اليوم اللي بعده :
غلا جات من المدرسة فرحانة وتصرخ من دخلت من الباب يماا باركي لي نجحت أخيرا تخرجت من المتوسط واااااااااااو
ام غلا: تضم بنتها مبروك يابنتي ألف مبروك عقبال ما تدخلين علي بشهادة الجامعة اموووووووه تبوس بنتها
غلا : يما من بكرة لا من بكرة أيش اليوم اليوم نروح السوق ونجهز لحفلتي لازم تسوين لي حفلة تخرج
أم غلا: و أحلى حفلة تخرج بعد
غلا: رائد أبيك تودينا أنا وأمي السوق نتقضى للحفلة
رائد : ولا يهمك كم غلا عندي وحده
البندري حست بالغيرة اممم اقدر اروح معاكم انا طفشانة البنات ونايمين وماعندي احد.
كشخ رائد بالثوب والغترة طلع واااااو قمر لما شافتها البندري ( طاح سعبولها ) البندري في نفسها وش هالحلى طالع قمر فديته
وصلهم المجمع , البندري : تبي أي فرصة عشان تجلس مع رائد وبسرعة جاتها فكرة قالت مثل ذيك المره تعبانه شوي بجلس هنا اذا صرت احسن لحقتكم ( كانت عارفة ان رائد ماراح يخليها تجلس لحاالها وعارفة بعد أن أم غلا بتقول : رائد خلك مع البندري اذا صارت أحسن ألحقونا
هنا رائد انبسط قال هذي فرصتي جلسوا قدام بعض وهي تناظر فيه مبسوطه على الآخر
حس برعشة وقال لازم اتشجع واتكلم لازم
الا البندري تكلمت : أقول رائد وش رايك بالبحث؟
رائد: يجنن تسلم أيدك
البندري : والشوكلاته والباقة
رائد : لا هذي شي ثاني ومالقى نفسه الا هو يقولها عن سالفة الشوكلاته والباقة مع غيداء بالمستشفى , بعدها سكت شوي وقال كيف اعترف لها , انا عارف ماراح تطلع مني الكلمة حس أن المكان مو مناسب بعد تردد
قال: البندري أقدر أشوفك الليلة
البندري: ايه عادي مثل كل يوم
رائد : لالالا مافهمتي ابي اشوفك على انفراد
البندري : اوكي بس وين
رائد: في غرفتي
البندري : ( مسويه فيها ) غرفتك ؟؟؟؟؟؟؟؟؟
رائد : لا تفهميني خطأ
البندري: مبسووووطه على الآخر اوكي ولا يهمك يلا نروح
في الليل والشباب سهرانين سولفوا كثير وانتهت السهرة بسرعة وكل واحد راح غرفته
طبعا جات السهرة وانتهائها بدري على مزاج البندري ورائد طلعت لغرفتها وهي حاطه في بالها أنه تشوف رائد قالت لماجد بطلع برى الغرفة أضبط هدية غلا ومابي ازعجك قالها اوكي
طلعت من الغرفة ونزلت الدور الثاني لقت رائد ينتظرها في الصالة
دخلوا الغرفة ورائد قفل الباب
التفت البندري بخوف رائد
رائد :خفتي
البندري : لا عادي بس ليه قفلت الباب اول مره تسويها
رائد : لا بس اخاف أحد يشوفنا
رائد مرتبك والعرق يصب منه واقف ومحتار كيف يفتح الموضوع معها
البندري : تناظر فيه رائد شفيك وش بغيت مني
رائد راح عند الدولاب قال وش رايك وش البس بكره ثوب ولا
البندري : لا البس ثوب وشماغ اليوم الثوب عليك طالع يجنن كأنك أمير ماشاء الله
زادت شجاعة رائد ومسك البندري وجلسها على السرير وجلس هو على ركبته قدامها
رائد : يتذكر كلام مازن حرفيا البندري قد مره أحد قالك أنك حلوة
البندري : بكل غرور كثيــــــــــــر
بعدها نسى كلام مازن وبدى يتكلم البندري اسمعيني زين مسك يدها وقال أنا أدري انك تحبيني
البندري : فتحت عينها وجات تبي تتكلم انا
رائد : لا تقولين شي اسمعيني للآخر وبعدها تكلمي شد على يدها وقال البندري انا أحبك
البندري : تنهدت هذي الكلمة اللي كانت تتمنى تسمعها منه
رائد : أصبري ماكملت البندري انا قلت لك أحبك بس من غير شعور أو أي احساس , انا ابيك تعلميني الحب , تعلميني الحياة مع الحب كيف تصير , أنا أبي أعيش الحب معك أنتي وبس مابي اعيشه مع غيرك , ارجوك انا دايم أسمع الشباب في الجامعه وهنا في البيت أحب واحب ويجون يوصوفون لي شعورهم , انا انبسط لهم لكن ماقدرت اعيش الحب ماقدرت
البندري : دخلت اصابع يدها الثنيتن في شعر رائد ومسحت على شعره وقالت يابعد كل هالدنيا وأنا موافقة اعيش معك هالحب وقلبي راح يكون لك مو لغيرك
وقفت وسط الغرفة قالت تصدق وش ودي اسوي اللحين
رائد : أيش
البندري : ودي اطلع الشارع واصرخ بأعلى صوتي وأقول ياناس ياعالم أنا أحب رائد أحبه
رائد : لا واللي يسلمك لا تفضحينا
المهم رائد تعلم الحب وصار ولا قيس بزمانه وفهم كلام مازن لما قالها اعترف لها وشوف ردة فعلها ردة فعلها هي كانت لما قالت له انا موافقة اعيش معك هالحب وصار عاشق هيمان ينام ويصحى وهو يفكر في البندري صارت كل شي بحياته صار يحبها أكثر من نفسه ونسى كل كرهه للبنات معها وتغير كثير صار يسولوف مع بنات عمه وعادي ياخذ ويعطي والكل حس بالتغير هذا.
|