منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

08-14-2011

ميثه نزلت الجوال حضنها وحست قلبها يوجعها صوت مي ما اعجبها بس صحت من تفكيرها بيد على كتفها رفعت نظرها وابتسمت

خالد : من اللي اتصل وأخذك مني
ميثه (وقفت) : محد يقدر يا خذني منك
خالد : شفتك خذتي الجوال وطلعتي
ميثه : هذي نغمه مي وما حبيت ازعجك طلعت اكلمها
خالد ( حط ايديه على كتوفها) : بعيونك كلام
ميثه : بروح لاهلي مي طلبت نتقابل هناك
خالد : بس
ميثه(حطت يدها على فمه) : عارفه إن متواعدين نتغدى برا وأنت مآخذ أجازه عشان كذا بس والله صوتها مو عاجبني ومن زمان ما شفتها
خالد (مسك يدها وباسها) : وأنا
ميثه : معليه حبيبي
خالد(بأسلوبي طفولي) : ميوثه ما ابي أقابل فهد على الغداء يغث
ميثه : هههههههههههه حرام عليك
خالد : ميثه تكفين لو خليتني هنا وفهد فيه انتحر إنسان ما يعرف الجد كل الناس غلط وانا صح
ميثه : انت وش دخلك فيه أكل وبس
خالد : تنسد نفسي منتي فيه
ميثه (تبتعد عنه متجه لغرفه) : عادي أعطيك صورتي وتحطها في جيبك كل ما انسدت نفسك طلعها وشوفها تنفتح نفسك
خالد : وووول شايفتني جمال الردهان في بيوت من ثلج طول الوقت امسكها وأقول ميوثتي قبولتي مثل تبولتي قبولتي
ميثه (تطالع له) : تصدق تشابه له بس أنا احلى من تبوله
خالد : انتي احلى من تبوله والحمص والفتوش بس خلي بعد الغداء تروحين
ميثه : خلودي بس اليوم
خالد (يجلس على السرير ويتربع) : طيب نروح ألحين
ميثه (تطالع الساعة) : تتكلم بصدق احد يتغدى الساعة 10 الصبح
خالد : لا نروح نفطر على الأقل وقت الغداء أكون شبعان حسي فيني
ميثه : ما تلاحظ صاير دلوع
خالد : من حقي اتدلل
ميثه : والحين
خالد : اجلي الروحه لبعد الغداء
ميثه (تجلس جنبه) : طيب اكلم فهد واطلبه وأوصيه ما يقول شيء ويسكت
خالد : ما اضمن
ميثه : يا ربي والحل
خالد : .......................
ميثه : طيب شوف نروح ونتغدى عند أهلي أنا وأنت عاد هنا مالك عذر
خالد : موافق
ميثه (طالعت له بنص عين) : خلودي لحظه فهد مو هنا كيف تقول بيتغدى هنا
خالد(أبتسم بخبث) : بصراحه ما أقدر ابعد عنك وفهد عذر ولا انا اقدر اعطيه كف اخليه ينطم
ميثه : تعطي فهد كف هههههههههههههههههههههههه
خالد : شاكه في قدرات زوجك (مد يده لها) شوفي عضلاتي
ميثه : لا لا مصدقه هههههههههههههههههههههه
خالد : وليه تضحكين
ميثه : من يقدر على فهد محد يقدر عليه
خالد : بهذي صدقتي جني هالولد
ميثه : طيب (وقفت) ما في غداء عند اهلي
خالد (مسكها) : لا لا وربي ما تروحين
ميثه : خلودي
خالد : ما فيه
ميثه (ألتفت له) : بلييييييييز
خالد : ...............
ميثه : والله لي زمان مع مي وودي اجلس معها ولما تكون انت موجود انشغل فيك
خالد : يعني ما تبيني
ميثه : أبيك واحبك واشتاق لك بس مي حاسه فيها شيء كبير
خالد : على شرط
ميثه(تأشر على عيونها) : عيوني لو تبي ترخص لك
خالد(باس عيونها وبحب وصدق) : تسلم العيون وصاحبتها أبي السهرة اليوم صباحي
ميثه : ههههههههه بس
خالد : مو تقولين راجعه تعبانه بنام وتخليني لوحدي
ميثه : يا قلبي انت لا بعوض لك الغداء بعشاء
خالد : تم يالله لبسي ولبس ونروح عشان ما تتأخرين على مي
ميثه (باست خده وضمته) : الله لا يحرمني منك
خالد : ولا منك (ضمها له) ميثه
ميثه : لبيه
خالد : روحي لبسي لا أهون عن الروحه
ميثه(طالعت له) : ليه
خالد (همس لها) : لا تعذبيني روحي
ميثه (ابتسمت وهي تبعد) : هههههههه 5 دقائق بس
خالد : طيب (خالد يطالع لها وهي متجه للدولاب وفي نفسه) الله لا يحرمني منك والحمد لله اللي وفقنا ورجعنا لبعض والله يكرمنا ويعوضنا عن الجنين اللي فقدنا

ميثه ما أخذت 10 دقائق بلبس وخالد لبس ثوبه ولبس شماغه وطلع معها ركبوا السياره واتجهوا لبيت اهل ميثه وصلت ونزلت وودعت خالد ولما وصلت للباب شافت سياره سايقهم توصل وشاف مي تنزل قربت منها وسلمت عليها

ميثه : خلينا ندخل
مي (يدها خلف ظهر ميثه) : خلينا ندخل
ميثه (لما دخلت كشفت نقابها) : مشتاقه لك
مي (تكشف نقابها وتظم اختها) : وانا اكثر
ميثه : وش فيك
مي : خلينا ندخل ونتكلم

ميثه ومي دخلن وشافوا أمهم في الصالة قربن وسلمن عليها

ميثه : يمه وش فيك
الأم : ما شفتوا الجوهره لما وصلتن
مي : لا وش فيها
الأم : الجوهره راحت لبيت اهلها
ميثه ومي(بصدمه) : شنوووو
الأم : لا حول ولا قوة إلا بالله أخوك إنسان ما ينطاق والبنت ما عادت تتحمل
مي : وش صاير بينهم
الأم : أخوك يشك فيها
ميثه : يشك ليه شايف شيء عليها
الأم : لا والله بس عيال الحرام ما يخلون لعيال الحلال شيء مو هاين عليهم يخلونهم مرتاحين
مي : كلمتيها
الأم : جتني الصبح واستغربت ما داومت قالت لي اليوم أخذت طبية ولما قلت لها وش فيك شكت لي قالت انتي حسبت امي وما ترضين اللي يصير وحكت لي أشياء والله إن أخوك زين ما جلطها كنت احسب انهم بخير وما دريت انهم في عذاب وان اخوك معذبها محول حياتها جحيم ما قدرت امنعها تروح لأهلها قالت تكفين خليني ارتاح كم يوم محتاجه ابعد ما قدرت
مي : وبندر يدري
الأم : لا طلعت بعد ما طلع
ميثه : اخذت اغراضها ولا طلعت عادي
الأم : شفت معها شنطه صغيره الظاهر كم يوم
ميثه : الله يصلح بينهم
مي (بحزن) : من شاف بلاوي غيره هانت بلاويه يحسبون ان الشك أكبر همهم
الأم : وش فيك
مي (طالعت لامها ودمعت عيونها) : ليه كان يشك كان يهون
الام (قربت لها) : وش فيك
مي(دموعها على خدها) : تعبانه
الأم (تأملت وجها) : وش فيه خدك
ميثه (تقرب لوجه مي) : هذي ضربه سطام ضربك
مي : سطام ضربني ايه
ميثه (بعصبيه) : جعل يده للكسر
الأم : ليه ضربك
مي : كنت اقول له عن الصلاه وعصب علي
الأم : اكيد رفعتي صوتك عليه اعرفك
ميثه : يمه
الأم : سكتي انتي هاه مي استفزيتي سطام صح
مي : يعني همك رفعت صوتي ولا همك ضربني ولا ما يصلي
الأم : لا بس الحرمه السنعه تحترم رجلها
مي : انا احترمته بس
الأم : لا بس ولا شيء كان ممكن تنصحين وتتفاهمين معه
مي (تضحك بألم) : هههههههههههههههههه طيب هذا اتفاهم معه والخمر
الام وميثه(بصدمه) : خمر
مي : أيه خمر مو تقولين رجال زين مو اكدتي لي يا يمه طلع رجال ما يعرف ربه ما يصلي وخمااااار
الأم : متاكده
مي : بعيوني شفته (بكت) بعيوني شفته البارح راجع سكران يترنح
الأم : .................
ميثه : حسبي الله عليه
مي (تقرب لامها) : ألقي لي حل وش اسوي وش بيكون شكلي قدام الناس ما يعرف ربه وخمار
الام : اصبري
ميثه (ألتفت بصدمه ) : شو اصبري هذا يطلقها
الأم (ألتفت بعصبيه) : وش يطلقها اختك ما صار لها إلا شهر متزوجه وش بيقولون الناس عنا
مي (بعصبيه) : وش بيقولون الناس ولعنتهم المهم انا حياتي
الأم : مالك شر انتي تقدرين تغيرينه وتوجهينه لطريق الصح طريق ربه
مي : اعدله يعني
الأم : أيه احتسبي الاجر فيه وجهيه ولك حسنات
مي : يمه أنتي همك ما اتطلق مو همك شيء ثاني
الأم : الطلاق صعب وسالفة السكر والصلاة مقدور عليها
ميثه : يمه مي مو مسؤوله عنه توجهه إذا اهو رجال عمره 35 سنه ما تعدل تجي وحده توها داخل 20 سنه تمسك يده وتوجهه
الأم : ميثه هذا زوجها وإذا وجهته لطريق الصح ما هو خطأ
مي (وقفت وهي تبكي) : أنتي مو هامك شيء بس الطلاق لا لا لا انا تعبااااااااااانه ورجوع لسطام ماني راجعه مو بنت عبدالله اللي تأخذ خمار
ميثه (تشوف أختها تصعد وهي تبكي) : يمه بندر لازم يعرف ومي مالها رجعه له
الأم (توقف) : مالك دخل وبصراحه سالفة الخمر مو داخله مزاجي الظاهر اختك تألف
ميثه (توقف بصدمه) : قصدك تكذب مستحيل
الأم : تكذب ولا لا طلاق تحلم فيه وش بيقولون الناس والحريم بين المجالس عني بنتها مطلقه
ميثه : يمه لمتى وانتي تهتمين بالناس وآخر همك بنتك
الأم : أختك ما تعرف مصلحتها بعدها صغيره وإذا صدق ما يصلي نقدر نكلم أمه والخمر بكلم امه راح يتعدل بس مو سبب يطلقها عشانه
ميثه (هزت راسها) : مستحيل انتي تصدميني أروح اشوفها احسن

صعدت ميثه لغرفة مي ودخلت شافتها جالسه على الكرسي وتبكي قربت وضمت أختها لها وهي تسمع شهقاتها وقلبها يوجعها

ميثه (في نفسها) : يا قلبي دايم حظك منحوس قلت خلاص لقيتي الراحه بس الظاهر مهي مقدره لك آآآه يا مي كبرتي من الهم والوجع 20 سنه

______________________________________

في بيت ليالي ..

ليالي قررت ما تروح للكلية اليوم عشان تكون مستعدة نفسيا للجلسة مع جاسم نزلت وشافت أمها وأمها حمده جالسات قربت وباست رأسهن

ليالي (تجلس وتصب لها حليب) : ..............
الأم : وش فيك ما رحتي للكلية
ليالي : جاسم بيجي يتغدى عندنا وأنا أرد تعبانه قلت اجلس اليوم ما يضر
الأم حمده : ما عندك شيء مهم
ليالي (تشرب الحليب) : لا أبوي وناصر ومحمد وين
الأم حمده : في الشغل بس ناصر قال يستأذن مبكر عشان جاسم والغداء
ليالي (في نفسها) : اليوم بشوفك وبعرف ليه تتهرب مني ليه (حست فجأه بصداع ) آآه
الأم : بسم الله وش فيك
ليالي : رأسي (مسكت رأسها) آمممممم
الأم (مسكت رأسها) : وش فيك
ليالي : صداع شوي لا تحاتين البارح ما نمت عدل
الأم : ليه تاعبك شيء
ليالي : لا ( وفي نفسها) متعبني جاسم وحالتنا وش فيه مو طبيعي يالرجال
الأم حمده : ليالي
ليالي : هلا
الأم حمده : وش متعبك (شافتها نزلت عيونها) شوفي يا ليالي جاسم صح ولد اخوي واعرف إن أمه مدلعته لان الولد الوحيد والكل يبي يلبي له طلباته لين زاد الدلال والتدليل هو حياوي ايه ويستحي حتى من خياله مو معناه انه مو رجال لا اهو ونعم الرجال بس تصرفاته هي اللي تخرب عليه
ليالي : يمه جاسم من كان صغير كذا اعتقدت ان اذا كبر وشاف الدنيا يتغير بس نفس الطبع حياوي لدرجه تقهر مكالمات ما يرد علي ولا حتى يتصل ما احس انه زوجي لا يزورني ولا يكلمني
الام حمده : هذا مضايقك
ليالي : أبي احس اني بنت مثل كل البنات تتلهف له لوجوده لمكالماته بس ما احس اني تغيرت على وضعي متزوجه بس بدون احساس (حطت يدها على صدرها وغمضت عيونها ) أأأه
الأم (تقرب لها بخوف) : وش فيك
ليالي : احس بكتمه يمه
الأم (تمسح على قلب بنتها وهي تقرى عليها) : من التفكير اهدي حبيبتي
ليالي (توقف) : بروح اشرب ماي

اتجهت للمطبخ وشرب ماي وسندت راسها بيدها تحاول تداري دمعتها لا تنزل حست بخطوات خلفها ألتفت وابتسمت لما شافته قربت وباست راسه

الأب : وش فيك امك تقول فيك شيء
ليالي : ضيقه شوي
الاب : تبين تروحين للمستشفى
ليالي : لا ما يحتاج يبه
الأب : جاسم على وصول توه اتصل على بس مو لوحده
ليالي : أجل
الأب : أمه معاه
ليالي (رفعت حاجبها) : امه اظن ناصر عزمه اهو ما قال انت والقبيله
الأب : شنو ما تبينها
ليالي (حطت الكوب) : انا مو عازمه جاسم لعيونه انا بصراحه ابي اشوف وش آخر هالوضع ليه يتهرب مني
الأب : وش فيها اذا امه معه
ليالي : انا كلمت جاسم من ملكنا مرتين وكنت انا اللي اتصل مو اهو وإذا قلت له ليه ما تزورنا قال بشوف امي وش دخل امه بكل سالفه
الاب : هذي صارت عمتك
ليالي : الله والعمه
الأب (بحزم) : ليالي عيب
ليالي (صدت عنه) : .................
الأب (قرب وحط يده على كتفها) : متضايقه من جاسم واهماله لك
ليالي (غمضت عيونها) : انا بنت ومن حقي اعيش لحضات الخطوبه بحلوها ومرها من حقي اتعرف على شريك حياتي وافهم طبعه انا بعيش معه العمر كله لو الله كتب لنا عمر بس هو مو معطيني مجال
الأب : سمعي انا بخليك معه لوحدكم وبقول لأمهاتك يشغلون أمه لين تشوفينه
ليالي : يبه انا محتاجه ارتاح وافهمه
الأب (ضمها له) : بترتاحين (سمع رن جرس الباب) وصلوا خليك هنا لين تهدين لا تطلعين لهم كذا وسلمي على عمتك واستأذني وتعالي للمجلس طيب
ليالي : حاضر

فعلا هدت أو حاولت تهدأ سلمت على عمتها وجلست شوي معها كانت موقته جوالها إن يرن عشان تقدر تستأذن وتروح للمجلس ولما رن جوالها استأذنت على اساس عندها مكالمه طلعت من الباب الخلفي للمطبخ للمجلس كانت لابسه فستان لين نص الساق لونه اورنج ضيق من الصدر وواسع لين تحت وعليه على جنب ورده دانتيل لونها اسود وفيها كرستال صغير ورابطه شعرها كبه وعليه فيونكه اورنج حاطه غلوس خفيف ومسكره غمضت عيونها واهي تقرأ آيات عشان تهدأ اخذت نفس ودخلت

ليالي : السلام عليكم
جاسم والاب : وعليكم السلام
ليالي (قربت لجاسم ومدت يدها له) : كيفك
جاسم (مد يده بحياء واهو منزل عيونه) : بخير
ليالي (طالعت لأبوها اللي اشر لها تصبر جلست) : ................
جاسم (جلس شوي بعيد) : ...............
الأب : بخليكم
جاسم (وقف ) : وين

ليالي طالعت له مصدومه من تصرفه وطالعت لأبوها اللي انصدم من ردت فعله

الاب : بخليكم تجلسون لوحدكم
جاسم : لازم يعني
ليالي (هزت راسها لا) : ...............
الأب : ليه ما تبي تجلس لوحدكم
جاسم (يطالع لليالي وبحياء) : ما عمرنا جلسنا لوحدنا
ليالي (وقفت بعصبيه وقربت منه واهو تراجع) : كفايه
الاب : ليالـ..
ليالي ( ألتفت لأبوها) : لو سمحت يبه خلنا لوحدنا
جاسم : لا
ليالي : مستحيل انت
الاب : بطلع ليالي اهدي
جاسم : طيب ناد امي
ليالي (بصدمه) : شنووووو
جاسم (خاف من عصبيتها) : امي
ليالي (رفعت حاجبها) : امك ما تبي امي بعد وامي حمده ونجيب جيرانا بعد
جاسم (حس في صوتها استهزاء) : لا بس امي
الاب (مسك نفسه لا تفلت اعصابه) : جاسم اجلس ليالي تبي تتكلم معك وانا برجع
ليالي (لما طلع ابوها صرت على ضروسها) : اجلس
جاسم (خاف وجلس) : هلا
ليالي (تجلس قدامه) : جاسم ليه تزوجتني
جاسم : أمي قالت لي اخطب ليالي
ليالي (كتفت ايديها) : امك قالت
جاسم : أيه
ليالي : وانت
جاسم : اللي تقول امي اطيعه
ليالي : جاسم انا اتصل عليك ما ترد انا زوجتك ترى
جاسم : أيه بس لما تتصلين امي ما تكون فيه
ليالي (رفعت حاجبها) : وش دخلها
جاسم : ترد عليك
ليالي(بأستهزاء) : ليه متصله على امك ولا عليك
جاسم : انا وامي واحد
ليالي : واحد حلو يعني لو تزوجنا نسكن عند امك
جاسم (أبتسم ) : أيه حتى امي قالت ان غرفتنا جنب غرفتها
ليالي (وقفت) : جاسم كم عمرك
جاسم : تقريبا 26 سنه
ليالي : يعني رجال صح
جاسم : أيه
ليالي : معقوله رجال عمره 26 سنه ما يعرف يأخذ قرار بنفسه كل شيء امك كل موضوع تقول امك انا ما اخذت شهر معك اكتشتف ان امك هي المحرك الأساسي في حياتك وانت عمرك قررت شيء
جاسم : كل حياتي امي
ليالي : أنا امك على راسي وعيني بس انا ابيك انت تقرر انا متزوجتك مو متزوجه امك
جاسم : مو فاهم
ليالي : جاسم امس اتصل ناصر عليك قال انت معزوم للغداء انت وبس ليه امك
جاسم : ما اعرف اروح من غيرها
ليالي : يعني لو تزوجنا امك بتعيش معنا صح
جاسم : لا احنا بنعيش معها
ليالي (مسكت راسها وحست تبي تنفجر) : جاسم وش تعرف عن الزواج
جاسم : ما اعرف تبين اسأل امي
ليالي : هههههههههههههههههههههههه تسأل امك الحياه بين الازواج ما تعرفها
جاسم : لا
ليالي : لا بصراحه ما في امل تتغير (جلست قدامه واهي تتأمله) جاسم
جاسم (نزل عيونه) : هلا
ليالي : انا ما اكره في الرجل ان يكون حياوي صح ما احب الجرأه المبالغه بس ليه انت كذا تحسسني اني مو انثى لازم انا استحي من وجودك مو انت تمنيت تتصل علي وتكلمني ليه ما اتصلت ما تبي ليالي ما تحبها كزوجه حسسني اني مهمه عندك مو ان امك قالت تزوجها انت تكسرني (دمعت عيونها) انت ما تبيني صح
جاسم : ليالي لا تبكين
ليالي : يهمك ما اظن
جاسم : انتي زعلانه اني ما اتصلت صح انا كنت بتصل بس والله استحي امي تقول لا تتصل كثير عليها
ليالي (سكرت اذونها واهي توقف) : بس بس بس امي أمي أمي من جلسنا وامي

الأب دخل وشافها واقفه وشاف جاسم اللي منصدم وأنتبه لدمعتها

الأب : ليالي
جاسم (بخوف) : ما سويت لها شيء
ليالي (هزت راسها بلا وهي تشوف ابوها) : مستحيل افهمه مستحيل

طلعت ليالي من المجلس ودخلت من باب المطبخ ولا عبرت امهاتها ولا ام جاسم اللي انصدمن منها يوم صعدت كان واضح انها تبكي

أم جاسم : وش فيها
الأم حمده (غمزت لأم ليالي) : يمكن وحده من صديقاتها متصله زعلتها
الام : بصعد اشوفها اسمحوا لي (صعدت ودخلت غرفة ليالي كانت على سريرها تبكي قربت ) ليالي وش صار بينكم
ليالي (تتعدل ودموعها على خدها) : يمه هذا مو رجال مستحيل اسلوبه انثى بجسد رجل كل ما كلمته قال امي امي يمه ليه حظي بالأرض
الأم (تضمها) : بسم الله وش فيك
ليالي (تضم امها) : متضااااااااااااااااااايقه يمه مخنوووووووقه جاسم بارد ولا يحس يستحي من وجودي اكثر من اني استحي منه حتى رفض ابوي يخلينا لوحدنا كل رجل يتمنى يجلس لوحده مع زوجته يعبر لها ويسولف معها ويمزحون ويضحكون يداري خاطرها ويكره دمعتها بس هذا لا لا
الأم : يمكن عشان مو متعود عليك
ليالي (تصر على ضروسها تكتم قهرها) : مو متعود اقول ليه خطبتني على وعسى ان يكون اهو تمناني يشفع له هذا الشيء تصرفاته معي قال امي قالت اخطب قلت حاضر حتى مو رغبته يمه طلب من امه
الأم : يمكن تمنتك لولدها لان امك حمده تسولف عنك
ليالي (وقفت وابتعدت وكتفت ايديها وهي تطالع لامها) : آمن بالله موافقه بس تعرفين انه ورع امه
الأم (بحزم) : ليالي عيب
ليالي : وش العيب ان ما يتحرك إلا بأمر امه ان ما يرد على مكالماتي إلا برضى امه أن ما يتصل علي لان امه قالت لا تتصل كل شيء أمه أمه امه يمه هذا ما يشك خيط بأبره إلا لما يقول لامه
الأم : طاعة الوالدين واجب والجنه تحت اقدام امهات
ليالي : يمه وش هالمنطق أنا قايله لك يهجر امه يطردها اقول لك ما يكلمني ولا يرد علي إلا بموافقه امه
الأم (تمسك يدها وتجلسها) : طيب اهدي هذي تصرفاته لانه متعود على وجود امه بحياته بس انتي بتكونين زوجته وعلى يدك بيتغير
ليالي : يتغير هذا لو يبعد عن امه ممكن يموت مثل السمك لو طلع من ماء البحر مات
الأم : أنا ما ابي تأخذينه عن امه او تبعدينه لا
ليالي : أنا ما ابي آخذه انا مااااااااااااا ابيه بحياتي
الأم : شنو تقصدين
ليالي : يطلقني
الأم (انصدمت) : مجنونه وش يطلقك انت ما صار لك معه شهر وش تبين يقولون الناس
ليالي : أكرررررررررررررهه هذا مستحيل يكون رجال انا أرجل منه
الأم (بعصبيه) : عييييييييييييب
ليالي (ضمت رجولها لها ودفنت وجها بينهم) : ....................
الأم (تأخذ نفس واهي تمسح على شعر ليالي ) : ليالي الطلاق مو حل من اول مشكله تواجهك معه تقولين بتطلع جاسم من كان صغير دلوع امه لان امه ما عندها غيره إحنا مالنا حكم على طريقة تربيته اللي خلته اقرب للبنات بالتصرفات لو كان شكله رجل كامل والكامل الله ابوه توفى صغير وما يعرف غير امه يحبها حب غير الناس وهي تموت في الأرض اللي يمشي عليها لدرجه إن جاسم ما عنده أصحاب دايم مع امه دايم انا واثقه انك بتغيرين طريقته وطريقة حياته بتعلمينه ان يكون رجل يعتمد عليه
ليالي (على نفس الوضع وهي تبكي) : ضلع اعوج ما يتعدل جاسم مو صغير رجال كبير يفهم الحياه بس امه مخليته في قوقعه تتحكم فيه وشكل حياتنا مستحيله
الأم : لا لا لا تيأسين قبل انك تحاولين على الأقل
ليالي : يمه خليني لوحدي
الأم : ما راح تنزلين
ليالي : ما ابي اشوف احد
الأم : وعمتك
ليالي (تنسدح وتتغطى) : هي اللي جت بنفسها انا ما عزمتها
الأم : عيب
ليالي : عيب عيب عيب خلووووووووووووني هي لو تعرف العيب ما تدخلت بحياة ولدها تفرض عليه كل شيء أوووووووووووووه خليني لا انزل ألحين وافرغ كل قهري وعصبيتي فيها
الأم (وقفت) : الله يهدي سرك يا بنتي

ليالي عضت على مخدتها وهي تبكي اليوم عرفت ان حياتها انتهت قبل تبدأ عرفت ان اللي في المجلس لا يمكن يتغير رجل بس ما يعرف شنو الرجوله قوه بأس شموخ حضور هيبه

أأأأأأأأأأأأه يا جاسم فرق بينك وبين سالم فرق حاولت ألقي فيك شبه بس سالم رجل بكل ما تعني الكلمه بس انت ما تعرف وش الكلمه

----------------------------------