"" يا يمــه """"
يمه .... يايمه .... فديتك لاتخلينـــي
................... بعثرني الهم وأبغى يديك تجمعني
يمه افهميني تراك ان مافهمتيني
................... مافيه شخص بهالدنيا بيسعمنــي
ماعدت انا طفلتك .. كبرت شوفيني
................... خليك يمي ترى الا طماع تتبـــعني
لا تدلليني ... . أبي منك تدليــــني
................... وابي ايديــــك تداعبني وتصفعني
ولا انهد حيلي أبي عطفك يقويني
................... ياما كلامك على الشدات شجعني
وان جيتك ابكي .. ابي منك تهديني
................... مابيك تبكين .. أبغى العقل ينفعني
يا مملكة عطف يا عطر الرياحينـــي
................... براثن الهم والهوجاس تـــــلسعنـي
بسمتك عندي الا من ضقت تكفيني
................... وارضاك عني عن الاحزان يرفعني
اسمى العلاقات تربــط بينك وبيني
................... ياللي احضانك ان ضاق الكون تاسعني
لك احترامي وحبي والوفا .. فيني
................... وفيك اروع الحب مايخطي ويخدعني
"""" البطاقــه الشخصيــه """"
أنا عجوز مطلـــقة وام ورعـــــــان
................... وأيضاً مدام وبنت وآنس وعانـــس
أنا بدوية وعايشه عند حضـــــران
................... وبنت البحر أبـــوي زارع وغارس
أمية ماتعرف حروف وألــــــــــوان
................... وتلميذة دشت جميــــع المدارس
ضفره وخبله ، عاقله،في نقصان
................... شرود وأنطح لي ثمانيـــن فارس
خلونِي أعيش العبره دون عنـــوان
................... طــــــيف يمر بلا رقابـــــه وحارس
"""" النــاس """"
الناس سدّادة سلف يوم الرخا باكر يضيع
................... ما بي اسوي حاجة أصبح عليها نــــادمه
أبحث بقلب التجربه وآخذ من أحداث الجميع
................... عبره تساعدني على صدمات وقت قادمه
بعطي واسامح للبشر وأحسن مع الكل الصنيع
................... حتى إذا جار الزمن القى صديق انــــادمه
ودي على طول الزمن أكون منديل الفجيـع
................... أحب أعمّر ما أرتضي أكون لحظة نــــادمه
وما دمت أنا متعافيه وما زلت في سن الربيع
................... مهما يكن حجم العمل أرفض وجود الخادمه
"""" ترى الذبايح """"
تر ى الذبايـح واهلهـا ماتسليـــــــنى
................... انـا ادرى ان المـرض لايمكـن علاجـه
ادرى تبى راحتى يابعد عيــــــــنى
................... حـرام ماقصـرت ايديـك فـى حـا جـه
اخذ وصاتــــــــى وامانه لاتبكيـــــنى
................... لو كان لك خاطر مـاودى ازعاجــــه
ابيــــــك بيد يك تــــشهدنى وتسقينى
................... امانتـك لا يـــجـى جسمـى الثــــلاجـه
لف الكفن فى يديك وصف رجلينـــــى
................... ماغيرك احد كشف حسناه واحراجه
سامح على اللى جرى مابينك وبينى
................... ايام تمشـى عـدل وايـام منــــعاجـه
عيالى همى وانا اللى فى يكفينـــى
................... علمهـم الديـن تفسيـره ومنـــهاجـه
هذاك لو قال الشتى،،،صيف عرقت
....................... ولوقال صيفي برد شبيت نارى
هذاك لو قال الجمل طير،،،صدقت
....................... واقول ريشه بعثرته الصحارى
هذاك لو قال المطر كذب،،،وافقت
....................... وادور الاعذار حق الخبارى
هذاك لو قال القمر طاح،،،صفقت
....................... واقول مللته كثير المسارى
هذاك لوينفى وجودى ،،،توهقت
....................... ماعاد ليه حل غير انتحارى
"""" آخر موعــد """"
له موعد لاروح الليل وياي
................... أول وآخـــر موعــد مع فتاتــــه
اليوم ما تنفع دموعي ورجواي
................... اليوم تفصل عن حياتي حياتـــه
اليوم يعطيني بقايا بقاياي
................... واعطيه انا ماشلت من ذكرياته
اليوم بابدل مشاعر حناياي
................... يصبح من اخواني وانا من خواته
اليوم يتركني لحالي بدنياي
................... مجبور يــــقفي لو يزيد التــــفاته
اليوم يخلف عن مماشيه ممشاي
................... والله ما أضمن من عذابه نجاتــه
لو اتعلق فيه ما ينفع ابكاي
................... خلاص فات الوقت واعلن فواتـه
اليوم بعطيه العزا عقب فرقاي
................... عندي خبر وش قيمتي في حياته
وانا العزا مابيه من كبر بلواي
................... ماينفع اللي عاش واعلن وفاتــه
يارحمة الله ساعديهم بسلواي
................... يعوضه الله بانكسار امنياتــــــه
اليوم ياهمي وياطول مسراي
................... يافرحة العذال وأهل الشماتــــه
"""" قبــول النـداء """"
لــي صاحب آه ..... لاجانــي ولا جيتــه
...................من الغيظ شطب وجودي مع عناوينــي
قطيت أنا جملة أوراقه و .......... خليته
...................وأقول لوك تحب تراب ......... رجلينــي
يومين ...... هونت ما أصبـر عنه باغيتـه
...................والصوم عن حلفــي اللي فات يكفينـي
ناديت له فـي ظلام الياس ........ ناديته
...................و" تــــم قبول النـداء " ودمعت عينــي
غسل عذاب محطمنــي و ....... كاميته
...................ونثـر بذور البشاير في ....... بساتيـنـي
"""" ياصاحبـــي """"
ياصاحبــي ... بس تكفـى ... لاتجنــنــي
................... ما عفت من ضرنـي .. وشلون خلانـــي ؟؟
حتــى الذي ضرنــي ... لا ضاق يحزنــي
...................ماعندي أعداء ، كـل النـــاس صدقانــــي
قلبــي معاكم نظيف وصافــي ظنـــــي
...................لا مايتغيــر غـلاك إن صرت ... غلطانــي
والله لا سامح الغلطة وأنــــا ... أغنـــي
...................من لاعذر صاحبـه يعيش ... وحدانـــــي
وإن كان قلبــي حقود ... الله يـــلعنــي
...................وإن كان مالـي شرف ... عساي للفانــي
"""" طيــري""""
طيري غدا بين هالغربــان !!
...................يــامن يـدور على طيــري !!
في ساعة خاطري زعلان !!
...................بيــــدي سلمته لغيــــري !!
ماهـوب غض ولا حقـران !!
...................يـــا للأسف ضاع تفكيـري !!
ما جابه الخاطر النـــدمان !!
...................ولا انـــفعني معاذيــــري !!
لو إنـــــه مخلي العنـــوان !!
...................والله لاوريـــه تقديــــــري !!
"""" العيـــد باكـــر """"
العيد باكر .. وأسعد الله ممساك
...................والله مدري ويـــــــن خـدٍ جلستـه
وين أنت يلي عيدنا في محيـاك
...................كف القدر من ضيقت الخلق بسته
من يوم ما لوحت لي كف يمناك
...................لليوم دمعي بالخفا مـا حبستـه
ومن يوم ما ذوقتني حر فرقـاك
...................والياس زرعه في حياتي غرسته
شريت لي ثوبٍ على شان لقياك
...................والثوب راحت موضته ما لبسته
وشريت عطرٍ ما زهاني بليـاك
...................أربع سنين بعلبتـه مـا لمستـه
ودفتر قصيدٍ كل يـوم يترجـاك
...................ما فيه يومٍ ما سهرت ودرستـه
...سبة هروبي ...
ارحل واروح بعيد عنك واتخفى
** ** ** ** ** واركض واطالع كل ساعة ورايه
واليا انتهى دربي قعدت اتعفى
** ** ** ** **الا انت ياسبة هروبي معايه
أشوف لك لمحة إا الطرف غفى
** ** ** ** **في صحوتي ماخذ خيالي مرايه
لو أنعمي وأنصم .. لو استخفا
** ** ** ** **لو عشت أنا والذاكرة مو معاية
بحر غرامك حالفه مايجفا
** ** ** ** **عبر مسام الجلد تدخل حشايه
|