اليوم اللي بعده :
بعد وفاة الأب لقوا العيال ان ماجد كتب البيت بأسم البندري ونص الشركة,
طلبوا منها تتنازل لهم عن البيت ونصيبها بالشركة مقابل انهم يتنازلون عن رفع قضية ضدها انها سبب وفاة ابوهم , طبعا البندري اشترت حريتها بفلوسهم ( وهي اصلا خسرت كل شي الزوج , الولد , الحبيب كلمة الحبيب كانت قوية قوية عليها , ومثل مادخلت البندري البيت بشنطة طلعت بشنطة .
اليوم اللي بعده :
طلعت من البيت لكن وين تروح وين تعيش وين تآكل وتشرب وين تنام مالها احد بالدنيا هذي اللي كانت تنتظره ماجاء وعرفت انه ماراح يجي. مشت بالشارع ومشت لقت قدامها مستشفى دخلت فيها ونامت على الكرسي في غرفة الانتظار.
في الصباح جات ميري عاملة النظافة تنظف الا لقت البندري
ميري : مدام مدام يلا قوم
البندري :قامت وفركت عينها وراحت الحمام غسلت وجهها ورجعت ل ميري
ميري : مدام انت ايش فيه نايم هنا
البندري : اقول وين غرفة مال مدير
ميري : اها شوف انتا يمشي سيده
البندري قاطعتها : اقول وديني لغرفته
طق طق : الدكتور ناصر : ادخل
ميري : سير هذا واحد يغي يشوف انت
دخلت البندري : السلام عليكم
الدكتور ناصر : عليكم السلام , آمري اختي
البندري : ميآمر عليك عدو , راح ادخل بالموضوع على طول
الدكتور : تفضلي
البندري : قامت تكح , كح كح
جاب لها الدكتور ماء صحه تفضلي
البندري : شربت الماي تسلم بصراحة انا محتاجة شغل ابي اشتغل في المستشفى
الدكتور : طيب وش مؤهلاتك
البندري : انا جامعية
الدكتور : حلو وش تخصصك
البندري : رياض أطفال
الدكتور : حلو كثير طيب عندك شهادات خبرة او دورات في الحاسب او الانجليزي
البندري: لا
الدكتور : بصراحة مادري وش اقولك
البندري : لا تقول انا بقول انت تحسب جايه ابي اشتغل في الاستقبال لا انا مابي اشتغل م وعشان شي عشان ماعندي مؤهلات لكن انا ابي اشتغل مثل ميري
الدكتور : يعني
البندري : ايه يعني عاملة نظافة ابوس رجولك توافق
الدكتور : حن قلبه عليها وقال دام هذي رغبتك اعتبري نفسك من اليوم موظفة هنا بالمستشفى
اليوم اللي بعده :
اشتغلت البندري عاملة نظافة وسكنت في سكن الأجانب مع الممرضات , طبعا كل اللي يشتغلون في المستشفى كانوا متعاطفين مع البندري وحالتها,
وفي يوم من الأيام وهي تمسح الأرض الا تسمع صوت وحده ,
البندري : الصوت هذا سامعته التفت تشوف الا هيفا وفارس جالسين في السيب ( الممر ) ( هيفا حامل ) نزلت دمعة من عين البندري وراحت الحمام تبكي بحرقه بقهر تذكرت رائد , تذكرت ايامها مع الشلة تذكرت كل شي حلو كان بحياتها. قالت خلني أروح أسأل هيفا وفارس عن رائد, ترددت كثير لكن عشان رائد مستعدة تسوي أي شي بس توصل له.
البندري جات وجلست جنب هيفا : قالت : هيفا
هيفا : التفت نعم
البندري: شخبارك هيفا
هيفا : بخير بس مين انتي
البندري : انا انا البندري
التفت فارس انتي البندري زوجة جدي؟
البندري : ايه زوجة جدك الله يرحمه , انا ماراح اطول عليكم تعرفون شي عن رائد.
فارس : لا والله آخر شي سمعناه عنه انه راح برى يشتغل.
قامت البندري ومشت بالسيب وهيفا تناظر فيها وتقول يالله يافارس هذي الحرمة بيوم من الأيام كنت عايشة مثل الأميرات واللحين شوف وش صار بحالها.
طبعا رائد اشتغل في مستشفى كبير ومشهور في بريطانيا وكان كل تفكيره ب البندري ياترى وش صار عليها قدرت تكمل حياتها مع ماجد ويرجعون مثل قبل , ياترى كم صار عمر ولدها , ياترى نستني مع الأيام ولا بعدها تذكرني , رائد مانسى البندري ولا لحظة ولا دقيقة وطان يحس بالألم والعذاب كل مايتذكرها ويقول حسبي الله علي اللي فرق بيني وبينها.
--------------------------------------------------------------------------------
اليوم اللي بعده :
في يوم من الأيام طاحت البندري مغمى عليها جاها ضيق تنفس , ودوها الطوارئ وكشفوا النقاب والحجاب عنها , وصل الدكتور بدر ولما شافها وقف لحظة يناظر فيها يالله هذي البندري عاملة النظافة معقوله كل هالجمال ويشتغل في خدمة الناس حرام عليهم هذي المفروش تكون اميرة ملكة , المهم عالجها وصارت أحسن وبعد كم يوم طلبها يتكلم معها على انفراد. وجايب معه كوبين كافي.
بدر : شخبارك اللحين يالبندري
البندري : انا بخير الحمد لله
بدر : تفضلي اشربي الكافي .
البندري: شكرا شربت
بدر: ماراح اطول عليك بدخل بالموضوع بسرعة
البندري : تفضل
بدر : بصراحة انا من شفتك ذاك اليوم لما اغمى عليك وانا مو قادر اجمع شي , سحرتيني
كل هالجمال وين كان مخبى
البندري : تناظر فيه عفوا دكتور
بدر: خليني اكمل بصراحة انتي عاجبتني وبصراحة اكثر انا جاي اطلب يدك للزواج
البندري : يؤيؤيؤيؤيؤ ايش زواج , ناظرت في يده قالت وزوجتك
بدري : زوجتي على عيني وعلى راسي , انا ابيك
البندري : اتوقع عندك عيال صح
بدر : صح اثنين
البندري : وانت متوقع اوافق
بدر: وليه لا
البندري : اتوقع انت تدري اني ارمله
بدر : ادري
البندري : طيب وين بتسكني مع زوجتك
بدر: لا انتي فهمتي غلط نتزوج مسيار راح احط لك شقة لحالك
البندري: مسيار ماشاء الله دكتور بدر انت رجال متزوج وعندك عيال لا تهدم بيتك بيدك وقف وناظرته بكل احتقار ورمت الكافي بوجهه وقالت عند اذنك.
|