الفـــــــــصــــــل الســــــآدس عشـــــر..,<


منصور مارجع للبيت من امس
ووفاء خافت يكون فيه شئ بس ارتاحت لما دقت وسكر بوجهها اهم شئ انه عايش
وماترمل ولوان موته يمكن راحه لها
رمت جوالها وراحت تناظر للمرايه بغرور
وهي تتامل شكلهآ بنبساط ماهمها تجاهله لها لوتجيب النجوم ماراح تهمه
ولاعلق ع شكلها بولاحرف
فتحت دولابها وطلعت هالصندوق
كانت تناظر صوره انها وابوها واخوها وثآمر
بدت تنزل دموعها بصمت وهي تتأمل صوره ثامر
ثامر الي كان السبب بموت امها وابوها واخوها
ثامر ولد خالها ثامر كان حياتها وكل شئ بدنيتها
ليه ياثامر سويت كذا ليه بدت تبكي بحرقه قلب
ماتنسى لما
صحت على صراخ امها
يوما وليدي ولدي وش فيه احلفك بالله تقولي وش فيه
ابوها:بالمستشفى
ام وفآء:ابي اشوفه ولدي موبخير قلبي يقولي من الصبح
ابي ولدي ودني اللحين له
وفاء جت تركض يوما وش فيه
غزل:ثامر ولد خالي متهاوش مع اخوك وطاعنه
وفآء:وصار له شئ
غزل:مادري بالمستشفى بالعنايه وثامر بالسجن
وفآء:جلست على الكنبه من الصدمه
غزل:يوما بروح معك بشوف اخوي بطمن عليه
امهآ:لاانا بروح مع ابوك خلك عند اختك
وفآء قامت تبكي وغزل تحاول تهديها
بعد ساعتين ثلاثه
وفآء:غزل موكأنهم تاخروو من الساعه 3 طالعين واللحين الساعه قربت تصير 7
غزل:وش اسوي انا ابوي مقفل جواله الله يستر بس
وفاء :يمكن طافي شحن
غزل:الله يستر انا بروح اصلي المغرب وانتي امشئ صلي
وفاء:طيب
مرت الساعه 9 بالليل واللحين ماجاهم اي خبر
يحاولو يدقون على ابوهم وجواله للحين مقفل
غزل :بدق على عمي ابو جابر يشوف وش صار معهم
وفآء:اي دقي عندك رقمه
غزل:اي عندي
وفآء:وش صار
غزل:هذي ثالث مره ادق ومايرد الله يستر
وفآء:اخاف صار له شئ
غزل:تعودي من بليس فال الله ولافالك
لاان شاء الله موصاير لهم شئ
دق الباب وركضت وفاء تفتح الباب
جوو خوالها كلهم للبيت وشكالهم ماطمن احد باي خير
غزل:هلا خالي وتسلم على خوالها
وهي تنتظر يقولون شئ
بس ماكان فيه اي تعبير منهم
وفاء:خالي محمد من الصبح ندق على ابوي مقفل جواله
خالها ابو ثامر:عظم الله اجركم
غزل:اخوي مات
ابو ثامر:هذي قسمه الله ابوك وامك الله يرحمهم
غزل اغمى عليها من الصدمه
ووفاء متجمده بمكانها وبكل برود:خالي يعني وشلون
ضمها خالها خالد وبداء يقراء عليها
ويقول هذي الي الله قاسمه وادعي لهم بالرحمه
سووء حادث وهم بالطريق ابوك كان مسرع والله قدر لهم
الموت
الكل مبتشل بغزل ويحاول يصحيها
ووفاء تسمع حكي خالها خالد وهي مومعه ابدا
دخل عمها جابر ومعاه جابر ومنصور والشر بعيونهم
ابو جابر:اطلعو برا
والبيت يتعذركم ذبحتو اختي وولدها جاين تكملون على بناتها
خالد خال وفاء وغزل:تعوذ من بليس يابو جابر
ابو جابر:برا والبيت يتعذركم
وحقنا ودم ولدنا ماحنا تاركينه وبرا
وفاء:دم ولدنا مين<بكل برود تحكي وهدوء وهي مومستوعبه اي شئ
طلعو خوالها من البيت معصبين
وفعلا هذي كانت اخر مره تشوف خوالها فيها
من بعد ماخذو حق اخوها واذبحو ثامر حقهم بالقصاص
ماكانت تقدر تفتح فمها باي كلمه
وهي تشوف الحقد بيعون عمها والاده واختها غزل
غزل ماقالت لها متى موعد قصاصه
بس عرفت من الذبايح الي سواها عمها وكانه عرس موقصاص
وهي انهارت
كيف مامنعتهم يذبحونه ليه ماترجتهم
ليه مابست رجول عمي عشان يسامحه كانت تبكي بحرقه وبخوف
ماتدري ليه خايفه
يعين ثامر راح حبيبي راح
الي كان بيتزوجني واحلامي كلها عليه راح وانا مانعتهم مامنعتهم يذبحونه
ليه ماتكلمت ليه ماقلت لهم حرمتوني من ابوي واخوي وامي
اتركولي حبيبي
راحت لغزل منهاره
غزل غزل
غزل كانت نايمه وصحت مفزوعه ع صوت بكاء اختها
غزل:وش فيك
وفاء:ليه ذبحتوه ليه ماقلتي لاتذبحوه
غزل:حقنا واخذناه والشرع معنا
وفاء:ليه غزل ليه.؟
غزل حست ان اختها فيها شئ :وفاء وش فيك
وفاء منهاره:ليه حرمتوني منه ليييييييييه
غزل ضمت اختها وتحاول تهديها
غزل:ثامر هو الي يتمنا
بس ثامر ذبحه ذبح اخوي
لولاثامر مامات ابوي ولاماتت امي ولااخوي
المفرووض تفرحين لانا اخذنا حقنا المفرووض تنبسطين
موتبكين
هذا حقنا واخذناه وخلاص
غزل:وبعدين لاتنسين منصوور يبيك ويحبك
وفآء:بس انا مااحبه
غزل:بالعكس هو يحبك موت واحسن من ثامر مليون مره
والي صار موبيدي ولابيدك الكلمه الاولى والاخيره بيد عمي
تعوذي من بليس وانسى
وقبل لاتفكرين بثامر فكري بأمي وابوي واخوي هم الي ذبحو اهلنا
وصرنا ايتام بسبته
هوالي حرمنا من ابونا وامنا
هوالي خرب حياتنا
يستاهل اكثر من المووت لازم ننبسط انه مات واخذنا حقنا منه
شالت الصور بالصندوق بعد ماسمعت صوته دخل الشقه وصك الباب
منصور:السلام
وفاء:وعليكم
منصور:جهزي اغراضنا بننتقل لبيت جديد
وفاء<بصدمه<:نعم
منصور:صمخه انتي ماتسمعين يامال الصمخ
بتروحين بيت جديد ياماما بيصر لك بيت جديد سمعتي فهمتي
وفآء سكتت وطنشته تدري معصب



*************************************


شجون سكرت التلفون من بعد ماتطمنت على مي(جراح) وتاكدت انها بخير والاهم ريحت قلبها مي محتاجه
لها هالفتره ولازم تكون معها وجمبها
اسمعت صوت ابوها جآء وراحت تستقبله
ببتسامه راسمتها على وجهها
شجون:الحمدلله ع السلامه بابا
ابو شجون:الله يسلمك يابوي
وهذي مرت ابوك سلمي عليهاا
شجون:ياهلا بمرت ابوي
وراحت تسلم عليها وتبوسها باقوى شئ بغت تخنقها من الضمه
كاسره خاطرها زوجه ابوها ماتدري ان هذي اكبر مصيبه الله بلاها
فيها انها طاحت بابو شجون
كانت مبين صغيره ومايتعدى عمرها الـ 15 او16
ابو شجون:هذي خالتك
شجون:خالتي ولابنتي
ابو شجون:قلتي شئ
شجون :سلامتك بابا
الاشسمها
هي:زينه
شجون:وانا نحول خخخخ
زينه:هلا
شجون:ابد سلامتك اقوول عاشت الاسامي زينه
ابوشجون:يلا حنا تعبانين وبنطلع نرتاح
شجون:لاوووووين بابا مجهزين العشاء وجالسين ننظرك ماتعشيت
ابوشجون:طيب جاهزي العشاء بسرعه
شجون:كل شئ جاهز بابا
تفضلو
جلسو على طاوله الطعام وشجون تناظر زينه بحقد
وتحرك الشوكه بعصبيه بالصحن وودها تغرزها بصدر زينه
اجل بزر تأخذ مكان امهآ
بس ماراح تطولي يازينه بهالبيت وعد