الفصــــــــــل الخـــــــامــــس




واخيرا خلصت من لبسها وكشختها خلصت علبه العطر هي تعطر منهاا ناظرت شكلها لآخر مره بالمرايه وعطت نفسها بوسه وطلعت من الغرفه
قلبها صاير طبول وبطنها من الخوف والارتباك يعورها
تدعي بنفسها امها ماتشوفها وماصدقت على الله طلعت براء البيت وكان السايق واقف ينتظرها وفتح لها الباب
شهد:روح على بيت صاحبتي وعد
السايق:حاضر ماما
شهد:وجعه ان شاء الله وش ماما
السايق:طيب شهد
شهد:يالغبي انــ(قطع كلامها صوت جوالها
شهد:هلاحبيبي
فهد:وينك لايكون موجايه
شهد:وانا اقدر ماأجي اللحين بالطريق بس زحمه
فهد:طيب حبيبتي لاتطولين علي مافيني صبر ابي اشوفك
شهد:ان شاء الله حبيبي باي

وصلت لبيت صاحبتها وعد ونزلت تسلم على وعد وتأخذ رايها بشكلها وبعدها بيمر فهد ويأخذها
دخلت البيت وسلمت على وعد الي كانت تنتظرها بالصاله
شهد:اخبار وعد
وعد:ههههههه انا بخير بس انتي الي حالتك صعبه
شهد:ليه لايكون موحلوه
وعد:ههههههه الاحلوه بس الي يشوفك على هالارتباك ورجفه يدك يقول ابد هذي اليوم زواجها
شهد:الله يسمع منك ويقرب يوم زواجي
بس ماقلتي لي حلوه ولالا
وعد:تجننين كأنك البخت
شهد:وجالسه تعدل طيب مكياجي ثقيل ولاعادي
وعد:لالاعادي يجنن ويهبل ماعليك خلك واثقه من نفسك
دق جوال شهد
شهد:هلاحبيبي طيب اللحين جايه
شهد:يالله هذا فهد ينتظرني
وعد:بتأخرين
شهد:لالاكلها نص ساعه ولاساعه واجي
وعد:ديري بالك على حالك طيب
شهد:طيب طيب يالله باي




*********************


عبير وصلت حدها من اماني لارسلت ولادقت
ومعصبه حيل دقت على شجون وجوالها مقفل
عبير غريبه عزوز مقفل جواله هالحزه رمت جوالها بعصبيه وسحبت سيجاره وقامت دخن تهدئ اعصابها وتروقها شوي
تاظرت صوره ليـــــنا سبحان الي خلقك وخلقها يااماني
طقت الباب ماري بيل :عبير
عبير:وش تبين
ماري بيل:بدياك افتحي الباب
عبير:مالي خلقك قولي وش عندك اخلصي
ماري بيل:لك افتحي الباب
عبير فتحت الباب:خير انسه ماري وش تبين
ماري بيل:ليكي عبير بعد شوي بدا تجي رفيقتي لهون
عبير:وش اسويلها يعني انزل استقبلها
ماري بيل:لك شوبكي انتي
عبير:اخلصي والمطلوب يعني
ماري بيل:رفيقتي جايه لتوشم لي فقلت بخبرك يمكن بدك توشمي معي
عبير:بربك
ماري بيل:وحياتك وهلابتجي وانا بدي اعمل وشم على كتفي بدي رسمه عين مثل وشم هيفاء وهبي بيطير العقل منشان العين وبدي اعمل شاميه فوق شفايفي
شورايك؟
عبير:اي اي حلو
بس صديقتك شغلها عدل ولالا
ماري بيل:لاكان لك هي بتشتغل باكبر صالون ببيروت بس جايه هون زياره لابيها
عبير:طيب انا بروح اخذ شور ولاجت عطيني خبر
ماري بيل:حاضر




***************************


خارج اسوار هذا البيت وخلف سور بيت كبير
ليس كبير بحجمه بل بعدد ماسكنه وعدد مشاكلهم وكبر همومهم
واختلاف قصصهم

ببيت ابو جــــــــابر

بجناح غزل وجابر
غزل كانت تشرف على الخدم وهم يشيلون اغراضها وبتنتقل للبيت الجديد وهي مقهوره وواصله حدها ماكانت تبي لابيت ولافلوس
كانت تبي زوجها لها هي وبس
جابر من امس يتصل ويرسل مسجات بس غزل ماردت عليه
دق على اختها وفاء وطلب منها تعطي الجوال غزل بس غزل رفضت انها تكلمه وحتى رفضت انه يكلم بناته وقالت لوفاء تقوله انهم نايمات



رجعت وفاء لجناحها كانت لابسه بيجامه سوداء وسيعه ولامه شعرها وبكل برود راحت لثلاجه تأكل
اخذت لها ترته وبيبسي وراحت لغرفتها
ارتاحت لمامالقته مالها خلقه ولاخلق حكيه الي يجيب السم
افتحت دولابها وطلعت الصندوق هالصندوق فيه بلاوي وبلاوي
طلعت الصوره وجلست تأمل فيها هالصوره هي سبب تعاستها هي الي قلبت حياتها 180 درجه هي الي دخلت عليها وسلبتها فرحتها
وعطتها الهم والحزن بسب هالصوره
سمعت صوت الباب انفتح وخبت بسرعه الصوره قبل لامنصور يشوفها
دخل وهو معصب وواصل حده
منصور:وفــــــــــاء
وفــــــــــــــــاء
وفاء(كانت تسمعه بس مالها خلقه)
منصور:وفـــــــــــــــــــاء
وفاء:وش تبي
منصور(يناظرها من فوق لتحت شغالتهم احسن منها)
وفاء:وش فيك تناظر كذا
منصور:معجب بزوجتي وجمالها وأنقتها
وفاء:تطنز حضرتك
منصور:زين انك عارفه اني اتطنز
وفاء:ماأخذت رايك بشكلي اخلص وش تبي ليه مناديني
منصور:جوعان ابي اكل
وفاء:روح قل لشغالات يسوون لك
منصور:نـــــــــعم
وش قلتي حضرتك
اقول انقلعي قدامي سوي لي شي كله
وفاء:تأكله سم ان شاء الله
منصور:قلتي شي
وفاء:وش تبي تبلع
منصور:انتي ماعندك اسلوب وش الفاظك هذي الشغالات حكيهم احسن من حكيك
وفاء:مالك دخل بأسلوبي اللحين قلي وش بتأكل
منصور:مابي سديتي نفسي الله يسد نفسك ان شاء الله
وطلع وصك الباب بأقوى ماعنده
وفاء انقهرت منه وراحت تكمل اكلها وتحط حرتها بالأكل





************************



خارج الرياض والسعوديه
بالهنــــــــــــــد

خلصت اكلها وعسلت راحت افتح البلكونه الي بالصاله تناظر بالناس والفندق سمعت صوته جاء كان نفسها تتخبى بس وين
جابر:السلام عليكم
ملاك:,,,
جابر:السلام عليكم ترا رد السلام واجب
ملاك:وعليكم وراحت للغرفه
جابر:ملاك
ملاك:نعم
جابر:تجهزي اللبسي نبي نطلع نتمشى
ملاك:لامابي
جابر:بنروح نتمشى ونتعشى ونرجع ماراح نطول شوي ونرجع
يالله روحي غيري لبسك
ملاك:طيب
جابر:آآآآآآآآه تنهد ورمى نفسه على القنفه غمض عيونه وسرح بعالمه هالبنت مدلله حيل وماله خلق دلالها ومبزرتها
الله يسامحك يابوي بس
ياترى وش وراك ياغزل الله يعيني وصبرني على مابلاني
ملاك:خلصت(كانت لابسه فستان وردي يدينه طويله ووسيع وقصير تحت الركب بشوي)
جابر:يخزها من فوق لتحت كذا بتطلعين بلبسك هذا
ملاك:ليه موحلو
جابر:الايجنن يالله امشي(ماكان يبي يسبب مشكله من اول مره
بمان الوقت كان متأخر فاحب انه يوديها لمجمع وتسوق مع انه يكره السوق بس الهند مايحلى يتمشون فيها وبغاباتها
وتاج محل ويركبو الفيل الا بالنهار
دق جواله
جابر:هلاوالله
تمام انت كيفك
ههههههههههه لالا لاتخاف والله مدري
طيب منصور يصير خير
مع السلامه
فز قلبها على ذكر اسمه بس غرقت دموعها غصب حاولت تصد وتمسح دموعها ماتبيه يشوف دموعها
وبدت تذكر بعد ماشافت انه بنفس الفندق الي كانت فيه و بالسويت الي جمبها ماتت من القهر كانت تكرهه حاولت تغير السويت بس الفندق زحمه وها افضل فندق بمصر
وكان عاجبها كانت تكرهه
كان طول الوقت بوجهها كل ماتنزل تفطر ولاتغدى بالمطعم لقيته قدامه ولاوراها(ماكانت تدري ان منصور دافع لموظف الاستقبال ويقوله كل طلعاتها ونزلاتها
واذا تغدت اوافطرت يوصل منصور الخبر ويصحى من نومها بس عشانها اعجبته هي اول بنت بحياته تزفه وتهاوشه عجبه اسلوبها مع انه كان دفش حيل)
كانت ملاك طالعه مع صاحبتها وسن وفاطمه
وصاحباتها كل وحده معها اهلها بس ملاك لوحدها
وتعرف منصور على اهل وسن وفاطمه بحكم انهم السعوديين الي كانو بالفندق وبجمب سويته ودايم يلتقي معهم على الفطور
والغداء والعشاء وقدر يكون معهم علاقه
وصار يعزمهم برا الفندق ويطلعون يتمشون مع بعض وملاك واصله حدها منه بس بعد ماشافت اسلوبه وتعامله معهم
حست انها غلطانه واعتذرت له
كانو بمزرعه ابو منصور وكان منصور جالس يشوي
ملاك:منصور
منصور:نعــم
ملاك:ممكن شوي
منصور:لاموفاضي ماتشوفيني جالسه اشوي
ملاك:خل احد يكمله عنك ابيك شوي
منصور:عمي محمد تعال شف هذا
منصور:نعم
ملاك:انا انا آآآسفه
منصور(انصدم انها اعتذرت له)ليه تعتذرين
ملاك:انا آآسفه علي حصل ذيك المره
منصور(ومسوي نفسه ثقيل ومومهتم):حصل خير
هذي كانت البدايه ومن يومها صارت تحكي معه عادي وكانو يطلعون ويتمشون كلهم مع بعض ملاك ومنصور وصاحبات ملاك واخواتهم
وقربت منه اكثر واكثر طلب رقمها بس هي رفضت (كانت تحاول تحط حدود للعلاقه بينهم بس ماصحت الامــتأخر لان قلبها خلاص صار ملكه)
ودعته بالمطار وتمنت يقول لها عطيني رقمك بس خيب ظنها وماطلبه
رجعت ملاك لشرقيه ووصلت بالسلامه
بس قلبها مو معها راح واخذ قلبها معه اندمت قد شعر راسها انها مأخذت رقمه
بعد اسبوع من رجوعها لشرقيه
ودقت على صاحبتها وسن
ملاك:السلام
وسن:هلاوالله
ملاك:كيف وسون
وسن:تمام
بس وش فيه صوتك
ملاك:وسن طلبتك
وسن:افاعليك تأمرين امر
ملاك:ابي رقم منصور
وسن :اي منصور
ملاك:منصور السعودي الي كان معنا بمصر مسرع نسيتيه
وسن:اهاا لالامانسيته بس وش تبين فيه موانتي الي رفضتي تعطينه رقمك
ملاك:يوووه منك بتجيبنه لي ولاكيف
وسن:طيب من عيوني بدوره لك
ملاك:يعني بتجيبينه
وسن:ادوره
ملاك:يعني يا ايه اولا قولي لي من اللحين
وسن :اوك خلاص بجيبه
ملاك:اعتمدعليك
وسن:اي
ملاك:امووووووووواه فديتك بس لاتأخرين علي
وسن:يصير خير ان شاء اللع
ملاك:يالله باي
وسن:باي
جابر:مــــــــــــــلاك مـــــــــــــلاك
ملاك:هلا
جابر:وش فيك صارلي ساعه اناديك
ملاك:لامافيني شي بس تعبانه وابي ارجع للفندق





*****************************




الســـــــاعه 4 الفجر
لمياء:حبيبي حبيبي يالله قووم
شجون(عزوز):وش فيك(طبعا لمياء قضت امس كله مع شجون)
لمياء:انا بمشي اللحين
شجون:ليه الساعه كم
لمياء:الساعه 4
شجون:وين بتروحين هالحزه
لمياء:لازم اروح لبيتي اخوجاي ولازم اروح اللحين
شجون:طيب حبيبي لاوصلتي دقي علي طمنيني
لمياء:طيب من عيوني بس لاتنسى جوالي بيفصلونه سدده لي
شجون:تآآآآآآمرين آآآمر
راحت شجون(عزوز)وتغسل
اليوم ماينفع تداوم رقبتها كلها آآثر وطبعات احسن اصلاا مالي خلق المدرسه وحوستها
افتحت جوالها قفلته من امس وهي مع لمياء تبي تنسى الدنيا كلها
لقت 9موجود من مي (جراح)فز قلبها غصب وخافت يكون بجراح شي
دقت مره وثنين مافيه رد
شوي الادقت مي
شجون:هلاجراح
مي:عزيز انت وينيك ياخي من امس جوالك مقفل
شجون:لابس كنت نايم
مي:علينــــــــا من كان معك اخلص
شجون:ههههههههههههه معي مخدتي وفراشي
مي:مشكلتي ماأقدر اصدقك
شجون:الاشخبارك انت
مي:ياخوك امس ادق على ريا وجوالها مقفل اخاف صاير لها شي
شجون:لامافيها شي اصلا تستاهل الي انت سويته واكثر بعد
الشغاله :شجون بابا يبي انتي
شجون:هه ابوي يبيني
الشغاله:يس
شجون:هومتى جاء من السفر
الشغاله:مافيه معلوم
شجون:شاف لمياء
الشغاله :مافيه معلوم
شجون:جراحوه باي ابوي يبيني مدري وش يبي
شجون طارت تغير لبسها ودور شال تلفه على ارقبتها صارلها شهرين اواكثر موشايفه ابوها
غريبه اول مره ابوها يناديها








من الي وصل لمياء لبيت شجون(عزوز)..؟؟
ووش قصه لمياء..؟؟
ومعقوله تخون شجون(عزوز)ولايعقل انها تحبه اصلاا..؟؟
لجين وش قصتها ومن الي سواء فيها كذا مادام زوجها موعارف..؟؟
وليه خايفه على اولادها كذا..؟؟
ومن الي ذبح ولدها...؟
ومن الي يهددها..؟؟
اماني وعبير ياترى بيكملون..؟؟
ومعقوله اماني بيجي يوم وتحب عبير..؟؟
ملاك وجابر لمتى هذي حالتهم..؟؟
شجون(عزوز) ليه قالت لـ مي(جراح)هالحكي..؟
وليه ماتبيها ترجع لريا..؟؟
وفاء وش الصور الي معها وخافت ان منصور يشوفها..؟؟
اماني والرقم(سعود)هل بينتهي بأعتذارها اوان الاعتذار هوبدايه القصه؟
شهد وفهد وش قصتهم ..؟؟
وهل فهد هو العاشق الولهان فعلا اوانه ذئب من الذئاب البشريه ويرتدي رداء العشق..؟؟
وش الي غير فهد ياترى ....وكيف تغير..؟؟
غزل لمتى بتبقى على هالحاله وماراح ترد على جابر ووش تفكر فيه ياترى اوان سكوتها هوعلامه الرضاء..؟
ابوشجون وش يبي فيها ياترى...؟؟وليش مناديها..؟؟