ماخذ اغلب وقتي
ماجد: الله يوفقك تفضل تقهوه عندي قاعد لحالي
معاذ ماصدق خبر دخل على طول
ماجد: يوه منصور نسى جواله
معاذ: من منصور
ماجد:الي كنت واقف معه
دخل منصور واعطاه جواله ماجد وطلع
معاذ: انا شايف حولته قبل كذا
ماجد: ههههههه هاذا جاي يخطب اختي
معاذ: اختك مو تزوجت
ماجد: لا الصغيره بعد مافلس من الكبيره
انجن معاذ :هالاحول واضح داخل على طمع
(كان يبيه يرفضه عشان يخطبها)
ماجد: وانت صادق شكله كذا
معاذ: انا استأذن
ماجد: بدري وين
معاذ :والله تارك المحل وانت عارف اذا ماقابلته بيضيع
ماجد: على راحتك بس لازم تعيدها
معاذ: اكيد قريب انشالله
فمان الله
ماجد :مع السلامه
طلع من دوانيه ماجد ودق على شعاع على طول وماردت
ارسلها (شوشو ردي ضروري لاتتكلمين بس اسمعيني)
ودق
شعاع كسر خاطرها وردت ولا تكلمت
معاذ: شوشو ....اشتقتلك
قفلت الخط
ارسلها(خلاص والله بسولف جد) ورجع دق
ردت وبقت ساكته
معاذ بجديه: شعاع انا اليوم كنت عند اخوك وقالي على الاحول الي كان خاطب اختك واليوم جاي يخطبك
شعاع: ايش منصور خطبني
معاذ بداخله(ياقلبي هالصوت اشتقتله والله اشتقتلك ياشوشو):مثل ماسمعتي ابغاك ترفضينه وانا الاسبوع الجاي اخطبك
استانست شعاع وقالت من ورى قلبها:انا برفضه وبرفضك معه مش مستعده ارتبط بواحد استغفلني
وقفلت الخط وارتمت على السرير بفرح
رجعت شمس من شهر العسل
استقبلتها شعاع بالدموع والاحظان
شمس:شوشو حبيبتي خلاص كافي بكى
شعاع:وحشتيني
شمس:طلعت غاليه وانا مادري
شعاع: والله حتى انا مادري اكتشفت هالشي بعد مامشيتي
شمس: تعالي اوريك هديتك
شعاع: شوفتك هي اكبر هديه بس اذا ماعجبتني هديتك ياويلك
شمس:هههههه ادري تعلميني فيك
شعاع:احكيلي وش سويتي هناك بالتفصيل
شمس:ياي ياشوشو بلد ولا اجمل شنو مطاعم شنو منتزهات شنو فنادق شنو طبيعه
جنت الله على ارضه بأختصار روووووعه خيال جنان
شعاع: والركوي شخباره
شمس: وجع بس انا ادلعه ياقلبي فديته
شعاع: ههههه شكلك رحتي في خرايطه
شمس: هو بس خرايطه آآآه ياحبي له
شعاع:لاااا الجلسه يبغالها عصير ثواني وراجعه
طلعت شعاع وحبت شمس ترسل رساله لراكان رسايلها الي بجهازها كلها ارسلتها له اخذت جوال شعاع تدور شي جديد وشافت رسايل معاذ وكانت مسجلته حبي
شعاع :هاذا العصير البارد وصل
شمس: وشو هاذا شعاع هاذي اخرت ثقتنا بك
شعاع ارتبكت:شمس خليني افهمك السالفه
شمس رفعت صوتها: وش تفهميني سواد وجهك مايبيله شرح واضح
شعاع: اسكتي لاتسمعك امي واجلسي بلا قل عقل
شمس هدت وجلست وحكت لها من لما راحت مع شذا للسوق الين اخر مكالمه
شمس:بشوف اخرتها معك بس اذا ماخطبك الاسبوع الجاي انا بتصرف
شعاع ارتاحت قدرت تقنع اختها وكملت سوالف مع شمس
خالد طلع من بيت وكان صديقه
حمود: وينك طولت
خالد: حمود عندك كمرا فديو
حمود:لا ليش تبيها
خالد: مفاجأه بس الحين بروح اشتي كمره فديو
حمود: ياخي جوالك به كمرا فديو
خالد: لا تصويرها مو واظح هذيك احسن عشان انسخ على راحتي
حمود: الساتر الله منك
خالد ابتسم بخبث:انت ارتاح بس
دقت شعاع على فاديه وعزمتها بمناسبه عودت شمس
طلعت فاديه بعد ما استأذنت من امها
شافت بندر واقف عند الباب حبت تحرق اعصابه شوي
ركبت مع راجو ورا
وفتحت الشبابيك وكشفت
وجهها وشعرها وبدا يطير من الهوا
بندر لما شافها كذا انجن من الغيره ودق عليها وماردت وارسل
(فاديه سكري شبابيك السياره وراك سياره فيها شباب)
فاديه قرتها وظحكت تحسبه يكذب من الغيره ماردت عليه
السياره الي فيها شابين بدو يتحرشون براجو بالسيارات
راجو ماعرف يتصرف وقف و نزل ومعه عجرته
بس لما نزلو الاول بلش براجو والثاني فتح باب فاديه ومد يده
بس بندر ظربه قبل يلمسها وسكر الباب وبدا فيه ظرب وعشر دقايق الا انهم هجو
وظل بندر مع راجو فتح باب فاديه وماتكلم ولا كلمه
اخذ شيلتها ولفها على شعرها وغطا وجها
وهي تبكي
وقبل يمشي رفع الغطا ومسح دموعها
فاديه وهي تبكي : ب.ن.د.ر انا ك.ن.ت بس
وقاطعها وحط اصبعه على فمها
وقال:اشششش
دموعك غاليه
فاديه لاشعوريا حضنته وزادت بالبكى
بندر صدمته حركتها
بس مسح على ظهرها الين هدت ورجعها للسياره
معاذ: لاتخافين انا ملاكك الحارس
وسكر الشبابيك وراح لسيارته
كمل راجو لبيت عمها
وطبعا بندر وراهم
دخلت فاديه بيت عمها لقت البنات لوحدهم
وقعدت تبكي وهم يسألونها وشفيها وهي تزيد بالبكي
دق راكان على شمس عازمها على العشاء
شمس كانت بترفض بس اشرتلها فاديه عشان تروح معه
قفلت من راكان وقالت: اذا بتقوليلي وش فيك بروح
فاديه كذبت:تهاوشت انا وماما بتزوجني غصب من ولد اختها
شمس:وبس هاذي السالفه انا رايي توافقين ترى الزواج حلو اسأليني
:هههههه انتي كذا شايفه
شمس: كذا ونص
شعاع:طيب روحي راكان يحتريك تحت
نزلت شمس وبقن شعاع وفاديه مع بعض
شعاع: فدو لايكون تحسبيني صدقت كذبتك على شمس انا شعاع افهمك من عيونك
فاديه رجعت تبكي: خلاص انا بقولك الحقيقه
وقالتلها كل شي من سالفه الكلب الى قبل تجيهم
شعاع:هههههه طيب خليني اعترفلك بشي
فاديه: ايش
شعاع قالت السالفه كلها زي ماقالتها لشمس
فاديه: يعني انا وياك ابتلينا بالحب من هذاك المشوار
وكملن سهرتهن ضحك وسوالف واحلام واماني وخيال
بيت معاذ
معاذ: يمه انا قررت اتزوج
امه:الساعه المباركه و انا حاطه عيني على وحده
معاذ: لا يمه انا ابي شعاع بنت جيرانا وماراح اخذ غيرها
امه: وليه معصب انا اصلا ابيها لك وانا كنت اقصدها
بصراحه اخلاق وجمال وحسب ونسب
معاذ يرقص: نحمد الله جت على مانتمنى
امه:هههههه وش بلاك انخبلت
للحين ماخطبنا
معاذ:لا بس خفت تطلعينلي ببنت من بنات خواتك
امه :لا بنات خواتي موحلوات
مثل شعاع
معاذ: طيب يله مشينا
امه: وين
معاذ: تخطبين لي شوشو
امه: ههههههه صارت شوشو اصبر لازم ناخذ موعد يمكن مو فاضين لنا
معاذ: يوه سالفه مطوله
مد لها التلفون
يله خوذي موعد منهم
دقت على ام ماجد
ام ماجد: هلا ام معاذ شخبارك
ام معاذ: والله الحمد لله بخير ونعمه انتي اخبارك واخبار البنات
ام ماجد: والله ماعليهن امس رجعت شموسه ومبسوطه
ام معاذ: اقول ام ماجد فاضيه بكره العصر
ام ماجد:لا ماعندي شي واذا عندي افضالك
ام معاذ: تسلمين يام ماجد يله اخليك الحين
ام ماجد: مع السلامه
معاذ: يمه ليش بكره ليه مو اليوم
امه: اثقل ياولدي اثقل
معاذ: اف الله يصبرني لبكره
طلع من البيت للمحل
طلع ابو ماجد من شركته وشاف الناس مجتمعه وقف عندهم لقى ابو لولوه (اخو زوجته ام ماجد) طايح ضاربه واحد بالسياره وهرب
اخذه على المستشفى طلع الدكتور من غرفته
ابو ماجد:بشر يادكتور
الدكتور: لا الحمد لله جت سليمه
ابو ماجد: اقدر اشوفه
الدكتور: طبعا وتقدر تاخذه للبيت بعد
دخل ابو ماجد على ابو لولوه
وقال:السلام عليكم الحمد لله على سلامتك
ابو لولوه: وعليك السلام والله يسلمك يابو ماجد
ابو ماجد: يله يا تركي خلني اوديك للبيت
تركي: قبل لك امانه عندي كنت جاي بعطيك اياها بس صار الحادث ومد له ظرف
فتح ابو ماجد الظرف لقى فيه اعتراف من صديقهم علي انه هو الي سرق الفلوس وحطها براس تركي لانه كان خاطب حصه (ام ماجد) قبل ابو ماجد بس تركي رفضه وفضل ابو ماجد عليه
قعد ابو ماجد على الكرسي ونزلت دموعه مسحها بطرف شماغه
ابو ماجد: سامحني ياتركي سامحني ياخوي
تركي: مسموح ياخوي مسموح
دخل ابو ماجد البيت ومعه تركي
وقالو: السلام عليكم
ماجد شعاع ام ماجد :وعليكم السلام
وقامت ام ماجد حضنت اخوها وبكت وبكت شعاع معها
ماجد كان يدور بعيون ابوه تفسير
ابو ماجد: اقعدو وانا افهمكم السالفه
قالهم السالفه
ماجد:طيب وينه علي الحين ياخالي
تركي: الله يرحمه مات بالسرطان امس بعد ما عطاني الاوراق
الجميع:الله يرحمه
طلع خالد من غرفته ومعه كامرا
نط سور بيت جيرانهم
شاف الملحق فاضي
بس نوره شغال
خالد: اكيد راحت تجهز للسهره مثل كل مره
فعلا جت فاديه ومعها اغراض السهره نزلت الاكياس وعبايتها
ورفعت التلفون ودقت على بلقيس
فاديه:يله بلقيس انا استناك
بلقيس:طيب بس اقول لامي
فاديه: خالتي ماراح ترفض يله استناك وقفلت التلفون
خالد لما سمع المكالمه قال بباله يوه بلقيس بتخرب المخطط
ارسلها
(بلقيس لا تروحين مكان ابغاك بموضوع ضروري)
بلقيس قرت الرساله ودقت على فاديه
بلقيس: فاديه خالد ارسلي يبغاني بموضوع
فاديه: يوه شبغابك يمكن يبيك تجربين نوع جديد من السموم الي عنده
بلقيس: فاديه صدق غاليه بس هاذا اخوي
فاديه: طيب اذا راح تعالي
بلقيس: باي
فاديه سكرت السماعه ورفعت صوت التلفزيون وبدت سهرتها
خالد سمع المكالمه وقال لحاله طيب يابنت الزاهي نوع جديد هاه
وشغلل الكمرا وبدا يصورها ويركز على مناطق معينه(xxمشفره xx)
ولمازهقت طفت كل شي وطلعت
خالد اخذ كمرته وراح للبيت من دخل
بلقيس:خالد طولت وش فيك
خالد: ليش اول مره اطول
بلقيس: لا بس انت ارسلت
خالد :ههههههه كان مقلب
بلقيس بأحباط: مقلب حسبت عندك شي
كانت بتطلع
خالد: اقول بلقيس شسم بنت جيرانا بنت الزاهي
بلقيس ببرود: فاديه
خالد: حلو فاديه محسن الزاهي
طلع غرفته وهو يفكر ايش يكتب (فضيحه فاديه الزاهي)
او(الراقصه فاديه الزاهي)
دق عليه حمود
خالد: هلا حمود
حمود: وين مفاجاتك
خالد: اصبر اصبر بكره اوريك هيا
يوم خطوبه شعاع
خطبت ام معاذ شعاع لمعاذ ووافقو امها وابوها وماجد
شعاع: شفتي ياشموسه طلع صادق مو كذاب مثل ماتوقعتي
شمس:الحمد لله اهم شي انتي مبسوطه
شعاع:كلمت مبسوطه قليله
شمس:الله يهنيك ويسعدك
دقت شعاع على فاديه وعلمتها
فاديه: والله شي يونس انك تحبين وتتزوجين الي يحبك
شعاع:عقبالك انتي وبندر
فاديه: بعد هذاك اليوم مادق ولا ارسل شكله زعل او طحت من عينه جد موقف بايخ
شعاع:طيب دقي انتي يمكن يتغلى عليك
شذا: لا مستحيل كرامتي ماتسمح لي
شعاع:فدو الحب مافيه كرامه
فاديه: حتى لو تربيتي ماتسمح شلون اخون ثقت ابوي فيا انا صدق احبه بس والله غير رسالتين ماشاف مني
شعاع: لاياشيخه والحضن يوم سياره الشباب وراك
فاديه: صدقيني ماكنت بوعيي وانا ندمانه جد ندمانه على تهوري
شعاع: يعني ماراح تكلمينه
فاديه: مستحيل
شعاع: وش رايك اخلي معاذ يكلمه ويفهم السالفه
فاديه: لا انتبهي تسوينها والله ازعل
شعاع: خلاص ولا يهمك
فاديه: احلفك بالله ماتكلمين معاذ وماني مسامحتك اذا سويتيها
شعاع:لا والله ماراح اقوله
فاديه: طيب باي ابلحق بابا قبل يطلع باي
فاديه طلعت تركض تبي تلحقه قبل يطل فتحت باب الشارع شافت ابوها
فاديه: بابا
ابوها التفتلها ومشى لاتجاهها
وجت سياره طايره ظربته
نزلو منها خالد وحمود وهم سكرانين
بعدوه عن الطريق ومشو بسرعه يحسبون محد شافهم
اما فاديه انهبلت لما شافت ابوها ودمه حوله
راحت له تركض بالبجامه وماهتمت لشي
وطلع راجو وراها
راجو :روح جيب عبايه مال انته
وفاديه بسرعه راحت تجيب عبايتها
اما راجو شال ابوها وساعده باشا سواق جيرانهم وحطوه بالسياره
طلعت فاديه وركبت السياره وحطت راس ابوها بحضنها وهي تبكي
وصلو المستشفى ونقلوه بسرعه للعمليات
دقت فاديه على بيت عمها رد ماجد
فاديه: من معي
ماجد: انتي داقه من انتي
فاديه وهي تبكي : ما.جد انا فا.ديه ابوي. صارل.ه حا.دث قدام .الب.اب
تعا.ل المس.تشفى
ماجد :يله انا جاي
دقايق وماجد وابوه جو لها
ابو ماجد:فاديه وش صار يابنتي
فاديه وهي تبكي: خالد خالد ولد جيرانا ضربه وهج
ماجد طلع زي المجنون
ابو ماجد: ماجد ياماجد
ماجد راح لبيت ابو طلال وطلعله طلال
مسكه من ثوبه وين اخوك النذل وينه
طلال: ماجد فهمني وش فيه
ماجد: اخوك ضرب عمي بالسياره فاديه شافته وعرفته
طلال: اهدا والله مو بالبيت مادري وينه
ماجد: ان كنت صادق دق عليه
دق طلال عليه وكان مقفل
طلال:شفت مقفله بس القاه اجيبه لك
ماجد:انا اجيبه بمعرفتي
طلع وهو ناوي عليه
طلال دق على الرقم الثاني ورد عليه
طلال معصب: وينك ياوجه المصايب
خالد بتوتر: وش سويت
طلال:لا ياشيخ ومحسن جارنا من ظربه بالسياره
خالد:وانا اش دراني
طلال : فاديه شافتك وقالت لماجد وهو الحين يدورك
خالد: شافتني فاديه
طلال: ايه شافتك
خالد:ههههههه فاديه خلها علي
وقفل من اخوه ودق على بلقيس
بلقيس: هلا خالد
خالد: بلقيس خمس دقايق اكون عندك لاتطلعين
بلقيس: هه هه هه ادري مقلب
خالد: اطلعي انا تحت عند الباب
|