( الجزء الثاني من موضوع مجرد بعثرة )
يقروني الناس و يطيرون باحزاني
و انا لي الله يطيّر حزنهم عيني
!! حتى عدوي يجي بالدس يقراني
!! و يطيح دمعه على دمعي و يبْكيني
!وشفيهم اهل التراب اتنكروا منـّه ؟
!! ما كن هذا التراب فيوم سواهم
.. عَلـّوا عليه القصور و يحسبون انه
!! واطي .. و هم قبل لا يُوطونهْ عَلاّهم
لا الحب بالذل و لا الإحسان بالمِنـّه
و كل الخلايق عبيد .. اكرمهم اتقاهم
..و ابوي أبسط عبااااااد الله .. لكنه
!! اغناهم بعز نفسه .. قـَدْر و اغلاهم
: قِل سقى الله زمان أصحابنا يوم قيل
وش حصل ؟! قول ما يستحمل الوضع شرْْح
.. كان زايد غلاهم .. يوم كانوا قليل
!! و اكثروا بس ما زاد الغلا غير طرْح
!.. حسبي الله عليهم .. علّـمونا نشيل
!!.. كانوا أحباب فرْح و صاروا اسباب جرْح
نوبة زعل ..
مجتاحه الدنيا حوالينك .. و لا تدري تراضي من ؟! و لا تاخذ بخاطر من ؟؟ كثار و كلّهم صاير زعول و شايل ابقلبه عليك أكثر من اللي تقدر اتشيله كتوفك و انت .. ماكنـّك مكفّيك الوجع قاعد .. تشيل اهمومهم كنّك وكيل الله على خلقه ؟! تبي كل البشر ترضىّّ ؟! تبي كل اللي اتحبهم قراب أقرب من ادموعك و هم لو صارت ادموعك جمر ما حسوا ابهمّك .. يـ أبيض وش خذيت امن النوايا الطيّبه غير السواد و كسرة الخاطر ؟! يـ طيّب بسّك ..الطيبة إثم في وقتنا الحاضر .. رضوا و الا عساهم للزعل يا عل ما يرضون .. إذا ما منت شاري لا نويت تبيعهم بتمون !!
شف عندك العالم به اصناف البنات بلا عدد
من فيهم اللي عقلها سيد العقول الكيّسه ؟
من فيهم اللي رمشها توقف له الأرض إن قعد ؟
بنتٍ على شعب البنات بقلبها متريّسه
(من فيهم اللي حَكـْيَها ( قبْل ) و حَكِي العالم ( بعد
بيدينها ( سحر البيان ) تروّضه و تسيّسه ؟
يا سيّدي وفر على نفسك و لا تنشد أحد
من غيرها ( فتونه ) .. البنت التي كويسه ؟
مو كل من يضحك بوجه البشر .. حي
بعض البشر تضحك و بعيونها الموت
و مو كل ساكت ما على خاطره شي
!! و مو كل صرخات الحناجر لها صوت
أحيان من كثر الحكي تسكت و ما قلت الحكي
تتزاحم براسك طوابير الجُـمَـل و تصدها
و أحيان من كثر الدمع ما عاد يمديك البَـكي
كل ماتخونك دمعتك تشهق بها و تـردها
و أحيان من كثر القهر تعجز لربك تشتكي
شايف خُـطى أقدامك و كل اللي بيدّك ضدها
هذا زمن ما يشفع لـ( حلم ) الذكيِّ إنـّه ذكي
!! يا كاسر ذراع الظروف .. أو يا مقـبّـل يدّها
لا الحزن راحل و لا الفرحه بتستـنـّى
و لا الهم ذابل و لا الأعمار بتـْهََـوِّد
و لا الجرح طايب و لا بالك بيتهنى
و لا الشوق ذايب و لا غايبْك بيعوّد
عوّد خفوقك ليا مِنـْهْ انكسر .. غنّى
!! ما يكسر الهم ظهر انسان متعوّد
وعدني ما يطيح الا بعد ما انهد انا و آطيح
!! و أنا اعطيته وعد ما آطيح إلين آشوفه يعاني
... يلمّح لي بزلاتي و أصرّح لها بها تصريح
و أقول ان ما عجبْـك الوضع .. دق راسك بجدراني
أحاكي فحضرته غيره .. و أشرّع غيرته للريح
و كل ما شافني صد و قصد غيري و خلاني
!! أعَـرْف إنه حزين و لو يغالطني و يقول : منيح
أنا غصبن عن دموعي ( منيحه ) لا ايتـحدانــي
كأن اللي مضى غلطة ( غلا ) ما تقبل التصحيح
كأن اللي زرع حبه بقلبي .. كسّـر أغصاني
حسافه صرت انا وياه .. نتسابق على التجريح
!! هدف كل واحدٍ منا يفوز و يجرح الثاني
احساسي الليلة غريب
شكله غريب
!! ط ع م هـ .. غريب
به شي ما يشبه لشي
... له ألف لون و لون زي
زي الحنين اللي يولِّدْه السهر
زي السكوت اللي يموتنا قهر
زي انتظار اللي مغرّب له شهر
!! و ابطى سنه .. جرّت بطى 100 سنه
زي اغتراب القلب في حضرة هله
زي ميّت بطعنة يدين الصد .. له
.. زي ذايب امن الشوق كل ما يسأله
قلبه .. شكت عينه و شوقه جننه
وربي اللي مفصّل لي غلا قلبك على قدي
زعلت و ما قدرت أجبر زعل قلبي على الصّده
بعدت و قلت يستاهل .. ثلاث ايام .. و تردي
!! و شفني بليلة الزعله أدور عذر .. للرده
لك مده وْ حالِك مَهُو حالِك
! متغيّره؟! و الا تهيالك ؟
لونِك فتور .. و ضحكِتِك سمْرا
طعمِك غياب و مشغلة بالك ؟
.. ما كِنِّـك الا الدمع وعيونِك
// هيبة مَلِك في قصر متهالك
طيحة قويِّ // امكابرة عاشق
!! ساجد تحت دقات خلخالك
اللي قلبه مو بقد الحب .. لا يلعبّه
و اللي صبره مو بقد الشوق لا يتغلى
و اللي ما جرّب هوان الحب لا ينشب به
لا حياته لعبه .. و لا قلبه بيتسلى
!! و غلاتك ما تغير شي
أنا نفس الجنون اللي .. طفى نبضه و قلبه حي
عقلت شوي ..؟
هديت شوي ..؟
ذبلت شوي ..؟
طفيت شوي ..؟
طبيعي .. يمكن لـ أني
!! ك ب ر ت .. شوي ؟؟
... صباحك حب يايمه يغني
صباحك بالرضا فاحت عطوره
صحى ينشد دموع الليل عني
و صحيت أنشد دفا شمسه و نوره
إذا نيل المطالب بالتمنى
مناي أحضن دفا صدرك و أزوره
محدن يعَرْفـَـهْ قدي
لا تسألوا به جاهل
قلبه عجينة يَـدّي
و الأمر مو بالساهل
.. لا بَـدَّه .. و لا بَـدِّي
جارحني .. و يستاهل
!! خبري به يوم الطقاق يسبّـني
!ما رفع إيده ؟! على شاني .. مَرَهْ ؟
كل ما أغلي .. بروده شبــّـني
!! قال إييييش : العفو عند المقدره
.. البلى إنه ( ثور ) يومه حبـّـني
( نعنبوه إن كان شايفني ( ابقره
شف لي من امس و ما نطقت بكلمه
و لا جبت مع نفسي لذكره طاري
.. يا ليلي لو سِهْرك حبيبي عَلـْـمَه
! ما بعته مفارق .. ببيعه شاري ؟
خذ له قراطيس القصيد و سلْـمَـه
كلمة عتب ضاقت بصدر اشعاري
.... اللللللله وكيله ماني بـ متكلمه
و الله حسيبه .. وحده اللي داري
مغبونه
ومخنوقه
و متألمه
احزانه احزاني .. و ناره ناري
و قد لي من امس و ما نطقت بكلمه
!! و لا جبت مع قلبي ..لقلبه .. طاري
ليت الأمر بيدي و أسيّرها على ما تشتهي
.. ليت الشقا لا قلت له .. بسّك .. يطيع و ينتهي
!! مخنوق أحسّك حييييييل
حزنك كبر هالليل
ليت الأمر بيدي
واللللللهِ يا سِـيدي
لـ ارمي وراي سلومهم.
.. و آشيل همّّك شيل
بس البلى ..؟؟
.. كل من عليه حقوق
و كل من له احقوقه
و مو وحدك المخنوق
حتى .. آآآنا .. م خ ن و ق ـه
أصبح على خير ؟! وين الخير يا غالي ؟
!! الخير قربك و غيره ماهو بـ خيره
الصبح دونك كئيب و مظلم و خالي
كنه يعاند ظلام الليل و يثيره
لا طيره يطير .. و لا فيروزه تلالي
و لا شمسه اصلاً بها خلْق ٍ له تنيره
كني على كثر زحمتهم به لحالي
!! صبحي بديره و صبح العالم بديره
يا هلي لو مرّكم راعي الغلا
خبروا قلبه تراني مبعده
.. لا يدورني و لا ينشد و لا
يحتري يا جعل ربي يسعده
.. و أمِّـنوه إن جا يودعكم على
روحه .. و يوم التلاقي موعده
قل يااا صبر أيوب
: للي ذبحه الصبْـر
لو جد ناوي يتوب
!! لا ايردّه الا القبْـر
قله مدام انه عَزم
صد و على قلبه حَزم
يبْ يهزمه لو ما التزم
............. ليل الوله
و يذوووووووووووب
!! رحْ يا صبر أيوب
!وش اللي يذبح الرجّال غير الفقر و الحاجه ؟
!و غير الشوق لو حدّه زمانه يبعد و يشتاق ؟
.. لك الله .. راحل بقلبٍ كسير و يد محتاجه
!و تنشدني عن همومه ؟
!! فقير و مبعد و مشتاااااااااااااااااااااق
!بردان يا دافي ؟
!!حتى الدفا بردان
خلي الضحك غافي
دام البكا سهران
المشكله مو في الدفا
لا ضيعه قل الوفا
المشكله .. في هالزمن
!! صعبه تعيش انسان
كافره بالوصل يا شرع الغوى
!! كافره و الكفر ما بعده ذنوب
لو تمام الوصل من أصل الهوى
!! بعشق بكفري و لا ودي أتوب
يلعن ابو شوقي اذا جابني الشوق
و يلعن ابو صبري اذا آهان قدري
... مانيب انا اللي أفرض احساسي ..الذوق
يفرض علي آصون شوقي بصدري
يا سيّـدي .. و بعض الغلا يرفعك فوق
و بعض الغلا يرخص بك و قبل تدري
تلقاك لا عاشق و لا كنت معشوق
.... إن صحت : آآآآآآآآآآآآسف
!! ردد العمر : ب د ر ي
( ملاحظة : الموضوع متجدد باستمرار )
|