أحرقتني بالشوق حتى الإباده
وكم بي طفيت شموع من غير ترجيح

كنت احسبك للقلب معنى السعاده
شفتك سقيت الروح صد وتجاريح

شلي حصل وازريت عطني الإفاده
تعبت ادور لك بالاعذار تصحيح

صدق المشاعر فيك سير مداده
عجز يداري في الحنايا وانا ابيح

ان قلت ابنسى زاد جرحي وكاده
وان قلت احبك بان في القلب تصريح

يرضيك تعذيبين ودك زياده
ودك تشوف بخافقي كل تبريح

ظلمت قلب بان صدق ووداده
كتب غلاك احساس مثل المصابيح

هذي نهاية قلب عاش بعناده
قلب تقاذف بين الامواج والريح

مدري شجرى للقلب أتعب جواده
يركض ورا ظل فقد كل تلميح

ان كان صدك بالأكيد اعتماده
أغلق انا ابواب الهوى بالمفاتيح

واطفي شموع القلب أعلن حداده
وانهي بصرح الحب قصه وتوضيح