08-15-2011
|
#3
|
وطن بين (قوسين)
(تحميل)
اضغط كليك يمين واختار (حفظ الهدف بإسم)
البارحه كان الوطن قاب قوسين
وأدنى من رماح الحكي والكتابة !
هذيت .. لكن وين أببدا ومن وين ؟
الحب مغري ! والمواجع تشابه .
وأقسمت يا هذا البلد لأكتبك لين ،
يقال محدٍ كثر [ عايض ] هذى به .
يممت .. قلبي بإتجاهك وأنا بين
نار المديح وجنّة اللي رضا به .
وإخترت .. أكون العاصفة والخماسين
مادام دعوات المطر مستجابه !
من كثر ما أزرعك بـ قلبي بساتين ..
ياكثر ما تمطر بـ جفني سحابه
يا بلادي إنتي زيّفوك الرخيصين
لاثوك في شعرٍ رخيص وخطابة .
خلوك للمدح الغبي تستلذين ..
كلن يشوفك شيك داخل حسابه !
اللي يعدونك رقم من ملايين ،
عبّاد قرش وفي عمايم صحابة
واللي يشوفونك مجرد دكاكين ..
ماهمهم سماء الوطن أو ترابه
الغاسلين أموالهم ومغسولين
عن كل ماهم الوطن أو شقا به !
البارحه شفتك مزاين بعارين ..
خيمة سدو ، وهياط شعر وربابه !
غبتي عن عيون الغلابا المساكين
السّاكنين فكل ضيق وكآبة .
اللي صباحك يزرعونه رياحين
واللي مساك يوزعونه رحابه
ضقتي بهم وصدورهم لك ميادين
يعرف مداها من ملاها رتابه
كم رددوا من سارعي هالضعيفين
واليوم ياما سارعوا في عذابه !
شفتي فرحهم يوم عيد البطاطين ؟
من يوم ما دفء الوطن صك بابه !
كنتي بلد وأحلام صرتي نياشين
فصدور عذبها الوفا وارتكابه
كنتي بلد وأحلام ناسٍ بسيطين
صرتي بلد ناسٍ تسمى ذيابه !
شرعت صدري يا وطن للسكاكين
أطعن ترى كل المواجع تشابه !
عايض الظفيري
|
|
|
|
|