اليوم ملكة فواز وليان
انا سميتها كوميد دراما
نبتدي من العصر في بيت ام رياض
الكوافيره صباح
وهيك خلصنا ماشالله بتجنني
ليان قامت تشوف نفسها في المرايه
من هذي لا مو انا
حرام عليك لا موحلوه شلون كذا
صباح ليه والله بتجنني
ليان انا محب المكياج الثقيل
ونادت نوره وليال ونوف
نوف خير شفيك
ليان شوفو المكياج ماعجبني
والتسريحه لا محب شعري مرفوع كله
بصراحه نوره وليال ونوف
ماسكين نفسهم من الضحك
لأنه ليان مو حلو عليها مكياج ثقيل
نوره2 الله يهداك هذا مكياج الخطوبه
ليال اهو حلو بس
ليان لا مو حلو كأني بروح مهرجان
الألوان
نوف طيب صباح بنتعبك ممكن
تغيرينه لها وحطي لها ناعم
ليان ايه ابيه ناعم وبدون الوان كثيره
صباح بس والله حلو حرام
نوره 2 معليه مدام صباح
تحمليها عروس ولا نبي نزعلها
غيري المكياج والتسريحه فكيها
ولفيه بس
صباح اوكيه مشانك ياعروس
راح اعمل الي بدك اياه
وارجعت صباح من جديد
تعدلها
عند فواز
يلبس الثوب الأبيض
بس شافه ضيق
الله ياخذه خلاه ضيق علي
ماجد لا تقول
فواز والله شفه احس اني غلط فيه
ماجد امرك لأالله غيره
فواز بس انا مفصل الثوب الأبيض
عشان يوم الملكه
ماجد طيب وفصلت معاه الأصفر لبسه
هذا جديد والأبيض رجعه يصلحه
فواز بس انا خاطري في الأبيض
ماجد فواز الله يهداك عادي
أي ثوب ترا انت طول اليوم
وانت متوتر على كل شي بدقق
البس خلنا نلحق عليهم ونروح مع بعض
صارت الساعه 8
فواز حسبي يالله عليك
بس راجع له واوريه
تحركة السيارات متوجه لبيت ابو رياض
فواز ركب معاه مشاعل والعنود
وهم في الطريق فجأه وقفت السياره
فواز بعد ناقصني
حاول يشغلها بس مافيه فايده
نزل وفتح الجامه
ويلمس البطاريه ويحورف يمين وشمال
مشاعل هذا وقتها
العنود اقول خلينا نكلم خالي
ولا ابوي يرجعون لنا
قبل لا يوصلون
مشاعل صبري يمكن تشتغل
بس شافو دخان يطلع من السياره
انزلو بسرعه
مشاعل فواز شفيها
فواز مدري عنها
اليوم هذا استغفر الله
العنود الحق شوف ثوبك يامعرس
بعد ماناظره وكان فيه بقع سوده
فواز تنرفز صج
مشاعل هدي حالك ياخوي
معليه ارجع وغيره
اتصلو على ماجد ورجع لهم
اما فواز كلم زياد ورجعه البيت
عشان يبدل
في بيت ابو رياض
المعازيم اجتمعو والأهل
والأغاني والرقص عند الحريم
نوره اللهم صلي على محمد
مدري من مطالعه المسكين
وهذا غير قصة الثوب الي
قال عنها ماجد
مشاعل شفتي الله يستر
نوره سمعي انتي واختك
لا تقولين لأمك انه رجع
البيت خلاص خليها
العنود اكيد امي بدون شي
وتخاف من العين
ويصير لولدها وحيدها
نوره خلونا ندخل
وصل فواز وزياد
وادخلو المجلس واجلسو مع الرجال
بس المصيبه انه الشيخ للحين ماوصل
ابو رياض يارياض كلمت
الشيخ تراه تأخر كثير
رياض والله حرقت جواله
بس مدري شفيه مايرد
ودقايق يرن جوال رياض
هذا الشيخ
هلا ياشيخ علامك تأخرت
الشيخ والله اسمح لي يارياض
بس توفت جدتي الحين ومقدر
اجي سامحني
رياض الله يرحمها
ويساعدكم
سكر
ابو رياض ها وينه
رياض ماراح يجي
توفت جدته
ابو رياض لا حول والعمل الحين
رياض مدري بدور واحد ثاني
فواز من غير شي كان
معصب من اليوم ولما عرف
ان الشيخ ماهو جاي
المسكين الله يساعده
ماجد استغفر الله بس
الأشارات واضحه ماهو مكتوب لها
فارس اقول تعوذ من ابليس
الحين اكلم الشيخ الي ملك
لي على اختك وان شالله
يكون فاضي
والحمدلله بعد ماكلمه فارس
كان توه ملك على ناس
وهذا بيجي لهم
عند ليان
ليال طيب لقيتو ثاني
زياد ايه كلم فارس وبيجي الحين
ليال زين انتبه له باين اليوم من اوله
زياد خليها على الله
سكر من الجوال
ليان بعد طربوني توفت جدته
نوره2 تعوذي من ابليس
فيه واحد ثاني جاي
نوف داخله ومعاها
مبخر وحاطه فيه عود
تعالي ابخرك
بخرتها وصارت ليان تهبل بعد التعديل
بعد ساعه وصل الشيخ وبدا
وجابو الدفتر لليان عشان توقع
وقعت والكل فرحان
وزغاريد من الأهل
ليان خذت المبخر ثاني مره
بتبخر شعرها
بس بحركه غبيه منها
طيحته على فستانها
وكااااااااااااانت النتيجه
اطلعت علامات حرق الجمر للفستان
ليان خلاص انهارت وصارت تصيح
نوره 2 داخله عليها
يالله ياعروس
وتشهق شفيك
شافت شكل الفستان
ليان والله حرام يصير فيني
كذا خلاص ماني طالعه لأحد
الفستان واخترب
نوره2 انتي سويتي فيه
ليان كنت ببخر شعري
وطاح على الفستان
ليال ونوف داخلين
وشافو شكلها
نوف ليانوه ليه وجهك كذا
خربتي مكياجك
ليال والفستان بعد شوفيه
نوره2 لا تزيدونها عليها
ليان بدت تصيح
نوف خلاص حبيبتي
كل شي يتصلح
ليان كيف ادخل بفستان محروق
ليال لا لبسي الثاني الي
شريتيه
ليان بس انا حبيت هذا
نوره2 حبيبتي انتي شريتي
اثنين واحنا اخترنا هذا بس
الثاني بعد حلو والحين منقدر
نصلح هذا بدليه وهذا
نوديه عند الخياط ويحط
محل الحرق ورود او أي شي
نوف يالله ليان المعرس بيدخل
الحين
نوره2 وتعالي اعدل مكياجك
بعد مابدلت وعدلوها
نوف اقول ليال جلسي
معاها لحد ماتروح لرجلها
ليال اكيد اخاف بعد يصير
لها شي ثاني
الساعه 11 انزلت ليان
وكان في استقبالها فواز
مسك يدها وباس جبينها
ومشو مع بعض عند الكوشه
الي سوها لها واجلسو فيها
وبعدين لبسها شبكتها واكلها الكيك
وبصراحه كانت نوره2 وليال ونوف
ونوره ومشاعل والعنود
حاطين دينهم على قلبهم لايصير شي
بس الحمد لله صار كل شي بخير
بعدها صارو بروحهم في المجلس
فواز واخيرا ياقلبي ملكت عليك
ليان كانت مخنوقه
ولا تحملت وصاحت
فواز حبيبتي ماقلت شي زعلك
ويمسح دموعها
ليان لا بس الي صار لي
اليوم ازعجني كثير
فواز وصار لك اليوم
ليان اول شي مكياجي
ماعجبني وغيرته مع شعري
وثاني وفات جدة الشيخ
واخر شي حرقت فستاني
وانا اتبخر
فواز يبتسم
حتى انا نالني الحظ الحلو اليوم
ياستي ثوبي الي فصلته
لليوم صار ضيق
وبدلته بثاني جديد
وبعدها سيارتي اختربت
واحلفت ماتشتغل ابد
وثالث شي ثوبي توصخ
ورجعت البيت وبدلته
ورابع شي الشيخ
يعني انا اكثر نحس منك اليوم
اضحكت ليان
فواز جعلني افدي هالضحكه
بس تدرين انتي اليوم
غاويه غاويه الا خقاقه
على قولة جدتي
مسك يدها وباسها وحطها عند قلبه
^_^@@@
من قلبي ينبض غلا ومن روحي مسؤله
مابالغ ان قلت لك اني الين الحين
كل ماشوفك تصد عيوني مذهوله
من كبر حبك في قلبي وخاطري والعين
أي حب هذاالذي ان قال واقوله
مدري احيك في قلبي ولا الله يعين
معقوله كل هالغلا ياربي معقوله
وبعدين معك يامهجتي وبعدين
متدري انك في قلبي وممسك بحوله
ومن الصدر خايف لاتجيني عين
وان قالو اطلب شي وتنوله
بتمني حبك كثر ماالله عطاني اسنين
ويش ابقي اكثر ياذوق القلب وميوله
واكبر هديه عندي هالشيين
مكانك الي في قلبي محد ينوله
@@@@@
*&*^*^*^
|