طريقة تعطير الحمام تدوم لمدة شهر
لقيت طريقة من أحد الأخوات فكرة الأخت جزاها الله خير أنك تجيبين علبة بلاستيك وتحطين فيها الجل الأخضر المعقم حق الحمامات
وتخرمينها كم خرم بالمفك المربع أربعة خروم فوق وأربعة تحت ول حبيتي تزيدين الخروم زيدي
وترمينها في السيفون وتبقى حوالي الشهر
وممكن شهرين حسب إستعمالكم للتواليت

وأنا أضيف عليها وأقول هناك من الجل بروائح متعددة مثل الليمون والتفاح والفراولة
العلبة خليها واقفة بالجانب المقابل للعوامة
وأيضاً خليها واقفة مو نايمة
ومن مميزات هذه الطريقو أنها تريحك من التعقيم والتعطير كل شوي بعد الإستعمال وتبعد الإحراج
وتوفر ماء السيفون المهدر لأن العلبة تشغل حيز من السيفون عوضاً عن الماء
ولقيت لكم طريقة مجربة شخصيا لتعطير الحمام
وبالخطوات المصورة


أولا
نحتاج إلى





علبة بلاستيك ماتكون كبيرة ولا صغيرة متوسطه كل ماكانت أصغر يكون أفضل

واللي بالصورة علبة جل حق الشعر وممكن تلاقون زيها عند أبو ريالين وممكن علب المايونيز وماشابهها

ثانيا



نحتاج للجل الأخضر الخاص بالتنظيف من أي ماركة
وهذي صورة الأصلي اللي أنا أستعمله في بيتي ولا أستغني عنه 2000ملم بـــــ 10 ريال ووقت العروض
التجارية يوصل سبعة ريال



ثالثا





طريقة العمل

بالبداية ناخذ العلبة البلاستيكية ونسوي فيها فتحات إما بالمفك أو غيره

وأنا إستخدمت أداة مثل السيخ سخنته على النار وبعدها بديت أعمل ثقوب بالعلبة

هذي صورة العلبة مع الأداة




وهذي صورة للعلبة بعد ماعملت فيها ثقوب

وكل ماتكون الثقوب كثيرة كل ماتكون تنزل من المحلول
أكثر وتخلص أسرع




رابعا

ناخذ العلبة ونعبيها من الجل الأخضر وتصير عندنا بهذالشكل
شفتوا تحفة



الخطوة الأخيرة

ناخذ العلبة وبعدين ( أجلكم الله ) نروح لدورة المياة ونضع العلبه بالسيفون





في كل مرة أحد يستخدم السيفون راح تطلع رغوة تخلي ريحة الحمام

freshورائع بإستمرار

الله يرحمك ويسكنك فسيح جناته