منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

08-14-2011

في بيت مي ..

كانت جالسه على سريرها تفكر في اللي صار لها اليوم وقفت واتجهت للمرايه كان خدها محمر كثير ومورم

مي : وش أسوي بكره لو لاحظوه أكيد بيشوفنه البنات واضح اسكت ولا أقول لبندر بندر لو عرف والله يذبحه (مسكت رأسها) أبي شاي

اتجهت للمطبخ شافت علبة الشاي فاضيه

مي : أفففففففف أبي شاي (طالعت للساعه 11 ونص) لا تو الناس أكيد ما جاء للحين انزل أجيب من عند مريم شاي سطام ما يرجع هذا الوقت دايم يتأخر

أخذت العلبة ونزلت السلم بشويش كانت الدنيا ظلمه نزلت على أطراف أصابعها وقلبها يضرب من الخوف لا يرجع ويعرف واهو محذر إذا كان عند مريم ما تنزل تحت هي ما تعرف ليه دخلت المطبخ وأخذت ورق شاي وطلعت السلم تتسحب مثل ما نزلت بس وقف لما شافت الباب ينفتح ويدخل سطام تشنجت عن الحركه لما شافته ما كان من الخوف بقدر ما كان من الصدمه شافته يوم يدخل شكله مو طبيعي كان شماغه على كتفه ويترنح ويغني

سطام : بوس الواو

مي خافت من حالته كان مبهدل بلعت ريقها وهي تشوفه يتجه للسلم كان الضوء خافت وشكله مو مركز شافت باب غرفة مريم ينفتح واتجهت لسطام مسكت يده وهي ما انتبهت لمي في آخر السلم

مريم : وين رايح
سطام (طالع لها) : وش تبين
مريم : وش أبي تبي تروح لمي كذا
سطام (يطالع لنفسه) : وش فيني أهبل
مريم : يا حظي والله لو تشوفك بهذي الحالة لتهبل فيها
سطام : أبعدي عني لا كف خليني أروح للحلوة البنوته
مريم : أنت ناسي اليوم يومي
سطام : ما أبيك يالعجوز (ترنح وجلس) أبي دلوعتي
مريم : دلوعتك لو شافتك سكران لتنفضح
مي (حطت يدها على فمها لا تشهق وعيونها تدمع ) : ......................
سطام : أبي مـــــي
مريم : يا ويل مي منك حرام عليك اليوم تضربها والبنت ما تتحمل ضربتين في الرأس توجع مديت يدك عليها وتجيها تالي الليل سكران انت مو قلت تركت الشرب لييييييييييييييه رجعت له
سطام (يوقف ومريم تسنده) : هي السبب
مريم : السبب بشنو
سطام : تقول تبي تهجرني ما اقدر على بعدها أموت
مريم (تتجه معه لغرفتها) : تهجرك لو شافتك كذا سكران أنا يالله يالله اليوم هديتها وقلت لها ما تقول لأحد وكلمتها انك بتتعدل تقوم تصعد لها كذا لا بتهدم كل شيء
سطام (باس خدها) : إيه تكفين كلميها كل اللي تبي أسوي لها بس لا تبعد عني
مريم (دمعت عيونها) : كلامك يذبحني وأنت ما تحس
سطام (والخمر مسيطر عليه) : موتي عادي يالعجوز بس مي حبيبتي تبقى
مريم : لا حول ولا قوة إلا بالله تعال بس ندخل قبل تشوفك

مي تسندت على الجدار ودموعها على خدها وهي تتذكر كلامهم دخلت غرفتها وحطت الشاي على الطاولة وما حست بنفسها إلا راميه نفسها على السرير ضمت وسادتها لها

مي : سكران سطام سكران لا ليه صلاه ما يصلي سكراااااااااااااااااااااااااااااااااااااااااااان (حست بضيقه من الصدمة) لا لا ما اقدر أتحمل أعيش معه لا لا (بكت وهي تتذكر شكله تسمع كلامه وكلام مريم يرن في اذونها غطت اذنيها ) لااااااااااااااا حراااااااام سكراااااااان آآآآآآآآآآآآآآآه يا مي يا حظك السيئ طووووووووووول عمري منحوسه ما عمري راح أعيش يوم زين لازم اتعب لازم أبكي لازم لازم أعيش من سيء لأسوء لييييييييييييييييييييييييييه ياربي ليه تعاقبني كذااااااااااااااا آآآآآآآآآآآآآآآآه

بكت وهي تضم الوساده لصدرها وترتجف من تذكر شكله وحالته لين نامت ولا حست بنفسها والدمع على خدودها

------------------------------------

نعود لجده ..

من رجع صالح وشاف نجود نايمه وظهرها له قرر ما يزعجها ووقت الجوال على صلاة الفجر بس النوم جفاه وانسدح على السرير وأخذه الوقت في التفكير لين أذن المسجد هلل وكبر مد يده وهز كتف نجود

صالح : نجود نجود
نجود (تتعدل وبعيونها النوم) : هلا وش فيه
صالح : أذن المؤذن (انتبه لعيونها المورمه) بروح أصلي وبعدها بطلع للمطار
نجود : قلت مطار ولا يتهيأ لي
صالح (يقوم من السرير وتجه للدولاب) : ايه المطار بسافر الرياض
نجود (توقف وتتجه له) : ليه في شيء صاير
صالح (يطلع جوازه) : لا بس قلت لك ملكة اخوك والبتول اليوم
نجود : وش دخلك
صالح : بكون الشاهد
نجود : ما قلت لي انك تبي تسافر
صالح : حصل الأمر فجأة
نجود : كيف فجأة
صالح : طلبني سلطان أكون الشاهد واهو تكفل في التذكرة ووصلتني أمس ما كنت مؤكد أسافر
نجود : ما تقدر يعني على الأقل تعطيني خبر
صالح (يلبس ثوبه ويآخذ شماغه) : رجعت وكنت نايمه ما حبيت اصحيك لانك صرتي عصبيه وما تعرفين تتفاهمين بس تعصبين
نجود (كتفت أيديها) : اها ما حبيت تصحيني بس عادي أتفاجئ
صالح : اللي صار بطلع للمطار توصين على شيء
نجود (تتجه للحمام) : سكر الباب وراك وأنت طالع من البيت

دخلت الحمام وسكرت الباب وجلست على الأرض البارده وهي تسند الباب بظهرها ونزلت دموعها

نجود (بهمس وهي تضرب رأسها بشويش في الباب) : مستهتر مستهتر طول عمرك مستهتر آآآآآآآآآه كل شيء عندك ببرود وتفسيراتك للأمور على كيفك

سمعت ضرب على الباب وسكتت ودموعها على خدها

صالح : نجود
نجود : ........................
صالح : نجود ردي علي
نجود (عضت على شفايفها لا يسمع شهقاتها وهي تفكر) : لو أنك تفهم سبب تغيري كان عرفت إني حامل بس أنت ما صرت تحس في نجود همك بس شغلك وعيالك بس نجود مجرد زوجه وبس نسيت الحبيبه نسيت يا صالح تغيري وشكلي ما لاحظت حتى حملي ولا اهتميت صرت بارد في تعاملك تسهر او تطلع بس قليل تجلس معي آآآآآآآآآه
صالح : طلعي بتكلم معك
نجود : روح
صالح : ما اقدر أروح وأنتي كذا
نجود : روح
صالح : نجود
نجود (ضربت الباب بعصبيه) : رووووووووووووووووووووووووووووووح آآآآآآآآآآآآه ما أبي أتكلم معك سو اللي تحب ما راح أقول شيء ولا اعترض أصلا أنت وش يهمك
صالح : نجود

نجود وقفت و فتحت الدش وجلست في المسبح والماي على رأسها تحس بحرارة بجسمها ودموعها على خدها وهي تسمع ضرباته على الباب وبعد فتره توقفت الضربات عرفت انه طلع للمسجد ومنها للمطار كانت 5 دقايق كفيله تطفي النار في جسمها من القهر والألم ومن البرود اللي صاير في حياتهم كله عصبيه كله لا مبالاه وكله غضب نامت البارح وهي تبكي واهو ولا هنا راجع متأخر وهي تعرف انه يتجنب المواجهة معها دايم حلول صالح الهروب من المواجهة

صالح اللي طلع من المسجد وأهو يذكر الله ويستغفر ويهلل اتجه للمطار بسيارته ويفكر في نجود وحالتها اللي متغيره مو فاهم ليه صايره عصبيه وش فيها قليله صبر وصل للمطار وشاف عبدالله ينتظره سلم عليه واتجهوا يأخذون كوفي الصبح على ما ينادون على موعد الطيارة وصالح يسولف مع عبدالله بس يسرح في نجود يتصل بس ما ترد عليه يعرف أنها رافضه ترد عليه سمعوا نداء الطيارة واتجهوا لها قفل جواله وقرر يتصل أول ما يملكون لسلطان عشان يبشرها

نجود كانت في غرفتها وتسمع صوت جوالها بس ما تبي ترد عليه واهي جالسه على سريرها تفكر فيه وفي حملها وفي حياتها اللي صارت مشاكل صحاها من سرحنها صوت الخدامة

نجود : شنو
مليكه : محمد واحمد وحمد ما يفتح باب
نجود (طالعت للساعة ) : الساعة 6:30 وقت المدرسة
مليكه : هو يقول لا ما فيه مدرسه
نجود (ترمي الغطاء) : وش فيهم (اتجهت لغرفة عيالها وضربت الباب) محمد افتح الباب
محمد : لا
نجود : وش لا
محمد : ما أبي افتح الباب
نجود : حمد احمد افتحوا الباب
محمد : محد يفتح الباب المفتاح معي
نجود : طيب وش فيه ليه ما تفتح
محمد : ما نبيكم
نجود : من تقصد
احمد (بعصبيه) : أنتي وبابا
نجود (انصدمت ) : وش
حمد : أيه أنتو كله هواش كله معصبين
نجود : ....................
احمد : من راحت عمتي وبتول صرتي مع بابا تعصبون
محمد : وبابا صار كثير يزعلنا كثير ما يسمع لنا ولا يجلس معنا كله برا
حمد : وأنتي كله تبكين كله بغرفتك ما تعرفين وين إحنا أكلنا شربنا نمنا كله مليكه تشوفنا
محمد : البارح ولا واحد فيكم جانا نمنا متغطين ولا لا
أحمد ومحمد وحمد(بكوا) : مااااااااااااااااا نحبكم
نجود (دمعت عيونها وجلست على الأرض قدام باب الغرفه وهي مصدومه) : ما تحبونا
محمد : نحبكم قبل بس ألحين لا
حمد : أبي نكون مثل قبل
أحمد : ليييييه
محمد أحمد وحمد : مااااااااااااااااااااااااا نحبكم

نجود حست الدنيا تدور حولها وهي تسمع كلام عيالها وتحس فيهم يبكون وتسمع شهقاتهم و هي نفسيتها تعبانه والبارح ما اكلت واليوم كلموا عيالها عليها غابت عن الوعي ومليكه مسكتها قبل تضرب رأسها بالرخام

مليكه (بخوف) : مدااااااااااام

محمد واحمد وحمد بس سمعوا مليكه تصيح في اسم أمهم فتحوا الباب وشافوا أمهم طايحه بين أيدين مليكه ركضوا لها وضموها وهم يبكون ومليكه تبكي وهي مسكتها مو عارفه وش تسوي

محمد واحمد وحمد : مااااااااااااااااااااااااااااماااااااااااااااااااا اااااااااااااا

-----------------------------

في الكليه ..

سمر ووضحه وبدور ودلع متجهات للمحاضرة ...

سمر (تتثاوب) : اففففف نعسانه
البنات : ههههههههههههههههههههههههههههههههه
سمر : بنات بليز ترى مالي خلق تريقه وتعليقات سخيفه
دلع : محد قالك لك اسهري مع الحبيب
سمر : بكيفي جلست ساعة أترجى فيه بليييييييييييييز بنام واهو من شرط لشرط
وضحه : اهو عاد ما قصر استغل الفرص
سمر : موووووووت والله ما خلاني لين وعدته اتغدى معه اليوم
بدور : يا ويلك هههههههههههههههههههه
سمر : شنو يا ويلي انا ما وافقت لين وعدني ما يسوي شيء
وضحه : بعد الملكة ما ينضمن
سمر (وقفت ) : لا تخوفني عاد بنكون لوحدنا
دلع : كان خليتي الغداء يا في بيتهم يا بيتكم عشان ما تتركين له مجال
سمر : عاد اللي صار ألحين وش أسوي
وضحه : سوات الله ابرك هههههههههههههههههه
سمر : لا بنات مو تخوفوني وبعدين تخلوني كذا
دلع : والله لو محرم لكم كان رحت وخربت عليه بس أخاف يشوفني ويطلقك ويأخذني
سمر (ضربتها على كفتها بعصبيه) : وجع فال الله ولا فالك طيب وش أسوي
بدور : شوفي لك احد محرم
سمر : وش محرم يعني اخوي سالم آخذ
وضحه : عشان يذبحك سالم معروف مقالب وحركات ما يتحمل عبدالرحمن
سمر : طيب كيف ( فكرت وفكرت ) افففففففففف ما فيه احد
دلع (ضربتها بشويش مع كتفها وابتسم بخبث) : شوفي من هناك
سمر (ألتفت وابتسمت) : جبتيها
وضحه : هههههههههههههه لا حرام والله بتضرب فيوزاته المسكين
سمر : بروح أقول لها وارجع لا تروحون ( عطت كتبها للوضحه واتجهت لهاجر) هاي
هاجر وهديل: هايات
سمر : كيفكم صبايا منيحين
هديل : منيحه
هاجر : منيحين كتر خير الله وأنتي يا مرت عمي كيفك
سمر : منيحه بس بطلب منك خدمه
هديل : طيب أخليكم
سمر (تمسك يدها) : لا خليك عادي
هاجر : وش فيه
سمر : بصراحة عمك عازمني على الغداء
هاجر : طيب
سمر : وانا بعزمك معنا
هديل : ما شاء الله غداء ببلاش
هاجر(طالعت لسمر) : ليه
سمر : شنو
هاجر : ليه
سمر (أبتسمت ) : محرم
هاجر : هههههههههههههههههههههههههه
هديل : وش فيكم
هاجر (ألتفت لهديل) : حمايه قصدها مو واثقة بعمي
سمر (أستحت ) : هاجر
هاجر : ههههههههههههههه لا خطيرة الفكرة طيب عمي يعرف
هديل : شكله ما يعرف
سمر : ههههههههههههه لا
هاجر : امممم مدري
سمر : بليييييييييز هجوره
هاجر : يعني عمي ما اقدر أخون فيه
سمر : يوووووووه عاد النذالة بدأت خلصني
هاجر : مدري ( شافت سمر بتروح مسكت يدها) هههههههههههه تعالي موافقة
سمر (بفرح) : جد
هاجر : إيه ونااااااااااسه بشوف وجه عمي بينجلط
سمر وهديل : هههههههههههههههههههههههه
سمر : الساعه 12 ونص
هاجر : عندي محاضره بس بسحب عليها لعيونك
هديل : قولي للنذالة مو عيونها
البنات : هههههههههههههههههههههههه
سمر : اوكيه سي يو عندي محاضره
هديل وهاجر : سي يو
سمر (توصل لبنات واهي تبتسم ) : تم
دلع : وافقت
سمر : ما صدقت هههههههههههههه
وضحه : حرام عبدالرحمن بيكره نفسه
البنات : هههههههههههههههههههههههه
بدور : بس قولي لي إذا رجعتي وش صار
دلع : وووووه وش ينطرني للعصر بعرف
سمر : برجع أنام لا تنتظروني
بدور : أذبحك أنا ما راح أنام لين تتصلين علي
دلع : حتى أنا
وضحه : أنا أبي اعرف شعوره لما يعرف ان هاجر معكم
البنات : هههههههههههههههههههه
بدور (تطالع ساعتها) : المحاضرة تبي تبدأ ومي للحين ما وصلت
سمر : مدري تأخرت بتصل عليها ( طلعت جوالها ورن ورن ولا احد يرد) ما ترد
وضحه : اتصلي مره ثانيه
سمر (ترجع تتصل) : طيب (بعد انتظار) ميوووه
مي (بصوت كله نوم) : هلا سمسم
سمر : صباح الخير صح النوم يا كسوله
مي (تتعدل) : سوري قلبي صباح الورد
سمر : سحبتي على الكليه
مي : راحت علي نومه
سمر : والمحاضرات
مي : ما اقدر احضر بنقلها منك بعدين
سمر (ابتعدت عن البنات شوي) : وش فيه صوتك
مي : مافيه
سمر : مي وش فيك
مي : تعبانه شوي
سمر : سطام
مي : زعلنا من بعض بس
سمر : بس زعل
مي : أيه
سمر : صوتك مو عاجبني
مي : عشان توني صاحيه معليه قلبو بأخذ دش وأروح بيت أمي
سمر : زيارة
مي : إيه وش رأيك تطلعين من الكلية وتجين نتغدى هناك
سمر : معليه عبدالرحمن عازمني على الغداء برا
مي (بخيبه) : اها
سمر : فدييييييييييتك يالله تبين شيء محاضره تبي تبدأ
مي : لا سلمي لي على البنات
سمر : اوكيه مع السلامة
مي : مع السلامة

مسكت رأسها يوجعها رمت الجوال على السرير وطالعت الساعة 9:30

أخذت المنشفة وحطتها على كتفها اتجهت للدولاب طلعت لها تنوره لنص الساق فوشي وبلوزه نص كم من الصدر واليدين مزموم لونها ابيض اتجهت لدرج التسريحه وفتحته طلعت لها بروش لونه فوشي افتح من لون التنوره بشويش وحطته على السرير جنب ملابسها واتجهت للحمام تأخذ لها دش تحس جسمها يوجعها وعيونها مورمه أخذت دش سريع وطلعت لابسه الروب قربت من التسريحه وهي تنشف وجها رمت المنشفة أخذت جوالها وراحت للمطبخ دخلت وطلعت لها نسكافيه تحس بصداع قويه تبي أي شيء يخففه سوت لها نسكافيه وجلست في المطبخ تشرب رفعت الجوال واتصلت

مي : ألو صباح الخير
الأم : صباح النور هلا مي كيفك وكيف رجلك
مي : بخير
الأم (ما عجبها صوت بنتها) : وش فيك
مي : تعبانه شوي راسي مصدع وكبدي توجعني
الأم (بفرح) : حامل
مي (بصدمه) : حامل
الأم : أيه وش فيك
مي : لا مو حامل
الام : وش عرفك هذي أعراض
مي (تقاطعها) : يمه ماني حامل افهمي
الأم : أها زين طيب وش فيك
مي : متضايقه شوي ترى اليوم بجي اتغدى عندكم
الأم : الله يحييك
مي : ويبقيك يالغاليه أبي ترسلين لي السواق بعد ربع ساع
الأم : برسله لك بس وين سواقكم

مي ما تبي احد يعرف أنها تبي تطلع تخاف مريم تتصل على سطام ويرفض

مي : طالع مريم مأخذته وما راح ترجع مبكر
الأم : خلاص برسله لك
مي : ميثه ما جت لكم
الام : قبل يومين بس
مي : مشتاقه لها بتصل أشوف اذا تقدر تجي ولا لا
الأم : خلاص اتصلي عليها بتفرح بشوفتك
مي : خلاص بتصل وأقول لها توصين على شيء
الأم : سلامتك
مي : الله يسلمك مع السلامة
الأم : مع السلامة
مي (سكرت الجوال من أمها واتصلت بميثه ابتسمت) : هلا بأحلى صوت سمعته
ميثه : يا هلا وغلا
مي : كيفك
ميثه : مشتاقه لك
مي : وأنا اكثر ميثه
ميثه : لبيه يا قلبي
مي (دمعت عيونها) : محتاجه لك
ميثه : وش فيك
مي : تعبانه
ميثه : تبين اجيك خالد هنا بقول له يجيبني لك
مي : لا بروح بعد شوي بيت امي تقدرين تجين
ميثه : لعيونك أقدر خلاص بقول لخالد يوصلني بيت امي
مي : لا تتأخرين
ميثه : لا
مي : طيب بخليك بروح البس مع السلامة
ميثه : مع السلامة