الدمعه اللي بعثرت لحظة البوح
هدت معالم فرحتي .. حلم عمري

أهرب من اللوعات ..يلقاني النوح
وارجع لدمع البوح والقاه جمري

من وين ماوجهت ؟ ومنين ماروح
تجفاني الوجهات وأحتار بأمري

أقضى نهاري صمت والصوت مبحوح
والليل قضيته على ضو سمري

الى متى ياغربة العمر والروح
لون الامل مابين داكن وخمري

ماعاد فيني قلب يتحمل جروح
لازالت جروحي من أيديك حمري

يامجدد آهاتي من القلب مسموح
الله يبيحك ياسبب كل دمري

تحكي الدموع وتنخرس لحظة البوح
يالعبره اللي حطمت حلم عمري